أهم مستلزمات البلاي ستيشن والإكس بوكس على ياقوطة
كتب: خالد عاصم
منصات الألعاب المختلفة زي البلاي ستيشن والإكس بوكس بتقدر تقدم أفضل تجربة ألعاب ممكنة أكتر من أي حاجة تانية حتى أجهزة الكمبيوتر الموجهة للألعاب، وده اللي بيخلي شعبيتها كبيرة جدًا وسط ملايين المستخدمين من مختلف الفئات العمرية، بس المنصات دي عشان تقدر تطلع كامل طاقتها لازم تدعمها بمستلزماتها اللي بتقدر تكمل تجربة اللعبة وتخليها أغنى، وعشان كده هنتكلم عن أبرز مستلزمات البلاي ستيشن والإكس بوكس المتوفرة على ياقوطة.
فمن خلال مقال النهارده هنتعرف على أبرز مستلزمات البلاي ستيشن والإكس بوكس المتوفرة على ياقوطة واللي بتقدر تكمل تجربة استخدام أشهر منصات الألعاب وأكترها تميز، ولو عجبكم أي منتج من اللي هنتكلم عنهم في المقال ده هتقدروا تطلبوها من خلالنا في ياقوطة وهتوصلكم لحد باب البيت أو مكان ما تحبوا بأسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع
أبرز مستلزمات البلاي ستيشن والاكس بوكس
Sony PlayStation 4 Slim – 1TB
قبل ما نتعرف على أبرز مستلزمات البلاي ستيشن والاكس بوكس، خلونا الأول نتعرف على متوسط أسعار الجهازين نفسهم في السوق المصري، وهنبدأ بالبلاي ستيشن، وتحديدًا هنختار البلاي ستيشن ٤ سليم PlayStation 4 Slim كنموذج على أسعار البلاي ستيشن في مصر.
بلاي ستيشن ٤ سليم بيتميز أولًا بتصميمه المدمج اللي بيخليه بيجمع بين الشكل الأنيق من ناحية وبين عملية الاستخدام من ناحية تانية لأنك مش بياخد حيز كبير وأبعاده متوسطة، أما على مستوى الإمكانيات الداخلية فطبعًا معروف قد إيه منصات بلاي ستيشن ممتازة، وبيعتمد PS4 Slim على برويسيسور AMD Jaguar ثماني النواة المدعوم بذاكرة عشوائية سعتها ٨ جيجابايت رام، والإصدار ده ذاكرته الداخلية سعتها ١ تيرابايت، وبيتميز بمنافذ USB ٣٫١ المعروفة بسرعتها العالية جدًا ده غير طبعًا إنه بيقبل الاتصال بالإنترنت سلكيًا ولا سلكيًا وبيدعم الاتصال اللاسلكي بلوتوث.
شوف مختلف أنواع بلاي ستيشن ٤ من هنا.
Xbox One S
الجهاز المقابل لجهاز بلاي ستيشن ٤ سليم هو جهاز Xbox One S اللي بيتميز برضه بإمكانيات مشابهة تقريبًا زي البروسيسور ثماني النواة من AMD وكارت الفيجا المتطور AMD Radeon وكمان الذاكرة العشوائية اللي سعتها ٨ جيجابايت والمساحة الداخلية اللي سعتها ١ تيرابايت بسرعة ٥٤٠٠ دورة في الدقيقة، والجهاز فيه منافذ USB ٣٫١ ومنفذ للإنترنت ده غير قدرته على الاتصال اللاسلكي بالإنترنت والاتصال اللاسلكي بالبلوتوث، كل ده جوه هيكل مدمج وتصميم ممتاز جدًا.
دراع تحكم بلاي ستيشن 4
أبرز مستلزمات البلاي ستيشن هي بطبيعة الحال دراع التحكم، ولأننا دايمًا بننصح باستخدام الملحقات والمستلزمات الأصلية والمتوافقة فهنستعرض معاكم دراع التحكم الأصلي من سوني في أجهزة البلاي ستيشن ٤، دراع بلاي ستيشن ٤ دوال شوك بيتميز بعدد كبير جدًا من المميزات، زي إنه لاسلكي وبيشتغل على نطاق ومدى واسع، وكمان فيه إضاءة ليد بتتغير بتغير الحالة في اللعبة وفيه كمان مكبر صوت مدمج ده غير الميكروفون وكمان زر المشاركة السريع اللي بيتيح إمكانية بث الألعاب أو مشاركة مقاطع الفيديو من الألعاب بدوسة واحدة، الدراع بيتشحن بسهولة من خلال البلاي ستيشن نفسه أو من خلال أي شاحن متوافق معاه فيه منفذ USB.
شوف دراع التحكم في البلاي ستيشن ٤ من سوني من هنا.
دراع تحكم اكس بوكس وان
زي ما درع التحكم هو أبرز مستلزمات البلاي ستيشن فهو كمان أبرز مستلزمات الإكس بوكس، وبرضه هنتكلم ن الدراع الأصلي اللي بيقدر يقدم أفضل تجربة استخدام ممكن لمنصة الألعاب، الدراع بيتميز بمحركات اهتزاز متطورة جدًا بتقدر تقدم تجربة غمر في الألعاب استثنائية، وكمان دقة استجابته عالية جدًا بوقت تأخير ضعيف جدًا بيخلي حركتك تظهر بشكل لحظى ومباشر في اللعبة، الدراع كمان تصميمه مريح جدًا وفيه منفذ لتوصيل السماعات وفي قدره على إنه يتعرف على المستخدم ده غير إن نطاقه اللاسلكي بيوصل لأكثر من 9 متر.
شوف دراع تحكم إكس بوكس من هنا.
مجموعة نظارة PlayStation VR للواقع الافتراضي
عالم الواقع الافتراضي بقى من بين العناصر الترفيهية اللي لسا مفيش حاجة تقدر تضاهيها أو تحاكيها، فمفيش حاجة أجمل من إنك تكون عايش جوه اللعبة، وده اللي بيخلي نضارة الواقع الافتراضي PlayStation VR من بين أبرز مستلزمات البلاي ستيشن اللي هتفرق معاك جدًا لو قدرت تجيبها.
نضارة PlayStaton VR بتتوفر في أكتر من باقة، أبرزها الباقة دي اللي بتضمن النضارة والكاميرا الخاصة بيها وكمان أجهزة التحكم عن بعد Move ده بالإضافة للعبة VR World اللي بتديلك مدخل بيفهمك طبيعة ألعاب الواقع الافتراضي على بلاي ستيشن.
شوف نضارة PlayStation VR من هنا.
دراع تحكم Aim controller من سوني
دراع تحكم PlayStation VR Aim Controller لسه مش منتشر مع عدد كبير من الألعاب، بس مع الألعاب المتوافق معاها بيقدر يوفر تجربة لعب مختلفة تمامًا، الدراع على شكل بندقية آلية يعني بيديك إحساس بالغمر والتعايش مع ألعاب الواقع الافتراضي بأكبر قدر ممكن، وده اللي بيخلي تجربته ماتتنسيش خصوصًا إن سعره معقول وبييجي معاه لعبة Bravo Team المتوافقة معاه واللي بتتميز بتجربة لعب ممتازة.
شوف دراع تحكم Aim Controller من سوني من هنا.
اتعرف على كل مستلزمات ألعاب الفيديو المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.