كتب: خالد عاصم

بتتميز شركة Xiaomi وتحديدًا علامتها التجارية Redmi بأنها قدرت تنقل الفئات السعرية للموبايلات لمستوى مختلف جديد، فبقى من السهل إنك تشتري موبايل بإمكانيات فئة أعلى بسعر أقل، وده بينطبق على مختلف الفئات من أول الاقتصادية لحد الرائدة، ويعتبر موبايل Redmi 8A الاقتصادي أكبر دليل على كده، لأنه موبايل بأقل من 2000 جنيه وفي إمكانيات استثنائية زي تقنية الشحن السريع ومنفذ USB Type-C وغيرها.

من خلال المقال ده هنتكلم عن موبايل Redmi 8A الاقتصادي وهنتعرف على مواصفات الموبايل بالتفصيل وكمان عن مميزاته وعيوبه ومتوسط سعره في السوق المصري، ولو عجبكم الموبايل هتقدروا تطلبوه من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Redmi 8A

المواصفات

• أبعاد الموبايل: ٩.٤ × ٧٥.٤ × ١٥٦.٥ مم.
• وزن الموبايل: ١٨٨ جرام.
• البناء والصناعة: هيكل من البلاستيك وضهر من البلاستيك بزجاج كورنينج جوريلا جلاس لحماية الشاشة.
• حماية الموبايل: مقاومة لقطرات وزخات المياه.
• شرائح الاتصال: ثنائي الشريحة.
• شاشة الموبايل: شاشة موبايل Redmi 8A كاملة بشق قطرة المياه قطرها ٦.٢٢ بوصة ومعدلها ١٩:٩ وده بيخليها تشغل حوالي ٨١.٨ % من مساحة الموبايل الأمامية. والشاشة بتقدم دقة عرض ١٥٢٠ × ٧٢٠ بيكسل بكثافة ٢٧٠ بيكسل لكل بوصة والشاشة مصنوعة من شرائح IPS LCD ومحمية بزجاج كورنينج جوريلا جلاس الإصدار الخامس.
• أداء الموبايل: معالج كوالكوم سنابدراجون ٤٣٩ بمعمارية ١٢ نانوميتر ثماني النواة وسرعته ١.٩٥ جيجا هيرتز لأربع شرائح من Cortex-A53 وبسرعة ١.٤٥ جيجا هيرتز لأربع شرايح Cortex-A53 والمعالج مدمج بمعالج جرافيكس Adreno 505. والموبايل بيصدر بإصدار بذاكرة عشوائية سعتها ٢ جيجابايت رام وبذاكرة داخلية ٣٢ جيجابايت، وإصدار بذاكرة عشوائية سعتها ٣ جيجابايت رام بذاكرة داخلية سعتها ٣٢ جيجابايت وإصدار بذاكرة عشوائية سعتها ٤ جيجابايت رام بذاكرة داخلية سعتها ٦٤ جيجابايت، وممكن زيادة مساحة الموبايل التخزينية بكروت الذاكرة الخارجية من خلال منفذ مستقل.
• نظام التشغيل: الموبايل بيشتغل بنظام تشغيل أندرويد ٩ باي وبواجهة مستخدم MIUI 11
• الكاميرا: الموبايل الكاميرا الخلفية بتاعته بعدسة واحدة دقتها ١٢ ميجا بيكسل بفتحة f/1.8 مدعومة بتقنية التركيز التلقائي dual pixel PDAF وبتصور الفيديو بجودة 1080p بمعدل ٣٠ إطار في الثانية، أما الكاميرا الأمامية فعدستها بقوة ٨ ميجا بيكسل وفتحة مستشعر f/2.0 والكاميرا مدعومة بتقنية HDR وبتقدر تصور الفيديو بجودة 1080p بمعدل ٣٠ إطار في الثانية.
• منفذ توصيل السماعات السلكية ٣٫٥ مم: متوفر.
• منفذ الشحن ونقل البيانات: USB Type-C.
• ماسح البصمة: غير متوفر.
• المستشعرات: التسارع – التقارب – البوصلة.
• البطارية: بطارية الموبايل غير قابلة للإزالة سعتها ٥٠٠٠ مللي أمبير في الساعة وبتدعم تقنية الشحن السريع بقوة ١٨ وات.

مميزات وعيوب موبايل Redmi 8A

مميزات موبايل Redmi 8A

• تصميم الموبايل جذاب جدًا وشكله بيدي إيحاء بأنه منتمي لفئة سعرية أعلى، فالموبايل بيعتمد على تصميم شق قطرة المياه على شكل حرف V والحواف المحيطة بالشاشة مش كبيرة ما عدا الحافة السفلية اللي شوية سميكة عشان تستوعب العلامة التجارية Redmi
• رغم اعتماد الموبايل على كاميرا خلفية أحادية إلا أن تصميم الضهر كمان جذاب جدًا وراعت شاومي استخدام خطوط تصميم عصرية وفيه أناقة.
• الموبايل بيتميز بانه محمي ضد قطرات وزخات المياه.
• الشاشة كويسة جدًا من حيث القطر والكثافة ودقتها المنخفضة طبيعية جدا في الفئة دي ومتعتبرش عيب.
• الشاشة محمية بزجاج كورنينج جوريلا جلاس الإصدار الخامس.
• مستوى سطوع الشاشة مقبول جدًا.
• بيتوفر الموبايل عالميًا بمجموعة من الإصدارات اللي بتوفر تنوع كويس وكمان إصداره في مصر مقبول بالنسبة لفئته السعرية
• الموبايل بيقبل كروت الميموري من خلال منفذ مستقل مش بيأثر على استخدامك لشريحتين الاتصال
• الكاميرا الخلفية أحادية بس مقبولة جدًا وكمان بتتميز بتقنية التركيز التلقائي dual pixel PDAF وفتحة العدسة واسعة بتقدر تصور صور بجودة مقبولة جدا.
• الموبايل فيه راديو بهوائي مدمج يعني بيشتغل من غير ما تحتاج توصله سماعات.
• بيعتمد الموبايل على منفذ USB Type-C في الشحن ونقل البيانات ودي ميزة كبيرة جدًا في الفئة السعرية دي.
• بطارية الموبايل ضخمة سعتها ٥٠٠٠ ميللي أمبير في الساعة وكمان مدعومة بتقنية الشحن السريع بقوة ١٨ وات ودي كمان ميزة كبيرة لموبايل بسعر أقل من ٢٠٠٠ جنيه.

عيوب موبايل Redmi 8A

• الموبايل معمول كليًا من البلاستيك سواء على مستوى الهيكل أو الضهر.
• البروسيسور المستخدم في الموبايل ضعيف شوية وإن كان ده طبيعي في موبايل بالفئة السعرية دي بس لا يزال برضه أداءه منخفض شوية.
• الكاميرا الخلفية أحادية مفيهاش أي عدسة تانية حتى لو خاصة باستشعار عمق الصورة.
• الكاميرا الأمامية للموبايل محدودة الإمكانيات وجودتها ضعيفة لحد كبير في الإضاءة المنخفضة.
• إصدار بلوتوث في الموبايل ٤٫٢ وده إصدار قديم جدًا بالنسبة للموبايلات المتوفرة دلوقتي.
• الموبايل مفيهوش ماسح بصمة.

اتعرف على عروض أسعار موبايل Redmi 8A المتوفر على ياقوطة من هنا.

اتعرف على عروض أسعار مختلف موبايلات علامة Redmi التجارية من هنا.

اتعرف على عروض أسعار موبايلات Xiaomi المتوفرة على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.