كتب: خالد عاصم

مفيش حدث سنوي أهم من إطلاق الموبايلات الرائدة، وبالأخص حدث ابل اللي بتعلن من خلاله عن أحدث موبايلات iPhone، وعلى الرغم من إن بقالنا كذا سنة مش بنشوف أي حاجة جديدة جذرية في موبايلات ايفون المتعاقبة، إلا إننا مش بنقدر مابنتابعش الحدث ده ونهتم بيه وبتفاصيله، والنهاردة هنتكلم عن أحدث موبايلات مجموعة iPhone الجديدة، وتحديدًا iPhone 13 Pro Max الموبايل الأقوى والأغلى.

وما تنسوش إن لو الموبايل عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل iPhone 13 Pro Max

• أبعاد الموبايل: ٧٫٧ × ٧٨.١ × ١٦٠.٨ مم بوزن ٢٤٠ جرام
• البناء والصناعة: هيكل من الألومنيوم بزجاج كورنينج جوريلا جلاس على الضهر وعلى الشاشة
• حماية الموبايل: حماية ضد الغبار والغمر في المياه لحد ٦ أمتار ولمدة ٣٠ دقيقة طبقًا لمعيار IP68
• الشاشة: شاشة Super Retina XDR OLED بتصميم الشق قطرها ٦.٧ بوصة بمعدل ١٩.٥:٩ بتستحوذ على نسبة ٨٧.٤ في الميه من مساحة الموبايل الأمامية، أما دقة عرض الشاشة فتبلغ ٢٧٧٨ × ١٢٨٤ بيكسل بكثافة ٤٥٨ بيكسل لك بوصة وبتتمتع الشاشة بدعمها لتقنيات HDR10 وDolby Vision وبتدعم معدل تحديث ١٢٠ هيرتز
• المعالج المركزي: معالج Apple A15 Bionic سداسي النواة بمعمارية ٥ نانوميتر مدمج فيه معالج رسوميات Apple GPU رباعي النواة
• الإصدارات: أربع إصدارات بذاكرة عشوائية سعتها ٦ جيجابايت رام وبذاكرة داخلية سعتها إما ١٢٨ أو ٢٥٦ أو ٥١٢ أو ١ تيرابايت جيجابايت
• كروت الميموري: مش مدعومة
• الكاميرا الخلفية: ثلاثية بدقة ١٢ ميجا بيكسل وفتحة f/1.5 للعدسة الرئيسية اللي بتدعم تقنيات dual pixel PDAF وsensor-shift OIS، وبدقة ١٢ ميجا بيكسل بفتحة f/1.8 بزاوية رؤية ١٢٠ درجة للعدسة التانية بالغة العرض وبدقة ١٢ ميجا بيكسل بفتحة f/2.8 بتدعم التقريب البصري لحد تلات أضعاف ومدعومة بمثبت صورة بصري وبتقنية PDAF ده غير إن فيه مستشعر عمق TOF 3D LiDAR، وبتدعم الكاميرا الخلفية تصوير الفيديو بجودة 4K بمعدلات ٢٤/٣٠/٦٠ إطار في الثانية وجودة 1080p بمعدلات ٣٠/٦٠/١٢٠/٢٤٠ إطار في الثانية
• الكاميرا الأمامية: بدقة ١٢ ميجا بيكسل بفتحة f/2.2 ومعاها عدسة SL 3D للعمق وللتعرف على الوجه وبتدعم تصوير الفيديو بجودة 4K بمعدلات ٢٤/٢٥/٣٠/٦٠ إطار في الثانية وجودة 1080p بمعدلات ٣٠/٦٠/١٢٠ إطار في الثانية
• تقنيات صوتية: سماعات ستريو
• البطارية: سعة ٤٣٥٢ ميللي أمبير في الساعة مدعومة بتقنية الشحن السريع بقوة ٢٧ وات وتقنية الشحن اللاسلكي السريع MagSafe بقوة ١٥ وات وتقنية الشحن اللاسلكي السريع المغناطيسي بقوة ٧٫٥ وات

مزايا وعيوب موبايل iPhone 13 Pro Max

مزايا موبايل iPhone 13 Pro Max

• الموبايل بيعتمد على بناء قوي جدًا وده بفضل الهيكل المصنوع من الستانليس ستيل والضهر والشاشة اللي بيعتمدوا على طبقة حماية من زجاج كورنينج جوريلا
• الموبايل بيتمتع بحماية ضد الغبار والأقوى ضد لمياه لحد 6 متر لمد 30 دقيقة بحد أقصى طبقًا لمعيار IP68
• شاشة قوية بشكل استثنائي وعلى كل المستويات، أولًا لانها شاشة OLED محسنة ومطورة وبتدعم جودة عالية جدًا ده غير دعمها لمعدل تحديث 120 هيرتو ودعمها لتقنيات HDR10 وDolby Vision ومعدلات السطوع العالية جدًا ودعم نطاق الألوان المتعدد بنسب كبيرة جدًا
• الموبايل بيعتمد على المعالج الأقوى من ابل وواحد من أقوى المعالجات على الإطلاق في عالم الهواتف الذكية لو مكانش الأقوى بلا منازع بالنسبة لبعض الاختبارات وده كمان اللي بينطبق على معالج الرسوميات المدمج فيه
• إصدارات قوية جدًا على مستوى الذاكرة العشوائية بالمقارنة بموبايلات ايفون اللي فاتت وإن كانت الأرقام دي طبعًا صعب مقارنتها بموبايلات اندرويد
• الموبايل بيتمتع بكاميرا خلفية قوية جدًا سواء على مستوى قوة العدسات ودقتها وقوة مستشعراتها ووظائفها، او على مستوى تصوير الفيديو وهو واحد من ابرز مميزات موبايلات ايفون في المجمل
• كاميرا أمامية قوية ومعاها مستشعر متميز مخصص لوظائف متعددة منها التعرف على الوجه
• سماعات ستريو قوية
• الموبايل بيدعم تقنية NFC
• بطارية قوية سواء من حيث سعتها أو من حيث تقنية الشحن السريع اللي بتدعمها سلكي أو لاسلكي

عيوب موبايل iPhone 13 Pro Max

• منقدرش نقول إن ده عيب بس الحقيقة إن الموبايل مجاش بأي تغيير جذري مقارنة بكل الإصدارات اللي فاتت على مدار سنتين فاتوا على الأقل وبالأخص موبايلات iPhone 12
• لسه الموبايل بيعتمد على تصميم الشق العريض اللي مبقاش مميز إطلاقًا على الرغم من إن مساحته قلت في الموبايل ده إلا إنه لسا مش أفضل تصميم ممكن دلوقتي
• الموبايل بيدعم تقنية بلوتوث إصدار ٥٫٠ وده مش أحدث إصدار
• لسه ابل ملقتش بديل لماسح البصمة القديم وبتعتمد بس على تقنية التعرف على الوجه

اتعرف على عروض أسعار موبايل iPhone 13 Pro Max من هنا.

اتعرف على عروض أسعار مختلف موبايلات iPhone المتوفرة على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.