كتب: فريق العمل

مع الزيادات المستمرة في أسعار كل حاجه تقريبًا حوالينا، أصبح من المهم أننا ندور على بدائل لبعض الأكسسوارات اللي بنستعملها في حياتنا اليومية. سماعة oraimo FreePods Pro OEB-E108D تعتبر بديل مُحترم لسماعة أبل الشهيرة Apple AirPods أو مثيلاتها من سامسونج. بتقدم نفس المواصفات الفنية تقريبًا زي عزل الضوضاء ووضع المحادثة، وكل ده بسعر أقل بأكتر من ٥٠٪ من سعر سماعة أبل.

تعالوا نتعرف أكتر على oraimo FreePods Pro OEB-E108D من مراجعتنا الكاملة لها. ولو السماعة عجبتك هتقدر تطلبها من خلالنا في ياقوطة ودلوقتي مع شهري، تقدر تشتري أي سماعة  بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات oraimo FreePods Pro OEB-E108D

• نوع السماعة: سماعة داخل الأذن
• نمط التوصيل بالهاتف: بلوتوث
• نمط الشحن: Type-C
• اصدار البلوتوث: V5.2
• سعة البطارية ٧٠ ملي أمبير لكل سماعة. وسعة علبة الشحن ٥١٠ ملي أمبير
• عُمر البطارية: ١٣ ساعة في حال اغلاق خاصية عزل الضوضاء. وتوفر العلبة ٣٠ ساعة اضافية.
• عمر البطارية: ٩ ساعات في حالة تشغيل خاصية عزل الضوضاء. وتوفر العلبة ٢٣ ساعة اضافية

مراجعة oraimo FreePods Pro OEB-E108D

علبة السماعة oraimo FreePods Pro OEB-E108D بتتكون من السماعة -طبعا- ومقاسات مختلفة للأذن وكتيبات بتشرح طريقة التشغيل، وغطاء للسماعة، ووصلة الشحن. أول حاجه لاحظناها على العلبة، هي فخامة التغليف. وأن كل حاجه تخص السماعة موجودة في العلبة. حتى الغطاء اللي بيحافظ على العلبة من الصدمات أو الخدوش.

تصميم علبة السماعة من بره كويس جدا، حجمها مثالي للجيب. حجم السماعات كبير شوية بشكل عام لو اتقارنت مع  Apple AirPods وخصوصا لو اتقارنت مع Apple AirPods pro وبشكل أكثر خصوصية لو اتقارنت مع Samsung Galaxy Buds. لكن بشكل عام وبدون مقارنات مع سماعت تانيه. يعتبر حجم سماعات oraimo FreePods Pro جيد ومش ملفت قوي للنظر. وبيناسب حجم أي أذن بفضل المقاسات المختلفة اللي بتيجي مع العلبة.

أكبر وأهم ميزة بتقدمها سماعة oraimo FreePods Pro OEB-E108D هي أنها بترفع شعار: لا تنازل عن امكانيات السماعات الغالية من الشركات الكبيرة. والكلام هنا عن أبل وسامسونج. والحقيقة أن oraimo FreePods Pro قدرت تحقق المعادلة دي بشكل كبير. من خلال تقديم خاصية عزل الضوضاء Active noise cancelation أو اللي بيتم اختصارها الى ANC وخاصية وضع المحادثات، ودي خاصية بتخلي السماعة تتعرف على الأصوات المحيطة، بحيث لو حد بيوجه لك الكلام، بتقلل صوت الموسيقى أو المحتوى للحد الأدنى علشان تقدر ترد عليه وتتفاعل معاه

بالنسبة لجودة الصوت، قدرت oraimo FreePods Pro أنها تقدم جودة صوت ممتازة. وكنا متعودين مع السماعات الصينية أننا لما نرفع الصوت لأعلى درجة نلاحظ وجود تشوه في الصوت أو عدم وضوح. وده مش موجود خالص. بل على العكس عندنا وضعين لسماع الموسيقى، الأول هو الـ Bass بوضعه الطبيعي، والثاني هو Heavy Bass وده مخصص للمحتوى الموسيقي والأغاني علشان يقدم تجربة استماع مثالية. بالاضافة لوضع Gaming mode اللي بيقلل زمن وصول الصوت لأقصى درجة ممكنة في الألعاب زي PUBG وغيرها.

المفترض أن Oraimo freepods pro بتيجي مع ٤ ميكروفونات لدعم اجراء المكالمات، لكن تجربة المكالمات من السماعة مكانتش أفضل حاجه. والطرف الثاني كان سامع صوت الهواء حوالينا طوال الوقت. كمان عزل الضوضاء مش دايما بيشتغل بأفضل شكل. وبنفضل سامعين أصوات غريبة حوالينا. بس ده في حالة التواجد في الأماكن الزحمة. في الأماكن اللي مافيهاش دوشة كتير تقنية العزل اشتغلت بشكل أفضل بكتير.

آخر نقطة نتكلم عنها هي خدمات الصيانة وخدمات ما بعد البيع. والحقيقة أن oraimo بتقدم خدمة الصيانة و خدمات ما بعد البيع للمستخدمين ودي حاجه ممتازة، وأن كان البعض أشتكى من أنها بتاخد وقت طويل لحد ما تاخد اجراءات بخصوص السماعات اللي فيها مشكلة.

الخلاصة: لو بتدور على بديل رخيص لـ Apple AirPods بدون ما تفقد المميزات الكاملة للسماعات الفخمة هاتكون oraimo FreePods Pro OEB-E108D اختيار مناسب جدا. لو حطيت في بالك أنك مش هاتاخد التجربة المميزة كاملة، وفي نفس الوقت مش هاتدفع نفس المبلغ العالي.

اتعرف على عروض أسعار oraimo FreePods Pro OEB-E108D من هنا.

اتعرف على عروض أسعار مختلف منتجات oraimo المتوفرة على ياقوطة من هنا.

اتعرف على عروض أسعار السماعات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.