كتبت: ميّ نور

شركة هواوي بقالها فترة كبيرة موجودة في مصر، وبدأت تحقق مبيعات رهيبة وشهرتها في السوق المصري بقت بعد شركة أبل وشركة سامسونج، وده بسبب الموبايلات اللي بتنزلها واللي بتقدم أداء كويس جدًا سواء على مستوى الأداء أو البطارية أو الكاميرا، وعلشان كده في ياقوطة جبنالكم واحد من أحسن موبايلات هواوي وهو موبايل Huawei Mate 10 Pro اللي نزل السنة اللي فاتت وهنعرض لكم مميزاته وعيوبه، ولو عجبك وعاوز تشتريه، تقدر من خلالنا تعرف أحسن الأسعار ليه وتقارن بينهم وكمان تطلبه، وهيوصل لحدّ عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

المميزات

• الموبايل جاي مع شاشة كبيرة حجمها ٦ بوصة، ودقتها ١٠٨٠ × ٢١٦٠ بكسل، وعلشان كده هنلاقيها بنعرض الصور بجودة عالية وكمان الألوان بتاعتها شكلها طبيعي وجميل جدًا.
• بطارية الموبايل قوية جدًا وبتيجي بحجم ٤٠٠٠ مللى أمبير، وممكن نعتبرها من أحسن بطاريات الموبايلات في الفئة الراقية، كمان البطارية اتعمل عليها اختبارات كتيرة وأثبتت كفاءة كبيرة جدًا.
• الموبايل بيقدم أداء قوي جدًا، وكمان بيدعم كتير من خصائص الذكاء الاصطناعي الحديثة زي التعرف على الوشوش والأماكن والحيوانات والنصوص واالترجمة الحية، وده كله بفضل تطوير هواوي للبروسيسور الجديد HiSilicon Kirin 970.
• كاميرا السيلفي كويسة جدًا وهتساعد تاخد صور عالية الجودة في أي ظرف من ظروف الإضاءة مع أصحابك.
• الكاميرا الخلفية دقتها عالية جدًا وهتساعدك تقدر تاخد صور بجودة عالية وتفاصيل واضحة.

العيوب

• الموبايل مش بيدعم تشغيل كارت ميموري علشان للأسف مفيش منفذ ليه.
• الموبايل مش بيدعم تشغيل راديو الـ FM.
• الموبايل مش بيدعم منفذ 3.5 ملم لتركيب الهاند فري.

تجربة المستخدم

• الموبايل كويسة جدًا في إنك تشوف عليه أفلام ومقاطع فيديو، وده علشان الشاشة حجمها كبير ودقتها عالية.
• شاشة الموبايل جاية مع طبقة من زجاج كورنينج الغوريلا وده بيخليها تقدر تقاوم الخدوش وتقدر تستحمل لو وقع منك.
• الموبايل مقاوم للمياه وممكن تنزل بيه المياه لمدة نصف ساعة كاملة في عمق متر، علشان كده ممكن تاخده معاك المصيف من غير ما تقلق عليه.
• البطارية بتدعم تقنية الشحن السريع، فلو خلص شحن هتقدر تشحنه بسرعة كبيرة جدًا في وقت قصير.
• البطارية قوية وممكن تقعد يوم كامل معاك بمنتهى السهولة.
• الموبايل أداءه كويس جدًا وبيقدر يفتح تطبيقات كتير في نفس الوقت ويتنقل بينهم، وده بسبب كذا حاجة. أهمها المعالج اللي من نوع HiSilicon Kirin 970 ثماني النواة، وكمان ذاكرة الوصول العشوائية للموبايل حجمها كويس وهي جاية بنسختين، النسخة الأولى ٤ جيجابايت (رام) ودي جاية مع مساحة داخلية حجمها ٦٤ جيجابايت، والنسخة التانية ٦ جيجابايت (رام) ودي جاية مع مساحة داخلية حجمها ١٢٨ جيجابايت، وعلشان المساحة الكبيرة دي الشركة معملتش منفذ لكارت الميموري.
• الموبايل كويس جدًا في تشغيل الألعاب سواء الألعاب دي ألعاب عادية خفيفة، أو ألعاب من التقيلة اللي الجرافيك بتاعها عالي، وده بسبب معالج الرسوميات اللي جاي من نوع Mali-G72 MP12.
• بيدعم سيستم الأندرويد أوريو الجديد ببميزاته الرائعة اللي بتيجي معاه زي الحفاظ على طاقة البطارية وتقديم أداء أسرع وقفل التطبيقات اللي بيتم استخدامها لفترة طويلة في الخلفية.
• الكاميرا بتاعت الموبايل بتقدر تاخد صورة بجودة عالية جدًا بسبب فتحة العدسة f/1.6 واللي بتسمح لكمية ضوء كبيرة تدخل وقت التقاط الصورة فبيخلي الصورة تطلع بتفاصيل أكتر وأوضح.

شوف موبايل Huawei Mate 10 Pro من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.