كتب: خالد عاصم

في مقالات سابقة اتكلمنا عن أجهزة اللابتوب المتحولة بأنواعها واللي بتبقبل باستخدامها كجهاز لابتوب وكهاز تابلت كمان، ومن بين الأجهزة اللي اتكلمنا عنها قبل كده، HP Elite X2 1012 G1، والنهارده هنكمل مع السلسلة أو العائلة دي بالكلام عن الجيل التاني من الجهاز ده وهو HP Elite X2 1012 G2 اللي بيتمتع بإمكانيات رائعة وبيكشف عن اختلاف واضح ما بينه وبين الجيل الأول.

وما تنسوش إن لو اللابتوب عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

لابتوب HP Elite X2 1012 G2

المواصفات

• الشاشة: شاشة IPS ليد قابلة للمس بإضاءة خلفية بقطر ١٢.٣ بوصة بجودة QHD بدقة ٢٧٣٦ × ١٨٢٤ بيكسل بمعدل تحديث ٦٠ هيرتز مضادة للانعكاس والتوهج وبكثافة ٢٦٨ بيكسل لكل بوصة وبتتميز بمعدل سطوع ٤٥٠ شمعة محمية بطبقة من زجاج كورنينج جوريلا جلاس الإصدار الرابع
• المعالج المركزي: معالج Intel Core i5-7300U بنواتين بتردد ٢.٣ جيجا هيرتز بيوصل لحد ٣.٥ جيجا هيرتز بحد أقصى وبكاشات ٣ ميجابايت كاش
• الرامات: ٨ جيجابايت رام فئة DDR3 
• كارت الفيجا: كارت فيجا داخلي مدمج Intel HD 620
• الذاكرة الداخلية: هارد SSD سعة ٢٥٦ جيجابايت
• لوحة المفاتيح: قابلة للانفصال
• البطارية: سعة 47 وات في الساعة بتشتغل لحد ١٠ ساعات في مرة الشحن الواحدة
• المنافذ والمستشعرات: منفذ ٣٫٥ مم – ٢ منافذ USB مختلفة – منفذ HDMI – قارئ كروت ميموري – منفذ تركيب شريحة SIM
• نظام التشغيل: Windows 10 Pro

مراجعة لابتوب HP Elite X2 1012 G2

الجيل التاني من لابتوبات HP المتحولة أو HP Elite X2 1012 G2 واحد من أفضل الأجهزة في فئته والأسباب لكده كتير جدًا، بتبدأ من أول التصميم وبتوصل لحد المكونات الداخلية بكل تفاصيلها، وبامتلاكك للجهاز ده فإنت بتمتلك لابتوب قوي وكمان تابلت قوي جدًا ولو قارنته بأي تابلت تاني متوفر في السوق فأعتقد إن الجهاز ده هيكسب وبفارق كبير.

الجهاز بييجي بقطر ١٢٫٣ بوصة بشاشة ممتازة سواء على مستوى تصميمها والحواف النحيفة المحيطة بيها أو على مستوى إمكانياتها، فالشاشة بتدعم جودة QHD بدقة عالية جدًا وكمان كثافة وسطوع عاليين، وده بيخليها أكتر من مثالية في كتير من الاستخدامات، ده غير إنها بتتمتع بطبقة حماية من زجاج كورنينج جوريلا جلاس الإصدار الرابع عشان تحميها من الخدش وتقاوم الكسر لحد كبير.

اللابتوب ده بيعتمد على تلات وسائل إدخال، أولهم لوحة المفاتيح العادية اللي لما نشيلها الجهاز بيتحول لتابلت ممكن استخدامه من خلال وسيلتين الإدخال التانيين وهي اللمس على الشاشة بإيدك زي أي تابلت أو باستخدام قلم HP Stylus Active اللي ممكن استخدامه في التحكم في اللابتوب وفي فتح أفاق مختلفة من الاستخدام المختلفة.

على مستوى الإمكانيات الداخلية فالجهاز كمان كويس جدًا، ممكن مايكونش خارق بس أكيد معالجات إنتل المخصصة لأجهزة الكمبيوتر أوقى من أي معالج مخصص لأجهزة الموبايل أو التابلت، ومعالج الجهاز ده هو Intel Core i5-7200U يعني الجيل السابق واللي بيتكون من نواتين بتردد ٢٫٥ جيجا هيرتز وبيقدر يوصل لحد ٣٫١ جيجا هيرتز بتفعيل خاصية Intel Turbo Boost اللي بتشتغل لوحدها بمجرد احتياج المعالج لزيادة قوته للتعامل مع أي مهام تقيله أو معقدة.

ولأن الجهاز مش موجه للألعاب ومش مهتم أوي بالنقطة دي فهو بيكتفي بمعالج الجرافيكس المدمج في البروسيسور Intel HD Graphics 620 وده هيكون صعب الاعتماد عليه في الألعاب زي ما قلنا ولكنه كافي لتشغيل بعض التطبيقات اللي ممكن تعتمد فيها على رسوميات متوسطة.

والجهاز بييجي برامات سعتها ٨ جيجابايت رام من فئة DDR3 والذاكرة الداخلية من فئة SSD بسعة ٢٥٦ جيجابايت، ولو حبيت تزود السعة الداخلية من غير الاعتماد على هاردات خارجية فممكن تعتمد على كروت الميموري من فئات microSD وmicroSDHC وmicroSDXC بسعة لحد ٢ تيرابايت، وطبعًا تقدر تعتمد على الهاردات الخارجية من أي فئة من خلال التوصيل عبر منفذ USB والجهاز بيدعم أكتر من منفذ USB 3.0 وUSB 3.1.

على مستوى الصوتيات، بيعتمد لابتوب HD Elite X2 1012 G2 على سماعتين ستريو أماميتين والصوتيات محسنة ومعدلة من خلال شركة Bang & Olufsen الشهيرة، وبيتميز بنظام ميكروفون مكون من اتنين ميكروفون بخاصية إلغاء الصدى وخفض الضوضاء، وبيتميز الجهاز ببرنامج متخصص لتخفيض الضوضاء بشكل عام، وده ممكن استخدامه مع الميكروفون الخارجي أو الميكروفون اللي ممكن تركبه من خلال منفذ ٣٫٥ مم.

الجهاز بييجي بكاميرتين من واحدة بس، الأمامية ودي بدقة ٥ ميجا بيكسل بتصور الفيديو بجودة 1080p بمعدل ٣٠ إطار في الثانية، وبتدعم خاصية تحسين التصوير في الإضاءة المنخفضة وكمان بتتمتع بنطاق ديناميكي محسن، اما الكاميرا الخلفية فبدقة ٨ ميجا بيكسل مدمج فيها فلاش وبتدعم تصوير الفيديو بجودة 1080p بمعدل ٣٠ إطار في الثانية وبتتمتع العدسة بنفس إمكانيات العدسة الامامية.

الجهاز بيقبل كروت SIM عشان يتوصل بالإنترنت من غير الحاجة للواي فاي وكمان فيه مجموعة كبيرة من المنافذ ده غير المستشعرات المتنوعة اللي بنلاقيها في كتير من أجهزة التابلت واللي منها التسارع والدوران ومستشعر الإضاءة المحيطة وغيرها، كمان أداء البطارية ممتاز، ومع نظام تشغيل ويندوز ١٠ المدمج في الجهاز هتقدر البطارية تشتغل لحد ١٠ ساعات كاملة في مرة الشحن الواحدة.

اتعرف على عروض أسعار لابتوب HP Elite X2 1012 G2 المتحول من هنا.

اتعرف على عروض أسعار مختلف أجهزة لابتوب HP من هنا.

اتعرف على عروض أسعار مختلف أجهزة اللابتوب المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.