كتب: خالد عاصم

من بين ألعاب الفيديو اللي حققت نجاح كبير جدًا بعد طرحه، لعبة A Plague Tale: Innocence اللي صدرت سنة ٢٠١٩ من تطوير ستوديو Asobo، وقدرت اللعبة تحصل على تقييمات عالية جدًا، فمثلًا حصلت على تقييم ٩/١٠ على متجر Steam وحصلت على تقييم ٨١ % من Metacritic وتقييم ٧/١٠ من IGN ده غير إنها عجبت حوالي ٩٧ % من المستخدمين على جوجل.

ولو كنت لعبت اللعبة دي فأنت هتلاحظ إن قصة اللعبة ما نتهتش بنهاية الجزء ده، وعشان كده في أكتوبر ٢٠٢٠ صدر ستوديو Asobo الجزء التاني من اللعبة، A Plague Tale: Requiem اللي بيكمل حدوتة الجزء الأول وحصل على تقييمات أفضل كمان منه زي إنها حصلت على تقييم ٩/١٠ على Steam و ٨/١٠ على IGN و٨٢ % على Metacritic، ودي كلها نتايج بقول إن الملحمة اللي بدأت في الجزء الأولاني بتستمر في الجزء التاني بنفس القوة والإثارة والأجواء اللي ممكن تكون قاتمة شوية ولكنها رائعة على مستويات كتير جدًا، وفي المقال ده هنعرفك على اللعبة لو كنت لسا ملعبتهاش عشان تعرف هي ليه حصلت على التقييمات دي وليه تستحق فعلًا إنك تلعبها.

وما تنساش إن لو اللعبة عجبتك هتقدر تطلبها من خلالنا في ياقوطة وهتوصلك لحد باب البيت وكمان تقدر تشتري المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مراجعة لعبة A Plague Tale: Requiem

• تاريخ صدور اللعبة: 17 أكتوبر 2022
• الستوديو المطور: Asobo Studio
• وضع اللعبة: لعب فردي
• المنظور: منظور الشخص التالت
• النوع: مغامرات – أكشن – تسلل – ألغاز
• المنصات: منصة PS – منصات Xbox Series – منصة Nintendo Switch – مايكروسوفت ويندوز – خدمة Xbox Cloud Gaming
• الجوائز: الترشح لجائزة لعبة السنة

قصة اللعبة: استمرار رحلة أميسيا وهوجو

مع نهاية أحداث الجزء الأول من اللعبة بيقدر الأخوين Amicia وHugo ينتصروا على قوات Inquisition، وبيقدروا يهربوا لجنوب فرنسا عشان يعيشوا في جزيرة منعزلة متخيلين إنها ملاذ آمن وبيحاولوا فيها إنهم يكتشفوا علاج نهائي لمرض Hugo الغريب، ومع بداية أحداث الجزء الجديد بيكتشف الأخوين إن عليهم يواجهوا مخاطر أكبر كتير من مرض Hugo بمواجهة جديدة مع أثار الطاعون من ناحية ومع قوات Inquisition من ناحية تانية.

وبتلعب أحداث الجزء الأول دور كبير في أحداث الجزء التاني مش بس على مستوى استمرار القصة بعد ست شهور من نهاية أحداث الجزء الأول، ولكن كمان على مستوى استمرار طبيعة الشخصيات وضرورة تعامل الأخوين Amicia وHugo مع ذكرياتهم وعواقب تصرفاتهم من الجزء الأول.

أسلوب اللعب

أسلوب اللعب في A Plague Tale: Requiem مش بيختلف عن الجزء الأولاني Innocence، فاللعبة بتستمر في كونها بتعتمد على التخفي بشكل أساسي وتفادي المواجهات المباشرة، وبيكون على Amicia، البطلة الرئيسية للعبة، إنها تواجه كل الأعداء والمخاطر بالاعتماد على ذكاءها ومهاراتها للتسلل ما بين الحراس بالإضافة لحل الألغاز والاستغلال الأمثل للأدوات اللي بتمتلكها واللي بتقدر تعملها من المواد اللي بتحصل عليها خلال اللعب، وطبعًا من بين الأدوات دي بعض أدوات القتال اللي بتحتاج تستخدمها للدفاع عن نفسها وعن هوجو.

مميزات لعبة A Plague Tale: Requiem

• قصة مثيرة ومشوقة جدًا
• الشخصيات مكتوبة كويس جدًا ومعقدة ومقنعة بشكل كبير
• اللعبة فيها لحظات مؤثرة كتير جدًا بمشاعر قوية وهتكون مثالية للي بيحبوا ألعاب القصص اللي بيفضلوا إنها تكون مليانة باللحظات دي
• أسلوب اللعب فريد جدًا لأنه بيمزج ما بين التسلل وحل الألغاز والقتال
• اللعبة بتتيح إمكانية التحكم في Amicia وHugo
• اللعبة فيها قدرات جديدة وأدوات متنوعة بتتضاف لأبطال اللعبة
• رسوميات اللعبة رائعة والبيئة فيها ممتازة
• التأثيرات البصرية مذهلة وده ملاحظ بشكل واضح في شكل الفيران بالمقارنة مع الجزء الأولاني وواضح استغلال المطورين لقدرات الجيل الجديد من منصات الألعاب
• تصميم الشخصيات متقن جدًا
• موسيقى اللعبة مؤثرة جدًا ورائعة
• أصوات البيئة والشخصيات متقنة جدًا

عيوب لعبة A Plague Tale: Requiem

• اللعبة ممكن تكون صعبة شوية على اللاعبين الجدد
• لو ما لعبتش الجزء الاول هيفوتك كتير من تسلسل القصة والمتعة هتكون ناقصة كتير
• الذكاء الاصطناعي في اللعبة ضعيف في بعض الأحيان وده بينعكس على ذكاء الأعداء
• مدة اللعبة قصيرة نسبيًا
• اللعبة مش مناسبة لأي حد بيصاب بمشاعر القلق أو الخوف بسهولة لان الأحدث قاتمة ومثيرة للقلق والتوتر
• اللعبة مش مناسبة للأطفال إطلاقًا لأن مشاهد العنف والدم فيها كتير

تقييم ياقوطة للعبة A Plague Tale: Requiem

• القصة: ٩/١٠
• أسلوب اللعب: ٨/١٠
• الرسومات: ٩/١٠
• الموسيقى: ٨/١٠
• القيمة: ٨/١٠

التقييم العام: ٨.٥/١٠

اتعرف على عروض أسعار لعبة A Plague Tale: Requiem من هنا.

اتعرف على عروض أسعار كل ما يخص ألعاب الفيديو على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.