كتبت: أمنية عزمي

لما بنحب نشتري أجهزة أول حاجة بنعملها إننا ندور على المواصفات اللي محتاجينها ونشوف الموجود في السوق ونسأل عنه علشان نوصل لأحسن نوع بالنسبة لنا. ومش لازم أحسن نوع يكون غالي في تمنه لأ ممكن يكون بتتوفر فيه الإمكانيات اللي عايزينها وبسعر مناسب. ويكون فيه المميزات اللي تفي باحتياجنا ومش ضروري يكون فيه مواصفات إضافية مش بنستخدمها. الكيتشن ماشين عبارة عن جهاز واحد لكن بيأدي وظايف كتيرة، فيه خلاط وعجانة، بتقدر تعمل فيه عصاير وكيكات وتفرم فيه لحوم وتقطع الخضار بأشكال مختلفة سواء تقطيع قطع أو تزود تشغيله أكتر لحد الفرم أو شرايح، بتقدر كمان تعمل فيه مخبوزات زي البيتزا، تقدر كمان تكسر فيه التلج وتعمل عصاير سموزي وابتكارات كتير بترجع لمقدرة وتفانين كل واحد في المطبخ.

هنتكلم في المراجعة دي مع ياقوطة عن محضر الطعام كاسيل- كيتشن ماشين – 37 عملية وهنشرح أهم مواصفاته ومميزاته ونتعرف كمان على عيوبه علشان تاخد فكرة كاملة عنه، لو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك  وتقدر كمان تطلبه من خلالنا ويوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع

المواصفات

المميزات

• موتور بقوة 700 وات قدرته كويسة بالنسبة للمهام اللي بيقوم بيها.
• فيه مكان مدمج في الهيكل مخصص لتخزين أجزاء الكيتشن ماشين وهي ميزة حلوة جدًا وجديدة ومش بتخلي الأجزاء تاخد مكان حواليه وقت التخزين زمتضيعش في نفس الوقت.
• متعدد السرعات، مزود ب 9 سرعات بتديك مساحة اختيار السرعة والقوة المطلوبة حسب قوام المادة سواء صلبة أو لينة، بالإضافة لخاصية النبض.
• الوعاء سعته 1.5 لتر بياخد كمية كبيرة ومش بتضطر تقسم المكونات على مرتين.
• أدوات الخفق فيه مصنوعة من الاستانلس ستيل القوي والحاد في نفس الوقت علشان يقوم بعمله بشكل مناسب وكمان سهل في تنضيفه وضد الصدأ.
• وعاء جرش التلج سعته 1.5 برضه سعة كبيرة بتريح في الاستخدام.
• مزود بعصارة وأداة عجن و5 شفرات ستانلس ستيل، تقدر تستغله في عصاير عادية أو سموزي بالتلج وتقدر تعمل فيه مخبوزات وحلويات وتقطع فيه الخضروات والفاكهة بأشكال مختلفة.
• الإناء مزود بغطاء بلاستيك يحافظ على نضافة المكان وقت استخدامه.
• الدورق والإناء مصنوعين من البلاستيك القوي سهل التنضيف.
• بيوفر في المساحة وفي المصاريف لأنه بيجمع كذا جهاز في مكان واحد وبيقوم ب 37 عملية تسهل عليك التحضيرات اللي بتحتاجها في المطبخ.
• سهل في الفك والتركيب كل وحدة لوحدها حسب استخدامها.
• مزود بأرجل مطاطية تساعده على الثبات وقت تشغيله وتمنع انزلاقه.
• سعره معقول لو قارناه بشراء كل جهاز منهم على حدة.

العيوب

• القدرة الكهربائية للكيتشن ماشين بيفضل تكون أكبر من 700 وات، لضمان القوة والسرعة ف إتمام المهام المطلوبة منه.
• الخامات البلاستيك قابلة للكسر وبتحتاج عناية في الاستخدام علشان متقعش.
• بيحتاج مكان للتخزين وبيشغل حيز كبير خاصة لو المطبخ صغير.
• لو حصل عطل في الموتور هتلاقي كل الأجهزة تعطل بما انه جهاز واحد.

خدمة العملاء

• المنتج ملوش مراكز خدمة خاصة بيع أو بالشركة لكن بتتعامل مع المكان اللي اشتريت منه سواء في الضمان أو الصيانة أو بتلجأ لمراكز صيانة لو فيه اي تصليح. لكن ده مش بيوفر قطع الغيار الخاصة به ودي حاجة مش حلوة.

تجربة المستخدم

• الناس اللي جربوه بيشكروا فيه جدًا وإن حجمه حلو وبينجز معاهم كتير في المطبخ وبقاله فترة كبيرة عندهم ومحدش اشتكى منه.

شوف محضر الطعام كاسيل- كيتشن ماشين – 37 عملية من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال 

أمنية عزمي، بكتب من 9 شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.