مراجعة محضر الطعام براون بالحجم الكامل
كتبت: أمنية عزمي
محضر الطعام براون وعن تجربة شخصية مع براون لمدة أكتر من 23 سنة بقول انه من أحسن الأنواع الموجودة في السوق وبتتحمل الاستخدام العالي، أولا بيعتبر جهاز متكامل تقدر تعمل فيه أي حاجة من تقطيع لفرم لطحن لعصر لبشر خضروات وبصل وعمل معجنات وكريمات وأي شيئ يخطر عالبال، معاه عصارة برتقال منفصلة بمصفاة ومعاه عصارة تانية للخضروات ومعاه كل أنواع الأسلحة المختصة بتقطيع البطاطس صوابع وشرايح شيبس وبشر ناعم وخشن و2 دورق لكل واحد منهم استخداماته اللي فعلا بتوفر الوقت والمجهود وبيعتبر الجهاز السحري اللي ما تقدرش تستغنى عنه في المطبخ.
هنوضح مع ياقوطة بالتفصيل أهم مواصفات ومميزات وعيوب محضر الطعام براون بالحجم الكامل- أبيض- FX 3030 وننقل لك رأي الناس اللي استخدمته علشان تستفيد بتجاربهم، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.
بنفكرك إنك ممكن تشتري محضر الطعام براون بالحجم الكامل- أبيض- FX 3030 من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
المواصفات
- رقم الموديل: FX3030
- النوع: محضر طعام متكامل
- الماركة: براون
- قوة الموتور: 600 وات
- الخامة: ستانلس ستيل
- فترة الضمان: 2 عام
المميزات
- جهاز متكامل لهواة الطهي عبارة عن كبة وخلاط وعصارة ومطحنة وسكاكين حادة لتقطيع شرائح سميكة ورفيعة وفرم وبشر الخضروات أو البصل.
- نظام وعاء ثنائي ذكي Side by side، مكون من وعائين من البلاستيك، وعاء كبير بسعة 2 لتر للمعجنات وبيستوعب 1.5 من العجين وبيستخدم للفرم الخشن واستخدام عصارة البرتقال والجزء الخاص بعصر الخضروات، والجزء الأصغر بسعة 750 ملم للفرم الناعم وتحضير الوصفات البسيطة.
- بيغنيك عن أي أجهزة تانية، الوعائين بيتميزوا بإنك تقدر تعمل فيهم أي حاجة عايزها، فرم لحوم، طحن رز، تقطيع خضروات، عجينة بيتزا ومخبوزات، طحن توابل في الوعاء الصغير، فرم ملوخية، بصل.
- مميز بمحرك بقوة 600 وات بيقدر يأدي كل المطلوب بسرعة وفعالية وقوة.
- مزود بأجزاء متفرقة متعددة الاستخدامات زي كذا نوع من المبشرة للبشر الناعم والخشن وقطاعة بطاطس صوابع وقطاعة بطاطس شيبس، ومضرب للكريمات والبيض والحلويات، ومضرب للعجن.
- مزود بعصارة برتقال بالمصفا الخاصة بها بتتركب في الوعاء الكبير وبتلف أتوماتيك وسهلة جدا في العصر وبينزل مصفى والتفل بيتحجز لوحده.
- مزود بوعاء خاص بالخضروات في حالة لو عايز تعمل شوربة مثلا بخضار مصفى، بتركب في الوعاء الكبير وبتصفي الخضار بمصفاة خاصة.
- مزود بمفتاحين، مفتاح للسرعات بيتم ضبطه قبل التشغيل عالسرعة المناسبة ومفتاح للتشغيل بسرعات مختلفة لكل وظيفة بالإضافة لوظيفة النبضات.
- إمكانية غسل الوعائين والأسلحة في غسالة الأطباق.
- حجم الخلاط كبير يعني بيقدر يستوعب كميات معقولة مش هتحتاج معاه لتقسيم الكمية، بالإضافة لأنه بيتحمل درجات الحرارة العالية في حالة الشوربة مثلا، وكذلك الكبة.
- الوعائين مدرجين بالأرقام بالحفر ودا أفضل لأنها مش بتتمسح مع الوقت وبيساعد في تحديد المقادير.
- تصميم الغطاء في الوعاء الكبير فيه فتحة لإضافة المقادير وفيها جزء بلاستي بنضغط به عالمقدار لو خضروات مثلا، وتقدر تستخدمها كمعيار لأنها مدرجة بالرقام.
- مرفق سكاكين حادة جدا من الفولاذ لتقطيع الخضروات والفاكهة بسرعة وبتتحكم في حجم القطع عن طريق الفترة الزمنية في التقطيع، وتقدر تستخدمها في الطحن والفرم، ومرفق غطاء أمان للسلاح في حالة التخزين.
- مزود بأرجل مطاطية تساعده عالثبات وقت الدوران.
- سعره مناسب جدا ومنافس في السوق بقوة بالنسبة لإمكانياته وإسمه.
العيوب
- أجزاؤه كتير ومحتاج مكان كبير سواء للتخزين أو مكان دائم للاستخدام اليومي.
خدمة العملاء
- فروعهم متوفرة في كل أنحاء الجمهورية وبيوفروا قطع الغيار بأسعار مناسبة.
- رقم الخدمة 01211644110
تجربة المستخدم
- هقولكوا تجربتي الشخصية اللي لقيت كل الآراء زيها، أولا كلنا بنسخدمه من أكتر من 20 سنة أنا من 23 سنة وتقريبا كل أجهزة البيت اتغيرت إلا هو وما شاء الله شغال زي الفل، بستخدمه بشكل يومي في بشر البصل والمعجنات وتقطيع البطاطس وحسب نوعية الأكل، من سنة الجزء اللي بيركب فيه مبشرة البصل فصل مني وعرفت توكيل جنبي وغيرته رغم انه من زمان جدا وفرحت به جدا وللأمانة كان سوء استخدام مني لأني كنت بضغط عالبصل جامد، بعمل فيه الرز للكفتة والكبيبة كمان وبعصر فيه برتقال طول الشتا، بتاعي مفيهوش الجزء بتاع الخضار دا إضافة جديدة لكن لحد دلوقتي موتوره ما شاء الله زي الفل وكل اللي استخدموه هتلاقيهم بيستخدموه من سنين طويلة.
شوف مراجعة براون محضر الطعام سطح الطاولة- FX3030 من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
كاتبة المقال
أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.