كتبت: أمنية عزمي

غسالة الملابس من الأجهزة المعمرة اللي مش بتشتريها كتير والمهمة جدًا في أي بيت، علشان كده لازم تحدد إحتياجاتك في مواصفات الغسالة اللي هتجيبها علي حسب المواصفات اللي تناسبك.

مع أكثر المنتجات مبيعًا على ياقوطة هنشرحلكم مواصفات ومميزات وعيوب غسالة توشيبا تحميل علوي ٨ كيلو علشان لو مناسبة ليك تقدر تطلبها من ياقوطة وتوصلك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع

المواصفات

المميزات

• أسهل كتير في التعامل من الغسالات الأتوماتيك ذات الفتحة الأمامية خاصة لكبار السن أو اللي عندهم مشاكل عمود فقري، لإن فتحتها مش بتحتاج تنحني علشان تملى الغسالة أو تاخد منها الهدوم بعكس الغسالات اللي بفتحة أمامية.
• سعة ٨ كيلو. وهي السعة الأكثر تداول ومناسبة للعائلات المتوسطة العدد.
• أقصى سرعة للدوران ٨٥٠ لفة في الدقيقة. سرعتها قوية بالنسبة للغسالات الفوق أتوماتيك وسرعة الدوران من المواصفات المهمة في الغسالة، لإنها بتدي نضافة أعلى للملابس وهي المسئولة عن قوة العصر.
• مزودة بطلمبة صرف للمياه. ودي اللي بيتم دخول وطرد المية المستخدمة منها.
• غير مكلفة في مساحيق الغسيل. تقدر تستخدم فيها مسحوق غسيل عادي.
• دورتها سريعة. بتعتبر الغسالات الفوق أتوماتيك دورتها أسرع كتير من الغسالات الأمامية، لانها بتاخد وقت أقل في البرنامج.
• تحكم تام بوظائف التشغيل. فيها نظام تحكم ذكي لكل وظائف التشغيل.
• تحديد مستوى المياه أتوماتيكي ليناسب كمية الغسيل. الغسالة بتسحب كمية المية اللي بتحتاجها أتوماتيك وبتقف عند الحد اللي بتحتاجه، حسب الغسيل بدون تدخل منك.
• سعرها أقل من الغسالات الأتوماتيك اللي بفتحة أمامية.

العيوب

• استهلاكها أعلى في استخدامها للمية المخصصة للغسل والشطف.
• بتستهلك كهربا كتير.
• صوتها عالي وبتعمل دوشة.
• لا تحتوي على مجفف.
• المقلب الدوار المسئول عن حركة دوران الغسيل والعصر موجود جوا حوض الغسالة وده بياخد مكان من السعة المخصصة ليها.
• مش بتوفر مساحة خاصة لو اتركبت في المطبخ، يعني ماينفعش مثلًا تركب عليها كاونتر أو تستفيد بمساحة السطح العلوي بتاعها في أي حاجة.

خدمة العملاء

• توشيبا العربي مميزة بخدمة ما بعد البيع وعندهم مهندسين متخصصين وفنيين على مستوى عالي. الصيانة بتتم في المنزل بدون الحاجة لنقل الغسالة إلا لو العطل استدعى نقل الغسالة لمقر الشركة. بتديك ضمان على الغسالة 5 سنين واهتمامهم بعملائهم مميز حتى بعد انتهاء الضمان. مراكز معتمدة في كل مكان. قطع غيار أصلية وصيانة بالضمان لمدة عام.

تجربة المستخدم

• بعض الآراء شايفة إن الطريقة اللي بيتم بيها الغسيل عن طريق المقلب الدوار اللي مكانه في حوض الغسالة واللي بيساعد على دوران الغسيل والعصر بيأثر على نسيح الأقمشة وبيتلفها خاصة لما بتيجي تشيل الملابس من حوض الغسالة، لإن وزنها بيزيد مع المية وبتكون ملتفة حوله وده بيؤدي لإتلافها لما تيجي تطلعها خصوصا لو أنسجتها ضعيفة.
• لكن فيه رأي مخالف بيقول إن الطريقة اللي بيتشال بيها الغسيل هي اللي عليها العامل وهي اللي بتضر بالنسيج والملابس ويجب رفعها بشكل معين والنوع ده من المستخدمين مش شايفين إن ده عيب في الغسالة بقدر ما هو عيب في طريقة الغسيل نفسها وطريقة إخراج الملابس منها.
• بتغسل حلو جدا وميزتها إني بقدر أزود أي حاجة نسيتها لان فتحتها من فوق وكمان بتاخد البطاطين واللحفة.

شوف غسالة توشيبا تحميل علوي ٨ كيلو من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.