كتبت: ميّ نور

شركة أوبو عملت لنفسها شهرة كبيرة في مصر خلال السنتين اللي فاتوا، وكلنا أكيد شوفنا إعلانات موبايل Oppo F5 اللي منتشرة في معظم الأماكن العامة في مصر، وحتى في التليفزيون بنشوف الإعلانات بتاعته كتير، وإحنا بنتفرج على مسلسل سابع جار أو بنتفرج على الدوري المصري وغيرها أماكن كتير، علشان كده النهارده في ياقوطة جبنالكم واحد من أجدد موبايلات Oppo في السوق، وهو موبايل Oppo A83 اللي نزل السنة دي ووصل مصر كمان، وهنستعرض معاكم أهم مميزاته وعيوبه، ولو عجبك وعاوز تشتريه، تقدر من خلالنا تعرف أحسن الأسعار ليه وتقارن بينهم وكمان تطلبه، وهيوصل لحدّ عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع

المواصفات

المميزات

• شاشة الموبايل حجمها كبير ٥٫٧ بوصة.
• دقة الشاشة عالية ٧٢٠ × ١٤٤٠ بكسل.
• الكاميرا الخلفية كويسة وهي بتيجي بدقة ١٣ ميجابكسل، وفتحة عدسة f/2.2، ومعاها فلاش LED.
• كاميرا السيلفي بتاعة الموبايل جاية بإمكانيات كويسة بدقة ٨ ميجابكسل، وفتحة عدسة f/2.2.
• البطارية كويسة جدًا بالنسبة لسعر الموبايل ٣١٨٠ مللي أمبير.

العيوب

• الموبايل مانزلش ليه تحديث أندرويد أوريو الجديد لحد دلوقتي.
• الشركة ماقالتش إن البطارية بتدعم الشحن السريع، وعلشان كده ممكن تاخد وقت أطول وهي بتشحن.
• الموبايل مش مقاوم للمياه.
• الموبايل مش محمي بطبقة من زجاج كورنينج الغوريلا واللي بيخلي التليفون يستحمل الخدش ويحميه لو وقع منك.
• الموبايل مش جاي ببصمة سواء في زرار القايمة الرئيسية أو في ضهر الموبايل زي كتير من الموبايلات اللي بتنزل الفترة دي.

تجربة المستخدم

• الموبايل شاشته كبيرة وعلشان كده هتقدر من خلالها تتفرج على أفلام أو فيديوهات بشكل حلو والصورة هتبقى واضحة وألوان طبيعية وده بسبب دقة الشاشة العالية، وكمان تركيز البكسلات واللي جاي بـ ٢٨٢ بكسل في البوصة الواحدة.
• الكاميرا الخلفية كويسة ولو إنت بتحب التصوير تقدر تاخد بيها صور جميلة سواء بالنهار أو بالليل بس بالليل أداء الكاميرا هيقل شوية طبعًا، بس الفلاش هيقدر يخليك تصور بليل بشكل إنت هتكون راضي عنه.
• بطارية الموبايل كويسة جدًا وتقدر تكمل معاك لمدة يوم واحد لو إنت بتستخدم الموبايل استخدام كويس، بس مشكلتها هتكون إنها ممكن تاخد وقت طويل شوية علشان تتشحن.
• الموبايل أداءه متوسط وده بسبب المعالج اللي جاي معاه واللي نوعه Mediatek MT6763T Helio P23 ثماني النواة، كما الموبايل جاي مع ذاكرة وصول عشوائية بحجم ٣ جيجابايت (رام) ودي النسخة الأولى، والنسخة التانية جاية مع ذاكرة وصول عشوائية بسعة 4 جيجابايت(رام) والنسخة دي أحسن كتير من النسخة الـ ٣ جيجابايت (رام) والأداء بتاعها أسرع شوية ده متوقع، كمان الموبايل بيقدر يشغل الألعاب بشكل كويس علشان معالج الرسوميات اللي من نوع Mali-G71 MP2.
• تصميم الموبايل جميل جدًا والأطراف بتاعته منحنية وده هيخليه مريح في الإيد ومش هيسبب أي تعب لو فضلت تتعامل معاه لفترة طويلة.

شوف موبايل Oppo A83 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.