كتبت: أمنية عزمي

جهاز إنذار تسرب الغاز من الأجهزة اللي بقى إقتنائها ضروري وابتدى يبقى عليها إقبال كبير لأنها بتحميك من مخاطر تسرب الغاز اللي بتأدي للاختناق أو الحرائق، وبما إن الغاز من الحاجات اللي بتعتمد عليها سواء في المطبخ أو الحمام فالأجهزة اللي بتكشف تسرب الغاز بتعتبر مهمة سواء للبيوت أو المطاعم والمصانع والشركات علشان تطمن على الأرواح والأموال، الجهاز وظيفته إنه يحدد تسرب الغاز فور حدوثه وبيصدر إنذار بصوت عالي جدا للتنبيه واللي بيتم على أساسه إتخاذ إجراءات السلامة من فتح أماكن تهوية وغلق الغاز وفصل الكهرباء وباقي الإجراءات ومعالجة السبب أو الاتصال بشركة الغاز لحل المشكلة.

هنتكلم مع ياقوطة على أهم مواصفات ومميزات وعيوب جهاز إنذار تسرب الغاز ورأي المستخدم فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري جهاز إنذار تسرب الغاز من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات جهاز إنذار تسرب الغاز

• قطعة واحدة متصلة بوصلة كهربائية
• مناسب للتركيب في جميع الأماكن
• مادة الصنع: بلاستيك

مميزات جهاز إنذار تسرب الغاز

• الجهاز حجمه صفير عبارة عن قطعة واحدة متصلة بيتميز بالحساسية العالية لاستشعار تسرب الغاز في المكان مهما كان بسيط وبيصدر التنبيه الخاص به للتعامل مع المشكلة.
• إنذار، الجهاز مش بس بيكتشف ترب الغاز لكن بيصدر إنذار بصوت عالي جدا وبيستمر في الإنذار لحد ما يتم التعامل مع المشكلة وينتهي تسرب الغاز من المكان.
• إستمرار التنبيه بصوت الإنذار ليه فايدة كبيرة بأنه بينبه باستمرارية وجود الغاز لأن في ناس ممكن تطفي بس عين البوتاجاز مثلا وتتخيل إن المشكلة اتحلت، في حين إن الغاز يكون لسه موجود في المكان، وهنا بيجبرك تفتح تهوية جيدة وتفصل الكهرباء عن المكان، وتتبع اجراءات السلامة لحد ما المشكلة تتحل تماما.
• الجهاز فيه مستشعر قوي عن طريق الفتحات الموجودة عليه في الواجهة واللي بيتم اكتشاف التسرب عن طريقها.
• سهل الاستخدم بتقدر تعلقه بمسامير من الخلف في المكان المخصص وتقدر تستخدمه في أي مكان سواء في المطابخ أو الحمامات.
• بيتم توصيل الجهاز بالكهربا على 220 فولت بسلك طويل مش بيأيدك في المسافة.
• سعره مناسب جدا إن أي حد يقتنيه نظرا لأهميته في المكان وحفاظا على الأرواح والممتلكات.

عيوب جهاز إنذار تسرب الغاز

• حساسيته ممكن تتأثر بالزيوت في المطابخ وتقلل كفاءته.

تجربة المستخدم لجهاز إنذار تسرب الغاز

• كويس جدا في الاستخدام وحساسيته عالية وصوته عالي، مرة كنت بملى الولاعات غاز من غاز الولاعة وكنت جنبه وفجأة لقيته بيصفر نتيجة تسرب الغاز اللي حس به رغم إنه كان بسيط، وبيفضل يعمل إنذار لحد ما الغاز يخلص من المكان ودا أأمن لأنك بتتأكد إنه مبقاش فيه غاز لما يسكت.

شوف جهاز إنذار تسرب الغاز من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال         

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون كويس جدا.