أبرز مستلزمات عمل كحك العيد في البيت

كتب: خالد عاصم

كل سنة وأنت طيب عيد الفطر المبارك خلاص على الأبواب، وده الوقت المناسب عشان ناخد شوية قرارات كده خاصة بالعيد، يعني مثلًا ناوي تقضي العيد في البيت ولا بره البيت، ولو هتقضيه في البيت هتعمل ايه هتقضيها أفلام ولا نوم ولا زيارات منزلية ولا إيه، ولو ناوي تقضيه بره البيت، هتسافر ولا تقضيها خروجه شكل كل يوم؟ ده غير إنك لازم تحدد من دلوقتي العيدية هتبقى كم وتعمل حسابك عليها من دلوقتي بقى.

بس القرار الأهم من كل ده بقى ليه علاقة بالكحك والبسكويت والحاجات الحلوة اللي احنا مستنينها دي بقى، وهنا هييجي دور السؤال المهم، هنشتري جاهز ولا هنعمل اكحك العيد في البيت؟ لو ناوي تشتري كحك العيد جاهز فعندك من أول الفرن اللي جنب البيت ولحد أكبر محل حلويات في مصر، كل دول خلاص أعلنوا أسعارهم وبقت كل حاجة واضحة، فلو ناوي تشتري، اختار اللي يناسبك من حيث الجودة والسعر وهات اللي على قد أهل البيت بالظبط بلاش زيادات تضر بصحتك أو تترمي في الآخر، وماتنساش تعمل حساب حبايبك بقى.

اما لو اتفقت مع المدام أو والدتك أو ناوي لوحدك تاخد خطوة عمل كحك العيد والبسكويت في البيت، فلازم تعمل حسابك إنك هتحتاج لحاجات كتير، بس خلينا الأول نقول إيه مميزات عمل الكحك والبكسويت في البيت. أولًا أوفر بكتير وخصوصًا إن أسعار الكحك الجهاز عليت أوي لأسباب كتير، وثانيًا هتعمل على قد ما انت عايز وعلى قد ما البيت محتاج، وثالثًا انت عارف كل حاجة استخدمتها أصلها إيه وبكم يعني ضامن نضافة كل حاجة، اما الحاجة الأهم فإنه هيرجعلنا ذكريات زمان، ويا سلام لو العيلة اتلمت يومين تلاتة تساعد بعضها عشان تختم رمضان بفرحة وسعادة ولمة عيلة تكمل مع العيد.

بس عشان تعمل كحك العيد في البيت هتحتاج لعناصر كتير، أولها عناصر الخبيز نفسه زي السمنة والدقيق والزيوت ومكسبات الطعم والريحة الطبيعية لو محتاجها ده غير بقى المكسرات أو الشيكولاتة وغيرها من الحاجات اللي بتختلف باختلاف الحاجة اللي هتعملها، اما العناصر التانية بقى فهي اللي بيها هتعمل الشكل، زي القوالب والأدوات بتاعة النقش والتشكيل والحاجات اللي زي دي.

العناصر الأولانية دي فيها الأساسي وفيها اللي هيختلف على حسب هتعمل إيه ودي هنسبهالك ، أما العناصر التانية بقى فدي هنساعدك تختارها من المقال ده اللي هنتكلم فيه عن مجموعة من أهم مستلزمات عمل كحك العيد في البيت.

ولو أي حاجة من اللي هنتكلم عنهم عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع 

أهم مستلزمات عمل كحك العيد في البيت

المجموعة الكاملة لتزيين الكيك والكحك والبسكويت

المجموعة المتكاملة لعمل وتزيين الكيك ولكحك والبسكويت والخبز والمعجنات، واللي هتخلي ست البيت تتحول من مرحلة الهواة للمحترفين، المجموعة مكونة من قرص دوار كبير و٤٨ طرف مقاوم للصدأ عشان التشكيل ده غير أكياس قابلة لإعادة الاستخدام بأكثر من مقاس شان صب العجين أو تشكل الكريمة، ده غير أدوات تقطيع وقلم للكحك وكاشط للكيك ومجموعة كتير مختلفة من الأدوات المتنوعة اللي هتحولك لشيف حلويات محترف.

اتعرف على عروض أسعار المجموعة الكاملة لتزيين الكيك والكحك من هنا.

أداة صناعة البسكويت والكيك

الأداة دي أكيد هتعرفها أو هتعرف استخدامها لو كنت بحضر وقت عمايل كحك البيت والبسكويت في البيت، فمن خلالها هتقدر تعمل البسكويت الأشكال المتنوعة، الأداة سهلة الاستخدام ومقبضها مريح ومعاها مجموعة من الملحقات المتنوعة عشان تشكل البسكويت، وممكن استخدامها كمان في صناعة الكوكيز وتزيين الكيك.

اتعرف على عروض أسعار أداة صناعة البسكويت والكيك من هنا.

٢٦ قالب مطبوع بأحرف كبيرة لتزيين الكحك

زي ما هنعمل كحك بكميات كبيرة زي زمان، مفيش مانع نفرح أطفالنا بكحك عليه حروف أساميهم مثلًا، وده هتقدر تعمله من خلال القوالب دي اللي مكونة من ٢٦ قطعة عليها حروف إنجليزية كبيرة، القوالب قابلة لإعادة الاستخدام مرات كتير ومصنوعة من السليكون الآمن وسهلة التنضيف.

اتعرف على عروض أسعار قوالب الحروف الكبيرة من هنا.

مجموعة تزيين الكحك والبسكويت من الستانليس ستيل

مجموعة مكونة من ٨ قطع بأشكال مختلفة لتزيين الكحك أو عمل البسكويت وممكن كمان استخدامها في تزيين الكيك وعمل أشكال بالكريمة، المجموعة معمولة من الستانليس ستيل يعني آمنة جدًا وهتعيش لفترة طويلة أوي.

اتعرف على عروض أسعار مجموعة التزيين من الستانليس من هنا.

مجموعة أختام التزيين حروف وأرقام

مجموعة ضخمة مكونة من ٥٢ قطعة من الأختام المكونة من الأرقام والحروف الإنجليزية الكبيرة والصغيرة والرموز وكلها معملوه بخطوط لطيفة وجذابة، المجموعة بتستخدم في ختم العجينة عشان تسيب شكل ثلاثي الأبعاد على الكحك أو البسكويت أو الكيك عشان تخلي الشكل أحلى ومرح جدًا.

اتعرف على عروض أسعار مجموعة أختام التزيين من هنا.

مجموعة طوابع البسكويت ٧٢ قطعة

عايز تكتب اسم أو جمله كاملة على البسكويت أو الكحك أو أي مخبوزات تانية، يبقى المجموعة دي مثالية، المجموعة مكونة من لوح بيتحط فيه الأرقام والحروف اللي بتتضمنها المجموعة واللي بتوصل لحد ٧٢ شكل، ومن خلال تكوين الحروف والأرقام اللي انت عايزها، هتضغط على العجينة عشان تكون الشكل اللي انت عايزه.

اتعرف على عروض أسعار مجموعة طوابع تزيين البسكويت من هنا.

اعرف على عروض أسعار كل مستلزمات كحك العيد من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.

Leave a Reply

Your email address will not be published. Required fields are marked *