كتب: خالد عاصم

لو بتدور على جهاز تابلت منخفض السعر أو اقتصادي فالعروض اللي هتبقى متاحة أدامك مش كتير أوي، ولكنها متوفرة، ومن بينها على سبيل المثال لا الحصر، تابلت Samsung الاقتصادي منخفض السعر Samsung Galaxy Tab A7 Lite وهو ده التابلت اللي هنتكلم عنه النهاردة.

نابلت Samsung Galaxy Tab A7 Lite من الاجهزة منخفضة السعر اللي ممكن نقول إن سعرها أقل حتى من موبايلات كتير من المتوفرة دلوقتي، ولكن ده مش بيديه الميزة الأساسية لان انخفاض السعر من غير مميزات واضحة مش هيدي أي ميزة للمستهلك، وعشان كده لازم تعرف التابلت كويس ولازم تعرف إيه المميزات اللي بيقدمها وتكون كمان واعي للحاجات اللي مش هيقدر يقدمهالك.

في المقال ده هنتعرف بالتفصيل على تابلت Samsung Galaxy Tab A7 Lite وهنتعرف من خلال مراجعتنا لمواصفاته على المميزات والعيوب وهنتعرف على متوسط سعره في السوق المصري.

وما تنسوش إن لو التابلت عجبكم هتقدروا تطلبوه من خلالنا في ياقوطة ودلوقتي مع شهري، تقدر تشتري أي موبايل أو تابلت بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

تابلت Samsung Galaxy Tab A7 Lite

المواصفات

• أبعاد التابلت: ٨ × ١٢٤.٧ × ٢١٢.٥ مم بوزن ٣٦٦ جرام لإصدار واي-فاي و٣٧١ جرام لإصدار LTE
• البناء والصناعة: هيكل وضهر من الألومنيوم بزجاج أمامي.
• شاشة التابلت: شاشة TFT LCD بقطر ٨.٧ بوصة بمعدل ٥:٣ تستحوذ على نسبة ٨١.١ في المية من مساحة التابلت الأمامية ودقة عرض التابلت ١٣٤٠ × ٨٠٠ بيكسل بكثافة ١٧٩ بيكسل لكل بوصة.
• المكونات الداخلية: بيعتمد تابلت Samsung Galaxy Tab A7 Lite على بروسيسور MediaTek Helio P22T بمعمارية ١٢ نانوميتر وهو بروسيسور ثماني النواة بسرعة ٢.٣ جيجا هيرتز لأربع شرائح Cortex-A53 وبسرعة ١.٨ جيجا هيرتز لأربع شرائح Cortex-A53 ومدمج بيه معالج رسوميات PowerVR GE8320 والتابلت بيصدر في مصر بإصدار بذاكرة عشوائية سعتها ٣ جيجابايت رام بذاكرة داخلية سعتها ٣٢ جيجابايت والتابلت بيقبل كروت الميموري من خلال منفذ مستقل.
• نظام التشغيل: اندرويد ١١ قابل للترقية لنظام تشغيل اندرويد ١٢ بواجهة مستخدم One UI 4.1
• الكاميرات: كاميرا خلفية بعدسة رئيسية بقوة ٨ ميجا بيكسل مدعومة بتقنية HDR وبتصور فيديو بجودة 1080p بمعدل ٣٠ إطار في الثانية أما الكاميرا الأمامية فقوتها ٢ ميجا بيكسل
• التقنيات الصوتية: صوت ستيريو وبيتضمن التابلت منفذ ٣٫٥ مم.
• المستشعرات: التسارع – البوصلة.
• منفذ الشحن: USB Type-C.
• البطارية: سعة ٥١٠٠ ميللي أمبير في الساعة بيدعم تقنية الشحن السريع بقوة ١٥ وات.

مزايا وعيوب تابلت Samsung Galaxy Tab A7 Lite

مزايا تابلت Samsung Galaxy Tab A7 Lite

• التابلت سمكه ممتاز ونحافته ملحوظة جدًا مقارنة حتى بالموبايلات كمان وزنه يعتبر مقبول إلى حد ما
• الجهاز مصنوع من الألومنيوم على مستوى الهيكل وعلى مستوى الضهر
• الشاشة قطرها كويس جدًا لو انت بتدور على جهاز أكبر بشكل ملحوظ عن الموبايلات وأصغر من التابلت اللي بيعدي قطره عن ١٠ بوصة
• التابلت بيقبل كروت الميموري من خلال منفذ مستقل حتى في إصدارات LTE
• الجهاز بيتوفر عالميًا بإصدارين بواي فاي أو LTE
• الكاميرات مقبولة لجهاز تابلت وفي الفئة الاقتصادية كمان
• سماعات ستريو أداءها كويس جدًا
• إصدار بلوتوث ٥.٠
• التابلت بيدعم تقنية الشحن السريع بقوة ١٥ وات

عيوب تابلت Samsung Galaxy Tab S7 Lite

• بسبب الحواف السميكة نسبيًا فالشاشة بتستحوذ على نسبة مش كبيرة من المساحة الأمامية للتابلت وده من ناحية تانية أثر بشكل كبير على أبعاد التابلت على مستوى العرض والطول المبالغ فيهم شوية
• التابلت رغم اعتماده على الألومنيوم إلا إن فيه عناصر فيه مصنوعة من البلاستيك
• شاشة ضعيفة جدًا على مستويات كتير وخصوصًا على مستوى الجودة الضعيفة جدًا لتابلت بقطر قريب من ٩ بوصة
• مفيش طبعًا أي حماية متوفرة على الشاشة ولا حماية للتابلت ككل
• التابلت بيعتمد على معالج ضعيف وحتى توفره قليل جدًا في الموبايلات الاقتصادية فشرايح التابلت كلها من نفس النوع محدود الإمكانيات وكمان معالج الرسوميات ضعيف
• البطارية محدودة جدًا بالنسب لتابلت، لأن السعة دي أو أقل منها بفارق ضئيل جدًا متوفرة في أغلب الموبايلات الحالية اللي قطرها مش بيعدي ٦٫٥ بوصة حتى، فكان الأفضل الاعتماد على بطارية أقوى شوية لأن ده كان هيأثر بشكل إيجابي جدًا على أداء التابلت بشكل عام

اتعرف على عروض أسعار تابلت Samsung Galxy Tab A7 Lite من هنا.

اتعرف على عروض أسعار مختلف أجهزة سامسونج المتوفرة على ياقوطة من هنا.

اتعرف على عروض أسعار مختلف أجهزة التابلت المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.