أكثر الدفايات الكهربائية مبيعًا على ياقوطة
كتب: خالد عاصم
كل سنة بنسمع إن الشتاء السنة دي هو الأبرد، ودي خلاص بقت عادة وواضح كده إن كل شتاء هيجي أبرد من اللي قبله، ودي حاجة ملهاش حل غير إننا نحاول نوفر الجو الدافئ قدر الإمكان في البيوت، وده بقى بيحتاج لحاجة من اتنين، إما تكييف سخن أو دفاية، ولأن التكييفات غالية جدًا وخصوصًا اللي فيها خاصية التدفئة، فبيكون الحل الاقتصادي أمتر والأنسب لكل البيوت هو الدفاية، لانها الدفايات بتكون أرخص من التكييفات وكمان فعالة جدًا واستهلاكها للطاقة في أنواع معينة بيكون أقل من التكييف وكمان بتوفر استهلاك التكييف خلال الشتاء فبدل ما يفضل شغال طول السنة هيشتغل في الصيف بس.
وزي كتير من الأجهزة المنزلية اللي بنقرر نجددها أو نشتريها لو هي مش عندنا أصلًا، بتحصل حيرة كبيرة جدًا وده لان الأنواع والموديلات كتير من كل الأجهزة دي، وده اللي بيحصللما بتيجي تشتري دفاية، فبداية الدفايات نوعين أساسيين، دفاية الزيت ودفاية الكهرباء، ومنهم أنواع فرعية مختلفة زي دفاية السيراميك والدفاية الخارجية اللي بتعتمد على أنابيب الغاز والدفايات الهالوجين وغيرها، وجوا كل نوع فرعي فيه شركات كتير بتقدم أنواع مختلفة وموديلات مختلفة، ده غير طبعًا الفئات السعرية المختلفة و إيه اللي يناسب كل ميزانية، وكل دي حاجات أكيد هتتسبب في حيرة كبيرة لما تقرر تشتري دفاية جديدة.
وعشان كده فلازم قبل ما تختار الدفاية المناسبة ليك تعرف إيه هي أنواع الدفايات وإزاي تقدر تختار الدفاية اللي تناسب احتياجاتك مميزانيتك، وبالتالي تختار من بين مجموعة الدفايات المختلفة المتوفرة على ياقوطة وكل ده هنتعرف عليه دلوقتي.
بداية الدفايات نوعين، النوع الأول هو دفاية الزيت أو الدفاية العمودية، والدفاية الزيتية مش بتعتمد على الزيت كوقود مثلًا لتوليد الطاقة، لا هي بتعتمد على الزيت كوسيط لحفظ درجة الحرارة، إنما هي في الحقيقة بتعتمد على الكهرباء كوسيلة أساسية للتسخين، وبتتكون الدفاية دي من مجموعة ريش وهي عبارة عن أعمدة مجوفة بيتحرك جواها الزيت عشان ينقل الحرارة ويوزعها في كل الريش التانية، ومع تسخين عنصر التسخين الموجود في قاعدة الدفاية والشبيه جدًا للموجود في سخان المياه، بيتم تحريك الزيت ده جوا تجاويف الأعمدة دي ومع نقل الحرارة وقدرة الزيت على نقلها والحفاظ عليها في مستويات عالية جدًا بيتم تسخين المحيط بشكل قوي.
أما الدفاية الكهربائية فدي بتعتمد على المبدأ العلمي لتحويل الطاقة الكهربائية لطاقة حرارية، وبتتكون الدفاية الكهربائية من ملفات كهربائية موجودة في عوارض اللي بنسميها الشمع، ومع توصيل الكهرباء وتشغيل الدفاية بيتم تسخين الملفات دي وده بينتج عنه ارتفاع في درجة حرارتها وبالتالي نقلها للمساحة المحيطة بيها، ومع زيادة عدد الشمع بتزيد قدرة الدفاية على التسخين.
وطبعًا الانواع دي بتختلف اختلافات كبيرة عن بعضها مش بس من ناحية طريقة عملها، والاختلافات دي ممكن نحددها من مميزات وعيوب كل نوع، فالدفاية الزيتية أو العمودية موفرة جدًا على مستوى استهلاك الطاقة لإنها بمجرد ما بتوصل لدرجة الحرارة المطلوبة بتحتاج لطاقة بسيطة عشان بس تحافظ على درجة الحرارة دي، وكمان هادية جدًا ومش بتطلع أي صوت مزعج وعشان كده بتكون مثالية للاستخدام في أوض النوم أو في المكاتب، ده غير إنها آمنة أكتر في تفادي حدوث حريق لو كان قريب منها أي نوع قماش أو مادة قابلة للاشتعال، والميزة الأهم إنها دقيقة جدًا في توصيلها لدرجة الحرارة لانها بتعتمد على ثيرموستات بيخليك تقدر تحدد درجة الحرارة وكمان بتتميز بقدرتها على الحفاظ على درجة الحرارة لأطول وقت ممكن وبتفضل سخنة حتى بعد فترة من إغلاقها.
أما مميزات دفاية الكهرباء فاولها السعر، فالنوع ده من الدفايات أرخص وكمان أسرع في التدفئة وفيه منه موديلات وأنواع فرعية كتير جدًا ومع خاصية الفصل الأوتوماتيكي بتكون آمنة على الأطفال والحيوانات الأليفة لأنها بمجرد ما بتتحرك من مكانها أو بتقع فبتفصل على طول، بس كما ليها عيوب فهي سهل قوي إنها تفقد درجة حرارتها بسهولة لو المكان مش معزول كويس، وكمان استهلاكها عالي أوي للكهرباء، ولو فيها مروحة فبيكون صوتها مرتفع شوية في الوقت الل يدفاية الزيت بتكون صامتة تمامًا تقريبًا، وطبعًا لازم تكون حريض على اختيار نوع جيد من شركة معروفة عشان تتفادى أي مشاكل ممكن تحصل بسببها.
ودلوقتي بعد ما اتعرفنا على كل حاجة تتعلق بأنواع الدفايات وطريقة عملها والفروق ما بينها، هنتعرف دلوقتي على مجموعة من أبرز الدفايات المتوفرة على ياقوطة، وماتنساش إن لو أي دفاية من الدفايات اللي هنتكلم عنها عجبتك، هتقدر تطلبها من خلالنا في ياقوطة وهتوصلك لحد باب البيت وكمان تقدر تشتري المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
مجموعة من أبرز أنواع الدفايات على ياقوطة
دفايات الزيت
دفاية الزيت ١١ ريشة من جاك
بتتميز دفاية الزيت من جاك بمجموعة من المميزات منها الثرموستات ثلاثي المراحل اللي بينوع الجهد ما بين ٨٠٠ و١٢٠٠ و٢٠٠٠ وات وكمان الدفاية فيها خاصية الهواء البارد ده غير إنها بتتميز بخاصية الحماية من السخونة الزائدة وخاصية تخفيض الضوضاء الناجمة عنها وكمان نظام وقف التدفئة للحماية من الارتفاع الزائد في درجة الحرارة.
اتعرف على عروض أسعار دفايات الزيت من جاك من هنا.
دفاية زيت11 ريشة 2000 وات من تورنيدو
تعتبر الدفاية دي من تورنيدو واحدة من أبرز الدفايات الزيت الموجودة على ياقوطة بفضل إمكانياتها وبفضل سعرها المقبول جدًا واللي في متناول ناس كتير، الدفاية بتتميز بثرموستات متوصله بسخانات قوية جدًا وقابلة للتعديل وبتتميز الدفاية إنها بتتكون من 11 خلية لتوزيع الحرارة يعني بتقدر تدفي أوضة كبيرة وبكفاءة ممتازة وكمان فيها عجل سفلي عشان سهولة نقلها.
اتعرف على عروض أسعار دفايات زيت تورنيدو من هنا.
دفاية زيت Heller MAV 2513 T بقوة ٢٥٠٠ وات ١٣ ريشة
دفاية زيت ألمانية مزودة بمروحة لتوزيع الهواف السخن في كامل المساحة المحيطة بيها اللي بتوصل تغطيتها لحد ١٤ متر، والدفاية بقوة ٢٥٠٠ وات وبتتكون من ١٣ ريشة.
اتعرف على عروض أسعار دفايات زيت Heller MAV من هنا.
دفاية زيت Delonghi KH770920 مكونة من ٩ ريشة من ديلونجي
دفاية الزيت من دليونجي الموفرة للطاقة واللي بتعتمد على ٩ ريشة وبتتميز بسرعة عالية جدًا في الوصول لدرجة الحرارة المطلوبة واللي تقدر تحددها بسهولة من خلال الثيرموستات القابل للتعديل، وكمان فيها عجلات لسهولة الحركة من غير ما تضطر تتحمل وزنها التقيل لو حبيت تنقلها.
اتعرف على عروض أسعار دفايات الزيت من ديلونجي من هنا.
دفاية زيت ١٣ ريشة ٢٥٠٠ وات من بلاك اند ديكر
دفاية زيت ممتازة مكونة من ١٣ ريشة وبقوة ٢٥٠٠ وات وبسعر مثالي وبتتميز الدفاية بإنها فيها تلات مستويات للحرارة عشان تناسب أحجام الغرف المختلفة وكمان الثرموستات مزودة بميناء عشان تحافظ على درجة حرارة الغرفة لفترة أطول، وبتقدر تغطي الدفاية الأوض لحد مساحة ٢٥ متر مربع وبتتميز كمان بخاصية مقاومة التجمد.
اتعرف على عروض أسعار دفايات بلاك اند ديكر الزيت من هنا.
دفايات الكهرباء
دفاية هالوجين LX-2820 بقوة ١٨٠٠ وات من لوكسيل
دفاية اقتصادية ممتازة من لوكسيل بتتمتع بصوت هادي جدًا ووزن خفيف وكمان قوة عالية ده غير عوامل الأمان الكويسة جدًا فيها، والدفاية مصنوعة من مواد عالية الجودة وغير قابلة للصدأ.
اتعرف على عروض أسعار دفايات لوكسيل من هنا.
دفاية ٤ شمعة بقوة ٢٢٠٠ وات من كوميتل
دفاية ممتازة من كوميتال بتعتمد على مكونات تركية بالكامل الدفاية بتعتمد على ٤ شمعات عشان تقدر تغطي أكبر نطاق ممكن للدفايات الكهربائية وقوتها ٢٢٠٠ وات يعني قدرة تسخين كبيرة جدًا بس طبعًا استهلاك عالي للطاقة عن الدفايات الزيت أو الدفايات الأقل في الطاقة والجهد الكهربي.
اتعرف على عروض أسعار دفايات كوميتال المتوفرة على ياقوطة من هنا.
دفاية كوارتز الكهربائية ٣ شمعات من فريش
دفاية بتصميم متميز وعصري جدًا وبتتميز باعتمادها على ٣ شمعات عشان توفر درجة حرارة قوية للغرف الصغيرة والمتوسطة، الدفاية جهدها بيوصل لحد 2100 وات وفيخا مفتاح أمان عشان تفصل أوتوماتيك في حالة تحريكها من مكانها.
اتعرف على عروض أسعار دفايات فريش من هنا.
دفاية كهربائية SH-910 بمروحة قوة ٢٠٠٠ وات من سوناي
دفاية كهربائية بمروحة من سوناي بقوة ٢٠٠٠ وات يعني قوة تسخين عالية جدًا وبفضل المروحة بتقدر توزع الهواء السخن في مساحة كبيرة حواليها، الدفاية قابلة للدوران الأفقي وممكن التحكم في درجة الحرارة وكمان التحكم في قوة المروحة، وهيكلها عازل للحرارة لأمان أكتر.
اتعرف على عروض أسعار دفايات سوناي من هنا.
دفاية سيراميك TPH-2000T بقوة ٢٠٠٠ وات من تورنيدو
نوع جديد من الدفايات اللي بتجمع ما بين مميزات الكهرباء ومميزات الزيت هي الدفاية السيراميك من تورنيدو بقوة ٢٠٠٠ وات، والدفاية دي فيها مميزات ضخمة زي إنها بتقدر تغطي مساحة لحد ١٦ متر وبتميز بشاشة تحكم رقمية قابلة للمس بتخليك تقدر تتحكم في درجة الحرارة من ١٥ لحد ٣٥ درجة، مع التحكم في حركة توزيع الهواء السخن، وبتتمتع بمجموعة كبيرة من عوامل الأمامن زي الفصل التلقائي لما توصل لدرجة الحرارة المطلوبة أو لو وقعت، وكمان بتقبل الدوران لحد ٨٠ درجة أفقيًا وفيها فلتر لتنقية لهواء وفيها ميقاتي زمني لحد ١٢ ساعة.
اتعرف على عروض أسعار دفايات تورنيدو من هنا.
اتعرف على عروض أسعار مختلف أنواع الدفايات المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.