قائمة بأهم مواصفات الخلاط الكهربائي
كتبت: شروق نبيل
الخلاط ليه استخدامات كتير في المطبخ زي العصاير، أو لتسهيل عملية الطبخ. ووجوده مهم في المطبخ لإنه بيسهل قوي عمايل أصناف كتيرة من المأكولات. وعشان ياقوطة تحب دايمًا تسهل عليكم عملية شراء واختيار الأصناف المختلفة. هنتعرف في المقال ده على أهم المواصفات والمميزات اللي مهم تكون موجودة في الخلاط اللي هنشتريه، كل الأنواع اللي موجودة في المقال متوفرة على ياقوطة، ولو عجبكم خلاط منهم وعاوزين تشتروه تقدروا تعرفوا أحسن الأسعار ليه وتقارنوا بينهم وتطلبوه من خلالنا وهتوصل لغاية عندكم في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
- فيه أربع أنواع خلاطات وهي خلاط فائق السرعات، وخلاط عادي، وخلاط صغير، ودراع خفق.
- لو محتاج خلاط قوي وسريع تستخدمه في تقطيع وخلط الأطعمة والفواكه بسهولة يبقى إنت محتاج الخلاط فائق السرعات، لأنه ممتاز لعمل السموزي وتقطيع الأطعمة المثلجة ومش هتحتاج تقطع الفاكهة لقطع صغيرة وكمان فيه سرعات وأنظمة مختلفة للخلط.
- لو عايز خلاط مجرد يكون للحاجات الخفيفة زي عصير الطماطم أو الخلط اليومي الخفيف يبقى الخلاط العادي مناسب ليك لكن مش هيعمل بكفاءة لو هتستخدمه للخلط التقيل زي والأطعمة المثلجة.
لو إنت عايش لوحدك ومحتاج خلاط لاستعمال خفيف ومش أكتر من عصير أو السموزي بتاعتك، يبقى تختار الخلاط الصغير الشخصي، وبييجي منه أنواع وعاء الخلط نفسه بيكون الكوباية اللي هتشرب فيها.
لو محتاج حاجة تخفق بيها الأطعمة زي البيض مثلاً، يبقى إنت محتاج دراع الخفق وهو عبارة عن دراع منفصل بأسلحة في آخره.
أخيرًا، نخلي بالنا من
- لازم تاخد بالك من حجم الخلاط قبل ما تشتريه، وتشوف لو مناسب مع حجم مطبخك ومع حجم أسرتك.
- حاول تشتري خلاط قطع الغيار والصيانة بتاعته متوفرة بسهولة.
لو هتشتري خلاط بوعاء
- حط في اعتبارك إن الزجاج بيتكسر بسهولة والبلاستيك أخف ومش بيتكسر لكن بيلقط الريحة بسرعة فلازم يتغسل كويس قوي.
- لو هتستخدم غسالة الصحون في الغسل اتأكد إن الوعاء نوعه قابل للغسل في غسالة الصحون.
- اشتري خلاط الوعاء بتاعه مفتوح من فوق وبيسمح بإضافة المكونات أثناء الخلط، خصوصًا لو بتحب تعمل السموزي.
فيه كمان أنواع فيها مصفاة لو حابب تنقي السائل من القطع الصلبة
- في خلاطات ليها قطع وأوعية مختلفة للاستخدامات المختلفة زي الهرس والعصر والتقطيع وكمان سرعات مختلفة وخاصية Pulse اللي بتعمل نبضات خلط سريعة.
- اتأكد إن أسلحة الخلاط مصنوعة من الاستانلس ستيل عشان ماتصديش.
- حاول تختار نوع بيسمحلك تخلع الأسلحة لزيادة الآمان وسهولة التنضيف.
- إخطار خلاط قعدته ثابتة وبيقفل كويس.
شوف أنواع خلاطات مختلفة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.