كتبت: شروق نبيل

التليفزيون هو أكتر جهاز في كل بيت بيجمع وبيلم أفراد الأسرة حواليه. لأنه وسيلة الترفيه الأساسية في أي بيت، وإنت بتشتري تليفزيون جديد لازم تتأكد إنه مناسب لبيتك ولاحتياجاتك ويكون فيه المواصفات المناسبة.

عشان ياقوطة يهمها راحتك قررنا نقدم لك قائمة بأهم المواصفات اللي لازم تاخد بالك منها وانت بتشتري أي تليفزيون جديد ودي قائمة مختصرة عشان تساعدك وإنت بتشتري. ولو عجبك أي منتج من المنتجات الذكورة في المقالة تقدر تقارن الأسعار على ياقوطة وتشتريه أونلاين من خلالنا وهيوصلك لحد باب البيت في أسرع وقت من غير ما تحمل هم نقل الجهاز من المحل بنفسك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع

وإنت بتشتري تليفزيون جديد، مهم تخلي بالك من الحاجات دي

• تقدر تحدد حجم التليفزيون عن طريق المعادلة دي: المسافة بين المكان اللي هتحط فيه التليفزيون ومكان المتفرج تقسم على ١.٦ تساوي حجم الشاشة.
• لو التليفزيون لغرفة نوم هنقسم المسافة على ٢.٥.
• من الحاجات اللي لازم ناخد بالنا منها هي نسبة البعد الأفقي والبعد الرأسي للشاشة والمقاس الأكثر انتشارًا هو ١٦:٩ لأنه مناسب لكل البرامج الجديدة.
• درجة وضوح التليفزيون بتزيد كل ما زاد رقم البكسلات المضروبة في بعض وأعلى درجة وضوح هي ال الترا اتش دي.
• لو عايز تعرف درجة التباين بتاعة التيلفزيون أحسن حاجة ممكن تعملها هي إنك تجيب فلاشة عليها فيلمك المفضل وتشغلها على التليفزيون في المعرض أو المحل وتشوف المشاهد المختلفة عاملة إزاي.
• لازم تاخد بالك من الرفريش ريت، لإن الرقم ده كل ما زاد كل ما كان أحسن وهيحددلك مدى تردد الصور السريعة على الشاشة وبيكون حوالي 60Hz.

• شاشة الأوليد هي أغلى نوع وهي بتستخدم طاقة اقل وبتكون أرفع من الشاشات الليد وبتبعث الضوء بدرجة كبيرة والوان واضحة وجودة عالية جدًا.
• لازم تاخد بالك من وصلات التليفزيون زي الاتش دي ام آي، ويو اس بي، كل ما زاد عدد الوصلات كل ما كان أحسن.
• حاول تشتري جهاز بيشتغل بأي ريموت كنترول عشان لو الريموت الأصلي باظ ما يسببلكش مشكلة وتقدر تلاقي بديل بسهولة.
• اتأكد كمان من نوع بطارية الريموت وإنها متوفرة بسهولة.
• لو ليك في الأفلام ثلاثية الأبعاد ممكن تشوف التليفزيونات ثلاثية الأبعاد اللي طالعة جديد، لكن حط في اعتبارك إنك هتحتاج تجيب نضارات بعدد أفراد أسرتك ولازم تكون نضارات متوافقة مع الجهاز اللي إنت هتجيبه.
• خد بالك إن الشاشات المنحنية اللي طالعة جديد ممكن ما تكونش ميزة قوي، لأنها بتخلي الصورة مش واضحة، إلا لو كنت قاعد قدام الشاشة بالظبط.
• جرب السماعات في المحل قبل ما تشتري التليفزيون عشان تتأكد إنها مناسبة لاحتياجاتك للصوت.
• التليفزيونات الذكية فيها كل المميزات الموجودة في تليفونك زي الإنترنت ونت فليكس وأغلب الأجهزة اللي في السوق ذكية (سمارت).
• حاول تشتري جهاز شاشته مات (مش بتلمع) خاصةً لو هيكون في غرفة فيها شباك أو مصدر إضاءة قوي عشان ما يأثرش على الفرجة.
• وإنت بتعاين الجهاز لف حواليه وشوف زوايا الرؤية المختلفة عشان الجودة بتختلف حسب المكان.

ممكن تشوف أنواع تليفزيونات مختلفة من هنا.

لو حابب تشوف الدليل الشامل لشراء التليفزيون شوف المقالة  دي من هنا.

وممكن كمان تشوف مقارنة بين أهم ٣ تليفزيونات على ياقوطة من هنا.

وأخيرًا، شوف تليفزيون لكل ميزانية من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.