كتبت: منى عوض

إزالة الشعر الزائد من الجسم واحدة من الأجزاء الأساسية والصعبة اللي موجودة ضمن نظام العناية الشخصية لأي بنت أو سيدة، وفي ظل كده هتلاقي إن إزالة الشعر من الجذور هي الخيار الأفضل والأسرع والأكثر عملية وده ممكن نتمتع بيه من خلال استخدام ماكينات إزالة الشعر اللي بتشتغل عن طريق تقنية الملاقيط أو فيه بعض الطرق التقليدية القديمة اللي بتوفر الإزالة من الجذور.

وخلال الفترة الأخيرة، تعددت موديلات آلات إزالة الشعر وبنات وستات كتير بقوا يحتاروا في الاختيار، عشان كده ياقوطة قررت إنها تقدملكم النهارده مقال بيوضح طريقة الاختيار المثالية لماكينات إزالة الشعر وهنتعرف كمان على مميزات وعيوب إزالة الشعر بالماكينات دي وإيه هي الطريقة الصحيحة لاستخدامها.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع

أولًا هنتكلم عن مميزات وعيوب إزالة الشعر بماكينات إزالة الشعر

المميزات

• إزالة الشعر الزائد بتكنولوجيا الملاقيط المخصصة لنزع الشعر من الجذور وبالتالي التمتع بنعومة ونظافة جلد لفترة زمنية أطول.
• سهلة الاستخدام وبتوفر الوقت والمجهود مقارنة بطرق إزالة الشعر التقليدية القديمة.
• ماكينات إزالة الشعر الجديدة بيتوافر معاها قطع كتير من الممكن استخدامها لإزالة شعر الوجه والمناطق الحساسة، وكمان للتدليك وما إلى ذلك.

العيوب

• ممكن تسبب لبعض الناس مشاكل في البشرة.
• ممكن تتسبب في احمرار جلد ذوي البشرة الحساسة.
• أحيانًا بتتسبب في نمو الشعر تحت الجلد إذا تم استخدامها بشكل خاطئ.

ثانيًا: هنتكلم دلوقتي عن كيفية اختيار ماكينة إزالة الشعر الزائد المناسبة

فيه حاجات أساسية لازم تاخدي بالك منها وإنتي بتشتري ماكينة إزالة الشعر الزائد، وهي

عدد الملاقيط

عادةً هتلاقي إن ماكينات إزالة شعر بتتكون من ٢٠ ملقاط وماكينات تانية بتتكون من ٤٠ ملقاط، بس تقنية الـ ٤٠ ملقاط بتقدر تشيل المزيد من الشعر القصير جدًا من الجذور بشكل أكبر وأسرع وبفعالية مع كل تمريرة – مقارنة بالـ ٢٠ ملقاط، وبالتالي تحقيق نعومة تدوم حتى ٤ أسابيع.

نوع الماكينة

فيه نوعين لماكينات إزالة الشعر، وهم

• الماكينات اللي بتشتغل عن طريق الكهرباء. النوع ده من الماكينات مش بيستخدم غير بشكل جاف يعني ماينفعش تستخدميها تحت الماء، وفيه كتير من السيدات بيفضلوا الماكينات دي، لأن الإزالة بالنسبة ليهم بتكون أسهل هنا عشان الشعر مش بيكون لازق في الجسم نتيجة تعرض البشرة للماء.
• الماكينات اللي بتشتغل عن طريق بطارية قابلة للشحن. والنوع ده من الماكينات من الممكن فصلها واستخدامها بحرية بعيدًا عن الكهرباء، ودي من الممكن استخدامها بشكل جاف بدون ماء أو استخدامها تحت الدُش أثناء الاستحمام لأنها مقاومة للماء بنسبة ١٠٠٪، مع العلم إن إزالة الشعر الزائد تحت الماء الدافئ بتقلل من الشعور بالألم إلى حد كبير، ده لأن الماء الدافئ بيعمل على إطلاق هرمون الإندورفين اللي بيُعتبر مسكن الطبيعي للجسم. وعادة الماكينات اللي بتستخدم تحت الماء دي بتكون سهلة التنظيف لأن من الممكن تنظيفها بسهولة تحت الماء، زي ماكينة Silk-épil 9.

نوع الرؤوس

فيه أنواع من ماكينات إزالة الشعر مش بتحتوي غير على رأس واحدة بس لإزالة شعر الساقين والذراعين وده على الرغم من أن استخدام الماكينات مابقاش يقتصر على الساقين والذراعين بس، ولكن بقى فيه ماكينات جديدة بتحتوي على العديد من الرؤوس المخصصة لإزالة شعر الوجه والمناطق الحساسة، وعمل مساج خلال الاستخدام للحد من الشعور بالألم. مش بس كده لأ، ده بقى فيه كمان بعض الماكينات مزودة بقطع لتقشير البشرة وإزالة الجلد الميت وتدليك البشرة.  

درجات السرعة المتاحة

اتأكدي إن الماكينة بتحتوي على سرعات متعددة عشان تقدري تشغليها بالسرعة المطلوبة حسب اختلاف المنطقة اللي بتستخدميها عليها في جسمك وحسب طول الشعر وكثافته.

ثالثا: طريقة إزالة الشعر بشكل صحيح

ماكينات إزالة الشعر الزائد ليها طريقة معينة في الاستخدام عشان ماتتسببش في نمو الشعر تحت الجلد أو التهاب البشرة أو أي مشاكل تانية، عشان كده ياقوطة هتعرض عليكي الطريقة الصحيحة لإزالة الشعر بماكينات إزالة الشعر الزائد، وهي:

• جهزي بشرتك قبل عملية إزالة الشعر، وده ممكن يتم من خلال الاستحمام أولاً وبعدين تجفيف البشرة كويس عكس اتجاه نمو الشعر عشان يبقى من السهل إزالة الشعر الزائد بالملاقيط.
• قشري بشرتك قبل إزالة الشعر لأن الخطوة دي هتساعد في التخلص من الجلد الميت ونعومة البشرة وإخراج الشعير القصير جدًا إلى سطح البشرة. عشان يتم انتزاعها من قبل الماكينة بسهولة ومنع نمو الشعر القصير تحت الجلد.
• اتأكدي من عدم استخدام أي عطور أو صابون معطر على بشرتك قبل إزالة الشعر أو بعدها عشان جلدك مايتعرضش لأي التهاب أو احمرار.
• مرري ماكينة إزالة الشعر على الجزء المراد إزالة الشعر منه، ولكن عكس اتجاه نمو الشعر بزاوية ٩٠ درجة مع الجلد، عشان الشعر مايتعرضش للتقصف ولكن إزالته من الجذور.
• خلال عملية إزالة الشعر اتأكدى من إنك مش بتضغطي على الماكينة أو بتمرريها أكتر من مرة على نفس المنطقة عشان بشرتك ماتتعرضش للالتهاب أو الخدش.
• استخدمي كريم مرطب بمجرد الانتهاء من عملية إزالة الشعر عشان تلطفي البشرة وتهديها.
• اتأكدي من نظافة الماكينة بعد الانتهاء من إزالة الشعر الزائد من خلال استخدام فرشاة التنظيف المصاحبة للماكينة مع القطع الجافة أما القطع اللي ينفع تستخدميها تحت الماء فتأكدي من تجففيها عن طريق منشفة نظيفة بشكل كويس.

شوفي تجربة استخدام آلة إزالة الشعر Silk-épil من براون من هنا.

شوفي أهم ٨ أدوات تجميل على ياقوطة في ٢٠١٧ من هنا.

مين مننا مش بتحب تهتم بنفسها وجمالها، عشان كده ياقوطة بترشحلكم مقترحات لأدوات العناية الشخصية للسيدات.

وده بقى مقال بيحتوي على أهم المنتجات اللي بتحتاجها كل سيدة عشان تواكب الموضة.

شوفي كمان أهم المنتجات الضرورية لكل سيدة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.