كتبت: فاطمة نامق

العناية الشخصية لكل بنت هي أكتر حاجة بتفكر فيها وبتحاول تختار الطرق السهلة والمريحة واللي في نفس الوقت مالهاش آثار سلبية أو عكسية. في نفس السياق، إزالة الشعر غير المرغوب فيه من الجسم يُعتبر من أصعب المهام في العناية الشخصية ووسائله عديدة وكل وسيلة ليها عيوبها ومميزاتها.

من خلال المقال ده هنتكلم عن أحد الوسائل الحديثة المريحة واللي مالهاش آثار سلبية بقدر الوسائل الأخرى وهي ماكينات براون سيلك أبيل. وطبعًا احنا عارفين إن موديلاتها كتير جدًا وبتخلينا نحتار في الاختيار ما بينهم. أنا اخترت موديل معين هتكلم عن مميزاته وعيوبه وهو براون 7 سيلك أبيل 7951. 

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

مواصفات ووظائف الماكينة وبعض النصائح عند استخدام كل وظيفة

الماكينة دي صُممت بأعلى مستويات الجودة في الأداء والتصميم لكن يجب استخدامها بالطريقة الصحيحة واتباع إرشادات الاستخدام.

أولًا: إزالة الشعر

• تزيل حتى اقصر الشعيرات من الجذور.
• إزالة الشعر بتكون اسهل عندما يكون الشعر اقصى طول له ٠٫٥ الي ٥ ملم واذا كان أطول فمن الأفضل حلاقته أولًا.
• عند الاستعمال الجاف يجب ان تكون بشرتك جافة وخالية من الزيوت او الكريمات.
• عند الاستعمال مع الماء يجب ان تكون بشرتك مرطبة تمامًا.
• يجب شد البشرة دائمًا أثناء إزالة الشعر ويجب التصاق الآلة مباشرة من البشرة.
• استخدام كل غطاء إزالة للمكان المخصص له للحصول علي افضل نتيجة.

ثانيًا: حلاقة الشعر

• هي مهمة سريعة وكمان زي ما قولت قبل كده ضروري حلاقة الشعر قبل إزالته.
• تستخدم لحلق شعر الخطوط والثنايا الدقيقة يجب إقفال أداة الحلاقة بسحب المؤشر اللي عليه علامة قفل.
• لتقصير الشعر استعدادًا لحلاقته يجب تركيب الغطاء الشفاف فوق رأس الحلاقة.
• يجب أن تكون الحلاقة في عكس اتجاه نمو الشعر.
• للمحافظة على أداة الحلاقة يجب تزييتها كل ٣ شهور.

ثالثًا: تقشير البشرة

• الفرشاة دي مصممة للجسم وخاصةً القدمين والذراعين وأسفل الرقبة وغير مناسبة للوجه.
• من الممكن استعمالها مرة كل أسبوع على البشرة الجافة أو المبللة.
• عدم غمر الآلة تمامًا في المياه وعند الاستحمام لأن ده مش هيديكي نتايج كويسة.
• الآلة تعمل على إزالة الجلد الميت ونفس الوقت مساج للجسم.
• استعمال الفرشاة على البشرة المبللة أفضل أربع مرات من استعمال مستحضرات التجميل.
• يمكن استخدام الفرشاة مع مستحضر تقشير للبشرة وبكده بتكون النتيجة أفضل بكتير.
• استعمال الفرشاة باستمرار مرة كل أسبوع بيقلل فرص نمو الشعر تحت الجلد.

رابعًا: تنظيف الآلة

• من الأفضل بعد كل استخدام تنظيف الآلة بواسطة فرشاة التنظيف وكمان ممكن تنظيفها تحت الماء الجاري.
• لتنظيف رأس إزالة الشعر يجب تنظيف الملاقيط باستخدام الكحول.

مميزات آلة براون 7 سيلك أبيل 7951

• تحتوي على ٤٠ ملقاط مصممين للإمساك بالشعر القصير جدًا.
• جهاز تدليك يعمل على إراحة البشرة.
• فيها رأس محوري يتبع كل ثنايا الجسد ليساعد على تماس الماكينة مع البشرة.
• إنها تستخدم جافة أو تحت الماء.
• ملحق بها ضوء سمارت يمكنك من رؤية كل شعرة.
• يمكننا اختيار السرعة المناسبة.
• تعمل بنظام الشحن حتى يمكننا استخدامها تحت الماء وكمان مش مُلزمين نكون قاعدين جنب الشاحن.

عيوب آلة براون 7 سيلك أبيل 7951

• زمن البطارية ما بين ٣٠ إلى ٤٠ دقيقة فقط.
• البعض اشتكى من ارتفاع سعرها.
• حجم رأس نزع الشعر صعير وبيتطلب وقت لإزالة شعر جميع شعر الجسم.

بعض آراء المستخدمين

• نهى فوزي: بصفة عامة هي كويسة لكن رأس التقشير دي ملهاش لازمة وما بتعملش حاجة.
• رضوى عزت: هي حلوة في كل حاجة ما عدا رأس التقشير، حاسّة إنها ضعيفة أو يمكن ليها طريقة معينة للاستخدام أنا مش عارفاها.
• ريم حسن: براون كلها واحدة بس الفرق إن رأس التقشير دي حلوة قوي للركبة والكوع.
• دينا خيري: حلوة قوي وبحبها خصوصًا عشان حوار إنها بتشتغل تحت المياه وكمان رأس التقشير، أنا بستخدمها على ملح الحليب حلوة قوي بدل ما أدلك بإيدي بعمل بيها والنتيجة بتبقى هايلة.
• آية أحمد: ضرورية جدًا وبتنجز بس لسه ما جربتش رأس التقشير.

ممكن تشوفي آلة إزالة الشعر براون 7 سيلك أبيل 7951 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.