كتبت: سارة عمار

مفيش حاجة أهم من الميّة، والميّة النضيفة المعقمة بقت شيء ضروري في كل بيت وما بقتش رفاهية زي ما الناس كانت فاكرة زمان، لإنها بتحمي من الأمراض اللي ممكن تنتج عن تلوث الميّة بعناصر زي الكلور والرصاص والزئبق والحديد، واللي ترسبها في الجسم بيسبب مضاعفات بيبان تأثيرها بعد سنين من شرب الميّة الملوثة.

في المقال الجاي، ياقوطة هتوضحلك مواصفات، مميزات وعيوب فلتر أكوا جيم ٧ مراحل.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

• فلتر بيتكون من ٧ مراحل، ٧ شمعات.
• خزان مياه.
• الجزء الأخير الحنفية.
•  تايواني الصنع.
• محبس لموتور المياه.

المميزات

• سعة الخزان مناسبة جدًا عشان تعبئة الزجاجات وتطبخي بيها وللشرب والعصير على مدار اليوم، على حسابات الناس الدقيقة يبقى اكوا فلتر يكفي ٥ أشخاص.

• المواد اللي داخلة في صنع الفلتر وفي التنقية طبيعية ومفيش فيها أي ضرر على صحة الإنسان لا على المدى القريب ولا على المدى البعيد، وفي شهادة صحية معتمدة بكده.

• فيه محبس عشان يوقف الموتور اللي بيقوم بتعبئة المياه في الخزان، نفتحه ونقفله وقت ما نحب.

العيوب

• الخزان معمول بطريقة المضخة يعني لازم كل فترة يجي الفني ومعاه أنبوبة أكسجين لنفخ الخزان دا، والعيب دا ممكن مايظهرش، ولما بيظهر بيكون في صورة اندفاع للمياه بطيء وقليل.

• الشمعات بتتغير كل فترة، هوا مش عيب وده شيء ضروري لسلامتكم بس ممكن كبار السن مايكونوش متابعين كويس لموضوع التواريخ وامتى ده يتغير وامتى ده يتشال.

• في صوت زنة بسيط نتيجة الاهتزاز والخزان بيعبي المياه.

السبع مراحل للفلتر

• مجرد ما بفتح حنفية المياه بتاعت فلتر اكوا بيبدأ الفلتر بسحب المياه وبيدخلها على أول شمعة تنقي المياه من أي معادن مترسبة فيها أو تراب وده عشان فيها مواد بتقتل الحشرات مش بس الحشرات و الحشرات الميكروسكوبية كمان.

• وبعد كده بتدخل المياه على مرحلة بيستخدموا فيها مادة حبيبات الكربون اللي بتقدر تشيل أي غازات ضارة زي الكلور والمبيدات الكيماوية.

• المرحلة الثالثة برضه كربونية بس استخدمت المادة الصلبة منه لتنقية أفضل من المواد العضوية والكلور.

• وعشان تطمن إن المياه حتوصل للمرحلة الرابعة عشان تبدأ المياه تبقى مفلترة وتنفصل المياه العكرة عن المياه الحلوة وده عشان بتتعرض لتقنية Ro وبتستقر المياه في الخزان، سعة خزان اكوا جيم فلتر ١٠ لتر.

• حتروح المياه وتكمل مشوارها للأربع مراحل الباقية، أولهم مرحلة ازالة الرائحة اللي بتكون مغيرة طعم المياه نتيجة اختلاطها بمواد ملوثة وبتطلع المياه من المرحلة دي من غير أي رائحة.

• في المرحلة السادسة والسابعة كوب المياه اللي قررت اشربه هيتعرض لنوعين من الأشعة تحت الحمراء وده أول نوع، عشان بالمختصر تخلي المياه فيها نسبة اكسجين بعد العمليات اللي تمت عليها، وبعملية فيزيائية حيتم معادلة الأيونات، عشان ابسطلكم اللي حصل دي عملية هيحس بيها جسمنا في صورة بناء لخلايا الجسم، وزيادة مضادات الأكسدة اللي بتخلصنا من السموم ، ونوع الأشعة التاني هي فوق البنفسجية ودي عشان تطمن اي حد، لأنه النوع ده من الأشعة بيقتل أي كائن غير مجهري، وبكدا حتنزل المياه واشرب بكل طمأنينة.

تركيب الجهاز

الفلتر في جزء بيتركب فوق الحوض وده عبارة عن السبع مراحل، والحنفية والمحبس. وجزء أسفل الحوض وده بيكون خزان الفلتر.

رحلة ما بعد البحث عن كوب مياه نقية

في ناس متصورة أنه علاقتك بتنتهي بشراءك للمنتج، و ياقوطة بتقولك خلي بالك من:

• نظام خدمة العملاء، ودايمًا خدمة العملاء بتكون بوابة لأي شركة، إذا ردهم مقنع وفعلًا متعاونين يبقى الإدارة قوية، وشركة محترمة لأنهم واجهة أي شركة.
• توفر الشمعات بعد انتهاء مدة صلاحيتها.
• نقطة الصيانة مهمة جدًا، وسرعتهم أهم.
• تغيير الشمعات والمراحل واللي ممكن حد ينساه؛ أي خدمة عملاء جيدة هتفكركم بتواريخ تغيير الشمعات.

شوف فلتر أكوا من هنا.

لو جربت فلتر اكوا قولنا تجربتك في كومنت.