تليفزيون جاك الـ ٥٥ بوصة: تجربة مشاهدة أكثر إثارة
كتبت: منى عوض
التليفزيون دلوقتي بقى جزء لا يتجزأ من أي بيت عصري، وده خلى الشركات تقرر إنها تقدم أنواع جديدة وإمكانيات متقدمة بصفة مستمرة، عشان كده لازم تكون حريص على متابعة كل الأخبار الجديدة الخاصة بالتليفزيونات وتعرف إيه مواصفات ومميزات وعيوب كل تليفزيون عشان تقدر تشتري النوع الأنسب ليك ولاحتياجاتك.
في المقال ده ياقوطة قررت إنها تستعرض المميزات والعيوب وتجربة المستخدم الخاصة بـ تليفزيون JAC 55 Inch FullHD LED-55ASS، اللي وصل عشان يغيرلك مفاهميك ويخليك تستمتع بتجربة مشاهدة أكثر إثارة، ولو عجبك التليفزيون ده تقدر تطلبه أونلاين من على موقعنا وهيوصلك لحد باب بيتك في أسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
مواصفات التليفزيون
|
نوع الشاشة |
LED – Full HD – Smart Android. |
|
نظام التشغيل |
Android. |
|
حجم الشاشة |
٥٥ بوصة. |
|
اللون |
أسود. |
|
جودة الصورة |
١٠٨٠×١٩٢٠ بكسل. |
|
الوسائط |
منفذين USB ومنفذين HDMI. |
|
الاتصال بالإنترنت |
يوجد. |
المميزات
- التليفزيون مصنوع من بلاستيك عالي الجودة، والجزء الداخلي مصنوع من الستيل عشان يكون أكتر متانة، ده غير إنه بيتميز بإطار داخلي مصمم من المعدن.
- التليفزيون بيتمتع بوزن خفيف وتصميم رفيع بيخليك قادر تحطه فوق أي مكان مسطح.
- شاشة كبيرة الحجم ٥٥ بوصة بتقدم جودة عالية ونقية للصورة، خصوصا إنها Full HD بدرجة وضوح ١٠٨٠×١٩٢٠ بكسل وبالتالي هتحصل على متعة خاصة أثناء المشاهدة.
- الشاشة بتشتغل بتكنولوجيا LED الأكثر تطورًا فهي هتضمنلك درجة إضاءة مميزة وتوفير طاقة ومحافظة على البيئة خلال وقت المشاهدة.
- الشاشة بتدعم كمان معدل التباين التلقائى أوتو ميجا «Auto-Mega Contrast» عشان تعرضلك صور رائعة وواضحة.
- بيدعم فكرة التليفزيون الذكي «Smart TV» أو بمعنى أصح بيشتغل بنظام الأندرويد زيه زي تليفونك الذكي بالظبط، يعني تقدر توصّل التليفزيون بشبكة الإنترنت وتشوف الأفلام والفيديوهات وتسمع الموسيقى اللي بتحبها أونلاين، ده غير إنك كمان تقدر تشغّل بعض تطبيقات الشبكات الاجتماعية من جوجل بلاي على التليفزيون، زي يوتيوب وفيسبوك وتويتر وغيرهم كتير، وتقدر كمان تتصفح شبكات الإنترنت من خلال المتصفحات زي إنترنت إكسبلورر.
- فتحتين يو إس بي «USB» للوسائط المتعددة اللي بيتيح توصيل أجهزة التخزين الخارجية زي الهارد ديسك والفلاش ميموري بالتليفزيون، عشان تقدر تعرض مقاطع الفيديو والصور والاستماع للموسيقي بأكتر من ٢٧ صيغة زي صيغة MP3 وJPEG وMPEG وغيرها كتير من خلال التليفزيون.
- منفذين إتش دي إم أي «HDMI» وده عشان تقدر توصل التليفزيون بأجهزة تانية حديثة، زي الريسيفر والكمبيوتر وأجهزة تحكم الألعاب والأقراص الخارجية وما إلى ذلك.
- بيتوافر معاه جهاز تحكم عن بعد الريموت كنترول.
العيوب
- مش بيدعم تقنية الـ 3D.
- منفذين الـ USB يُعتبروا غير كافيين بالنسبة للمستخدمين اللي بيحبوا يوصلوا أجهزة كتيرة زي الكمبيوتر أو الكاميرا أو الموبايل لعرض حاجة معينة على التليفزيون.
- منفذين الـ HDMI برضه غير كافيين، لإنك مش هتقدر توصل غير جهازين بس بالتليفزيون وبالتأكيد الريسيفر هياخد منفذ من الاتنين وبالتالي هتحتاج تفكر كتير في الجهاز التاني اللى هتوصله بالتليفزيون.
تجربة المستخدم
- الجهاز بيقدم للمستخدم تجربة مشاهدة ممتعة ومتألقة مقابل سعر مناسب إلى حد ما بالنسبة للمستخدمين، وده لأن دقة وضوح الشاشة عالية بتوصل لحد ١٠٨٠×١٩٢٠ بكسل، ده غير إنه بيجسم التفاصيل بشكل ملحوظ، وبالتالي بيسمحلك بمشاهدة الألوان زي ما المفروض تكون بالظبط.
- من الممكن التحكم في درجة سطوع الشاشة من خلال إعدادات الصورة باستعمال الأزرار الموجودة خلف الجهاز أو باختيار الوضع الأنسب للمشاهدة من خلال زرار الـ P Mode.
- الجهاز مش بيصدر درجة حرارة عالية من فتحات التهوية الموجودة فيه مع الاستخدام المتواصل لعدة ساعات.
شوف تليفزيون JAC 55 Inch FullHD LED-55ASS من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال