كتب: خالد عاصم

خلال الفترة اللي فاتت بدأ كتير من المستخدمين يتجهوا للقلايات الهوائية أو القلايات بدون زيت أو اللي ممن نطلق عليها القلايات الصحية، وليه هوائية وليه بدون زيت وليه صحيه، فكل المسميات دي بتيجي من سبب واحد بس وهو إن النوع ده من القلايات هي في الواقع مش بتقلي هي بتعتمد على الهواء شديد السخونة اللي بيوصل لدرجة حرارة ٢٠٠ درجة مئوية تقريبًا ومن خلال الهواء ده بتقدر تسوي الأكل المحطوط فيها في عملية شبيهة بالقلي أحيانًا وبالخبز أحيانًا، ولأنها بتعتمد على الهواء فاعتمادها على الزيت يكاد يكون منعدم، ولأنها مش بتحتاج لزيت إلا لمعلقة واحدة وفي بعض الحالات بس فده اللي بيخليها تتوصف بالصحية.

ولأن النوع ده من القلايات حقق نجاح وانتشار كبير خلال الفترة اللي فاتت، فبقى فيه عدد كبير جدًا من القلايات الهوائية في السوق، واهتمت الشركات الكبيرة بإنها تطرح أجهزتها المنافسة في المجال ده، ومن بين الشركات دي شركة كينوود Kenwood الشهيرة اللي بتقدم القلاية الهوائية Kenwood ٥٫٥ لتر تاتش موديل HFP50.000BK واللي بتتميز بمجموعة كبيرة من المميزات أهمها إنها واحدة من أكبر القلايات الهوائية في السوق حاليًا.

وفي المقال ده هنتكلم بالتفصيل عن القلاية الهوائية Kenwood ٥٫٥ لتر تاتش وهنتعرف على مواصفاتها بالكامل ومميزاتها وعيوبها وكمان رأي المستخدمين فيها.

ولو أي قلاية من اللي هنتكلم عنهم عجبتك هتقدر تطلبها من خلالنا في ياقوطة وهتوصلك لحد باب البيت وكمان تقدر تشتري المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

القلاية الهوائية Kenwood ٥٫٥ لتر تاتش موديل HFP50.000BK

المواصفات

• السعة: ٥٫٥ لتر – ٢٫٤ كيلو جرام
• الطاقة: ١٨٠٠ وات
• التحكم: رقمية من خلال شاشة LCD قابلة للمس
• مواد الصناعة: جسم خارجي من البلاستيك بأجزاء داخلية من المعدن وحلة داخلية بطلاء مانع للالتصاق
• درجات الحرارة: قابلة للتعديل من ٨٠ درجة مئوية لحد ٢٠٠ درجة مئوية
• فترة الضمان: سنتين
• بدل المنشأ: الصين
• الموديل: HFP50.000BK

مزايا وعيوب القلاية الهوائية Kenwood ٥٫٥ لتر تاتش

مزايا القلاية الكهربائية Kenwood ٥٫٥ لتر تاتش

• واحدة من أكبر القلايات الكهربائية المتوفرة في السوق لأنها بتيجي بسعة ٥٫٥ لتر يعني تقريبًا ٢٫٤ كيلو جرام ودي سعة كبيرة جدًا تكفي يتعمل فيها كمية كبيرة من الأكل في وقت واحد
• مش بتحتاج لاستخدام الزيت في أغلب سيناريوهات استخدامها وأقصى كمية زيت ممكن تحتاجها في بعض الحالات هي معلقة واحدة بس
• بقوة ١٨٠٠ وات يعني قوة هائلة بتخليها تقدر تقوم بعملها بأسرع وقت ممكن
• إمكانية التحكم في القلاية من خلال شاشة LCD تاتش يعني مفيش عناصر تحكم زي الأزرار أو الأقراص اللي ممكن تبوط مع الوقت
• إمكانية التحكم في درجة الحرارة من ٨٠ درجة مئوية لحد ٢٠٠ درجة مئوية
• مؤقت بيشتغل لحد ٦٠ دقيقة كاملة
• ٧ برامج محددة مسبقًا لسهولة الاستخدام
• كل مميزات القلايات الهوائية اللي بتقلل من نسبة الدهون في الأكل لحد ٨٠ في الميه وبتعتبر صحية جدًا
• إمكانية استخدامها في تحضير أكتر من الأكل زي الخبيز والتسخين وغيرها من الاستخدامات
• حلة داخلية مصنوعة من المعدن المغطى بطبقة غير لاصقة
• مقبض خارجي مقاوم للحرارة
• الجسم الخارجي مصنوع من البلاستيك المقاوم للحرارة
• سهلة التنضيف جدًا

عيوب القلاية الكهربائية Kenwood ٥٫٥ لتر تاتش

• الجسم الخارجي ضعيف شوية وممكن يتأثر بأي خبطة بسهولة
• استهلاكها للطاقة عالي بشكل كبير
• بعض المستخدمين اشتكوا من ضعف المادة المطلي بيها الحلة الداخلية

تجارب ورأي بعض المستخدمين

• قلاية جيدة جدا وتحتاج للقليل جدا من الزيت وتعطي الطعام مذاق ممتاز
• مازالت تحت التجربة ولكنها إلى الأن ممتازة
• مادة التيفال الداخلية للحلة ضعيفة جدًا

اتعرف على عروض أسعار القلاية الهوائية Kenwood 5.5 لتر تاتش من هنا.

اتعرف على عروض أسعار مختلف القلايات الهوائية المتوفرة على ياقوطة من هنا.

اتعرف على عروض أسعار مختلف الأجهزة المنزلي المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.