كتبت: مي سرور

 تعتبر قلايات الهواء أو الـ Airfryers  من أحدث أجهزة المطبخ وكانت عند أول ظهورها ثورة في عالم الطهي، فمعاها أصبح الهواء هو الزيت (Air is New Oil ). بتقوم فكرة القلايات دي على طهي الطعام عن طريق استخدام تيارات من الهواء فائق السخونة والسرعة، وبتساعد المروحة اللي جوه المقلاة الهوائية على تدوير الهواء الساخن حوالين الطعام بسرعة فائقة  لتسويته وإحداث تفاعل يسمى تأثير مايلارد  the Maillard Effect وهو ما يعطي الطعام طبقة خارجية مقرمشة.

قلاية الهواء من ضروريات المطبخ خاصةً للي بيتبعوا نظام صحي معين وفي نفس الوقت مش عاوزين يحرموا نفسهم من أكلات معينة، وناس تانية بيشوفوا إنها رفاهية ومالهاش لازمة. ما بين الرأي والرأي الآخر ياقوطة جابتلكم المقال ده عشان تعرفوا إيه استخدامات قلاية الهواء، مواصفاتها، مميزاتها وعيوبها.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

عشان نتخيل مدى سرعة القلاية دي وكمية الزيت البسيطة اللي بنستخدمها معاها هنقول مثال: ممكن قلي كيلو من صوابع البطاطس باستخدام معلقة واحدة زيت وفي خلال ٢٠ دقيقة فقط. يعني بطاطس طازجة وصحية وبدهون ٣٪ فقط.

وطبعا القلاية دي مش للبطاطس بس، لإن القلاية ممكن تقلي وتحمر وتشوي وتخبز، وكمان كل الأطعمة المجمدة هتسويها، بالاضافه إلى الخضروات الطازجة، اللحوم بأنواعها والبانية والبوفتيك، ونعمل الأرز، اللازانيا، السبرنج رول، وكمان تحميص المكسرات والفول السوداني. تقريبًا نقدر نستعملها في كل أنواع الأكل ، وده سبب وجيه يبرر ارتفاع سعرها.

فيه ناس فشلوا في استخدامها وبصراحة العيب مش في تقنية القلاية لإن الموضوع عاوز صبر وتجربة لغاية ما نتعلم أفضل طرق الاستخدام ونظبط الوقت والحرارة لكل نوع. وأكتر حاجة بتفيد هو كتاب الوصفات اللي بييجي مع القلاية لتسوية الأكل بشكل كويس. 

عشان كده نقدر نقول إن الناس بتقبل علي شراء القلاية الهوائية الجديده للأسباب دي:

• الحصول على أكل صحي وفي نفس الوقت شهي ولذيذ.
• توفير الوقت والجهد.
• القلي بدون دهون.
• تجنب الروائج وتراكم الشحوم الناتج عن القلي العميق.
• الرغبة في التجديد والتجربة.

 الحاجات المهمة اللي ناخد بالنا منها واحنا بنتخار قلاية الهواء

• الحجم: ونقصد بيه كمية الطعام اللي ممكن القلاية تاخدها ودي بتتراوح من ٨٠٠ جرام حتى  ١٫٥ كيلو جرام.
• الإعدادات: خيارات التحكم في درجات الحرارة ونوعية الأطباق التي يمكن إعدادها باستخدام القلاية.
• الملحقات: وهي الأجزاء المكونة للقلاية ومدى سهولة فكها وتنظيفها.
• القوة الكهربائية: هناك قلايات تعمل بين ٨٠٠ و ١٥٠٠ وات.
• كتاب الوصفات: مهم جدًا لإنه هو اللي هيعلمنا إزاي نستخدم القلاية ونظبط الوقت لكل صنف طعام.
• السعر: طبعا هو متغير حسب حالة السوق بس في المتوسط هيكون بين  ٢٢٠٠ حتى  ٣٥٠٠ جنيه وأكتر.

أهم نوعين من قلايات الهواء في السوق 

الإيرفراير

• الإيرفراير اختراع فيلبس Philips Air fryer عام ٢٠١٠. 

شوف المجموعة الكاملة من الأيرفراير هنا.

الأكتيفراي

• الأكتيفراي اخترع تيفال Tefal Actifry عام ٢٠٠٦.

 تقدر تشوف المجموعة الكاملة من تيفال أكتيفراي من هنا.

وطبعًا في ماركات تانية غيرهم بس الاتنين دول هم الأساس وهم معيار المقارنة بالنسبة للماركات الأخرى.

وعشان تعرف أكتر عن الماركتين تقدر تراجع مقالتنا اللي بتتكلم عن الفرق بين الأيرفراير والأكتيفراي من هنا.

السؤال دلوقتي: إزاي تختار ما بينهم؟

ده بيعتمد على الآتي:

• عدد أفراد الأسرة: بالنسبة لفرد أو اثنين فيلبس هتكون عملية لإن موديلاتها بها سعة ٨٠٠ جرام ، أما لأسرة مكونة من ٣ أفراد أو أكثر فإن تيفال ستكون خيار أفضل.
• نوعية الطعام المفضلة: في حالة تفضيل طهي قطع صغيرة فإن تيفال تناسبك، أما في حالة تفضيل القطع الكبيرة والنوعيات المتعددة فإن فيلبيس هي الأفضل على الرغم من الحاجة إلى تقليب الطعام يدويًا أثناء الطهي. وكمان نلاحظ إن فيلبس فيها تحكم في درجات الحرارة بيسمح بطهي المأكولات اللي بتحتاج درجة حرارة معينة (الكيك – الخبز – المافن).
• الميزانية المتاحة: فيه ماركات متعددة أخرى أسعارها مختلفه لكن فيلبس هو الأغلى في السوق.

 قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا فى تعليق أو من خلال صفحة Yaoota.com على فيسبوك