كتب: خالد عاصم

الشتاء هو أفضل وقت لشراء التكييف وده لأن العروض عليه بتبقى كبيرة وأسعاره بتكن مخفضة مقارنة بأسعار الصيف اللي يعتبر موسم شراء التكييفات، بس ممكن برضه تقول لنفسك إيه اللي يخليني اشتري جهاز غالي زي ده دلوقتي وانا مش محتاجه غير بعد شهور، هقولك إنك لو اخترته بارد وساخن فأنت كمان هتقدر تستفيد منه في الشتاء وهتقدر تدفي الجو وتتفادى تمامًا البرد والمشاكل اللي ممكن تحصل بسببه، وإيه رأيك كمان لو كان موفر للطاقة وفيه إمكانيات ممتازة؟

هو ده اللي هنتكلم عنه النهارده، وفي المقال ده هنتعرف على خمسة من أفضل التكييفات بارد وساخن 1.5 حصان المتوفرة على ياقوطة من مختلف الشركات والفئات السعرية.

ولو أي تكييف عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أفضل التكييفات ساخن وبارد ١٫٥ حصان على ياقوطة

تكييف يونيون اير ارتيفاي سخن وبارد ١.٥ حصان

سعر اقتصادي ممتاز وشكل جذاب جدًا وأمكانيات جيدة لحد كبير دي العناصر اللي بتوصف تكييف ارتيفاي من يونيواير، التكييف بيتميز بمجموعة من المميزات زي التشغيل الهادئ جدًا بفضل خاصية عزل الصوت، وأوضاع التشغيل المميزة زي وضع جاف اللي بيقلل من بخار المياه الناتج من البخار ووضع النوم اللي بيوفر بيئة مناسبة تساعد على النوم وتوفر الطاقة، وكما إمكانية التحكم في اتجاه خروج الهوا في مختلف الاتجاهات، مع أمكانية الاختيار الأوتوماتيكي لسرعة المروحة وطبعًا تقنية تنقية الهواء من خلال الأيونات.

اتعرف على عروض أسعار تكييف بارد/سخن ارتيفاي ١٫٥ حصان من يونيون اير من هنا.

تكييف كاريير Optimax ساخن وبارد ١٫٥ حصان

شركة كاريير الأعرق في عالم صناعة التكييفات واللي بتقدم مجموعة متنوعة من الأجهزة اللي خلتها الأولى في مصر وإفريقيا اخترنا منها التكييف ده اللي بيتميز بمجموعة كبيرة من المميزات زي خاصية التنضيف الذاتي اللي بتشتغل أوتوماتيكيًا بعد التبريد عشان تشتغل على تنقية وتجفيف الهواء الداخلية لمنع البكتريا أو الروايح الكريهة، وخاصية البلازما جرين اللي بتنتج مجال الكتروستاتيكي عالي الفولت ومن خلاله بيتحول الجو لبلازما بتقدر تفلتر حوالي ٩٥ في الميه من الأتربة والدخان ومختلف عناصر التلوث المختلفة، وكمان خاصية الكربون النشك اللي بتفلتر الهواء من الروايح والذرات الدقيقة جدًا.

فلاتر التكييف قابلة للغسيل ومضادة للأتربة، وبيتمتع التكييف بشكل جذاب جدًا وشاشة LCD عشان تعرض الخصائص ودرجة الحرارة وكمان تقول لو في أي مشكلة في الجهاز، والتكييف بيقدر ينقل الحرارة من خلال تقنيات حاصلة على براءة اختراع بتخليه يشتغل بأقل استهلاك للطاقة حتى لو درجة الحرارة الخارجية وصلت لحد ٥٢ درجة مئوية، وكل ده مع الإمكانيات المتميزة للتبريد أو التدفئة اللي بتشتهر بيها تكييفات كاريير.

اتعرف على عروض أسعار تكييف كاريير Optimax ساخن وبارد ١٫٥ حصان من هنا.

تكييف شارب بارد وسخن ١٫٥ حصان بتقنيات الانفرتر والبلازما كلاستر

شركة شارب واحدة من أقوى الشركات على مستوى الأجهزة المنزلية واللي من بينها التكييفات ومن بين تكييفاتها المتعددة اخترنا التكييف ده لانه بيتميز بمجموعة كبيرة من المميزات الداخلية والخارجية، التكييف بارد وسخن بقدرة كبيرة على التبريد وعلى التدفئة وكمان فيه تقنيات كتير مختلفة زي تقنية الانفرتر الموفرة في الطاقة وتقنية البلازما كلاستر اللي بتشتغل على القضاء البكتريا والفيروسات من الجو ده غير وضع Eco اللي بيحافظ على الكهربا والبيئة وحاصية التبريد السريع والتبريد المعتدل مع إمكانية توزيع الهوا في أربع اتجاهات مختلفة.

اتعرف على عروض أسعار تكييف بارد/سخن شارب ١٫٥ حصان من هنا.

تكييف فريش سمارت إنفرتر ساخن وبارد ١٫٥ حصان

قدرت فريش إنها تطور من منتجاتها بشكل كبير خلال السنين اللي فاتت ومن بين المنتجات الممتازة اللي قدمتها التكييفات، ومن بين تكييفاتها الكويسة جدًا في نطاق التكييفات بارد وساخن ١٫٥ حصان التكييف ده سمارت انفرتر من فريش واللي بيقدر يوفر في استهلاك الكهرباء لحد ٥٠ في الميه تقريبًا يعني هيرحمك من الفواتير الضخمة اللي بتخلي أي حد يخاف يشتري تكييف أو يزود تكييف تاني في بيته.

التكييف بيتميز بخصائص كتير ممتازة منه إنه بيعتمد على فريون صديق للبيئة، وفيه خاصية التتبع اللي بتقر تستشعر درجة الحرارة من خلال الريموت وتبعتها للتكييف عشان يظبط نفسه أوتوماتيك على أفضل درجة حرارة ممكنة، وكمان خاصية التشغيل الاقتصادي خلال النوم اللي بتظبطلك الجو حواليك من غير ما ستهلك كهرباء بشكل كبير أو مزعج.

اتعرف على عروض أسعار تكييف فريش سمارت انفرتر ساخن وبارد ١٫٥ حصان من هنا.

تكييف Daikin Sensira بارد وساخن ١٫٥ حصان

من بين أفضل التكييفات ساخن وبارد ١٫٥ حصان في القايمة دي تكييف دايكين سينسيرا المتميز اللي بيمع مجموعة رائعة من الإمكانيات الممتازة، مبدئيًا الكييف بيقدر يوفر التبريد أو التسخين لمساحة غرفة تتراوح ما بين ٨ متر مربع لحد ١٢ متر مربع وأبرز مميزاته هي أوضاع التشغيل المختلفة زي وضع إيكونو اللي بيوفر استهلاك الطاقة ووضع المروحة اللي بيخليك تقدر تستخدم التكييف كمروحة بس من غير تبريد أو تسخين ووضع الراحة اللي بيضمن التشغيل الحر من خلال منع تدفق الهواء سواء بارد أو سخن للجسم بشكل مباشر، وكمان وضع التشغيل القوي اللي ممكن تشغيله في السخن والبارد وبمجرد إيقافه بيرجع التكييف لحالته السابقة.

التكييف كمان بيقدر يتحول أو يبدل ما بين التبريد والتسخين عشان يوصل لدرجة الحرارة المناسبة أو المحددة وكمان فيه خاصية التشغيل الصامت اللي بتقلل من صو التكييف بواقع ٣ ديسيبل، التكييف بيتميز كمان بخاصية التأرجح التلقائي العمودي للوحات توزيع الهواء عشان يضمن أفضل توزيع للهواء ودراجت الحرارة وكمان بيقدر يعمل من سرعة المروحة تلقائيًا، وفيه فلتر قوي للهواء وخاصية التشغيل الجاف اللي بتقلل مستويات الرطوبة، وكل ده مع إمكانية التحكم فيه من خلال الإنترنت مباشرة.

اتعرف على عروض أسعار تكييف Daikin Sensira ساخن وبارد ١٫٥ حصان من هنا.

اتعرف على عروض أسعار مختلف التكييفات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من أبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.