كتب: خالد عاصم

على عكس شركات كتير، بتهتم شركة Lenovo بأجهزة التابلت الاقتصادية بشكل كبير وتحديدًا من خلال سلسلة Lenovo Tab M10 اللي بقالها فترة متوفرة في الأسواق بإصدارات وأجيال مختلفة، فالجيل الأول كان من أرخص أجهزة التابلت في الأسواق وخصوصًا السوق المصري، ومن بعده صدرت إصدارات زي M10 HD وM10 Plus اللي استمرت في تحقيق النجاح بنفس الوتيرة، عشان ييجي دور الجيل الجديد Lenovo Tab M10 HD Gen 2 أو Lenovo Tab M10 X306 أيًا ما كان اسمه في السوق المحلي أو الموقع اللي بتعتمد عليه.

ويعتبر تابلت Lenovo Tab M10 X306 واحد من أبرز أجهزة التابلت في فئته السعرية الاقتصادية وواحد من أنجحهم ومن الخيارات اللي أكيد هتحطها في حساباتك لو عايز تشتري تابلت في الفئة السعرية دي، بس كالعادة وقبل ما تقرر تشتري أي جهاز جديد لازم تدرس الموضوع كويس ولازم تعرف الجهاز اللي ناوي تشتريه بشكل تفصيلي قبل ما تاخد قرار الشراء، وده معناه إنك محتاج تعرف مزايا وعيوب الجهاز ده وده اللي هنقدمهولك النهاردة في المقال ده وبكل تفصيل من خلال مراجعتنا للتابلت وتحديد مميزاته وعيوبه.

وما تنسوش إن لو التابلت عجبكم هتقدروا تطلبوه من خلالنا في ياقوطة ودلوقتي مع شهري، تقدر تشتري أي موبايل أو تابلت بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

تابلت Lenovo Tab M10 X306

المواصفات

• أبعاد التابلت: سمك ٨.٣ مم × عرض ١٤٩.٤ مم × طول ٢٤١.٥ مم
• وزن التابلت: ٤٢٠ جرام
• البناء والصناعة: هيكل وضهر من المعدن بزجاج أمامي
• شرائح الاتصال: أحادي الشريحة
• الشاشة: شاشة IPS LCD بقطر ١٠٫١ بوصة بمعدل ١٦:١٠ بتستحوذ على نسبة حوالي ٨٢٫٠ في الميه من مساحة التابلت الأمامية وبتدعم دقة عرض ١٢٨٠ × ٨٠٠ بيكسل بكثافة ١٤٩ بيكسل لكل بوصة
• الأداء: بيعتمد التابلت على المعالج المركزي MediaTek Helio P22T بمعمارية ١٢ نانوميتر ثماني النواة المكون من تمن شرايح Cortex-A53 بتردد ٢.٣ جيجا هيرتز لأربع شرائح وبتردد ١٫٨ جيجا هيرتز لأربع شرايح ومدعوم بمعالج رسوميات PowerVR GE8320
• إصدارات التابلت: التابلت بيصدر بإصدار بذاكرة عشوائية سعتها ٤ جيجابايت رام بذاكرة داخلية سعتها ٦٤ جيجابايت والموبايل بيقبل كروت الميموري من خلال منفذ مستقل
• البرمجيات: نظام تشغيل اندوريد ١٠
• الكاميرا: كاميرا خلفية بعدسة واحدة بدقة ٨ ميجا بيكسل بتدعم تصوير الفيديو بجودة 1080p بمعدل ٣٠ إطار في الثانية أما الكاميرا الأمامية فبدقة ٥ ميجا بيكسل
•  تقنيات صوتية: سماعات ستريو
• تقنيات لاسلكية: واي-فاي – بلوتوث ٥.٠
• المنافذ: ٣٫٥ مم – USB Type-C – منفذ مغناطيسي لتركيب الملحقات
• ماسح البصمة: مش متوفر
• المستشعرات: التسارع والتقارب
• البطارية: غير قابلة للإزالة سعتها ٥٠٠٠ ميللي أمبير في الساعة

مزايا وعيوب تابلت Lenovo Tab M10 X306

مزايا تابلت Lenovo Tab M10 X306

• إصدار بيتميز بإنه بيدعم شريحة اتصال بتقنية 4G بالإضافة طبعًا لدعمه لتقنية Wi-Fi
• أبعاد ممتازة ومريحة جدًا لتابلت بقطر ١٠ بوصة
• الشاشة قطرها كبير والتابلت مثالي للفرجة على الأفلام مثلًا وإن كان فيها عيوب واضحة هنتكلم عنها في قسم العيوب
• الإصدار المتوفر في مصر كويس جدًا على مستوى الذاكرة العشوائية اللي سعتها ٤ جيجابايت رام والذاكرة الداخلية اللي سعتها ٦٤ جيجابايت
• التابلت بيقطر كروت الميموري من خلال منفذ مستقل
• الكاميرات الخلفية والأمامية مقبولة بالنسبة لتابلت في الفئة السعرية دي وتعتبر أرقامها طبيعية ومعتادة في الأجهزة الاقتصادية
• ساعات ستريو بتدعم تقنيات صوتية كويسة جدًا
• التابلت بيدعم تقنية بلوتوث ٥٫٠ وبيدعم تقنية GPS في إصدار LTE
• منفذ مغناطيسي مخصص لتركيب الملحقات المتوافقة مع أجهزة تابلت لينوفو
• التابلت بيعتمد على منفذ USB Type-C في الشحن وده تطور كبير مقارنة بالجيل السابق اللي اعتمد على منفذ microUSB

عيوب تابلت Lenovo Tab M10 X306

• الاعتماد على الدقة المنخفضة دي مع قطر كبير زي ده بيقلل من الكثافة وطبعًا بيقلل إجمالًا من جودة الشاشة بشكل عام وعشان كده منقدرش نقول إن الشاشة كويسة على مستوى التقنيات
• الجهاز بيعتمد على معالج متواضع جدًا سواء على مستوى ضعف الأداء العام وضعف قوة معالج الرسوميات بس ده برضه مش معناه إنه مش قابل للاستخدام يعني، لا تقدر تعتمد عليه بس في المهام الأساسية بس مش أكتر
• الكاميرات الأمامية والخلفية مقبولة زي ما قلنا بس كان ممكن تكون أفضل شوية خصوصًا على مستوى الكاميرا الأمامية
• التابلت مش بيدعم تقنيات صوتية لاسلكية عالية الجودة
• بطارية سعتها ٥٠٠٠ ميللي أمبير في الساعة بس ودي سعة موجودة في موبايلات بقطر ٦٫٥ بوصة بس فلما توصل بالشاشة لقطر ١٠ بوصة وبالابعاد دي فكان الأفضل الاعتماد على بطارية كبيرة، كمان البطارية مش بتدعم تقنية الشحن السريع من أي نوع

اتعرف على عروض أسعار مختلف إصدارات تابلت Lenovo Tab M10 من هنا.

اتعرف على عروض أسعار مختلف أجهزة Lenovo المتوفرة على ياقوطة من هنا.

اتعرف على مختلف أسعار أجهزة التابلت المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.