كتبت: منى عوض

التليفزيون واحد من أهم أجهزة البيت العصري، واللي من خلاله بنقدر نتابع أي حاجة بنحبها حتى لو كانت على شبكة الإنترنت. ورغم التطور الكبير اللي بنعيش فيه، بتفضل الفرجة على التليفزيون محتاجة شوية كماليات وإكسسوارات علشان المتعة تزيد والراحة كمان.

واحنا في ياقوطة جمعنا ليك مجموعة مختلفة من الإكسسوارات اللي هتريّحك وتزود من استمتاعك بالتليفزيون وتخلّي الوقت اللي بتقضيه قدامه وقت متعة واستجمام كمان.

مش كده وبس، من خلال ياقوطة تقدر تعرف أحسن الأسعار للإكسسوارات دي، وتقدر تعرف كمان بتتباع فين، ولو عجبك منتج منهم تقدر تطلبه من خلالنا وهيكون عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

حامل الشاشة

لو عايز توفر مساحة أكبر في بيتك وتحافظ على جماله ومظهره، هتلاقي إن حامل الشاشة هو الحل الأنسب، فتصميمه العصري والمتميز بيضفي شكل جمالي أكتر على بيتك، وممكن تركبه بسهولة أو تنقله من حيطة للتانية، وفي أي مكان في الأوضة أو البيت عمومًا، ومن غير ما تضطر تطلب مساعدة الفنيين المتخصصين أو تستناهم وتأجل مواعيدك المهمة.

فيه بعض موديلات لحوامل الشاشات بيمتازوا بإنهم متعددي الحركة، سواء لفوق أو تحت أو جهة اليمين أو الشمال، وممكن كمان يكون متحرك للأمام وللخلف عشان يضمنلك أنسب ضبط لمستوى الرؤية، ده غير إنه بيحتوى على قطعة ميزان عشان تعرف تظبطه على الحيطة بشكل أفضل من غير ما يكون فيه ميل.

لازم تتأكد من نوع الحامل اللي هتشتريه لإن فيه بعض أنواع الحوامل بيكونوا متوافقين مع نوع معين من الشاشات، سواء كانت LCD أو LED أو غيره، وفيه منهم بيكون متوافق مع معظم الشاشات، وكمان هتلاقي مرفق معاه مجموعة من المسامير عشان تتوافق مع مختلف أنواع الشاشات.

شوف حامل الشاشة من هنا.

حامل الريسيفر

وبيتميز حامل الريسيفر ده بشكله الجذاب واللي بيتماشي مع ديكور البيت، وبيكون مصنوع من خامات عالية الجودة من الحديد أو من الزجاج القوى أو خليط من الاتنين، وسهل جدًا تركيبه في أي مكان على الحيطة عن طريق اتباع إرشادات التركيب بتاعته.

شوف حامل الريسيفر من هنا.

النظارات ثلاثية الأبعاد 3D

من المعروف إن النظارات ثلاثية الأبعاد أو اللي بتشتهر كمان باسم نظارات الواقع الافتراضي واحدة من إكسسوارات التليفزيون اللي بيحبها الأطفال والكبار، وده لإنهم بيحسوا من خلالها إنهم عايشين جوه أحداث الأفلام أو الصور أو الألعاب اللي بتبقى على شكل 3D، وده بجانب إن وضوحها أكبر بمقارنتها مع النظارات المصنوعة من الورق المقوى.

عادةّ بتكون النظارات دي خفيفة الوزن وسهلة الحمل ومش بتحتاج لبطارية ولا أسلاك عشان تعرف تستخدمها، ده غير إنها بتبقى مصنوعة من إطار بلاستيك خفيف وعدسات أكريليك جودتها عالية.

لو حبيت تشتري نظارات الواقع الافتراضي دي هتلاقي معاها قماش مخصوص عشان تعرف تنضفها، أو ممكن تغسلها كمان وتستخدمها مرة تانية، ده طبعًا غير الشنطة اللي هتخليك تشيلها وتحافظ عليها.

شوف النظارات ثلاثية الأبعاد من هنا.

أجهزة لاسلكية لنقل الوسائط لشاشة التيلفزيون

الجهاز ده بيعتبر زي أدابتر لربط الهواتف الذكية أو التابلت أو أجهزة الكمبيوتر مع أجهزة التليفزيون اللي بيبقى فيها منفذ HDMI الشهير اللي بيستخدم في نقل البيانات من إحدى الأجهزة للتلفزيون بسهولة جدا وبشكل لاسلكي، ده غير إنه بيمكنك من تشغيل مقاطع الموسيقى والفيديو والصور وغيرها من وسائل الإعلام المفضلة ليك وبتحتفظ بيها على جهازك المحمول من خلال شاشة التليفزيون الكبيرة.

شوف الأجهزة اللاسلكية لنقل الوسائط لشاشة التلفزيون من هنا.

موزع إشارة أجهزة الستالايت

ممكن تستخدم موزع إشارة مع أجهزة الستالايت وإريال التليفزيون والكابلات اللي الطرف بتاعها واخد شكل حرف F، وده عشان تقسيم إشارة الدش لـ ٤ أجهزة وظبطها بشكل قوي. وهتلاحظ إن الجهاز مطلي بالذهب وده عشان يساعد في تحسين أدائه من خلال تقليل الفقد والتداخل في الإشارة، وكمان تقدر تعلّق الجهاز على الحيطة عشان تستخدمه بره البيت.

شوف موزع إشارة أجهزة الستالايت من هنا.

سماعات رأس سلكية للتليفزيون

كتير مننا بيحاول يلاقي طريقة يقدر من خلالها يسمع التليفزيون من غير أي مؤثرات خارجية عليه. دلوقتي مع سماعات الرأس السلكية هتقدر تستمتع بالراحة والصوت النقي الصادر بفضل تقنية هاي فاي “‏HiFi” وتقدر كمان تتحكم في درجة الصوت اللي انت عايزها.

شوف سماعات الرأس المخصصة للتليفزيون من هنا.

جهاز التحكم عن بعد (الريموت كنترول)

لو كنت حابب تسمع أو تشوف حاجة موجودة على الأيباد أو الأيفون بتاعك، كل اللي عليك إنك توصل الأيباد أو الأيفون بجهاز التليفزيون أو الاستريو أو مكبرات صوت اللي عندك في البيت وتستعرض الأغاني أو أي مواد متخزنة عليها، وتختار اللي انت عايزه من خلال نوع معين من أجهزة التحكم عن بعد، واسمع على كيفك، ولو حبيت تغير اللي بتسمعه مش هتحتاج إنك تقوم من مكانك وده بفضل الريموت كنترول.

شوف جهاز التحكم عن بعد من هنا.

أدوات تنظيف شاشة التليفزيون

يعتبر سائل تنظيف الشاشات آمن جدًا على كل أنواع الشاشات، ومش بيتسبب في أي خدوش أو علامات وبينضفها بشكل كويس جدًا، وده لإنه خالي من الكحول والأمونيا والروايح.

شوف أدوات تنظيف شاشات التليفزيون من هنا.

محوّل لتحويل التليفزيون لكمبيوتر شخصي

دلوقتي تقدر تستخدم التليفزيون بتاعك كجهاز كمبيوتر شخصي لعرض أي حاجة عليه، أو ممارسة الألعاب الإلكترونية، أو استعراض الصور والأفلام، أو تصفح شبكات الإنترنت. كل اللي عليك إنك توصل منفذ كارت الشاشة VGA بالتليفزيون من خلال المحوّل ده.

شوف محوّل لتحويل التليفزيون لكمبيوتر شخصي من هنا.

وممكن تشوف دليل ياقوطة: إزاي تختار الريسيفر المناسب من هنا.