أسهل الآلات الموسيقية المتوفرة على ياقوطة اللي تقدر تتعلمها في بيتك مع ياقوطة
كتب: خالد عاصم
مع وجود عدد كبير من الكورسات الأونلاين والفيديوهات اللي على اليوتيوب والصفحات المتخصصة على مواقع التواصل الاجتماعي، بقى تعلم الموسيقى والعزف على الآلات الموسيقية المختلفة من البيت أسهل من أي وقت فات، وطبعًا تعلم الموسيقى زي ما ليه فوايد كتير جدًا على الصحة النفسية والتحكم في المود وكمان ممكن يكون موهبة كويسة تقدر تستغلها بشكل عملي بعدين، فهو كمان ليه فايدة مهمة جدًا في الفترة الحالية اللي كلنا قاعدين فيها في البيت، وهي إنك هتقدر تقضي وقتك في البيت في حاجة مهمة تقدر تستفيد منها وانت في البيت في تقضية وقتك وتستفيد منها بعد كده في حاجات تانية كتير.
من خلال المقال ده هنستعرض مجموعة من أبرز الآلات الموسيقية المتوفرة على ياقوطة واللي تقدر تتعلمها وانت قاعد في البيت من خلال الكورسات والفيديوهات الأولاين، وكل الآلات اللي هنتكلم عنها هتقدروا تطلبوها من خلالنا في ياقوطة وهتوصلكم لحد باب البيت أو مكان ما تحبوا بأسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
أبرز الآلات الموسيقية اللي تقدر تتعلمها وانت في البيت
الآلات الموسيقية الوترية
جيتار كلاسيك للمبتدئين
يعتبر الجيتار واحد من أشهر الآلات الموسيقية وأكتر آلة ممكن يتجه ليها المبتدئين عشان يتعلموها وده ليه أسباب كتير جدًا منها إن الجيتار مش صعب قوي إنك تتعلمه وكمان لأن استخداماته كتيره في الموسيقى وكمان برضه عشان مرتبط بمجموعة كبيرة من الفنانين اللي بنحبهم، وطالما هتتعلم تلعب جيتار فلازم تختار جيتار مايكونش غالي بس يكون قادر يطلع صوت كويس يخليك متحمس دايمًا إنك تكمل، وعشان كده اختارنالكم جيتار كلاسيك سعره مقبول جدًا وإمكانياته كويسه، والجيتار معمول من خشب الماهوجني وبيعتمد على ٦ أوتار من النايلون.
تعرف على عروض أسعار مختلف الجيتارات الكاسيك المتوفرة على ياقوطة من هنا.
جيتار إلكتريك
لو مالكش في الجيتار الكلاسيك وبتحب موسيقى الروك أو الميتال فتقدر تتعلم على جيتار إلكتريك وهتلاقي عدد كبير جدًا من الفيديوهات والكورسات اللي بتعلم النوع ده من الجيتارات، ولأن سعرها أعلى من الجيتار الكلاسيك بسبب إمكانياتها والأجهزة المختلفة اللي موجودة فيها، اخترنالك جيتار إلكتريك Cort G100 وده جيتار ممتاز وصوته مثالي وكمان سعره مقبول جدًا.
اتعرف على عروض أسعار مختلف أنواع الجيتار الإلكتريك المتوفرة على ياقوطة من هنا.
كمان اكوستيك للمبتدئين
الكمان أو الكمانجة من أروع الآلات الموسيقية اللي ممكن نسمعها وكمان من أكتر الآلات الموسيقية اللي ناس كتير نفسها تتعلمها ورغم إنها صعبه شوية في الاول بس تقدر تعلمها وانت في البيت، وهيساعدك على كده الكمانجات المخصصة للطلبة والمبدئين ودي بتكون كمانجات سعرها مقبول جدًا وبالحجم الكامل وبأوتار صوتها ممتار ومنها الكمانجه دي اللي بتقدمها شركة Hora والمخصصة للمبتدئين.
اتعرف على مختلف عروض أسعار الكمانجات المتوفرة على ياقوطة من هنا.
عود
الآلة الشرقية اللي كلنا بنحبها وبنحب نسمعها وكتير مننا نفسه يتعلمها، تقدر تتعلمها من البيت برضه وتقدر تشتري عود مش غالي وبيقدر يقدم صوت ممتاز جدًا عشان تتعلم عليه.
اتعرف على عروض أسعار مختلف أنواع العود الشرقي المتوفرة على ياقوطة من هنا.
آلات الإيقاع
طبلة شرقي
أول حاجة في الآلات الموسيقية الإيقاعية اللي هنتكلم عنها هي الطبلة الشرقي أو المصري تحديدًا، والطبلة المتوفرة في الأسواق كتير ومتنوعة وتقدر تتعلم عليها بسهولة من خلال فيديوهات وكورسات وتطبيقات كمان متوفرة ومنتشرة على كل المنصات.
تعرف على عروض أسعار الطبلة الشرقي المتوفرة على ياقوطة من هنا.
كاخون
الكاخون من الآلات الموسيقية اللي انتشرت جدًا في الفترة اللي فاتت وناس كتير بدأت تتعلمها لأنها سهلة شوية ولأنها بتطلع إيقاع مختلف ومتنوع، وكمان في فيديوهات كتير على اليوتيوب تقدر من خلالها تتعرف أكتر عليها وتتعلمها وانت قاعد في البيت.
اتعرف على عروض أسعار الكاخون المتوفر على ياقوطة من هنا.
آلات موسيقية إلكترونية
KeyBoard
مش من السهل أول إنك تتعلم كيبورد من البيت بس لو أصريت ودورت على الكورسات المناسبة أونلاين هتقدر تتعلمه، ومن بين أشهر الشركات المتخصصة في صناعة الكيبورد شركة ياماها واخترنا من منتجاتها الكيبورد ده لان سعره مقبول جدًا ومش غالي وكمان بيتمتع بإمكانيات ممتازة زي إن كامل الحجم بيتكون من ٦١ مفتاح وفيه إمكانيات للتحكم في المثرات كتير جدًا ده غير إن عليه عدد كبير من الأغاني والإيقاعات المسجلة يعني تقدر تعتبر إن معاك فرقة كاملة بالكيبورد ده.
اتعرف على عروض أسعار مختلف أنواع الكيبورد المتوفرة على ياقوطة من هنا.
اتعرف على عروض أسعار مختلف الآلات الموسيقية المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.