كتبت: شذى وليد

كونك أم جديدة تجربة ممتعة ومثيرة ومتعبة في نفس الوقت. بتبقى الفترة اللي بنحتَفل بيها بمعجزة الحياة، الوقت اللي العيلة بتستقبل عضو جديد والأم بتستقبل مسئوليات جديدة. كل حاجة دلوقتي بتترتب حَسَب مواعيد المولود. بس الأم الجديدة من حقها تُخرج وتتبسط ويبقى ليها حياتها الاجتماعية، مش كده؟ بالرغم من إن الخروج ب المولود الجديد أول مرة بيبقى مُتعب، ياقوطة جايبالك النهارده شوية نصائح ومنتجات هتحتاجيها وانتي خارجة مع طفلك. وإيه أحسن من إنك تسمعي نصائح الأمومة من أم جديدة برضه.

ياقوطة عملت مقابلة مع الشيماء عبد اللطيف، مهندسة بناء وأم لمليكة اللي عندها 3 شهور، عشان نعرف منها متاعب ومتعة كونها أم جديدة.

“الأمومة طلعت أسهل مما كنت متخيلة. أنا كنت متوقعة عياط مستمر وإني مش هنام خالص. الحاجات دي موجودة طبعًا بس مش بالدرجة اللي كنت متخيلاها. الموضوع فعلاً استثنائي”، قالت عبد اللطيف.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

حاولي تتكيّفي مع جدول طفلك

طبعًا الخروجات اللي بتيجي فجأة دي مش هتنفع وانتي معاكي طفلك، لكن لو خروجة مترتبة من قبلها بتبقى ممكنة أكيد. حاولي ترتبي ميعاد نزولك حَسَب جدول أكل ونوم طفلك عشان تبقى الخروجة سلسة وسهلة بقدر المستطاع. الأحسن إنك تأكّلي طفلك وتغيريله قبل ما تنزلي عشان ما تضطريش تعملي كده لمدة كام ساعة قدام. لو الخروجة في وقت نوم طفلك، خُدي معاكي سرير الأطفال المحمول carry cot أو عربة الأطفال عشان ينام مستريح.

تقدري تبُصي على تشكيلة سرائر أطفال محمولة من هنا، بأسعار تبدأ من 199 جنيه مصري.

اختاري المكان المناسب

اختيار المكان المناسب عنصر أساسي في استمتاعك بالخروجة مع طفلك. لو هتاكلي بره، حاولي تختاري مطعم مش هادي قوي ولا رسمي عشان لو طفلك عَمَل دوشة أو بدأ عياط، انتي ما تبقيش مُحرجة أو الناس اللي حواليكي يتضايقوا. اختاري مكان يكون فيه مساحة معقولة للمشي، عشان لو احتجتي تمشّي طفلك شوية قبل الأكل ما ييجي مثلاً. بالنسبة للأكل، اختاري طبق يكون سهل في الأكل عشان تبقي إيديكي فاضية على طول لو طفلك عايز أي حاجة. لو طفلك سنه أكبر شوية، هتحتاجي تختاري مكان بيوفر كرسي عالي للأطفال ومكان للعب.

حضرّي مستلزمات طفلك من قبلها

أكيد انتي هتبقي متوترة قبل ما تخرجي مع مولودك لأول مرة، عشان كده يبقى أفضل لو حضرّتي شنطة طفلك من اليوم اللي قبله عشان تتفادي أي لخبطة في اليوم. “الخروج مع الطفل لأول مرة بيبقى مُربك شوية في الأول، لكن لو حضرّتي صح من قبلها هيسهّل عليكي الموضوع مع الوقت”، شَرَحت عبد اللطيف، “يعني أنا مثلاً في الأول كنت باخد معايا شنطتين، واحدة فيها حاجتي وواحدة فيها حاجة مليكة. بعدين أدركت إنهم حِمل عليّا فبقيت باخد شنطة واحدة فيها حاجتنا إحنا الاتنين”.

عبد اللطيف شاركت ياقوطة بقائمة مفصلة بالمستلزمات اللي الأم الجديدة المفروض تاخدها معاها وهي خارجة مع مولودها:

• شنطة الطفل: هي اللي هتحُطي فيها كل مستلزماته. لازم تكون واسعة كفاية بس مش ضخمة. اختاري واحدة تكون فيها أقسام من جوه عشان تلاقي الحاجة اللي بتدوّري عليها بسرعة. تقدري تشوفي تشكيلة من شُنَط الأطفال هنا، بأسعار تبدأ من 149 جنيه مصري.

• عربة الأطفال: بتبقى مفيدة جدًا وانتي خارجة عشان ما تفضليش شايلة مولودك طول الوقت ومش تقيلة زي السرير المحمول. فيه موديلات كتير من عربات الأطفال دلوقتي في السوق، فاختاري أكتر حاجة مناسبة ليكي. تسوقي عربة الأطفال المناسبة لطفلك هنا، بأسعار تبدأ من 499 جنيه مصري.

• مقعد السيارة: أساسي لسلامة طفلك. اختاري واحد حَسَب طول ووزن طفلك. هتحتاجي تعرفي حجم المقعد الخلفي للعربية بتاعتك قبل ما تشتريها عشان تجيبي مقاس ملائم. لما طفلك يكبر شوية، هتحتاجي تجيبي مقعد سيارة قابل للتحويل convertible car seat. تقدري تشوفي أحجام مختلفة من مقاعد السيارة هنا، بأسعار تبدأ من 222 جنيه مصري.

• طريقة تانية لحَمل مولودك هي حمالة أو شيالة الأطفال. مريحة وعملية. هتخلّي إيديكي فاضية عشان تمسكي حاجتك بسهولة. تقدري تشوفي أنواع متعددة من حمالات الأطفال هنا، بأسعار تبدأ من 89 جنيه مصري.

• الحفاضات: من الحاجات اللي ما ينفعش تنزلي من غيرها. مقاس حفاض الطفل بيتغيّر كل ما يكبر فخلّي بالك من المقاس قبل ما تشتري. يُنصح إنك تاخدي حفاض لكل ساعة هتبقي فيها بره البيت، من باب الاحتياط. ممكن تشتري حفاضات أونلاين هنا، بأسعار تبدأ من 46 جنيه مصري.

• وما دام جيبنا سيرة الحفاضات يبقى لازم نفتكر المناديل المبللة أو wipes. ممكن تستخدميهم لطفلك أو ليكي بعد ما تغيّريله أو لتنظيف سطح غير نظيف. تأكدي إن المناديل تكون خالية من الكحول عشان تبقى رقيقة على بشرة طفلك. تقدري تشتري مناديل مبللة للأطفال هنا، بأسعار تبدأ من 19 جنيه مصري.

• كريم الحفاض: برضه أساسي أثناء تغيير الحفاض. اشتري كريم حفاض لطفلك من هنا، بأسعار تبدأ من 15 جنيه مصري.

• في أمهات بتحب تستخدم بودرة الأطفال بدل الكريم. ده بيعتمد على اللي هيناسب طفلك ولو عنده أي حساسية. اشتري بودرة أطفال من هنا، بأسعار تبدأ من 10 جنيه مصري.  

• وسادة تغيير الحفاض هتساعدك كتير وانتي بره مع طفلك. اشتري وسادة تغيير لطفلك من هنا، بأسعار تبدأ من 259 جنيه مصري.

• لو كنتي مش بترضعي طفلك طبيعي، يبقى لازم تاخدي معاكي زجاجة معقمة أو اتنين من اللبن البودرة أو لبن الأم. تأكدي إن الزجاجات معزولة كويس عشان يفضل اللبن دافئ لأطول فترة ممكنة. مهم تتأكدي إن درجة حرارة اللبن مناسبة لطفلك. جربيها على معصمك الأول قبل ما تديها لطفلك. لازم تكون دافية مش سخنة. تقدري تشوفي زجاجات للأطفال هنا، بأسعار تبدأ من 51 جنيه مصري. وممكن برضه تشتري اللبن البودرة من هنا، بأسعار تبدأ من 67 جنيه مصري.

• مش لازم تاخدي علبة اللبن البودرة الكبيرة دي كلها معاكي وانتي نازلة. ممكن تستخدمي علبة اللبن البودرة عشان تاخدي الكمية اللي انتي عايزاها بس. تقدري تشوفي علبة اللبن البودرة هنا، بأسعار تبدأ من 70 جنيه مصري.

• عشان الجو بيبرّد اليومين دول، ممكن تلاقي إن زجاجات اللبن مش دافية زي ما انتي عايزة. الحل هو مُدفئ الزجاجات. تقدري تشوفي مُدفئ الزجاجات هنا، بأسعار تبدأ من 46 جنيه مصري.

• بالنسبة للأمهات اللي بترضّع طبيعي، هيبقى مهم تاخدي معاكي غطاء الرضاعة عشان تتمتعي بخصوصية أكبر وتتجنبي الطريقة التقليدية إنك تحُطي بطانية على كتفك. تقدري تشتري غطاء للرضاعة من هنا، بأسعار تبدأ من 100 جنيه مصري.

• هتحتاجي برضه بطانية عشان تغطّي طفلك لو الجو برد أو تستخدميها وانتي بتغيّريله لو نسيتي وسادة تغيير الحفاض. تقدري تشوفي بطانيات للأطفال من هنا، بأسعار تبدأ من 35 جنيه مصري.

• حاجة أساسية للأم اللي بترضّع طبيعي برضه هي ضمادة الرضاعة nursing pad عشان تمنع أي تسرب من إنه يبان على هدومك.

• هتحتاجي برضه مخدة صغيرة أثناء تغيير الحفاض أو لو مولودك هينام. تقدري تشوفي مخدات للأطفال من هنا.

• “أنا بالنسبة لي المصاصة pacifier  مش بسيب البيت من غيرها لما بخرج مع مليكة”، قالت عبد اللطيف. في أطفال بتحبها وفي مش بيحبوها. فالمهم يكون طفلك مرتاح. تقدري تشوفي مصاصات للأطفال من هنا، بأسعار تبدأ من 26 جنيه مصري.

• وأخيرًا وليس آخرًا، خُدي معاكي ملابس زيادة. ممكن تحتاجيهم لأي ظرف فخليهم معاكي احتياطي. تقدري تشتري ملابس أطفال من هنا.

ولأي مستلزمات تانية ممكن طفلك يحتاجها، ياقوطة عندها قسم كامل لمستلزمات الأطفال عشان تتسوقي أونلاين وانتي مرتاحة في بيتك ويوصلولك لحد باب البيت.

ما تعقديش الأمور

الأمومة عمرها ما كانت حاجة سهلة. هي بتبقى رحلة من التعلم والأخطاء. المهم إنك تتعلمي منهم وتسعي لتطوير نفسك عشان تبقي أم أفضل. ما تضغطيش على نفسك عشان تبقي أم مثالية لأن دي حاجة مستحيلة. كل طفل بيبقى مختلف والطريقة اللي هتنفع مع أم وابنها أو بنتها مش بالضروري تنفع مع غيرهم. “الأمومة مش سهلة لكنها بتغيّر حياتك. وكون إنك بتمرّي بيها مع مولود بتحبيه من كل قلبك هيخلّي كل حاجة تستاهل”، قالت عبد اللطيف.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك أبلغنا في تعليق أو من خلال صفحة ياقوطة على فيسبوك.