منى عوض

السوق مليان أشكال وألوان من المنتجات والأجهزة الكهربائية وما إلى ذلك والناس بتحتار في الاختيار، بس ياقوطة  هتساعدكم شوية من خلال توضيح المنتجات الأكثر شهرة وبحثًا على محرك البحث الخاص بيها، ولو عجبك حاجة منهم وحبيت تشتريها تقدر تعرف أحسن سعر ليها وتقدر كمان تطلبها من خلالنا وهتوصلك في أسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

هاتف Samsung Galaxy A20

المواصفات

• الشاشة: 6.4 بوصة.
• البروسيسور: ثماني النواة.
• الذاكرة العشوائية: 3 جيجابايت.
• الكاميرا الخلفية: 13 + 5 ميجابكسل.
• الكاميرا الأمامية: 8 ميجابكسل.
• الذاكرة الداخلية: 32 جيجابايت.
• البطارية: 4000 مللي أمبير.
• نظام التشغيل: أندرويد باي.

المميزات

• شاشة الموبايل بتيجي بحجم 6.4 بوصة ودرجة وضوح 720 × 1560 بكسل وكثافة بكسلات 268 بكسل لكل بوصة.
• الموبايل مزود بمعالج ثماني النواه Exynos 7884 Octa، مع 3 جيجابايت رام و32 جيجابايت للذاكرة الداخلية، وكمان فيه إمكانية إضافة ميموري خارجي بسعة 512 جيجابايت.
• الكاميرا الخلفية مزدوجة العدسة بدقة 13 و 5 ميجابكسل مع فلاش LED.
• الكاميرا الأمامية بتيجي بدقة 8 ميجابكسل.
• بطارية بسعة 4000 مللي أمبير في الثانية.

العيوب

• الشاشة بتفتقر لوجود طبقة حماية إضافية ضد الكسر والخدش.
• البطارية بتفتقر لتقنيتي الشحن السريع والشحن اللاسلكي.

ممكن تشوف هاتف Samsung Galaxy A20 من هنا.

هاتف iPhone 6s Plus

المواصفات

• الشاشة: 5.5 بوصة.
• البروسيسور: ثنائي النواة.
• الذاكرة العشوائية: 2 جيجابايت.
• الكاميرا الخلفية: 12 ميجابكسل.
• الكاميرا الأمامية: 5 ميجابكسل.
• الذاكرة الداخلية: 16 / 32 / 64 / 128 جيجابايت.
• البطارية: 1715 مللي أمبير.
• نظام التشغيل: IOS 9.

المميزات

• شاشة الموبايل بتقدم أداء متميز من حيث وضوح التفاصيل ونقاء الألوان ودرجة السطوع تحت أشعة الشمس.
• الموبايل بيقدم أداء سلس جدًا ومش بيتخلله بطء في الاستخدامات المختلفة.
• كاميرات الموبايل هتسمحلك بالتقاط صور كويسة جدًا في الإضاءة العالية، ولكن كلما انخفضت درجة الإضاءة هتلاحظ انخفاض جودة الصور.

العيوب

• أداء البطارية مش هيكون الأفضل على الإطلاق وسط المنافسين لأنك هتقدر تستخدم الموبايل لحد يوم بالعافية في حالة الاستخدامات المتوسطة.
• البطارية بتفتقر لتقنيتي الشحن السريع والشحن اللاسلكي.
• الموبايل مفيهوش منفذ لتركيب ميموري خارجي.

ممكن تشوف هاتف iPhone 6s Plus من هنا.

لاب توب HP 15-da1015ne

المواصفات

• حجم الشاشة: 15.6 بوصة.
• نظام التشغيل: Free DOS.
• نوع المعالج: Intel core i7.
• الذاكرة العشوائية: 8 جيجابايت رام.
• ذاكرة الرسومات: 4 جيجابايت.

المميزات

• شاشة اللاب توب حجمها كبير ومناسب فهو بيبلغ 15.6 بوصة وكمان درجة وضوحها عالية 1366× 768 بكسل عشان تقدر تقدملك تجربة متميزة.
• اللاب توب بيجي بمعالج Intel core i7 بسرعة 1.80 جيجاهرتز مع 8 جيجابايت رام بسرعة 2400 جيجاهرتز وكل ده بيساعد في تعزيز أداء الجهاز وعمله بكفاءة عالية  حتى مع الألعاب.
• اللاب توب هيسمحلك بتخزين كل اللي إنت عايزة لأنه مزود بهارد سعته التخزينية تصل إلى 1 تيرابايت.
• الجهاز مزود بمنفذ HDMI اللي هيسمحلك بتوصيل اللاب توب بشاشة التلفزيون ومنافذ USB 2.0 و USB 3.1 اللي هتسمحلك بنقل البيانات وكل اللي إنت عايزة من وإلى اللاب توب بسرعة كبيرة.
• الجهاز بيتميز بوجود قارئ بطاقة SD وMicro.

العيوب

• اللاب توب بيجي بنظام دوس ومفيش معاه نسخة ويندوز مدمجة أصلية وعادة نسخة الويندوز الأصلية بيكون سعرها عالي.

ممكن تشوف لاب توب HP 15-da1015ne من هنا.

تكييف ألترا UAUD12HF

المواصفات

• نوع التكييف: سبليت.
• قدرة التكييف: 1.5 حصان.
• نظام التكييف: بارد/ ساخن.
• سعة التبريد: 8000- 12000 وحدة حرارية بالساعة.
• سعة التسخين: 12350 وحدة حرارية بالساعة.

المميزات

• التكييف بيوزع الهواء بشكل فعال في جميع أنحاء الغرفة بفضل مراوح وريش التوزيع.
• التكييف بييجي بنظامين تشغيل وهم البارد والسخن وده شيء مميز وموفر جدًا.
• التكييف بيتميز بخاصية إعادة التشغيل التلقائي في حال انقطاع التيار الكهربائي.
• التكييف مزود بخاصية التشخيص الذاتي عشان تقدر تعرف أي مشكلة بتواجه الجهاز وتصلحها في أسرع وقت ممكن.

العيوب

• التكييف بيفتقر لتقنية التربو لتبريد الجو في أسرع وقت ممكن.
• التكييف بيفتقر لتقنية البلازما كلاستر لتقنية الهواء وتوفير هواء صحي ونقي.
• التكييف بيستهلك كهربا، ومش موفر.

ممكن تشوف تكييف ألترا UAUD12HF من هنا.

بوتجاز فريش بروفيشنال كنترول

المميزات

• البوتجاز 5 شعلة مع شعلة ثلاثية الحلقة اللي بتساعد في تسوية الأكل في أقل وقت ممكن.
• نظام أمان لقطع الغاز عن الشعلات بمجرد انطفاء الشعلة أو وقوع أي سوائل أو أكل عليها.
• البوتجاز مزود بخاصة الإشعال الذاتي للفرن وللشواية والإشعال الأوتوماتيكي لعيون البوتجاز.
• الفرن مزود بلمبة داخلية عشان تقدر تشوف الأكل وهو بيستوي، وكمان مروحة داخلية لتوزيع الهواء السخن في كل الأنحاء وتسوية الأكل بشكل أسرع.
• البوتجاز مزود بمؤقت رقمي وشاشة LED.
• فرن البوتجاز مزود برف تدفئة لوضع الأكل عليه بعد تسويته والحفاظ على درجة حرارة الأكل.

العيوب

• مقابض الشعلات وباب الفرن بيسخنوا مع استخدام الفرن.
• خدمة ما بعد البيع مش كويسة.

ممكن تشوف بوتجاز فريش بروفيشنال كنترول من هنا.

ثلاجة فريش FNT-D470YT

المواصفات

• سعة الثلاجة: 16 قدم.
• عدد أبواب الثلاجة: 2 باب.
• المادة المصنوع منها الثلاجة: الألمونيوم.
• المادة المصنوع منها أرفف الثلاجة: الزجاج المقوى.

المميزات

• سعة الثلاجة كويسة ومناسبة جدًا.
• الثلاجة نوفروست وبالتالي مش هتكون ثلج على الإطلاق وده بيسهل جدًا من تنظيفها.
• الثلاجة مزودة بموزع مياه.
• الثلاجة مش بتسبب أي ضوضاء طول ما هي شغالة.
• الثلاجة مزودة بشاشة عرض LED لإظهار درجة حرارة الثلاجة والفريزر والتحكم في كل حاجة فيها.

العيوب

• الثلاجة بتفتقر لوجود قفل أمان للأطفال.
• الثلاجة مش هتطلق أي صافرات إنذار لوسبت بابها مفتوح.
• خدمة ما بعد البيع مش كويسة.

ممكن تشوف ثلاجة فريش FNT-D470YT من هنا.

ديب فريزر وايت بوينت WPVF 321 S

المواصفات

• نوع الفريزر: رأسى.
• السعة التخزينه: 107 لتر.
• مكونات الفريزر: 6 أدراج + 2 رف متحرك لمكعبات الثلج.

المميزات

• الفريزر نوفروست وده معناه إنه مش بيكون ثلج على الإطلاق.
• الفريزر مزود بخاصية التجميد السريع.
• من السهل تنظيف الفريزر ونقله من مكان لآخر بفضل العجلات اللي هو مزود بيها.

العيوب

• مساحة الأدراج ضيقة شوية ومش بتشيل كميات كبيرة بشكل مريح.

ممكن تشوف ديب فريزر وايت بوينت WPVF 321 S من هنا.

غسالة ملابس توشيبا هاف أوتوماتيك VH-720P

المواصفات

• نوع الغسالة: نصف أتوماتيك.
• نوع التحميل: تحميل علوي.
• سعة الغسالة: 7 كيلو.
• معدل الدوران: 1430 لفة في الدقيقة.

المميزات

• الغسالة تحميل علوي وده معناه أنك تقدر تضيفلها غسيل طول ما هي شغالة التشغيل ده غير أنك تقدر تستخدم معاها أي مسحوق سواء عادي أو أوتوماتيك.
• سعة الغسالة بتخليها مناسبة للعائلات من صغيرة إلى متوسطة الحجم وكمان هتخليك تغسل فيها البطاطين والألحفة.
• الغسالة مزودة بحوضين واحد للغسيل والتاني للشطف والعصر.
• الغسالة مزودة بطلمبة لرفع المياه.
• الغسالة مزودة بنظام الدوامات في اتجاهين وده بيزيد فعالية الغسالة في تنظيف الملابس وإزالة البقع، ده بجانب أنها فيها دورة نقع الغسيل للتخلص من البقع الصعبة.

العيوب

• الغسالة مفيهاش برامج غسيل متنوعة.
• الغسالة مفيهاش سخان داخلي وبالتالي هتحتاج إنك توصلها بالسخان أو تسخن مياه برا وتضيفها ليها.
• الغسالة بتستهلك كميات كبيرة من الماء.

ممكن تشوف غسالة ملابس توشيبا هاف أوتوماتيك VH-720P من هنا.

مكنسة بلاك أند ديكر VM2200B

المواصفات

• قوة المكنسة: 2000 وات.
• نوع المكنسة: ذات كيس قماشي للأتربة.
• سعة كيس المكنسة: 4.5 لتر.
• طول سلك المكنسة: 5 متر.

المميزات

• قوة المكنسة كبيرة جدًا.
• من السهل فك كيس المكنسة وتنظيفه وإعادة تركيبه مرة أخرى.
• سعة المكنسة كبيرة ومناسبة.
• المكنسة فيها مؤشر بيدل على ما إذا كان كيس الأتربة مليان ومحتاج تفريغه أو لأ.
• المكنسة مزودة بفلتر HEPA مقاوم للبكتريا وبيساعد في تنقية الهواء الخارج من المكنسة من أي بكتيريا عشان يقدر يحافظ على البيئة المحيطة صحية تمامًا.
• المكنسة مزودة بأنبوب تلسكوبي عشان تسمحلك بالوصول لكل جزء في البيت بكل سهولة.
• المكنسة فيها مقبض لسهولة جرها والتحكم فيها، وكمان فيها بكرة لسحب ولف السلك عليها.

العيوب

• سلك المكنسة مش طويل قوي وده ممكن يصعب إمكانية الوصول بيها لأماكن بعيدة عن فيشة الكهرباء.

ممكن تشوف مكنسة بلاك أند ديكر VM2200B من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.