مميزات وعيوب بوتجاز غاز فريش بروفيشنال، 5 شعلات، ستانلس ستيل - 1538 - بوتاجازات - اجهزة منزلية كبيرة

• 

  رشا أبو القاسم

  (5 سنة، 10 أشهر ago)

  بوتاجاز فريش بروفيشنال كنترول 5 شعلة مصنوع من الأستنلس ستيل، دا بيسهل من مهمة النظافة. بالنسبة للأمان ، خاصية إنقطاع الغاز عن الشعلات بتوفر حماية طول الوقت لو إنطفت الشعلات واحنا مش متابعين. مروحة الفرن، كويسه جدًا وفعالة. الشواية بباب مغلق، ودي لضمان نضج الأكل، وكمان مزود بشواية دوارة نشوي عليها براحتنا. شاشة رقمية، مزودة عشان الوقت. معجبنيش حجم البوتاجاز، البوتاجاز 5 شعلات ودا بيشغل مساحة كبيرة في المطبخ. بعض القطع موصل حراري، مقابض الشعلات وباب الفرن بيسخن مع إستخدام للفرن. حوامل الشعلات، الحلل من مادة الفيزون بتهرب من على عين البوتاجاز و بالتالي كان لازم نمسكها كويس وده لأن حامل العين مش مناسب لقاعدة الحلة. مجرى الشعلات اللهب، بيتسد بسرعة. الشواية ضد الفرن، يا نولع الشواية يا نولع الفرن. مفصلات باب الفرن من نوع مش كويس بيعلق لو شدينا الباب بشدة. مقبض باب الفرن لقيته مع الإستخدام مش ثابث في مكانه. الجهاز صعب التعامل معاه، لأننا لو معرفناش نولع الفرن من أول مرة بشكل صحيح حيعتبرني طفل، ومش حيولع غير بعد فترة. الضمان سبع سنوات لكن لما حصل فيه حاجة دفعت تمن قطعة الغيار، واتقال إنها خارج الضمان. خدمة مابعد البيع يوجد بها بعض المشاكل لأن خارج القاهرة يبكون التواصل عن طريق التوكيل التابع للشركة، وعمال الصيانة ليس لديهم خبرة فنية كافية لإصلاح بعض الأعطال. بعض قطع الغيار بتكون متوفرة ولكن بسعر عالي.