كتب: محمد عادل

إحساسك بتماسك وصلابة موبايلك في إيدك وانت ماسكه بيدّيك راحة في الاستخدام والسيطرة عليه خلال تعاملك اليومي معاه، وطبعًا الشكل المعدني بيعكس طبيعة شخصيتك من أناقة موبايلك، عشان كده كتير بيفضّلوا الموبايل اللي هيكله معدني عن الهياكل البلاستيكية.

إحنا في ياقوطة هنساعدك وهنعرض عليك مجموعة مختلفة من  الموبايلات اللي بهيكل معدني شيك، تقدر تعرف مزاياهم وعيوبهم عن طريق ياقوطة وأفضل أسعار ليهم وتطلبهم أونلاين كمان ويكونوا عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

Innjoo Max 3 Pro موبايل

تقييم الموبايل

 موبايل إنجو ماكس 3 برو بيقدم شاشة بحجم ٦ بوصة بدقة وضوح HD، الموبايل تصميمه معدني، وبيتميز بكاميرا أمامية ٨ ميجابكسل وكاميرا خلفية ١٣ ميجابكسل وبروسيسورMT-6735 رباعي النواة ورامات ١/٢ جيجابايت وذاكرة داخلية ١٦ جيجابايت وممكن تضيف كارت ميموري لغاية ١٢٨ جيجابايت، وبطارية سعتها ٣٠٠٠ مللي أمبير.

المميزات

• تصميم موبايل إنجو ماكس 3 المعدني بيدي شكل أنيق وطابع مميز عن بقية سلسلة هواتف إنجو ماكس اللي كانت بتتسم بالهيكل البلاستيكي. شاشة كبيرة ٦ بوصة مغطاة بطبقة ضد الخدش ومصنوعة من زجاج 2.5D، وليها حواف مميزة من الجوانب. درجة وضوح الشاشة جيدة وألونها طبيعية وواضحة بتقدم صور طبيعية وواضحة. دقة البكسلات مش هتبان قوي معاك إلا مع التركيز الشديد.

• الجهة الخلفية للجهاز بتاخد انحناء بسيط وده بيسهّل التحكم في الموبايل بإيد واحدة.

• وضع السماعات الخارجية في الجانب السفلي من الموبايل أحسن من وجودها على الجانب الخلفي، وده بيضمنلك جودة صوت ووضوح بشكل مميز.
• الموبايل فيه لمبة إشعارات LED.

• الكاميرا الخلفية ١٣ ميجابكسل بفلاش مزدوج LED قوي، وتقدم جودة مقبولة في الإضاءة الجيدة وكذلك في التصوير الخارجي في ضوء الشمس.

العيوب

• موبايل إنجو ماكس 3 برو بيحرمك من استخدام شريحتين اتصال وكارت ميموري في نفس الوقت، ولازم تختار بين بطاقة الذاكرة والشريحة التانية.

• سماعة المكالمات جودة ووضوح صوتها أقل من المتوسط، وفي الأماكن الزحمة هتلاقي صعوبة في الاستماع.

• مستشعر البصمة مش سريع في استجابته.

• الكاميرا الأمامية ٨ ميجابكسل بتقدم صورة بتظهر فيها درجة عالية من التشويش ومش مزودة بالتركيز التلقائي Auto Focus.

• على الرغم من إن سعة البطارية ٤٠٠٠ مللي أمبير، فهي تقدم ٦٫٥ ساعة بس من تشغيل الشاشة بشكل متوصل Screen-on time.

شوف موبايل Innjoo Max 3 من هنا.

Infinix Hot S موبايل

تقييم الموبايل

موبايل إنفينكس هوت إس بيقدم شاشة ٥٫٢ بوصة، ومعالج ثماني النواة ١٫٣ جيجاهرتز، ورامات ٢/٣ جيجا، وسعة الذاكرة الداخلية ١٦/٣٢ جيجابايت، وكاميرا خلفية ١٣ ميجابكسل وكاميرا الأمامية ٨ ميجابكسل، والبطارية ٣٠٠٠ مللي أمبير ونظام التشغيل أندرويد مارشميلو.

المميزات

• موبايل إنفينكس هوت إس بييجي بتصميم أنيق ومتوازن وغير قابل للفك، وهنلاقي الواجهة الأمامية ليه وجوانبه من المعدن اللامع، والجانب الخلفي مش ناعم وده لسهولة التحكم فيه بإيد واحدة.
• أداء مميز من الموبايل أغلب الوقت.
• تصوير الموبايل بالكاميرا الخلفية مميز والألوان حادة وفي صورها الليلية مقبولة وإن كانت مش بنفس قوة وكفاءة الصور النهارية.

• الكاميرا الأمامية بتقدم صور سيلفي جيدة، ولإن فيها فلاش شاشة Retina Flash فده بيخلي الصور منورة حتى في الإضاءة الضعيفة.

• بتقدم البطارية من ٣ إلى ٤ ساعات عند تشغيل شبكة الانترنت عبر الـ 3G وتشغيل الشاشة بشكل متوصل Screen-on time.

العيوب

• أحيانًا يُفاجأ المستخدم بتوقف الموبايل عند تشغيل أكتر من برنامج في نفس الوقت.
• للأسف أداء الموبايل مش الأفضل للألعاب اللي بتتميز بجرافيك عالي وهتلاحظ سخونة صدرت منه وقتها.
• أحيانًا بتظهر الكاميرا الألوان بشكل حاد أكتر من اللازم وده بيأثر على جودة وجمال المنظر.

شوف موبايل Infinix Hot S من هنا.

موبايل Xiaomi Redmi Note 3

تقييم الموبايل

موبايل شاومي ريدمي نوت 3 بييجي بشاشة ٥٫٥ بوصة وبيعمل بمعالج ثماني النواة ورامات ٢/٣  جيجا رام وسعه ذاكره داخلية ٣٢-٦٤ جيجابايت وكاميرا خلفية ١٣ ميجابكسل وكاميرا أمامية ٥ ميجابكسل وبطارية ٢٦٠٠ مللي أمبير ونظام التشغيل أندرويد لولي بوب.

المميزات

• زودت شاومي موبايلها ريدمي نوت 3 ببصمة إصبع مميزة في التصميم ومن حيث الحجم كمان وهي موجودة على الجزء الخلفي من الموبايل تحت الكاميرا الخلفية، بالإضافة لحجم مساحة المستشعر نفسه الواسعة واللي بتستوعب الإصبع بشكل مريح، وبيساعد في المسح الدقيق والسريع والتعرف بسهولة على هوية المستخدم.

• تصميم الموبايل جيد يسهُل التعامل معاه بإيد واحدة نتيجة الانحناء اللي بيقدمه من الجانبين ومن الجهة الخلفية للموبايل، في الوقت نفسه أزرار التحكم في الصوت وتشغيل الجهاز موجودة على الجانب الأيمن من الموبايل.

• شاشة الموبايل بتقدم دقة عرض جيدة في التعامل مع الصور والفيديوهات عالية الجودة.

• أداء الجهاز القوي والسريع في التعامل مع المهام المتعددة في وقت واحد.

• صممت شاومي سماعتها الخارجية بشكل مميز وذكي، واللي هنلاقيها موجودة على الجانب الخلفي للجهاز، مع إضافة جزء بلاستيكي بارز، واللي بيضمن عدم تغطية السماعة لما تكون حاطط الموبايل على المكتب.

• تتيح واجهة شاومي الجديدة الحرية الكاملة للمستخدم من حيث التطبيقات اللي يرغب في تثبيتها على هاتفه، حيث أن الهاتف مش بييجي محمَّل بحزمة تطبيقات جوجل مسبقًا.

• البطارية سعتها ٢٦٠٠ مللي أمبير، وبتقدم شاومي العديد من الأوضاع للحفاظ على عمر البطارية خلال اليوم، بدون الحاجة لشحن البطارية أكتر من مرة.

العيوب

• الموبايل مصنوع من المعدن، لكن جودة الخامات مش مميزة.

• شاشة الموبايل  بتقدم درجة تباين للألوان ضعيفة، وأداءها متواضع تحت أشعة الشمس، وسطوعها مش قوي وهتحتاج ترفع درجة سطوع الموبايل في الشمس عشان تشوف كويس.

• أحيانًا لما يزيد الضغط على الموبايل من خلال تشغيل ألعاب أو فيديوهات عالية الدقة من حيث الرسوميات، هنلاقي الجهاز توقف ويظهر رسالة توقف واللي بتطلب من المستخدم إنه يقفل البرامج ويفتحها تاني.

• تفتقر السماعات الخارجية لعمق الصوت، فهي غير مشجعة أبدًا على استخدامها للاستمتاع بالأغاني.

• شاومي تجبر المستخدم في بداية استخدامه للهاتف على التعامل بإيميل شخصي عبر متجرها خاص بها بعيدًا عن بلاي ستور.
• الموبايل مش بييجي بمجموعة برامج جوجل وهتحتاج تحمّلها كلها.

• تجربة التصوير في الإضاءة المباشرة أو الضعيفة أقل من المتوسط.

شوف موبايل Xiaomi Redmi Note 3 من هنا.

Lenovo K6 Note موبايل

تقييم الموبايل

 الموبايل بيقدم  شاشة ٥٫٥ بوصة بدقة FHD بكثافة توزيع ٤٠١ بكسل في البوصة الواحدة، يعمل بمعالج سناب دراجون 430 وتردد ١٫٤ جيجاهرتز مع بطاقة معالجة رسوميات Adreno 505، ورامات ٣ أو ٤ جيجابايت، و ذاكرة داخلية ٣٢ جيجابايت، كاميرا خلفية ١٦ ميجابكسل وخلفية ٨ ميجابكسل، وبطارية ٤٠٠٠ مللي أمبير.

المميزات

• موبايل لينوفو كي 6 نوت بييجي بشاشة مميزة بدقة عالية مريحة في مشاهدة الفيديوهات وممارسة الألعاب، وزوايا الرؤية مريحة تحت أشعة الشمس.
• أداء الموبايل عالي في المهام البسيطة لكن ممارسة الألعاب التقيلة هيكون بطيء شوية.

• الموبايل بيقدم تجربة تصوير مرضية من خلال كاميرا خلفية ١٦ ميجابكسل وبتصور بدقة ١٠٨٠ بكسل واللي بتقدم فيديو بدقة مناسبة وألوانه واضحة في ظروف الإضاءة المختلفة أو في ضوء الشمس.

• بطارية الموبايل بتقدم ٣١ ساعة من المكالمات الصوتية عبر الجيل الثالث من شبكات الموبايل، و٦٠٠ ساعة من الانتظار.

العيوب

• إكسسوارات الموبايل مش من السهل توافرها بالأسواق.

• مش بييجي بأحدث نسخة تشغيل أندرويد.

• الجهاز مش بيقدم الجيل الجديد من اليو إس بي USB-C.

• ما بيقدمش تقنية الشحن السريع.

شوف موبايل Lenovo K6 Note من هنا.

موبايل Asus ZenFone Selfie

تقييم الموبايل               

موبايل أسوس زينفون سيلفي بييجي بشاشة كبيرة ٥٫٥ بوصة IPS بجودة عالية الدقة FHD واللي بتديلك دقة توصل لـ ٤٠٣ بكسل في البوصة الواحدة، مع معالج ١٫٥ جيجاهرتز ثماني النواة ومزود بـ ٢ جيجابايت رام مع ١٦ جيجابايت ذاكرة داخلية ودعم كارت ميموري، وبطارية ٣٠٠٠ مللي أمبير وكاميرا خلفية ١٣ ميجابكسل وأمامية ١٣ ميجابكسل، مع نظام تشغيل أندرويد لولي بوب 5.0 بواجهة أسوس ZenU.

المميزات

• أداء سريع للمهام، سهولة استخدام كتير من التطبيقات في نفس الوقت بدون مواجهة تأخير.
• جودة خامات التصميم.
• كاميرا الموبايل الخلفية بتيجي بـ ١٧ وضع تصوير مختلف منهم واحد للمصور المحترف وواحد لوضع الإضاءة الضعيفة.
• شاشة كبيرة بوضوح عالي بتركيز ألوان ٤٠٣ في البوصة الواحدة.
• بيدعم شريحتين اتصال وكارت ميموري.
• الكاميرا الأمامية فيها فلاش وده بيساعدك في التصوير السيلفي لو الإضاءة ضعيفة.
• مزود براديو FM.
• البطارية فيها خاصية الحفاظ على الطاقة علشان تزود من عمر البطارية.

العيوب

• بطارية الموبايل ما تقدرش تغيرها بنفسك وهتحتاج تروح التوكيل.
• حجم الموبايل كبير شوية.
• ضعف جودة الكاميرا الأساسية في الإضاءة الضعيفة.
• الكاميرا مفيهاش تقنية OIS.
• مفيش في الموبايل خاصية NFC.
• جودة صوت أفلام الفيديو اللي هتصورها بالكاميرا مش قوي جدًا وهتحتاج تعلّي الصوت على الآخر علشان تسمعه كويس.
• يوجد بعض الشكاوى من أداءه في الألعاب.
• أزرار التحكم في الصوت مكانها في ضهر الموبايل، وزرار الفتح والغلق موجود أعلى الموبايل جنب فتحة سماعات الرأس.
• أزرار التحكم في الموبايل مش مضيئة وهتحتاج شوية وقت علشان تتعود على أماكنهم.
• عمر البطارية متوسط.
• مظهر معدني رخيص بسبب خامات التصنيع البلاستيكية.
• ضعف جودة المكالمات الصوتية.
• الموبايل بيسخن بطريقة ملحوظة عند التصوير لمدة أو ممارسة ألعاب الجرافيك بتاعها عالي شوية.

شوف موبايل Asus ZenFone Selfie من هنا.

موبايل Oppo F1s

تقييم الموبايل

 الموبايل بيقدم شاشة ٥٫٥ بوصة بدقة وضوح HD مغطاة بطبقة كورنينج جوريلا جلاس 4، وبيعمل ببروسيسور MT-7650 ثماني النواة بتردد ١٫٥ جيجاهرتز، ورامات ٣ أو ٤ جيجابايت وذاكرة داخلية ٣٢ أو ٦٣ جيجابايت، وكاميرا خلفية ١٣ ميجابكسل وأخرى أمامية ١٦ ميجابكسل، ويعمل الجهاز ببطارية ٣٠٧٥ مللي أمبير.

المميزات             

• دقة وضوح الشاشة مناسبة لحجمها وبيقدم درجة تباين جيدة للصور، واستخدام الشاشة تحت أشعة الشمس ممتاز، بالإضافة لإن نوع الزجاج المصنع منه الموبايل بيدّيه صلابة ومقاومة جيدة للخدش.
• أداء الموبايل قوي وسلس وسريع وده هيخلّي المُستخدم قادر على تشغيل ألعاب وتطبيقات ذات رسوميات رائعة، ولإن الذاكرة الدخلية كبيرة فمش هيحتاج يزود ميموري خارجي، وكمان واجهة المُستخدم بسيطة وعملية وسريعة.
• دقة وضوح الصور بالكاميرا الخلفية جيدة في الإضاءة الخارجية والإضاءة القوية، إلى القدرة على توزيع الكميات الضوئية بشكل مميز، فبتخرج الصور متوازنة من ناحية الإضاءة، وتباين ألوان الصور جيد وبدرجاته الطبيعية، ولو انت من عشاق الصور السيلفي فأكيد هتستمتع مع الكاميرا الأمامية لأوبو لإن كاميرته بقوة ١٦ ميجا بكسل وهتلاقي صورك منورة.
• تعتبر البطارية من أهم مميزات الجهاز التي بتركز عليها الشركة، واللي بتيجي بقوة ٣٠٧٥ مللي أمبير.
• الموبايل مزود بمستشعر بصمة قوي وسريع جدًا وبيسجل لغاية ٥ بصمات أصابع.
• ممكن تستعمل الموبايل كشاحن للموبايلات التانية مع خاصية OTG.
• ممكن تصور فيديو بتقنية التصوير البطيء.

العيوب

• خامة تصنيع هيكل الموبايل رديئة فبتعكس أنه هاتف رخيص ومش أنيق.
• للأسف كاميرا الموبايل ما بتدعمش تقنية OIS.
• مفيش لمبة إشعارات LED في الموبايل.

شوف موبايل Oppo F1s من هنا.

موبايل Samsung Galaxy S7 Edge

تقييم الموبايل

الموبايل بييجي بشاشة ٥٫٥ بوصة بدقة وضوح QHD وهي من نوع Super AMOLED، ومعالج ثماني النواة ورامات ٤ جيجابايت، وذاكرة داخلية ٣٢ جيجابايت، وبيتيح استخدام كارت ميموري لغاية ٢٥٦ جيجابايت، وبطارية ٣٦٠٠ مللي أمبير، وكاميرتين خلفية ١٢ ميجابكسل وأمامية ٥ ميجابكسل.

المميزات

• الموبايل بيدي دقة وضوح عالية للصور والفيديوهات عبر شاشة الموبايل، كمان الشاشة بتقدم درجة تباين في الألوان ودرجة سطوع بتخليها مميزة في العمل تحت أشعة الشمس، وكذلك لمشاهدة الفيديوهات والاستمتاع بالألعاب ذات الجرافيكس المليئة بالتفاصيل والألوان الزاهية.
• لإن طابع تصميم الموبايل منحني من جانبه الخلفي فده بيسهل حمل الموبايل بإيد واحدة لساعات طويلة بشكل مريح وبيدي المُستخدم شعور بالتحكم الكامل في الموبايل، بالإضافة للميزة اللي بتخليه مختلف عن النموذج الأصغر منه في الحجم، وهي حافتي الشاشة Edge، واللي بتميز الموبايل من خلال اللي بتتيحه من مزايا إضافة اختصارات للتطبيقات المفضلة لدى المُستخدم، وممكن يظبط من خلالها الوصول للبرامج والتطبيقات اللى بيتعامل معاها بسرعة.
• الجوانب المنحنية Edge للموبايل بتدي امتداد واسع للشاشة، ويقدر من خلاله المُستخدم يتصفح آخر الأخبار والإشعارات من حساباته على الشبكات الاجتماعية، بالإضافة إلى إمكانية وضع اختصارات سريعة لتطبيقاته المختلفة يوصل ليها بسرعة.
• يقدم الموبايل أداء متميز ويتيح المجال أمام المُستخدم إنه يستمتع بأداء قوي مع تشغيل العديد من التطبيقات في وقت واحد، بالإضافة لمعالجة الفيديوهات والألعاب ذات الرسوميات المتطورة بشكل مميز وسلس وسريع.
• موبايل سامسونج جلاكسي S7 إيدج بيقدم أداء مميز من حيث البطارية بسعة ٣٦٠٠ مللي أمبير، لإنه بيتيح للمستخدم إنه يتعامل طول اليوم مع الموبايل بحرية كاملة، مع أوضاع الحفاظ على عمر البطارية المختلفة.
• الموبايل لديه قدرة على تشغيل فيديوهات لمدة ١٨ ساعة متواصلة بجودة HD، وطول الليل مش بتخسر البطارية من عمرها إلا ٢٪، وده بسبب تقنية Doze الجديدة الخاصة بتوفير عمر البطارية واللي بتوفرها نسخة أندرويد 6.1 مارشميلو.

العيوب

• بسهولة بتلتصق بصمات المُستخدم بشاشة وهيكل هاتفه المعدني.

شوف موبايل Samsung Galaxy S7 Edge من هنا.

Huawei P10 Plus موبايل

تقييم الموبايل

موبايل هواوي بي 10 بلس بييجي بشاشة مغطاة بزجاج حماية Corning Gorilla Glass 5 5.1 بوصة بدقة وضوح ١٩٢٠×١٠٨٠ بكسل، بكثافة توزيع بكسلات ٤٣١ بكسل في البوصة الواحدة، وكاميرا الموبايل الخلفية المزدوجة بتقدم دقة وضوح للعدستين، الأساسية ١٢ ميجابكسل، والعدسة الواسعة ٢٠ ميجابكسل وكاميرا أمامية ٨ ميجابكسل. معالج الموبايل Kerin 960 ثماني النواة بمعمارية، ورامات ٤ جيجابايت، بذاكرة داخلية ٦٤ جيجابايت، وبطارية ٣٢٠٠ مللي أمبير ونظام تشغيل أندرويد نوجا 7.1.

المميزات

• تصميم الموبايل رائع عملي وأنيق، خامة تصنيع الموبايل جيدة وسهل التحكم فيه بإيد واحدة، حواف الموبايل فيها منحنيات مريحة في مسكة الموبايل، وحواف الموبايل واخدة شكل دائري، وتصميم الموبايل قريب لأيفون 7.

• بصمة الموبايل 3D يعني بتحس بضغط المستخدم عليها فمثلًا لمسة بسيطة بترجع المستخدم خطوة للوراء خلال استخدامه للهاتف، ولمسة طويلة تخرجك للشاشة الرئيسية، ولمسة مع السحب لليمين أو شمال بتخليه يتنقل بين التطبيقات المفتوحة.

• حجم الشاشة ودقة وضوحها مميزان ويسمحان للعين بالتعامل مع الموبايل بشكل جيد ومريح، وبتقدم درجة إضاءة عالية لذلك فزوايا رؤيته جيدة تحت أشعة الشمس والشاشة مغطاة بطبقة حماية جيدة مقاومة للكسر من زجاج Corning Gorilla Glass 5.

• سعة البطارية مميزة، وبتدعم خاصية الشحن السريع.

• كاميرا السيلفي بتقدم أداء عام أكتر من ممتاز.

• تجربة التصوير ممتعة الكاميرا الخلفية المزدوجة، لأنها بتسمحلك بتصوير صور بجودة عالية، والاختيار بين صور ملونة وصور أبيض وأسود Monochrome، والكاميرا تتيح تصوير فيديو بدقة 4K و١٠٨٠ بكسل بمعدل ٦٠ لقطة في الثانية الواحدة.

• أداء الجهاز قوي ومميز وسريع من خلال معالج الشركة كيرن 960، فأداء الموبايل قوي أمام الجرافيكس وإتمام المهام المتعددة بشكل سلس وسريع، وبيتميز بتقنية Ultra Memory، واللي بتحافظ على أداء الموبايل خفيف دايمًا عن طريق تقليل المساحة اللي بتستغلها البرامج المفتوحة طول الوقت ومش بتستخدمها.

العيوب

• خامة تصنيع ظهر الموبايل المعدني سهل تتجرح بالأظافر.

• صوت السماعات الخارجية ضعيف وأقل من المتوقع.

• للأسف الموبايل مش مقاوم للمياه.
• ما بيدعمش تشغيل راديو FM.

شوف موبايل Huawei P10 Plus من هنا.

موبايل iPhone 6s plus

تقييم الموبايل

 موبايل أيفون 6s بلس بييجي بشاشة ٥٫٥ بوصة ومعالج A9 ثنائي النواة بتردد ١٫٨ جيجاهرتز ورامات ٢ جيجابايت وسعة الذاكرة الداخلية ١٦/٦٤/١٢٨ جيجابايت وكاميرا خلفية ١٢ ميجابكسل وكاميرا أمامية ٥ ميجابكسل ويعمل ببطارية ٢٧٥٠ مللي أمبير ونظام التشغيل iOS 10.

المميزات

• الشاشة تدعم تقنية اللمس ثلاثي الأبعاد واللي بيمكّن المستخدم من إنجاز أكتر من مهمة في وقت واحد من غير ما تفتح البرنامج عن طريق الضغط على الشاشة بشكل معين.

• شاشة الموبايل مميزة للاستخدام من حيث مدى نصاعة ونقاء الصورة والألوان الزاهية، ووضوح الشاشة حتى عند استخدامها في ضوء الشمس الساطع.

• بيقدم الجهاز بنسبة ٧٠٪ في مقابل أداء الجيل السابق من معالجات أبل A8.

• فتحة عدسة الخلفية واسعة F/2.2 وده بيتيح صور واضحة المعالم حتى في ظروف الإضاءة الخافتة وقادرة على تصوير فيديوهات بجودة 4K.

• الكاميرا الأمامية ٥ ميجابكسل ومزودة بتقنية الفلاش الجديدة Retina Flash، وتعتمد على إطلاق شاشة بيضاء ناصعة عند التقاط السيلفي لعكس الإضاءة على وجه المستخدم، لتعويض غياب وجود فلاش حقيقي.

• دعم تقنية الصور الحية Live Photos.

• البطارية قادرة على العمل لمدة حوالي ١٦ ساعة متواصلة من المكالمات أو ١٢ ساعة متواصلة من الإنترنت أو ١٤ ساعة متواصلة من تشغيل الفيديوهات.

العيوب

• ما تقدرش تضيف للموبايل ميموري خارجي.

• للأسف مش بيوفر تقنية الشحن السريع.

شوف موبايل iPhone 6s plus من هنا.

Samsung Galaxy S8 موبايل

تقييم الموبايل

موبايل سامسونج جلاكسي S8 بييجي بشاشة ٥٫٨ بوصة بجودة عالية الدقة QHD واللي بتديلك دقة بتوصل لـ ٥٧٠ بكسل في البوصة، مع بروسيسور سناب دراجون 835 أو Exynos 8895، ثماني النواة ومزود بـ ٤ جيجابايت رام مع ٦٤ جيجابايت ذاكرة موبايل ودعم كارت ميموري لغاية ٢٥٦ جيجابايت، وبطارية ٣٠٠٠ مللي أمبير وكاميرا خلفية ١٢ ميجابكسل وأمامية ٨ ميجابكسل، مع نظام تشغيل أندرويد نوجا 7.0 ومستشعر جديد لبصمة الإصبع.

المميزات

• تصميم الموبايل مميز وأنيق ويتيح استخدامه بسهولة بيد واحدة مع تحكم كامل فيه.

• شاشة الموبايل بتعتبر أحد أهم مميزاته لإنها بتحتل واجهة الموبايل واللي بتكون من غير حواف تقريبًا من الجانبين مع وجود حواف ضئيلة للغاية أعلى وأسفل الشاشة.

• الشاشة مغطاة بطبقة حماية مميزة من زجاج Corning Gorilla Glass 5.

• الموبايل يعمل بشريحتين اتصال.

• أداء الجهاز مميز ويسمح بإنجاز مزيد من المهام في نفس الوقت.

• الموبايل يدعم الجيل الخامس من البلوتوث وده بيكون له أداء أحسن عند تشغيل سماعات لاسلكية وكمان تقدر تشغل الصوت على سماعتين منفصلين عن بعض في نفس الوقت.

• فيه خاصية الشحن السريع واللاسلكي.

• الموبايل بيقدم طريقة جديدة للحماية عن طريق بصمة العين.

العيوب

• الزجاج الخلفي للموبايل يسهل كسره مع أي سقوط غير متوقع.

• الشاشة قد تتعرض لمشكلة الاحمرار المفاجئ.

• للأسف سامسونج ما قدمتش جديد في كاميرا الموبايل وجت مشابهة جدًا لكاميرا أخيه الأصغر Samsung S7.
• بسهول تلتصق بصمات المستخدم بشاشة وهيكل موبايله المعدني.

شوف موبايل Samsung Galaxy S8 من هنا.

موبايل iPhone 7 plus

تقييم الموبايل

 الموبايل بييجي بشاشة ٥٫٥ بوصة بدقة وضوح ١٠٨٠×١٩٢٠ بكسل، بكثافة توزيع بكسلات ٤٠١ بكسل في البوصة الواحدة، وكاميرا الموبايل الخلفية بتقدم دقة وضوح ١٢ ميجابكسل وكاميرا أمامية ٧ ميجابكسل. معالج الموبايل A10 Fusion رباعي النواة ٢٫٣٤ جيجاهرتز، ورامات ٣ جيجابايت، بذاكرة داخلية ٢٥٦ جيجابايت، وبطارية ٢٩٠٠ مللي أمبير.

المميزات

• يعتبر موبايل أيفون 7 بلس من أفضل الموبايلات لعام ٢٠١٦، ومع إن التصميم بتاعه قريب جدًا من أيفون 6 إلا إن ده ما قللش من شراء الناس ليه لإمكانياته المميزة، خصوصًا إنه عملي وسهل في الاستخدام بإيد واحدة، كما أنه مغطى بالكامل بخام الألومنيوم.
• شاشة الجهاز تأتي بدقة FHD وده هيحسسك بمتعة كبيرة وانت بتتفرج على الفيديوهات أو بتمارس عليه ألعاب مختلفة.
• أداء الموبايل سريع ومثالي من خلال نظام تشغيله iOS 10 وشريحة معالجه رباعي النواة A10 Fusion، واللي بتوفر في استغلال مساحة الرام بشكل مثالي يحافظ على سرعة الجهاز وقدرته على معالجة المهمات المطلوبة منه بشكل أكتر من رائع، وكمان بيوفر من استهلاك البطارية الآنية التي يقوم بها المُستخدم، وده بيساعد على توفير الطاقة اللي بيستهلكها الموبايل.
• بيقدم الجهاز تجربة تصوير جيدة من خلال قدرة عالية على تصوير صور مكبرة، وده لإنه مزود بعدستين خلفيتين، فمن خلال استخدام عدسة التصوير الضيقة Telephoto 56mm وده بيتيح للمُستخدم إنه يكبر اللقطة بشكل مضاعف مع الحفاظ على دقة وضوح تفاصيل المشهد.
• تصوير لقطات البوكيه، اللي بتعتمد على التركيز على عنصر واحدة وتمويه خلفيته، تُعتبر جيدة، في حال توفرت إضاءة كافية.
• لأول مرة في موبايلات الأيفون نلاقي رام ٣ جيجابايت وده شيء مبهر.
• قارئ بصمة الإصبع للموبايل موجود في زرار الـ Home.
• الموبايل بيصور فيديو بتقنية 4K.
• الميزة المهمة إن الموبايل مقاوم للمياه.
• بطارية الموبايل تعتبر من أفضل مميزاته واللي بتيجي بقوة ٢٩٠٠ مللي أمبير، والموبايل مزود بشريحة ذكية M9 بتقدم قدرة على تنظيم استهلاك الموبايل للبطارية، وده بيزود من عمر بطارية الموبايل معاك.

العيوب

• للأسف الموبايل ما بيدعمش إضافة ميموري خارجي.
• سعره غالي شوية.
• رغم أداء البطارية المناسب، إلا إننا لو هنقارنها بالموبايلات المنافسة هيكون أداءها مش بالقوة المطلوبة.

شوف موبايل iPhone 7 plus من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا فى تعليق أو من خلال صفحة Yaoota.com على فيسبوك.