كتبت: يارا الحميلي

من بين كل الأجهزة اللي في المطبخ، التلاجة بتعتبر دايمًا هي روح المطبخ اللي من الصعب تخيل أي مطبخ من غيرها، وطبعًا السوق مليان أنواع وأشكال كتير بمواصفات ومميزات مختلفة وده ممكن يصعب على المشتري عملية إنه يحدد إيه أنسب نوع لاحتياجاته.

هنتكلم النهارده عن تلاجة إليكتروستار برستيج نو فروست، واحدة من أكتر التلاجات مبيعًا على ياقوطة، وعن طريق المراجعة دي هنساعدك تتعرف أكتر على مواصفاتها ومميزاتها وعيوبها، ولو ناوي تشتريها تقدر تعرف أحسن الأسعار ليها من على موقعنا وتطلبها وهتوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

المميزات

• نظام التبريد بيساعد إن البرودة توصل لكل زوايا التلاجة وبيضمن إن الأكل يفضل طازة طول الوقت، ده لإن كل الأكل بيتبرد بنفس الدرجة في نفس الوقت.
• الطبقات المتعددة العازلة المزودة بيها التلاجة بتخليها منعزلة عن الرطوبة وبتحفظ الهواء البارد اللي جوة التلاجة.
• فيها تكنولوجيا صديقة للبيئة اللي مش بتسبب ضرر لطبقة الأوزون.
• استهلاك كفء للطاقة وطبعًا ده بيقلل من فاتورة الكهرباء خاصةً مع الاستعمال المستمر.
• في حالة انقطاع الكهرباء، بتحفظ الطعام على حالته لحد ٦ ساعات.
• الموتور بيشتغل في درجات الحرارة المختلفة وفي هدوء تام ومش بيسبب إزعاج زي كتير من مواتير التلاجات التانية الموجودة في السوق
• الأرفف بتاعتها معمولة من البايركس واللي معروف إنه بيستحمل أوزان تقيلة وكمان سهل إنك تنضف الأرفف.
• فيها طبقة مزدوجة من دهان الكتروستاتيك واللي بيمنع الصدا.

العيوب

• فيه ناس كتير اشتكت إن التلاجة مش بتبرد كويس دايمًا.
• التلاجة عمرها قصير ومش بتعيش كتير، يعني بعد حوالي سنة بتبدأ تظهر عليها مشاكل كتير وبتضطر تلجأ للصيانة لتصليحها أو لتغيير بعض قطع الغيار.
• أداءها مستواه بيقل شوية مع الوقت وخاصةً في شهور الصيف.
• جودة الخامات مش عالية قوي والتقفيل جودته مش كويسة.
• ناس كتير بيشتكوا من ضعف جودة المروحة.
• خاصية النوفروست بتبوظ كتير وده بيخلي التلاجة كل شوية تعمل تلج.
• الباب بتاعها بيعلق كتير.
• درجة الحرارة مش دايمًا بتبقى ثابتة جوة التلاجة، وده ممكن يبوظ طعم الأكل.

تقييم خدمات ما بعد البيع

• قطع الغيار بتاعتها متوفرة وأسعارها معقولة جدًا.
• خدمات الصيانة بتاعتهم بيتأخروا كتير قوي عشان ييجوا ومستوى الفنيين مش حلو قوي في التعامل مع مشاكل التلاجة.
• غير كده لما بياخدوا التلاجة عندهم عشان يصلحوها بيفضلوا سايبنها لوقت كتير قوي.

ممكن تشوف تلاجة اليكتروستار بريستيج نو فروست ١٤ قدم من هنا.

عندك تلاجة اليكتروستار بريستيج؟ ما تنساش تشاركنا مع تجربتك مع التلاجة وتقولنا رأيك إيه فيها في تعليق.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.