كتبت: أمنية عزمي

عيش روعة الصورة مع نطاق الألوان الأوسع مع شاشة سامسونج سمارت ال 58 بوصة بمعالج Crystal 4K بتعيش معاها جودة الصورة المبهرة سواء في تنظيم اللون أو التباين العالي وتكنولوجيا HDR اللي بتوضح أهم وأدق التفاصيل سواء في أكتر المشاهد سطوعا أو ظلاما، دقة الشاشة Ultra HD 4K سامسونج بتنقله بطريق البكسلات الحمراء والخضراء والزرقاء RGB اللي بتقدمها في شاشاتها ال 4K UHD، مع شاشة كريستال وروعة نطاق الألوان الأوسع، الشاشة سمارت وفيها رسيفر مدمج، والجميل إنك بتتحكم في كل أجهزتك من خلال ريموت كنترول واحد.

هنوضح مع ياقوطة بالتفصيل أهم مواصفات ومميزات وكمان عيوب تليفزيون سامسونج الذكي- 58 بوصة- فائق الدقة 4K – UA58TU7000 وشوف كمان رأي المستخدم فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري تليفزيون سامسونج الذكي- 58 بوصة- فائق الدقة 4K – UA58TU7000 من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الموديل: UA58TU7000
• نوع الشاشة: مسطح
• الفئات: تلفزيون ذكي
• الحجم بالبوصة: 58
• دقة الشاشة: 2160× 3840
• نوع العرض: LED|Smart|Ultra HD 4K
• رسيفر مدمج: نعم
• خاصية الاتصال الذكي: Ethernet, Wi-Fi
• الاتصال: 3 منافذ HDMI- 2 منفذ USB 2.0

المميزات

• تصميم بدون حواف ثلاثي الجوانب بشكل انسيابي أنيق بتشد الانتباه بحجمها السينيمائي الكبير وبتضفي حياة للمكان بتفاصيل عرضها وألوانها وصوتها القوي، وبما إنها مسطحة ورفيعة تقدر تعلقها عالحائط وتوسع المكان وتحافظ عالشاشة من الصدمات.
• تعمل بمعالج كريستال 4K هتشوف جودة صورة خيالية بنطاق واسع للألوان، بشريحة واحدة بتنظم اللون وبتعزز نسبة التباين بشكل عالي وكمان بتتقن استخدام تكنولوجيا HDR.
• جودة صورة مبهرة بفضل معالج UHD بيوفر أعلى جودة للصورة ودقته 3840×2160 بكسل بيوفر دقة شاشة أعلى 4 مرات من شاشة FHD كاملة الوضوح وتكاد تصل لدقة 4K فائقة الوضوح، واللي بتستمتع معاها بصورة حادة وواضحة فيها أدق التفاصيل.
• تقنية تعتيم UHD، بتقسم الشاشة لمربعات صغيرة وبتعالجها بحيث تبرز أدق التفاصيل وتستمتع بمستويات محسنة من الوضوح والتباين والألوان وبالتالي متعة مشاهدة عالية.
• مع تكنولوجياHDR هتشوف كل التفاصيل الخفية بدون ما يفوتك أي تفاصيل صغيرة بفضل مستوى السطوع واسع النطاق اللي بيمنحك أوضح رؤية حتى في المشاهد القاتمة في الإضاءة وذات السطوع العالي.
• تلفزيون ذكي بتتجمع فيه كل المتع اللي ممكن تحتاجها من خلال تواصلك به عالإنترنت ووسائل التواصل واليوتيوب من خلال جهاز واحد بتتحكم منه في جميع الأجهزة بمحور واحد لإدارتها.
• استمتع بالألعاب بشكل أسرع وتحكم أعلى مع معزز الألعاب اللي بتقدر من خلاله تتحكم في الألعاب وتحد من تأخير المدخلات واوصل لمتعة الألعاب بشكل انسيابي بدون ضبابية الحركة أو إهتزازها.
• مزود بحامل لتنظيم الأسلاك وإخفائها بيساعد بشكل كبير في تقليل الفوضى في المكان والاستمتاع بتصميم رائع.
• تقنية One Depth، هي الطريقة الذكية اللي تقدر تحصل على المتعة من خلالها بطريقة سهلة وسريعة عن طريق تجميع المحتويات كلها وعرضها على شاشة واحدة وبكده تقدر تشوف العناصر كلها في صور صغيرة قبل فتح أي واحدة منها.
• المحور الذكي وخاصية التحكم عن بعد بجهاز أحادي، بتقدر تتحكم بأبسط الطرق للوصول للمحتوى عن طريق جهاز واحد للتحكم عن بعد (ريموت كنترول)، من صندوق الإعداد لوحدة الألعاب والتطبيقات والبث التلفزيوني المباشر.
• الدليل العالمي، عبارة عن قائمة منسقة من كل المحتويات من قنوات التلفزيون أو البث مخصصة لك وبتوصل للمحتوى المطلوب بسهولة بدون ما تحتاج تطبيقات زي ما كان في الموديلات السابقة.
• ميزة رائعة وهي المشاهدة بمجرد اللمس، بتقدر تعكس صورة الأفلام أو الموسيقى من موبايلك لشاشة سامسونج بلمسة واحدة من موبايلك للشاشة وبالتالي التلفزيون بيستشعر اللمسة ويعكس تشغيل الملفات بطريقة تلقائية أسرع وأسهل.
• بيتوافق مع المنظومة الإلكترونية في منزلك، يعمل سامسونج بانسيابية مع المساعد Alexa الخاص بأمازون والمساعد Air Play2.
• ميزة Air Play 2 بتقدر تستمتع بمتعة مشاركة وبث أي محتوى من أجهزة Apple سواء فيديوهات أو موسيقى أو صور وتشوفها على شاشة ضخمة بدقة UHD 4K من سامسونج.
• بيدعم ميزة تشغيل التلفزيون مع أي علامات تجارية بخلاف سامسونج، يعني تقدر تدمجه مع مكبرات الصوت الذكية وأجهزة المحمول بكل أنواعها وبالتالي يتحول لمركز حياتك المريحة في عالم الاتصالات.
• بتقدر عن طريق أجهزة سامسونج تتحكم في الأوامر وأي حاجة بتدور عليها من خلال Bixby Voice اللي بيقدملك طريقة ثورية بتساعدك في العثور على برامج البث المباشر مع دليل عالمي وبتساعدك عن طريق الأوامر الصوتية الذكية.
• مميز بصوت دولبي رقمي إضافي قوي بمخرج صوت RMS بقوة 20 وات وسماعة تعمل على قناتين، هتعيش معاه التجربة كأنك في السينما.
• مزود بمنفذين HDMI السريع تقدر توصل الشاشة من خلالهم بأي أجهزة زي ألعاب البلاي ستيشن.
• 2 فتحة يو إس بي هتقدر توصل من خلالها كل وسائل الترفيه اللي تحبها وتشوف أفلامك وصورك وتسمع الموسيقى اللي تختارها.
• مزود بمدخل Component In (Y/Pb/Pr)، ومدخل AV، شبكة إيثرنت LAN، بلوتوث موفر للطاقة، و واي فاي و بلوتوث
• الشاشة سمارت، بتشغل من خلالها الإنترنت وتبقى على اتصال بكل وسائل التواصل الاجتماعي واليوتيوب وتقدر تستخدم جوجل بلاي في اختيار تطبيقاتك المفضلة.
• مزود برسيفر مدمج بعرض رقمي واضح وبحث تلقائي عن القنوات وقفل تلقائي بتتابع منه القنوات العالمية بسهولة وبيوفر ترجمة.

العيوب

• فترة الضمان اللي بتديها سامسونج سنتين بس وتعتبر قليلة ومفروض بنكون من 3 ل 5 سنين.
• ارتفاع أسعار قطع غيار الشاشات ال 4K في سامسونج.
• الصوت بيضعف لما توصله بالبلوتوث.
• الشاشة ضعيفة مع حجمها الكبير وممكن تتعرض للكسر لو في مكان يسهل الوصول إليه والأفضل تعليقها عالحائط.

خدمة ما بعد البيع

• مراكز الصيانة متوفرة في كل أنحاء الجمهورية على رقم 19089 ومتوفر عندهم قطع الغيار الأصلية بالضمان.
• مستوى خدمة العملاء فيه اختلاف كبير في وجهات النظر، ناس بتشكر فيهم جدا وناس بتشتكي من سوء الخدمة وغالبا دا في أماكن معينة.

تجربة المستهلك

• آراء كتير بتشكر فيه جدا وبتقول إن الصورة والألوان والدقة مستواهم عالي جدا ومستوى الصوت كمان.
• الأشخاص اللي بيستخدموه مع أجهزة آبل بيقولوا ان الخدمة دي لسه مش شغالة في أماكن كتير.
• فيه شكوى من غلاء قطع الغيار بعد ارتفاع الأسعار.

شوف تليفزيون سامسونج الذكي- 58 بوصة- فائق الدقة 4K – UA58TU7000 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.