كتبت: منى عوض

كتير مننا بيكون قلقان وهو بيشتري أونلاين وساعات بيتخدع كمان تحت بند الأكثر مبيعًا اللي مش شرط يكون الأفضل أو الأنسب بالنسبة ليك، وبالتالي لازم ناخد بالنا دايمًا وأحنا بنشتري أونلاين ونحط شوية اعتبارات في بالنا، و ياقوطة هتسرد الاعتبارات دي عشان تقدر تتسوق بذكاء.

بنفكرك إنك ممكن تشتري أي منتج إنت عايزه من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة  وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

ليه كلمة الأكثر مبيعًا بتجذب الانتباه؟

في العموم البائعين أو مواقع البيع عبر شبكات الإنترنت بتحب دايمًا تستخدم كلمة الأكثر مبيعًا باعتبارها وسيلة إقناع أو وسيلة تسويقية ناجحة في جذب انتباه الناس وتحفيزهم لشراء المنتج بصرف النظر عن جودته أو مدى ملائمته ومناسبته أو إيه حتى المعايير أو الأسس اللي خلته يستحق لقب الأكثر مبيعًا.

وخلينا نوضح أن فكرة الأكثر مبيعًا مش بتتعلق بحجم المبيعات وبس، فيه عوامل تانية كتير زي مثلاً الحملة التسويقية اللي أتعملت للمنتج دا أو وجود خصم عليه أو طريقة عرضه سواء في المحل أو على المواقع الإلكترونية وفيه عوامل تانية كتير بتقوده لتحقيق مبيعات كويسة وبالتالي يصبح الأكثر مبيعًا، ونرجع نقول تاني إنه مش شرط المنتج دا يكون الأفضل من حيث الجودة أو السعر.

وعشان متتخدعش بعبارة الأكثر مبيعًا أو بالحملات التسويقية في العموم، لازم يكون عندك وعي أكبر بالحاجة اللي بتشتريها وتشوف آراء المستخدمين لتحديد مزاياها وعيوبها وهل هتناسبك ومحتاجها فعلاً أو لأ.

نصائح ياقوطة للتسوق بذكاء

• لو هتشتري أونلاين اتأكد دايمًا إنك بتشتري من مواقع معروفة وموثوق فيها وبيقدم كمان سياسات للاستبدال والاسترجاع في حال إن السلعة معجبتكش أو مكنتش مطابقة للمواصفات.
• حاول بقدر الإمكان إنك ماتشتريش حاجة مش عايزها لمجرد إن عليها عرض أو خصم كبير.
• حتى لو لاقيت كلمة أكثر مبيعًا أو أفضل منتج أو أي عبارة مشابهة، لازم تدور وتعرف كل التفاصيل الممكنة عن المنتج، زي المواصفات والمزايا والعيوب وكمان تدور على آراء المستخدمين عشان متتخدعش.
• مواقع التسوق الأونلاين بتسمحلك تعرف أكتر عن البائع من خلال تعليقات المستخدمين أو تقييمهم ليه ولمنتجاته.
• بعد ما المنتج يوصلك لازم تتأكد إنه أصلي ومطابق للمواصفات اللي إنت المفروض عرفتها بالتفصيل من خلال البحث عن تفاصيل المنتج وآراء المستخدمين.
• لو بتشتري أجهزة لازم تاخد بالك من التسلسل الرقمي ليها وكمان الضمان بتاعها قد إيه ومنين.
• قبل ما تاخد خطوة الشراء، حدد ميزانية متتخطهاش عند الشراء، وبالتالي هتقدر تمنع نفسك من شراء أي حاجة إنت مش محتاجها من الأساس.
• لو بتشتري ملابس أونلاين اتأكد من مقاسك بالمازورة كويس جدًا وشوف جدول المقاسات على الموقع الإلكتروني اللي بتتشري منه واعرف كمان خامة الملابس ولو فيه صور على الطبيعة للملابس يبقى عظيم جدًا.
• حاول متبصش على مواقع التسوق الإلكتروني ولا حتى تتسوق على أرض الواقع لو كنت تعبان أو زهقان أو مكتئب أو وحيد، لأن عادة أي حد بيعاني من أي عرض من الأعراض دي بيبدأ يدور على حاجة يخرج فيها طاقته، وأول حاجة بتيجي على البال هي التسوق اللي بيكون بدون وعي وإحساس السعادة اللي بيجي بعده وممكن يبقى ندم عند استلام الطلبية.
• قارن بين الأسعار لأنها ممكن تختلف من متجر لآخر ومن الأونلاين للشراء التقليدي، وبالتالي ممكن توفر شوية فلوس لو فيه فرق في الأسعار فعلاً.
• متحاولش تتسوق بلا هدف لإنك كدا ممكن تشتري أي حاجة تصادفك في الطريق، والأفضل دايمًا إنك تكتب قائمة بكل احتياجاتك عشان تكون محدد وواضح ومتصرفش فلوس في أي حاجة وخلاص.
• خد من وقتك شوية ودور على قسائم شراء عشان تقدر تستمتع بنسبة خصم أكبر على الحاجة اللي ناوي تشتريها.
• ماتمشيش ورا أي تريند أو توجه جديد طالع، لأن مش كل الموضة أو التريندات تنفع كل الناس.. اختار المناسب ليك دايمًا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.