كتبت: ميّ نور

السخانات من السلع المعمرة في أي بيت، وعشان كده بنتأنى كويس في اختيارها، ودايمًا بنقف عند سؤال، هنشتري سخان غاز ولا كهربا؟ الغاز بيوفر في الفاتورة لكن فيه ناس بتشوفه مش أمان قوي، والكهرباء فاتورته غالية وفيه أمان أكتر، وهنا بتمشي التفضيلات الشخصية والأولويات لكل شخص، وعشان كده إحنا هنا في ياقوطة بنساعدك وبنقدملك أحسن أنواع السخانات الموجودة في الأسواق وإنت تختار على ذوقك، والنهارده معانا سخان كهرباء ٣٠ لتر من Bosch، هنتعرف على أهم مميزاته وعيوبه، ولو عجبك وعاوز تشتريه تقدر من خلال ياقوطة تعرف أحسن الأسعار ليه وتقارن بينهم، وممكن كمان تطلبه من خلالنا وهيوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

المميزات

• السخان بييجي بلون أبيض هيليق مع معظم ألوان السيراميك في الحمام أو المطبخ مهمًا كانت.
• السخان بيتميز بخاصية العزل الحراري عالية الكفاءة واللي بتوفر في استهلاك الكهرباء.
• هيكل السخان بيتكون من الفولاذ المغطى بطبقة من مادة المينا الزجاجية من جوة لمقاومة الأملاح عشان تحميه من الصدأ أو التآكل.
• المكونات والخامات المستخدمة بتيجي بجودة عالية لضمان أعلى درجة في الأمان.
• مزود بثرموستات عشان يفصل السخان لما يوصل لدرجة الحرارة المطلوبة، وكمان بيفصل مع وجود أي عطل في التشغيل كأمان إضافي.
• السخان بيحافظ على فرق الضغط بين دخول المياه وأقصى ضغط ممكن يوصلوا السخان بعد تحقيق درجة الحرارة المطلوبة.
• بيوفر الأمان التام للمستهلك.
• السخان مزود بسهم مؤشر لحساب كمية المية الموجودة فيه.
• بيسخن المية في ساعة ونص بس.

العيوب

• سعة ٣٠ لتر قليلة جدًا بالمقارنة مع الموديلات التانية.
• هيكل السخان كبير وعريض وممكن ياخد مساحة كبيرة في الحمام أو المطبخ.
  أقصى درجة للتسخين هي ٦٥ درجة بس، وفيه موديلات منافسة درجة التسخين القصوى فيها أعلى من كده بكتير.
  للأسف السخانات الكهرباء بتحمّل أكتر على الفاتورة أكتر من السخانات اللي بتشتغل بالغاز.
• انقطاع الكهربا لو اتكرر مش هتعرف تستخدم السخان كتير، وبالتالي بلاش تشتريه لو ساكن في مكان الكهربا بتقطع فيه كتير.
• السعر غالي بالمقارنة مع الإمكانيات وكونه سخان كهربا وبيستهلك من الفاتورة.
• ممكن يعطلك أحيانًا لو نسيت تشغله بفترة قبل الاستخدام، وده لإنه بياخد وقت لحد ما يملى المية بالكامل.
• قطع الغيار مش متوفرة بسهولة في الأسواق.
• لازم يتصلح في التوكيل وبس.
• تخزين المية لو حصل لفترة طويلة جواه ممكن يسبب ترسب للأملاح، وبالتالي ظهور صدأ، وده ممكن يبوظ السخان ويخليه محتاج لصيانة دورية.
• السخان ممكن ينفجر لو صمام الأمان باظ.
• السخان مش بيقدم شاشة رقمية لعرض درجات الحرارة، ودي ميزة بيقدمها غيره من الموديلات التانية المنافسة.

خدمات ما بعد البيع

• الشركة بوش دايمًا بتقدم ضمان على كل أجهزتها الإلكترونية، وحتى بعد الصيانة بيكون فيه ضمان سنة على القطعة اللي غيروها.

ممكن تشوف سخان كهربائي ٣٠ لتر من Bosch من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.