كتب: نادية حسين

لما تفكر تشترى غسالة جديدة، ضرورى تسأل نفسك احتياجاتك ايه، يعنى مثلًا عايز غسالة بسعة أكبر أو محتاج مميزات جديدة زى المجفف.. محتاجها غسالة أمامية ولا علوية.. معرفة احتياجاتك هتساعدك كتير أنك تختار اسرع وأسهل لأنك بكدا هتدور فى مجموعة غسالات محددة المواصفات وبالتالى هتقل ادامك الاختيارات، بدل ما تدور فى السوق كله وبين جميع الماركات! بكدا قرارك الأخير هيكون أقل تعب بكثير وتقدر كمان تخلص من ارهاق البحث واللف على المحلات بأنك تشوف المواصفات وتشترى أونلاين.. فى المتاجر اللى بتعرض أونلاين هتلاقى كل المواصفات وصور واضحة للغسالة وتفاصيل عن الضمان وطبعا نوع الماركة. ياقوطة بتقدم لك دليل سريع للقواعد الأساسية لشراء الغسالات، نتمنى يساعدك تختار الغسالة الأنسب لك.

حدد ميزانيتك

انت الأدرى بميزانيتك عشان كدا ضرورى تحدد انت ناوى على شراء غسالة سعرها متوسط ولا هتدور فى النوع الأعلى سعر.. عمومًا أى ميزانية هتلاقى غسالة تناسبها وبمواصفات كويسة توفر لك اللى انت محتاجه من الغسالة. وننصحك تدور فى التخفيضات اللى دايما المتاجر بتعملها ودى ميزة مهمة جدا فى التسوق أونلاين.. هتلاقى مثًلا صفقة اليوم من سوق.كوم أو تخفيضات جوميا.. ودا هيفرق معاك كتير يمكن تشترى نوع أغلى بسعر أقل.. وكمان اللى وفرته هينفعك تشترى بيه حاجة تانية أو تحوش الفلوس اللى اتوفرت. وفى متاجر بتقدم خدم التقسيط زى بى-تك ومحلات رزق الله.

أنواع الغسالات

غسالة علوية

من اسمها هى غسالة بتعمل من أعلى، لها فتحة علوية بتحط منها الغسيل..تشبه الغسالات التقليدية ولكنها بتقدم كفاءة عالية ولها مميزات كثيرة.. والنوع دا لقى اقبال كتير من الناس على شرائه.. وبتحاول الشركات المنتجة أنها تطورها دايمًا، يعنى ممكن تلاقى منها غسالة بمواصفات متواضعة جدا بتعمل دورتين غسل وفى منها بيوصل لحد 11 لفة أو أكثر.. وفى منها بتوفر خصائص النقع والشطف وكمان العصر ودا يضمن لك تجفيف أفضل. السعة هنا متنوعة هتلاقى من أول غسالة تتحمل 5 كيلو غسيل لحد 18 كيلو.

السعر يبدأ من 500  إلى 4500 جنيه مصري.

غسالة توشيبا علوية 7 كجم .

غسالة سامسونج علوية 15 كجم.

يمكن الاطلاع على أنواع مختلفة من هنا.

مميزات

• اسهل فى الاستخدام دون أى تعقيدات فى برامج الغسيل.
• السعر يناسب كافة الميزانيات.
• متوفرة بسعات مختلفة.
• تستخدم مسحوق غسيل عادى وهو أقل سعر من المسحوق الأوتوماتيك.
• سريعة فى الانتهاء من دورة الغسيل وانت ممكن تفصلها وتنهى دورة الغسيل فى الوقت اللى يعجبك لكن الأفضل تخليها تكمل الدورة للنهاية.

عيوب

• التجفيف أقل من الغسالات الأمامية.
• استهلاك الكهرباء أعلى من الغسالات الأمامية ( فول أوتوماتيك).
• يصدر عن بعض الأنواع صوت ضجيج.

غسالة أمامية

هى الغسالة الأكثر انتشارًا ومشهورة بإسم الغسالة (فول- اوتوماتيك).. قدرتها قوية على الغسيل.. بتتوفر بمقاسات تناسب أى مساحة. واحيانًا سعتها الكبيرة بتوفر عليك أنك تودى البطاطين والألحفة للمغاسل خارج البيت، لأن فى منها بسعة كبيرة تتحمل غسل الحاجات الثقيلة دى. فعلا النوع دا بيريحك من حاجات كتير.. وفيها تقنيات كثيرة زى الغسل بالبخار وفى اعدادت متقدمة وبتقدم برامج غسيل مختلفة تناسب أنواع الملابس المختلفة زى القطن والصوف..وبالتأكيد فى خواص النقع والشطف والعصر. السعة بتتفاوت من 5 إلى 16 كجم.

السعر يبدأ من  1900 إلى 12000 جنيه مصري.

غسالة زانوسي أمامية 6 كجم.

غسالة وايت بوينت أمامية 10 كجم.

يمكن الاطلاع على أنواع مختلفة من هنا.

مميزات

• تستهلك طاقة كهربائية أقل من الغسالة العلوية.
• تستهلك كمية مياه أقل من الغسالة العلوية.
• متعددة البرامج والخصائص.
• تجفيفها أقوى.

عيوب

• مسحوق الغسيل المخصص لها سعرها أعلى من المسحوق العادى.
• دورة الغسيل مدتها طويلة تصل لعدة ساعات.

غسالة امامية مع مجفف

هذا النوع عبارة عن غسالة أمامية مدمج معها مجفف.. هى آلة الكل فى واحد حيث تغسل الملابس ثم تجففها.. مريحة توفر لك المساحة .. فهى بكدا تستهلك نصف المساحة المتوقعة لو كنت تمتلك مجفف منفرد عن الغسالة الأمامية. الجانب السلبي فيها هو أنها لا تجفف كليًا مثل المجفف المنفصل.. ستشعر أن الملابس رطبة قليلًا بعد تجفيفها. ممكن تلاقى منها 6 إلى 9 كيلو.

السعر يبدأ من 5000 إلى 12500 جنيه مصري.

غسالة  وايت بوينت أمامية مع مجفف 9 كجم.

غسالة  بوش أمامية مع مجفف 6 كجم.

يمكنك الاطلاع على أنواع مختلفة من هنا.

السعة  ( 6 -7- 9 ) كجم.

مميزات

• توفر حوالى نصف المساحة.
• توفر المجهود لتحصل على ملابس جافة بسرعة.

عيوب

• التجفيف ليس بقوة المجفف المنفصل.
• سعة الغسالة في الغسيل أكبر من السعة فى وقت التجفيف. لذلك عليك غسيل ملابس أقل أو التجفيف على دورتين.
• سعرها مرتفع.

نصائح عامة

1.  السعة المطلوبة هتحددها على حسب أفراد الأسرة وكمية الغسيل المتوقعة.

2.   أبعاد الغسالة ضرورى تكون مناسبة للمساحة اللى ناوى تحطها فيها عشان بعد فترة متحسش أنها عاملة لك ازعاج.

3. عدد برامج اكتر يعنى راحة اكتر. زى برنامج للنقع ولغسل البطاطين.. الخ.

4. هل الغسالة بتنفع تستخدم الماء البارد والساخن ولا الماء البارد بس، هل فيها منظم لدرجات الحرارة يمكنك من اختيار درجة حرارة الماء المناسبة لنوعية الملابس؟

5. تصريف المياه دى حاجة مهمة جدا، يبقى عليك تتأكد إن الغسالة مزودة بطرمبة لصرف المياه.

6. خدمة ما بعد البيع ومراكز الصيانة متوفرة قريب منك وبيقدموا خدمة جيدة ولا لأ. بيدفعوك فلوس رغم أنك لسه فى مدة الضمان ولا الصيانة بتكون مجانية والغسالة لسه فى الضمان.

7. سرعة الدوران بتوفر لك تجفيف أفضل للملابس. لكن خد بالك السرعات العالية ممكن تضر بالملابس الخفيفة.. لكن ممكن تستخدم السرعة العالية مع الملابس اللي ممكن تتحمل وانت مطمن.

8.  كفاءة استهلاك الطاقة، أكيد مهم تعرف كمية الطاقة الكهربائية اللى متوقع تستهلكها الغسالة.. ودا هيعرفك فاتورة الكهربا هتبقى غالية ولا رخيصة. فى نظام تصنيف EnergyStar ودا بيكون للأجهزة اللى بتستخدم طاقة أقل. تأكد من وجود خاتم EnergyStar على الغسالة لتطمئن على حصولك على فاتورة كهرباء اوفر.

احنا قدمنا لك مجرد أمثلة، انت ممكن تبحث من خلال محرك بحث ياقوطة للتسوق أونلاين هتلاقى غسالات متاحة من أوثق المتاجر فى مصر ومع مقارنة أسعار تخليك تشترى من العرض الأوفر لك.