أفكار مبتكرة لمشتريات البيبى الجديد
كتب رنا كمالى و ترجمة دينا أمير
لو حامل ومستنية بيبى أو لسه مخلفة جديد أو حتى عايزه تجيبى هدية لأم لسه والده يبقى القائمة دى هتفيدك أوى لأن دايما فكرة انك تشترى حاجات ويكون بالك رايق بتكون صعبة لأن كفاية مسئولية البيبى الجديد عشان كده حاولنا نجمع لك حاجات هتساعدك كتير وتخلى حياتك أسهل وأفكارها جديدة. طبعا قبل ما نبتدى القائمة مبروك على البيبى اللي وصل أو اللى هيجى مقدما.
أجمل حاجة أنك مش لازم تنزلى فى الجو المتقلب ده ولا تنزلى البيبى و تتعبيه وفى نفس الوقت ممكن تجيبى كل الحاجات اللى عايزاها من البيت أونلاين وأنت مريحة لما البيبى ينام أو حتى وانتِ بتعملى حاجات تانية وكل حاجة هتوصلك لحد البيت فى خلال كام يوم.
1.غطاء ضد المطر لعربية طفلك
النزول و معاكى بيبى فى الجو المتقلب ده مشكلة، لأن ساعات الجو بيكون مطرة و فجأة يقلب تراب، عشان كده الغطاء دا هيكون مفيد ليكى جدا لأنه بيحمى الطفل. الغطاء ده مناسب لأغلب العربيات اللى بتناسب طفل واحد و ليها مظلة. الغطاء ده ضد المطرة والرياح والتلج عشان تحمى طفلك و متكونيش قلقانة.
السعر: 92 جنيه مصرى من Yashry.
ممكن تلاقيه هنا.
2. كوباية للطفل سهلة المسك
لو لسه بتعلمى طفلك إنه يمسك كوباية ويشرب لوحده يبقى دى هتساعدك كتير. فكرة إن الطفل هيقدر يمسكها بإيديه الاتنين هتعلمه يستخدم ايديه ويتحكم فى الحاجة اللى فى ايده و يعتمد على نفسه. منها ألوان زى البرتقالى والأحمر والأزرق والأخضر. الكوباية دى هتكون بداية انتقال الطفل من الرضاعة للاعتماد على نفسه والشرب من كوباية زى الكبار و المكان اللى هيشرب منه الطفل ناعم و مريح للثته.
السعر: 72 جنيه مصرى من Babyboons.
ممكن تلاقيه هنا.
3. أدوات عناية بالطفل
أكيد أول اهتماماتك إن طفلك يكون فى حالة صحية جيدة. شنطة الأدوات دى ممكن تخليها وأنت خارجة أو تستعمليها فى البيت بتحتوى على فرشاة شعر وترمومتر ديجيتال وفرشاة سنان وقصافة للأظافر ومقص ومشط وحاجات تانية وكل ده فى شنطة واحدة و شكلها شيك.
السعر: 400 جنيه مصرى من Hedeya.
ممكن تلاقيه هنا.
4. السرير المتنقل
لو محتاجة سرير تاخديه معاكى لو مسافرة ويكون عملى ويستحمل معاكى وفى نفس الوقت مريح لطفلك يبقى السرير ده اختيار مناسب. وزنه 4 كيلو لو مسافرة ممكن تاخديه بدل ما تشترى سرير تانى مخصوص للسفر.
السعر: 1,055 جنيه مصرى من Nefsak.
ممكن تلاقيه هنا.
5. شيالة أطفال
الشيالة هتخليكى تشيلى طفلك من غير ما تتعبى دراعك وكتافك وظهرك وممكن تعملى حاجات فى البيت و أنت شايلاه كمان. الشيالة مبطنة قطن من جوه و مريحة للطفل.
السعر: 99 جنيه مصرى من Souq.
ممكن تلاقيه هنا.
6. بانيو للطفل
فكرة أنك تحمى طفلك بتكون دايما عبء وقلق عشان بيكون مش سهل تمسكى الطفل و تحميه فى نفس الوقت. البانيو ده هيسهل المشوار عليكى عشان فيه كل مميزات البانيو بتاع الأطفال . و أول ما تخلصى استخدامه بتطبقيه وبيبقى مسطح عشان لوعايزه تاخديه وأنت مسافرة أو تخزنيه. فى كمان رجل زيادة عشان تخلى البانيو ميتزحلقش على أى سطح و يضمن لك ثباته.
السعر: 360 جنيه مصرى من Kids avenue.
ممكن تلاقيه هنا.
7. 2 في 1 شنطة ومفرش لتغيير الحفاضات
مش هتقلقى بعد كده ازاى وفين هتغيرى حفاضات طفلك أو المكان نضيف أو لأ. ممكن تعلقيها فى ايدك أو فى العربية و ده هيخلى نقلها معاكى سهل فى كل مكان. بيجى معاها مفرش عشان تغيرى لطفلك عليه وشنطة فيها 4 جرابات تستوعب 4 حفاضات كبيرة وكريمات و أى مستلزمات تانية.
السعر: 465 جنيه مصرى من Jumia.
ممكن تلاقيه هنا.
8. قصرية سهلة الاستخدام
عشان تعودى طفلك إنه يستغنى عن الحفاضة. دى مهمة مش سهلة أبدًا، القصرية دى هتسهل الدنيا عليكى شوية. هى مريحة جدا للطفل عشان ناعمة ومبطنة وممكن تتحكمى فى ارتفاعها. الجزء اللى تحت ممكن تفكيه عشان يكون تنضيفه اسهل.
السعر: 535 جنيه مصرى من Jumia.
ممكن تلاقيه هنا.
9. فرشاة تنضيف أدوات طفلك
إن يكون عندك أدوات لطفلك دى حاجة هايلة لكن الأهم أنك تحافظى على نظافتها عشان تحميه من الأمراض و تحافظى على صحته. الفرشاة دى هتساعدك توصلى لكل الأركان اللى مش عارفة توصلي لها عشان تحافظى على الأدوات اللى بيستخدمها الطفل نضيفة.
السعر: 73 جنيه مصرى من Babyboons.
ممكن تلاقيه هنا.
10. كرسى بألعاب للطفل
الكرسى ده مليان الوان وأشكال حيوانات اللى هتلفت نظر طفلك. الكرسى مريح وناعم عشان الطفل يكون مستريح وميتعبوش والبار اللى فيه اللعب ممكن يتشال وبيكون متعلق فيه ألعاب على شكل حيوانات. فرش الكرسى ممكن يتشال ويتغسل فى الغسالة. الكرسى له أحزمة عشان تضمنى سلامة طفلك.
السعر 349 جنيه مصرى من Kids Avenues.
ممكن تلاقيه هنا.
11. اكسسوارات ولوازم للطفل
طبعا فى الجو ده أى بيبى لسه مولود بيكون محتاج اكسسوارات كتيرعشان ميعياش. المجموعة دى هتفيدك فى الجو ده أوى لأنها بتتكون من شرابين و 2 طقية و بافتة. الطقم ده ليه وشين و كل وش لون وبكدا ممكن تغيرى اللون وقت ما تحبى. مصنوع من قطن طبيعى وهيكون ناعم ومريح لطفلك وطبعًا ممكن تغسليه فى الغسالة.
السعر: 355 جنيه مصرى من Yashry.
ممكن تلاقيه هنا.
12. أدوات أكل ( سكينة وشوكة ومعلقة)
لو طفلك وصل سنة ونص يبقى لازم يبتدى يتعلم ياكل لوحده. الطقم ده بيتكون من معلقة وشوكة وسكينة مصنوع من البلاستيك و تصميمه يساعد طفلك إنه ياكل لوحده. حجم الأدوات سهل إن طفلك يتحكم فيهم ومش هتتزحلق من ايد الطفل.
السعر: 86 جنيه مصرى من Babyboons.
ممكن تلاقيه هنا.
13. كرسى قابل للتركيب في الترابيزة
دايما و احنا بناكل على السفرة نفسنا يكون البيبى معانا بس بنخاف لحسن يقع أو مين هيفضل قاعد شايله طول الوقت، الكرسى ده هيحل المشكلة. هيستحمل وعملى ومش هياخد مساحة كبيرة لأنه بيتركب فى الترابيزة نفسها و فى نفس الوقت الطفل هيكون فى أمان ومرتاح وهيتعلم ازاى يبتدى ياكل لوحده تحت اشرافكم.
السعر: 199 جنيه مصرى من Jumia.
ممكن تلاقيه هنا.
14. أكياس قطنية للنوم Sleeping Bag
العادى بتاع الأطفال انهم يتزحلقوا من تحت الغطا وبتبقى مشكلة خصوصا فى الشتا لما بيتحركوا. الأكياس دى هتساعدك انك تطمنى إن طفلك دايما متدفى. خامتها قطن وتشرب الغرق فمش هتسبب أى مشاكل جلدية للطفل. مش بتسخن الجسم جامد لكن بتدفى فى نفس الوقت فممكن تستخدميها شتوى و صيفى.
السعر: 388 جنيه مصرى من Yashry.
ممكن تلاقيه هنا.
لو محتاجة أى مستلزمات تانية ممكن تشتريها من www.yaoota.com . ياقوطة بتتمنى شراء اونلاين سعيد لكل الآباء و الأمهات.