كتب: محمد عبد الرحمن

فئة الموبايلات متوسطة السعر والإمكانيات هي الفئة اللي كتير من المستخدمين ومحبي الموبايلات بيهتموا بيها وبيسعوا دايمًا لمتابعة الجديد عنها، وده لأن المنافسة في الفئة دي بين الشركات بيكون قوي وكتير من الشركات دي بيسعى لفرض اسمه في السوق المصري.

واحنا في ياقوطة عارفين اللي يهم كتير من الناس، وفي المقال ده هنعرض مقارنة سريعة بين تلاتة من أهم وأشهر الموبايلات في الفئة المتوسطة، ومن خلال ياقوطة هتقدر تعرف مميزات وعيوب الموبايلات دي، وتقدر تعرف كمان أحسن الأسعار ليها وتطلبها من خلالنا وتوصل لغاية عندك وفي أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*ممكن تشوف مواصفات الموبايلات بالتفصيل من mobihub من هنا.

موقع mobihub هو موقع مصري بيعرض عليك تشكيلة كبيرة من الموبايلات لأكبر وأشهر الشركات في مصر والعالم وتقدر تعرف من خلاله مختلف أنواع الموبايلات وإمكانياتها ومميزاتها وعيوبها وكمان أسعارها وتقدر تقارن بين أسعار الموبايلات من عليه.

موبايل Huawei Gr 3 2017

المميزات

• شاشة بحجم معقول ٥٫٢ بوصة ودقة وضوح IPS وكثافة بكسلات ١٩٢٠×١٠٨٠.
• معالج ثماني النواة من نوع HiSilicon Kirin 655 مع رام ٣ جيجا.
• كاميرا خلفية بقوة ١٢ ميجابكسل وفلاش LED، وسيلفي بقوة ٨ ميجابكسل.
• قارئ بصمة مميز وسريع.
• الموبايل فيه تقنية عزل الضوضاء.
• الموبايل بيدعم تشغيل شريحتين اتصال وميموري خارجي وبيدعم كمان تشغيل راديو FM.

العيوب

• للأسف شاشة الموبايل ما بيجيش عليها طبقة حماية إضافية ضد الكسر.
• الذاكرة الداخلية ١٦ جيجابايت، واللي تعتبر سعة قليلة مقارنة بالمنافسين وكمان احتياجات المستخدم.
• الموبايل مش بيدعم تقنية الـ NFC.

تجربة المستخدم

• تصميم الموبايل وشكله الخارجي جميل جدًا خصوصًا إنه قريب من تصميم وشكل الأيفون.
• الموبايل بييجي معاه ضهر خلفي مصنوع من البلاستيك علشان يحمي ضهر الموبايل من الكسر خصوصًا إنه مصنوع من الزجاج.
• تصميم الموبايل وحجمه بيخلي التعامل معاه لمدة طويل مريح ومش مزعج خالص.
• صور الموبايل مع تميزها لكن فيه إحساس بوجود لون أصفر خفيف في الإضاءة الضعيفة.
• مكان بصمة الموبايل مميز جدًا وبيكون في منتصف ضهر الموبايل من الخلف.
• صوت الموبايل مش الأقوى لكنه بيتمز بالنقاء والوضوح.
• واجهة هواوي بتسمح بتقليل الإضاءة وإضافة فلتر معين علشان يريح عين المستخدم خصوصًا لمحبي القراءة.
• أداء بصمة الموبايل سريع جدًا وكعادة هواوي بتدي المستخدم خيارات كتيرة، زي التقاط الصور، وقفل المنبه، وحماية صوره الخاصة، والبرامج والتطبيقات المختلفة.
• الموبايل بيقدم تجربة أداء مميزة في التصفح والتنقل بين البرامج والتطبيقات المختلفة، ويعتبر خيار مقبول لعشاق الألعاب وبيشغل الألعاب الخفيفة والمتوسطة بسهولة.
• أداء بطارية الموبايل بيكمل معاك لغاية يوم ونص أو يومين حسب الاستخدام.

شوف موبايل Huawei Gr 3 2017 من هنا.

موبايل Huawei Y6 II

المزايا

• حجم شاشة مناسب ٥٫٥ بوصة بدقة وضوح HD بدقة وضوح ١٢٨٠×٧٢٠، والشاشة مزودة بلمبة إشعارات LED.
• بروسيسور ثماني النواة من نوع HiSilicon Kirin 620 أربعة أنوية بتردد ١٫٦ جيجاهرتز وأربعة أنوية بتردد ١ جيجاهرتز، ومعالج رسومي Mali-450MP4.
• الموبايل بيدعم تقنية الاتصال للجيل الرابع 4G، وممكن تشغل عليه خطين اتصال وكارت ميموري في نفس الوقت، وبيدعم تشغيل راديو FM.
• كاميرا خلفية بقوة ١٣ ميجابكسل بفلاش أحادي، وكاميرا أمامية بدقة ٨ ميجابكسل.
• الكاميرا الخلفية بتصور فيديوهات بدقة ١٠٨٠ بكسل، والأمامية بدقية ٧٢٠ بكسل.
• البطارية بتيجي بقوة ٣٠٠٠ مللي أمبير.

العيوب

• الموبايل مش مزود بتقنية بصمة الإصبع.
• الشاشة مش مزودة بطبقة حماية إضافية ضد الكسر.
• الجهاز راماته ٢ جيجا وذاكرته الداخلية ١٦ جيجابايت بس.
• البطارية مش بتدعم تقنية الشحن السريع.

تجربة المستخدم

• حجم الشاشة مريح ومن السهل التحكم والوصول لكل أجزاء الشاشة بإيد واحدة.
• زراير الباور والتحكم في الصوت منفصلين وهنلاقي خربشة بسيطة في زراير التحكم في الصوت لسهولة التمييز بينها وبين الباور.
• حجم شاشة الموبايل مناسب لمشاهدة الأفلام والتصفح، وزوايا الرؤية والوضوح في أشعة الشمس مقبولة، لكن الألوان مش واضحة وكتير هتحسها باهتة شوية.
• أداء الموبايل مقبول جدًا في المهمات الوظيفية اليومية المعتادة زي تصفح الإنترنت، والاستماع للأغاني والتنقل بين التطبيقات، لكن للأسف الموبايل اختيار مش مرضي خالص لعشاق الألعاب اللي الجرافيك بتاعها كبير أو حتى متوسط.
• سخونة الموبايل في الأداء العادي والألعاب بجرافيك قليل ومتوسط عادية، لكن لو حملت عليه ألعاب بجرافيك كبير هتلاحظ سخونته ده غير إن فيه Frame مش هتلاقيها ظاهرة أساسًا وقت اللعب.
• صوت سماعات الموبايل مش عالي لكنه متوسط ولو كنت في مكان زحمة مش هتسمعه بوضوح.
• أداء الكاميرا معقول بالنسبة للفئة السعرية للموبايل وبتخرّج صور معقولة جدًا في الإضاءة القوية وإضاءة البيت.
• الكاميرا الأمامية بتقدم صور حلوة وتفاصيلها واضحة.
• أداء مميز للبطارية وبتقعد معاك لغاية يوم كامل من الاستعمال المطول.

شوف موبايل Huawei Y6 II من هنا.

موبايل Xiamoi Note 3

المميزات

• شاشة بحجم ٥٫٥ بوصة بدقة وضوح ١٩٢٠×١٠٨٠.
• الموبايل بييجي ببروسيسور سداسي النواة Qualcomm Snapdragon 650 ورامات بسعة ٢ و٣ جيجابايت، ومعالج رسومي Adreno 510.
• الموبايل بيدعم تشغيل شريحتين اتصال، وإضافية ميموري خارجي، وبيدعم تشغيل راديو FM، وكمان تقنية الـ IR.
• الموبايل بيدعم وجود مستشعر بصمة الإصبع، وتقنية الجيروسكوب، وفيه ميكروفون إضافي مانع للضجيج، وبيدعم تقنية الـ OTG.
• الموبايل بييجي بكاميرا خلفية بقوة ١٦ ميجابكسل، مع فلاش ثنائي.
• بطارية قوية بسعة ٤٠٥٠ مللي امبير، وبتدعم تقنية الشحن السريع.

العيوب

• شاشة الموبايل مش مزودة بطبقة حماية إضافية ضد الكسر.
• كاميرا سيلفي بقوة ٥ ميجابكسل، واللي تعتبر ضعيفة.
• ما تقدرش تشغل على الموبايل شريحتين اتصال وميموري خارجي في نفس الوقت وهتضطر تستغنى عن شريحة منهم.
• الموبايل بييجي بنسخة اندرويد قدية لولي بوب، لكنها بتقبل تتحدث لنسخة مارشميلو.
• مش بييجي مع الموبايل سماعات خارجية.

تجربة المستخدم

• الموبايل بييجي بحجم شاشة مناسب لعشاق مشاهدة الأفلام وزوايا الرؤية والوضوح مناسبة جدًا في ظروف الإضاءة المختلفة، مشكلة الشاشة إنها سهلة التعرض للخدش والكسر لإنها مش مزودة بطبقة حماية إضافية وهتحتاج تشتري ليها اسكرنية زجاجية للحماية.
• شاومي صممت زراير التحكم في الصوت وزرار البارو بشكل منفصل لسهولة التمييز بينهم.
• أداء الموبايل مرضي في التنقل بين البرامج المختلفة، وما يعتبرش خيار مناسب قوي لعشاق الألعاب، وبيقضي المطلوب منه بشكل كويس جدًا.
• سماعات الموبايل من السهل كتمها لإنها موجودة في الجزء الخلفي السفلي للموبايل وممكن ما تسمعهاش لو كانت على أي سطح.
• أداء كاميرا الموبايل كويس وصور الموبايل منورة وبتظهر بشكل واضح في الإضاءة العالية، وبتقل الكفاءة دي في الصور الليلية، اما سيلفي الموبايل فصوره مقبولة، وكنا نتمنى تعلي شاومي دقة السيلفي شوية أو على الأقل تضيف ليها فلاش علشان الصور الليلية.
• واجهة شاومي بتوفر وضع Child Lock واللي بيسمح ليك في التحكم في البرامج والتطبيقات والصور اللي أولادك يشوفوها.
• بطارية الموبايل واحدة من أهم نقاط التميز ليها وبتكفي معاك لغاية يومين من الاستعمال المتوسط والشاق.

شوف موبايل Xiamoi Note 3  من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.