كتب: أحمد نامق ويارا الحميلي

مش عارف إنت إيه وضعك بس أنا بالنسبالي، اتربيت على لعبة Medal of Honor وCounter Strike اللي كنت بلعبها مع أصحابي ومع ناس تانيين أونلاين. الاستراتيجيات اللي فيهم زي استغلال الفرص مع التشكيلة الكبيرة من الأسلحة وشبه الواقعية اللي في الألعاب دي كانوا مثاليين جدًا ليا.

ساعات طبعًا كانوا بيبقوا سخاف، بس عامةً كانت حاجة ممتعة. وفي لعبة طلعت مؤخرًا قدرت ترضي اشتياقي للألعاب دي؛ نفس متعة اللعب مع الاستراتيجيات، لكن مع كتير من الواقعية في التعامل مع المسدسات وتخطيط أجزاء اللعبة. اسمحوا اللي إني أعرضلكم بكل سرور: Rainbow Six|Seige.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

إيه هي Rainbow Six|Seige؟

في عدد قليل جدًا من الألعاب الـ (First Person Shooter (FPS، ممكن يسبب قدر الفرحة والقدرات الاستراتيجية الهايلة زي Rainbow Six|Seige. اللعبة بتدور حوالين اتنين من خيارات اللعب اللي المطوّرين عملوها عشان يتأكدوا إن اللعبة لعبة استراتيجية مش لعبة «جري ومسدسات» فقط زي معظم ألعاب إطلاق النار الحديثة. حياة كل واحد في الفريق بتاعك بتفرق بشكل مفاجئ، ولازم تشتغلوا مع بعض عشان تكسبوا اللعبة.

اللعبة بتخليكوا تحاولوا تحموا بعض وتحاولوا تخلوا الفريق بتاعكم عايش على قد ما تقدروا. كل فرد عنده مجموعة من المهارات اللي لا تُقدر بتمن والمهمة للفريق، من أول قيادة الطائرات اللي بدون طيار اللي ممكن تتحرك وتقولك مكان عدوك، لقرصنة الكاميرات، لتعزيز الباب أو حتى خلق أفخاخ عشان تعطّل الناس في الأسلاك الشائكة، لحد إنك تقدر تحط متاريس على الحيطان والشبابيك عشان تنبهك لما الأعداء يقرّبوا.

زي ما انت شايف، اللعبة معتمدة أكتر على الاستراتيجيات وأقل على مدرسة الـ FPS القديمة، ودي حاجة ممكن تخليك تنبسط جدًا من اللعبة أو تكرهها. لو انت بتدور على لعبة «جري ومسدسات» بس، يبقى أكيد مش مفروض تفكر تجيب اللعبة دي، بس لو ليك في التفكير الاستراتيجي وتكوين الفريق وبتحب تدي أدوار مختلفة لأعضاء الفريق، دي تجربة اللعب اللي انت بتدور عليها.

إيه الجديد؟

الدور بتاع Rainbow Six|Seige فيه أقل مستوى من إطلاق النار بشكل مدهش، هو برضه أكيد لسه في فيها لعب بالمسدسات، بس ده مش الهدف الأساسي للعبة، في حاجات أكتر مفروض تعملها بالفريق بتاعك. لحد ما يبدأ وقت إطلاق النار، لازم تقضي وقتك بترصد وبتحط استراتيجيات مع زملائك في الفريق، وتتفقوا على الجدران اللي هتعززوها ونقط الدخول اللي هتراقبوها. إيه الثغرات الصغيرة اللي ممكن الطيارات تدخل منها؟ إيه الكاميرات الأمنية اللي محتاجة اهتمامك الفوري؟ و كمان، «الدوشة دي كانت إيه؟» ده سؤال هتسأله لنفسك كتير.

اللعبة دي ممكن تخليك حاسس إنك موسوس ساعات، وساعات تحس إنك عارف بالظبط انت بتعمل إيه، ولو انت لاعب كويس أو لو عندك مقاتل في فريقك، ممكن يقدر يشيل الفريق ويكسب اللعبة، بس مش زي اللاعبين التانيين، عشان التوفيق بينهم أحسن وعشان سقف المهارات في اللعبة دي عالي جدًا، فابدأ اتدرب.

أول ما وقت ضرب النار يبدأ، وأعداءك يبدأوا ييجوا، الفوضى الجميلة بتبدأ تحصل، واللي هيقدر يحتفظ بذكائه وسيطرته على الموقف الموتّر ده على الأرجح هو اللي هيكسب.

ليه Rainbow Six|Siege؟

اللعبة دي بتقدم نظرة فريدة لمطلقي النار اليومين دول. كل ألعاب إطلاق النار الفردي اليومين دول هي مجرد عرض للمسدسات، وبتعتمد فقط على إطلاق النار وردود الأفعال وإنك تقدر تلاقي السلاح المتخصص اللي يناسب نمط اللعب وبس كده.

لكن مع فكرة إن اللعبة دي بتتطلب الكتير من التفكير لقدام، اختيار واحد من الطبقات الرئيسية للشخصيات ممكن يخليك تقدر تبني قدرات فريقك بشكل كويس جدًا أو تهدها. لما نيجي لموضوع التحصين أو القتال على التوالي، كل شخصية عندها حاجة فريدة ممكن تقدمها لفريقها، وممكن الحاجة دي تمثل عنصر الفوز أو الخسارة للفريق.

إذا كنت بتعرف تتسلل، ممكن تصد من على السطح، تطلع من الشباك بعض ما تحطمه، تخترق باب أو حيطة. في برضه ألعاب عقلية في اللعبة دي؛ استخدام التكتيكات والخدعة مفيد جدَا في اللعبة دي، في أماكن كتير ممكن تعمل فيها كماين للاعبين أو تتأكد إن الكاميرا جايباك عشان ترمي طعم للفريق التاني عشان ييجوا عندك.

كل حاجة شكلها كويس لحد دلوقتي، فين المشكلة؟

لو الألعاب اللي زي Halo ،Modern Warfare أو أي ألعاب ضرب نار حديثة هي المفضلة ليك ما اعتقدش إن اللعبة دي هتكون مناسبة لاحتياجاتك.

الألعاب دي قصصها ونظام اللاعبين التعدديين فيها أعنف بكتير وفيها جري وضرب نار أكتر. الحاجات دي بتبقى موجودة آه، بس بتكون موجودة أكتر في الـ campaign. و بما إن Seige مفيهاش نظام حملات اللي يخليك تدخل في مود اللعبة شوية شوية، لازم تقفز وتتعلم مع الاحتكاك – منحنى التعليم فيها حاد بس هتتعلم في الآخر.

Rainbow Six|Seige ما بتركزش على ده خالص. ممكن برضه تحاول، لكن لو انت مش مستعد تعمل استراتيجيات وتشتغل مع فريقك، مش هتستمتع بوقتك وانت بتلعب.

بس في حاجة لازم تحطها في اعتبارك، نظام اللاعبين المتعدد في اللعبة دي بيفوق أي حاجة انت جربتها في أي لعبة ضرب نار تانية؛ كل دور بيعلمك حاجة، بتتعلم وانت بتلعب وشوية شوية بتلاقي فئتك المفضلة وسلاحك المفضل اللي بتشتغل بيه.

لو دي أول مرة ألعب Rainbow Six، أعمل إيه؟

التدريب هيفيدك جدًا! روح جرّب أدوار مختلفة، اتفرج على فيديوهات أونلاين، اسأل على النت كل شخصية بتعمل إيه وإزاي تبقى أحسن في اللعبة، راقب طريقة لعب زملائك، ولو لقيت حد شكله عارف هو بيعمل إيه، شوف اللي بيعمله وحاول تأقلمه عليك.

ما تتضايقش لما تخسر، كده كده هتخسر. اللي مفروض تعمله إنك تركز على إنك تتعلم من أخطائك وتعدّل نمط لعبك بناءً على كده. ما تلومش حد وتغضب، اتعلم وخليك أحسن يمكن في يوم من الأيام تشيل فريقك.

ما تتسرعش وحاول تفضل هادي لما إطلاق النار يبدأ. اللعبة دي لعبة مختلفة بتكافئ التحضير الكويس والصبر، مش لعبة ضرب نار تقليدية.

مشغلين (فئات) كويسة للمبتدئين

Sledge: هو بيحارب كويس في كل حتة ومعاه درع وبندقية هجومية. ممكن برضه يشيل قنابل يدوية، والمطرقة بتاعته ممكن تكسر الحيطان والمتاريس وأي حاجة تانية! ما عندوش أسلحة كهربائية كمان فممكن يكون منافس كويس ما بيطلعش صوت.

Ash: سرعتها عالية بس الدروع بتاعتها قليلة، جيبلها بندقية هجومية وشحنة خرق. مش ممكن تكتم صوتها وممكن تهاجم بشكل كويس جدًا عشان هي سريعة.

Tanaka: مع التحديثات الأخيرة، هو بقى اختيار كويس دلوقتي، عنده برج هجوم ممكن يدمر الناس بيه وممكن يفضّي أوضة كاملة لوحده، وكويس جدَا في الخنق.

Rook: الدروع بتاعته عالية بس السرعة منخفضة، قدرة الدروع بتاعته لا تقدر بتمن بالنسبة للفريق بتاعه. أسلحته ليها استخدامات عديدة برضه، بيضيء مع درع الـ P90  وصعب جدًا قتله من غير ما يحصل ضرر كبير.

ده كان تقييمي للعبة Rainbow Six|Seige، واحدة من أميز ألعاب الـ FPS في الوقت الحالي. اللعبة دي بتكافئ التعلم ووضع الاستراتيجيات، مش مجرد إطلاق النار.

اللعبة دي عبارة عن نسيم هواء نقي في وسط اللعب المستنسخة الـ FPS اللي منتشرة في السوق حاليًا.

شوف Rainbow Six|Seige من هنا.

أقل متطلبات لتوم كلانسي لـ Rainbow Six|Seige

• وحدة المعالجة المركزية: إنتل كور i3 560 @ 3.3GHz أو أفضل، أمد فينوم إي X4 945 @ 3.0Ghz أو أفضل.
• الرامات: 6 جيجا.
• نظام التشغيل: Windows 7 64 bit, Windows 8 64 bit, Windows 10 64 bit.
• كارت الشاشة: نفيديا جيفورسي جي تي اكس 460، أمد راديون اتش دي 5770، و DX11 بطاقات مع 1 جب فرام.
• كارت الصوت: نعم.
• المساحة الفاضية اللي على الديسك: 30 جيجا.

المتطلبات اللي بينصح بيها توم كلانسي:

• وحدة المعالجة المركزية: إنتل كور i5-2500K @ 3.3GHz أو أفضل، أمد فكس-8120 ثمانية النواة @ 2.6 جيجاهرتز أو أفضل.
• سرعة وحدة المعالجة المركزية: Info.
• الرامات: 8 GB.
• نظام التشغيل: Windows 7 64 bit, Windows 8 64 bit, Windows 10 64 bit.
• كارت الشاشة:  NVIDIA GeForce GTX 670 أو  AMD Radeon HD 7970 / R9 280x (2GB VRAM).
• كارت الصوت: نعم.
• المساحة الفاضية اللي مفروض تبقى على الديسك: 47 جيجا.