كتب: محمد عبد الرحمن 

واحد من أهم المميزات اللي بتتفوق فيها هواوي عن كتير من منافسينها، إنها بتدرس السوق كويس جدًا وتعرف احتياجات مستخدميها وتلبي الاحتياجات دي، وبتقدر تحافظ على سعر كويس جدًا وبيكون كمان قريب قيو من كتير من منافسيها.

ولإن فئة الـ ٣٠٠٠ جنيه هواوي مش بتنافس فيها، قررت تدخل الفئة دي بتقلها وأصدرت موبايل Huawei Y7 Prime 2018، واللي يعتبر موبايل كويس مقارنة بمنافسيه.

من خلال ياقوطة هنتعرف في الريفيو ده على أهم مواصفات ومميزات وكمان عيوب الموبايل، ولو عجبك وعاوز تشتريه تقدر تعرف أحسن الأسعار ليه من خلالنا وتطلبه وهيوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

وصف الموبايل        

• الجهة الأمامية هنلاقي مع شاشة الموبايل كاميرا سيلفي.
• الجهة الخلفية هنلاقي كاميرا خلفية مزدوجة مزودة بفلاش ومستشعر لبصمة الإصبع، مع ميكرفون إضافي لمنع الضجيج.
• الجهة اليمنى للموبايل هنلاقي زر منفصل للباور، مع وجود زراير التحكم في الصوت.
• الجهة اليسرى هنلاقي زر التحكم في الصوت.
• الجهة السفلية للموبايل هنلاقي منفذ شحن الموبايل ومكان سماعات الهاند فري، مع وجود سماعات الموبايل.
• الموبايل مصنوع من البولي كربونيت، والإطار بتاعه لامع وقريب جدًا في شكله من موبايل  iPhone X.

الشاشة

المميزات

• شاشة IPS LCD بحجم ٥٫٩٩ بوصة، ودقة وضوح ١٤٤٠ × ٧٢٠ بكسل، وكثافة بكسلات ٢٦٩ بكسل.
• الشاشة بتيجي بالأبعاد الجديدة للعرض ١٨:٩.

العيوب

• شاشة الموبايل مش مزودة بأي طبقة حماية إضافية ضد الكسر.
• أكبر دقة لشاشة الموبايل هي HD+.

تجربة المستخدم

• ألوان الموبايل وزويا الرؤية والوضوح عالية حتى في ظروف الإضاءة الخارجية وأشعة الشمس.
• ألوان الموبايل هادية، وقريبة من الألوان الطبيعية، ومفيهاش لامعة عالية.
• حجم شاشة الموبايل مناسب لهواة القراءة.
• الموبايل بيسمح للمستخدم بالتحكم في تشبع الألوان.
• كان الأفضل إن دقة شاشة الموبايل تكون FHD+، مش HD+.
• رغم إن شاشة الموبايل مش مزودة بأي طبقة حماية إضافية ضد الكسر، فالجميل إن هواوي زودت الموبايل باسكرينة زجاجية ضد الكسر.

الأداء

المزايا

• الموبايل بييجي بنظام تشغيل أوريو، وبييجي ببروسيسور ثماني النواة Qualcomm MSM8937 Snapdragon 430 بتردد 1.4 جيجاهرتز، ومعالج رسومي Adreno 505 مع رام داخلي بسعة ٣ جيجابايت وميموري داخلي بسعة ٣٢ جيجا، وممكن تضيف ميموري خارجي بسعة توصل لغاية ٢٥٦ جيجابايت.
• الموبايل بيدعم تشغيل شريحتين اتصال وميموري خارجي، وكمان تقنية الجيل الرابع للاتصال.
• الموبايل بيدعم وجود مستشعر بصمة الإصبع، وتقنية الـ OTG، وكمان راديو FM.

العيوب

• الموبايل مش مزود بمستشعر الجيروسكوب.
• رغم تميز أداء المعالج، فللأسف فيه بدائل أفضل منه من موبايلات منافسة، وبسعر أقل كمان.

تجربة المستخدم

• الموبايل بيقدم تجربة أداء مميزة في التصفح والتنقل بين البرامج والتطبيقات المختلفة، والمستخدم مش هيحس ببطء من الموبايل في حالة الاستخدام العادي، أما لو كنت مستخدم بتحمل على الموبايل برامج وبتستعمله معظم اليوم فالموبايل مش خيار مناسب ليك.
• الموبايل واحد من الموبايلات القليلة جدًا اللي بتيجي بأحدث نظام تشغيل أورويو، بأداء مميز لواجهة هواوي، زي إنك تلغي شريط المهام وتبدله بدايرة صغيرة تقدر تتحكم من خلالها في الموبايل وتقدر كمان تتحكم في مكان وجودها على الشاشة.
• في الواجهة ميزة النقر مرتين علشان تعمل Screen Shot للشاشة.
• تقدر تشغل على الموبايل شريحتين اتصال وميموري خارجي في نفس الوقت.
• الموبايل خيار مناسب لهواة الألعاب الخفيفة والمتوسطة، ولو مارست عليه ألعاب تقيلة هتلاحظ تسقيط شوية Fram لكن ده المعتاد من موبايل فئة متوسطة.
• الموبايل مزود بتقنية فتح وغلق الموبايل عن طريق خاصية Face ID، واللي بتشتغل بشكل كويس وقوي، حتى في الإضاءة الضعيفة.
• واجهة أوريو مميزة بخصائص كتيرة منها تشغيل اليوتيوب على شاشة الموبايل مهما كنت مشغل برامج تانية.
• أداء بصمة هواوي سريع، لكن للأسف مش بنفس سرعة باقي إصدارات هواوي.

الكاميرا

المزايا

• الموبايل بييجي بكاميرا خلفية مزدوجة بدقة ١٣ + ٢ ميجابكسل، مع فلاش أحادي.
• الموبايل مزود بكاميرا سيلفي بدقة ٨ ميجابكسل.
• الكاميرا الخلفية بتصور فيديو بدقة ١٠٨٠ بكسل.

العيوب

• مفيش فلاش للكاميرا السيلفي.

تجربة المستخدم

• أداء كاميرا الموبايل قوي ومميز، لكن في ظروف الإضاءة القليلة فيه تفاصيل بتغيب عن الصورة.
• الكاميرا الخلفية بتقدم ميزة العزل بشكل حرضي كتير، وللأسف أحيانًا العزل مش بيتم بشكل كافي.
• الكاميرا السيلفي صورها حلوة، وزاوية التصوير فيها عالية، لكن بشرط تقدر تتحكم في زوايا الإضاءة، ولو تم التقاط صورة بخلفية مضيئة تفاصيل الصور مش هتظهر بشكل كويس خالص.

البطارية

المزايا

• الموبايل بييجي ببطارية بسعة ٣٠٠٠ مللي أمبير.

العيوب

• البطارية مش بتدعم تقنية الشحن السريع.

تجربة المستخدم

• البطارية بتقدم أداء كويس لغاية يوم كامل، وللأسف مش هتكفي معاك يوم لو كنت مستخدم بتحمل على الموبايل وهتحتاج تشحنه شحنة في نص اليوم.

شوف موبايل Huawei Y7 Prime 2018 من هنا.