كتب: محمد عبد الرحمن

Honor واحدة من أحدث الشركات في السوق المصري، وكتير جدًا من المستخدمين عرفوا دلوقتي إنها – وفي مصر تحديدًا- بتنزل في السوق منافسة للشركة الأم ليها Huawei.

ورغم إن الشركة بقالها فترة قليلة جدًا في السوق المصري، فقدرت وفي الوقت ده إنها تتصدر قائمة أكتر ١٠ موبايلات في السوق المصري، وكمان من خلال موقع ياقوطة.

وواحد من أكتر الموبايلات دي مبيعًا هو موبايل Honor 9 Lite اللي يعتبر واحد من أحسن موبايلات الـ ٣٠٠٠ جنيه من الإمكانيات وخصوصًا الكاميرا.

وفي الريفيو ده هنتكلم أكتر عن أهم مواصفات ومميزات وعيوب الموبايل ده، ولو عجبك وعاوز تشتريه تقدر تعرف أحسن الأسعار ليه من خلال ياقوطة وتطلبه وهيوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

الشاشة

المميزات

• شاشة IPS LCD بحجم ٥٫٦٥ بوصة، ودقة وضوح ١٠٨٠ × ٢١٦٠ بكسل، وكثافة بكسلات ٤٢٨ بكسل.
• الشاشة بتيجي بالأبعاد الجديدة للعرض ١٨: ٩.

العيوب

• شاشة الموبايل مش مزودة بأي طبقة حماية إضافية ضد الكسر.

تجربة المستخدم

• زوايا الرؤية والوضوح لشاشة الموبايل مميزة جدًا. والمستخدم هيستمتع جدًا بمشاهدة أفلام اليوتيوب، وكمان عرض الصور الخاصة بيه.
• الحواف اللي موجودة حوالين الشاشة صغيرة جدًا، وده مدي شكل جمالي للموبايل عمومًا والشاشة كمان. واللي بتحسس المستخدم إن تقريبًا مفيش أي حواف.

الأداء

المميزات

• الموبايل بييجي بأحدث نظام تشغيل أوريو، وبييجي ببروسيسور ثماني النواة HiSilicon Kirin 659 أربعة أنوية بتردد 2.36 جيجاهرتز، وأربعة أنوية بتردد 1.7 جيجاهرتز ، ومعالج رسومي Mali-T830 MP2 مع رام داخلي بسعة ٣ جيجابايت وميموري داخلي بسعة ٣٢ جيجا وممكن تضيف ميموري خارجي بسعة توصل لغاية ٢٥٦ جيجابايت.
• الموبايل بيدعم تشغيل شريحتين اتصال وميموري خارجي، وكمان تقنية الجيل الرابع للاتصال.
• الموبايل بيدعم وجود مستشعر بصمة الإصبع وكمان تقنية الجيروسكوب، وكمان راديو FM، والبوصلة، وأخيرًا مستشعر الـ Face ID.

العيوب

• ما تقدرش تشغل على الموبايل شريحتين اتصال وميموري خارجي في نفس الوقت.
• الموبايل مش بيدعم تقنية الـ NFC، ولا الـ IR.

تجربة المستخدم

• الموبايل بيقدم أداء قوي ومميز، وهنلاحظ إن المعالج ده هو نفسه اللي موجود في موبايل Huawei Mate 10 Lite. وده معناه إن الموبايل بيقدم أداء مميز مع الاستخدام الخفيف والمتوسط، والموبايل خيار مميز لهواة الألعاب.
• للأسف الموبايل ما يقدرش يشغّل سريحتين اتصال وميموري خارجي في نفس الوقت، ولازم تستغنى عن شريحة منهم لصالح الميموري الخارجي.
• شرائح اتصال الموبايل منهم واحدة بتدعم الاتصال بتقنية الـ 3G، والـ 4G. والشريحة التانية بتدعم الاتصال بجودة 2G بس.
• أداء بصمة الموبايل سريع ومميز، وده مش غريب على شركة Honor لإن الشركة المصممة لموبايلاتها هي Huawei.
• أداء خاصة الـ Face ID مميز وبيستجيب بسرعة، لكن مهم جدًا المستخدم يعرف إن التقنية دي مش بتيجي مع الموبايل. وأول ما تفتح الموبايل وتبدأ استخدامه هييجي ليك تحديث بمجرد ما تحمّله تقدر تستمع بالتفنية دي وبشكل مميز.
• صوت سماعات الموبايل الخارجية مميز وقوي، والسماعة موجودة جهة اليمين وده مكان مش من السهل كتمه عند ممارسة الألعاب المختلفة، أو الاستماع للموسيقى ومشاهدة أفلام اليوتيوب.

الكاميرا

المميزات

• الموبايل بييجي بكاميرا خلفية مزدوجة بدقة ١٣ + ٢ ميجابكسل، مع فلاش أحادي.
• الموبايل بييجي بكاميرا سيلفي مزدوجة بدقة ١٣ + ٢ ميجابكسل.
• الكاميرا الخلفية بتصور فيديو بدقة ١٠٨٠ بكسل.

العيوب

• لا يوجد.

تجربة المستخدم

• أداء كاميرا الموبايل ده واحدة من أحسن ده لو ما كانتش أحسن كاميرا فعلًا في فئته السعرية.
• أداء العزل في الكاميرتين الخلفية والأمامية مميز، والتصوير عمومًا جودته كويسة جدًا، ورغم إن فتحة عدسة الكاميرا الخلفية مش الأفضل لكن صورها فعلًا مميزة وغنية بالتفاصيل حتى في الإضاءة القليلة.
• وضع البورتريه في الموبايل ده مميز فعلًا.
• صور الموبايل في الإضاءة القليلة مش بتكون طبيعية بشكل كافي والمستخدم هيحس إن الصور فيها وضع التجميل شوية حتى لو المستخدم مش مفعّل الوضع ده.
• رغم إن الكاميرا السيلفي مفيهاش فلاش، فشاشة الموبايل بتدي ضوء أبيض قوي في الإضاءة القليلة واللي بتظهر الصور بشكل كويس.

البطارية

المميزات

• بطارية الموبايل بتيجي بقوة ٣٠٠٠ مللي أمبير.

العيوب

• البطارية غير قابلة للإزالة.
• البطارية مش بتدعم الشحن السريع.

تجربة المستخدم

• البطارية بتقدم تشغيل لمدة ٥ ساعات في وضع الـ Screen On.
• البطارية بتكفي لغاية لغاية يوم واحد من الاستخدام المتوسط.

تقدر تشوف موبايل Honor 9 Lite من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.