كتبت: فريق العمل

الأم.. النعمة الأكبر والأهم في حياة كل واحد فينا، لما نتكلم عن أفضل هدايا عيد الأم موضوع واحد مايكفيش. علشان كده قررنا نخصص موضوعنا الحالي لهدايا تخفف عن الأمهات تعب الحياة المنزلية اليومية  زي الأجهزة الكهربائية في المطبخ اللي تعتبر من أكتر الأجهزة اللي بتريح ست البيت وتخلي دخولها للمطبخ أسهل وأريح . وفي الجزء الثاني من موضوعنا هانتكلم عن الهدايا الشخصية زي الاكسسوارات مثلا.

مبدئياً كده، تجنب خالص تسأل ماما السؤال التقليدي: عاوزه ايه السنة دي في عيد الأم. لأنك هاتسمع الرد الشهير: مش عاوزه غير أنك واخواتك تكونوا كويسين..

بس بما أن الصحة والسلامة مش بتتباع في المتاجر، ممكن نحاول نعوض ماما ببعض الأفكار المناسبة اللي بنستعرضها معاكم في موضوعنا

ولأننا يهمنا أنكم الهدية الأحلى والأكثر مناسبة لست الكل، ياقوطة هتقولك على أفضل هدايا عيد الأم في ٢٠٢٣  ولو عجبك أي حاجة من اللي هنستعرضها وحبيت تشتريها تقدر تطلبها من خلالنا وهتوصلك في أسرع وقت.

بنفكرك إنك ممكن تشتري أجهزة ومنتجات ينفع تقدمها لوالدتك كهدية من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

Beko BDFN15420B Dishwasher

• ممكن نتكلم كتير وقليل على حاجات تدخل السعادة على قلب أي أم. لكن غسالة الاطباق هايفضل لها مكانة خاصة.
• السبب هنا هو أن غسالات الاطباق بتريح الأم من واحدة من أكتر المهام الرخمة على قلبها: غسيل الاطباق
• غسالة Beko BDFN15420B Dishwasher مش هي الأرخص في السوق، لكن مقابل ارتفاع السعر بتيجي مع مميزات
• المميزات دي بتميز غسالة Beko BDFN15420B Dishwasher لوحدها، زي أنها بتغسل أطباق تكفي ل ١٤ شخص
• وده معناه أن غسيل الأطباق بعد عزومة محترمة ما بقاش صنف من أصناف العذاب خلاص. أو لو كان عدد أفراد أسرتكم كبير أو معدل استخدام الاطباق عندكم عالي
• ودلوقت تقدر ماما تعزم كل اللي نفسها فيهم بدون ما تشيل هم صف الأطباق اللي بينتج عن العزومة دي.
• الغسالة كمان تمتاز أنها صناعة تركية، وفيها رف سفلي للمقالي والأواني، مع القدرة على التحميل المرن
• بمعنى أن ماما تقدر تضع فيها أطباق حسب احتياجها مش لازم كل مرة تعمل دورة غسيل كاملة.
• لكن طبعا في نفس الوقت استهلاك المياه والكهرباء هايكون أعلى شوية، كمان المساحة اللي بتحتلها الغسالة مش صغيرة

شوف عروض غسالات الاطباق من Beko على ياقوطة من هنا.

Delonghi Steam Coffee Maker

• الميزة في ماكينة صنع القهوة Delonghi Steam Coffee Maker أنها بتلعب على الناحيتين.
• بمعنى أن ماما لو عاوزه تعمل قهوة ليكم أو للضيوف وتطلع مظبوطة كل مرة بدون مجهود. هاتكون هدية مثالية.
• ومن ناحية تانيه وبعد يوم شغل طويل لو ماما عاوزه تعمل لنفسها فنجال قهوة يهون عليها التعب. Delonghi Steam Coffee Maker هاتكون برضو اختيار مثالي
• الميزة في Delonghi Steam Coffee Maker أنها بتعمل فنجالين في كل مرة وده بيوفر وقت وجهد وكمان بتيجي مع (فوم ميكر) بحيث تقدر تظبط الفوم بتاعك بشكل يدوي على ذوقك
• الأحلى ان Delonghi Steam Coffee Maker بتعمل كمان لاتيه وأي مشروب قهوة تاني. وده هايخلي تمنها – اللي مش قليل بالمناسبة- فيها برضو.

شوف عروض Delonghi Steam Coffee Maker على ياقوطة من هنا.

Samsung ميكروويف فرن وشواية – 40 لتر

• عملنا استفتاء بين مجموعة من الأمهات. وعرفنا أن ٧٧.٨٪ منهن بيفضلوا المايكرويف كهدية في عيد الأم.
• الاستفتاء ده عملناه بين مجموعة من أمهات أصحابنا في النادي في استراحة ماتش الكورة بين أولادهن. بس ده مش معناه أن نتيجة الاستفتاء مش صحيحة
• الميزة الأساسية للمايكرويف ده من سامسونج أنه بيصلح كشواية أو كمايكرويف تقليدي، وده بيعطي القدرة لماما أنها تعمل كل أنواع الأكل اللي نفسها فيه.
• مش بس كده. حجم المايكرويف كبير ودي واحدة من أهم مميزاته. علشان ياخد كمية أكل أكتر. وكونه من سامسونج يعني خدمات الدعم والضمان وتوافر قطع الغيار ماعليهاش غبار.
• لكن من ناحية تانيه استهلاك فرن وشواية سامسونج للكهرباء يعتبر عالي، ناهيك عن سعره اللي يعتبر أغلى من المنافسين. لكن مين قال ان فيه حاجه تغلى على ست الكل؟!

شوف عروض أجهزة المايكرويف من سامسونج على ياقوطة من هنا.

عجان Black & White ١٣٠٠ وات

• بصراحة كان نفسنا نقول أن عجان بلاك اند وايت يعتبر هدية لماما في عيد الأم.. لكن في الحقيقة هو هدية لك انت!
• لو مستغرب.. افتكر مين اللي بيطلب بيتزا من ماما في انصاص الليالي، لكن ده مش معناه أن العجان مافيهوش مميزات لست البيت
• أهم ميزة في عجان Black & White أن قوة الوات بتاعته (١٣٠٠ وات) وده أعلى من منافسين كتير، وده يعني قدرة على الشغل لفترة أطول بقوة كبيرة
• مش بس كده. تصميم العجان من الاستانلس بيخليه مش معرض للكسر بسهولة ويعيش فترة أطول. والوعاء الخاص بيه بيستحمل عملية الخفق وسعته كبيرة
• ولأن قوة العجان بالوات كبيرة، استهلاكه في الكهرباء هو كمان مش قليل، ناهيك أن سعره أعلى ووزنه أكبر. لكن في رأينا أنه واحد من العجانات اللي هاتعيش فترة طويلة لأنه من بلاك اند وايت المشهورين بأجهزتهم الكهربائية طويلة العمر.

شوف عروض عجانات بلاك اند وايت على ياقوطة من هنا.

طقم أواني تيمبو من تيفال

• من لحظة ما تأسست سنة ١٩٥٦ ولحد النهردة، شركة تيفال هي الصديقة الأولى لكل ست بيت. مش بس لجيل الأمهات
• لكن كمان لجيل الستات حديثات الزواج، اللي عايزه تقلي البيض العيون أو تطبخ الأرز بدون ما يلزق منها ويعمل لها مشكلة.
• مميزات حلل تيفال تتعدى فكرة عدم تبويظ الأكل، جيل بعد جيل من الحلل بيملك قدرات مميزة على توزيع الحرارة بشكل متساوي، وتحسين جودة الأكل وتقليل الهادر وتوفير الوقت والجهد.
• علشان كده من أفضل الهدايا اللي ممكن تقدمها لوالدتك – أو حماتك- هي طقم حلل تيمبو من تيفال
• أحلى ما في طقم الحلل ده من تيفال، أنه بييجي مع المعالق الخاصة بيه بحيث تقدر ماما تقلب الأكل في الحلل بدون ما تتخدش. ودي حاجه ماما عارفاها كويس.. يارب حضرتك كمان تكون عارفها

شوف عروض أطقم الحلل من تيفال على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.