مزايا وعيوب سخان أريستون الكهربائي، 30 لتر
كتبت: منى عوض
سخان المياه لا غنى عنه في أي بيت وفي أي فصل من فصول العام مش الشتاء وبس. وسخان أريستون الكهربائي، 30 لتر، ANDRIS RS 30EG واحد من السخانات اللي تقدر تعتمد عليها وتستمتع باستخدامها. السخان حجمه صغير وسعته صغيرة وبيسخن المياه في خلال ساعة تقريباً لكن سعته الصغيرة دي ممكن يبقى مناسب لمطبخ أو حمام صغير أو استخدامات خفيفة.
النهاردة هنتلكم بالتفصيل عن الموديل دا من سخانات أريستون، ولو عجبك وحبيت تشتريه تقدر تعرف أحسن سعر ليه وتقدر كمان تطلبه من خلالنا في ياقوطة وهتوصلك في أسرع وقت.
بنفكرك إنك ممكن تشتري سخان أريستون الكهربائي، 30 لتر، ANDRIS RS 30EG من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
مواصفات سخان أريستون الكهربائي، 30 لتر، ANDRIS RS 30EG
- العلامة التجارية للسخان: أريستون.
- موديل السخان: ANDRIS RS 30EG.
- سعة السخان: 30 لتر.
- مصدر الطاقة: كهرباء.
- أبعاد السخان: العرض 446 مم × الارتفاع 446 مم × العمق 360 مم.
- وزن السخان: 12.8 كيلوجرامات.
- بلد الصُنع: إيطاليا.
- مدة الضمان: 5 أعوام.
مزايا سخان أريستون الكهربائي، 30 لتر، ANDRIS RS 30EG
- السخان تصميمه أنيق وحجمه صغير وهيتناسب مع المساحات الصغيرة والديكورات المختلفة.
- السخان سعته 30 لتر ودي سعة مناسبة للاستخدام في المطبخ أو حمامات صغيرة مخصصة لاستقبال الضيوف أو استخدامات خفيفة.
- أقصى درجة تسخين تصل إلى 80 درجة مئوية ودي تقدر تظبطها من خلال بكرة موجودة في السخان.
- مؤشر ضوئي تقدر تعرف من خلاله إن كان السخان وصل لدرجة الحرارة المطلوبة بالتالي أصبح جاهز للاستخدام ولا لسه.
- مواسير داخلية مصنوعة من الأستانلس ستيل المضاد للصدأ.
- نظام حماية وأمان عشان تستخدمه وإنت مطمن.
- عزل حراري عالي الجودة من مادة البولي يوريثين للاحتفاظ بالماء الساخن والمفروض دي ميزة موفرة في استهلاك الكهرباء.
- السخان بيستغرق حوالي ساعة عشان يسخن المياه بشكل كلي.
- السخان مزود بخزان مبطن بمادة التيتانيوم.
عيوب سخان أريستون الكهربائي، 30 لتر، ANDRIS RS 30EG
- سعة 30 لتر قليلة ومش هتنفع مع الأسر الكبيرة أو في استخدامات يومية زي الاستحمام.
- مش هتقدر تستخدمه بشكل فوري وهتحتاج تسيبه وقت في الأول عشان يسخن المياه.
- مفيش شاشة ديجيتال تعرف من خلالها درجة حرارة السخان.
- مش هتعرف تستخدم السخان لو الكهرباء قطعت وهو مفيهوش مياه سخنة من قبل كدا.
- لو سيبته لفترة طويلة من غير صيانة دورية هتترسب الأملاح بداخله وهيظهر صدأ وممكن يبدأ يسرب مياه.
- بيستهلك كهرباء كتير لو استخدامك كان ليه كبير.
تجربة المُستخدم لسخان أريستون الكهربائي، 30 لتر، ANDRIS RS 30EG
- السخان ممتاز وأنصح بالتواصل مع الشركة لتركيبه وسريان الضمان خاصة أنها محترمه في التركيب والصيانة وسرعة الرد.
- السخان كويس ومناسب للمساحات الصغيرة.
- أفضل سخان في مصر حالياً وأفضل خدمة لما بعد البيع.
- السخان وقع فجأة لوحده بعد شهرين فقط من تركيبه بواسطة أريستون ذات نفسها قابل 275 جنيه، ولما اشتكيتلهم بعتولي واحد قالي أنه من الضروري استبداله لكن الشركة رفضت لأن الجهاز غير متوفر وأدوني ثمن السخان اللي دفعته بس مرجعوش فلوس التركيب.. مستحيل اشتري أريستون تاني.
خدمات ما بعد البيع لسخان أريستون الكهربائي، 30 لتر، ANDRIS RS 30EG
- لو عايز تركب السخان أو تعمله صيانة، تقدر تتواصل مع خدمة عملاء أريستون على 19453 من السبت إلى الخميس من الساعة 8 صباحاً وحتى الساعة 10 مساءً.
- يفضل صيانة الجهاز بشكل سنوي عشان تضمن سلامته وطول عمره الافتراضي.
- أريستون بتوفر قطع غيار أصلية بمدة ضمان محددة حتى لو كان جهازك برا الضمان.
شوف عروض سخان أريستون الكهربائي، 30 لتر، ANDRIS RS 30EG المختلفة على ياقوطة من هنا.
لو محتار في الاختيار ممكن تقرأ مقال بعنوان: سخان غاز ولا سخان كهرباء … الدليل الكامل لاختيار الأنسب ليك.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.