كتبت: أمنية عزمي

كرييتف بتعتبر من أوائل الماكينات اللي بتجمع بين الاستخدام المنزلي والصناعي وبتعتبر كمان من أحدث وأقوى الماكينات اللي تقدر تعتمد عليها في التطريز للمحترفين والهواة وعشاق التميز، تقدر تستخدمها في تطريز ملابس الأطفال وأطقم الملايات والمفروشات اللي ليها سعرها برا لو حبيت تشتريها، بتقدر كمان تعمل عليها عراوي في 4 خطوات فقط، دا غير إن اللضم فيها أتوماتيكي، وفيها 24 غرزة مختلفة، وقابض تلقائي للف البكرة، وإضاءة ليد لخياطة سهلة ومواصفات تانية كتير كلها سهلة في تشغيلها وعملية جدا وتقدر تستفاد بها كمشروع تجاري أو تستخدمها استخدام شخصي ليك ولعيلتك.

تعالوا مع ياقوطة نتعرف على أهم مواصفات ومميزات وعيوب ماكينة الخياطة كرييتف- 24 غرزة ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

بنفكرك إنك ممكن تشتري ماكينة الخياطة كرييتف- 24 غرزة من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الكود التعريفي للمنتج: GE810SK12RCZJNAFAMZ
• الخامة الرئيسية: بلاستيك/ معدن.
• الموديل: 990.
• اللون: أبيض/ أزرق- أبيض/موف.
• بلد المنشأ: الصين.
• الحجم (طول× عرض× إرتفاع): 480× 225× 340 سم.
• عدد الغرز: 24.

المميزات

• كرييتف تعتبر من أقوى ماكينات التطريز في وقتنا الحالي وبتجمع بين الشغل المتقن بدرجة عالية جدا والسعر الغير مبالغ فيه بالنسبة لمكن التطريز وتقدر تستخدمها في المصانع كشغل تجاري أو في المنازل.
• صناعة متينة، الجسم الداخلي مصنع من المعدن.
• بتحتوي على 24 غرزة بمستوى عالي جدا من الإتقان والنضافة في الشغل.
• محتوياتها كاملة، مزودة بدرج جانبي بيحتوي على قطعة قماش بتوضح شكل التطريز، دواسة عراوي، دواسة سوستة، فتاحة عراوي، إبر إضافية، مواسير إضافية، دواسة للخياطة المخفية، دواسة زراير، مفك للماكينة، إبرة 2، 3 مكوك.
• سهلة في التعامل، موضح عليها بالشرح خطوات ملئ المكوك بالصور وخطوات لضم الماكينة بالكامل.
• لضم أتوماتيك، بيتم لضم الإبر بخطوة أتوماتيكية عن طريق إدخال الخيط في الإبر لسهولة التعامل.
• موضح على جانبها بالرسم شكل ال 24 غرزة لتوضيح كل شكل والاختيار منه حسب الرغبة.
• مزودة بمفتاح لاختيار شكل الغرزة ومفتاح التحكم في مقاس الغرزة.
• مزودة بزر للتحكم في سرعة الماكينة من خلال 3 سرعات مختلفة.
• مزودة بذراعين للخيط لإمكانية تطريز لونين متداخلين مع بعض.
• مزودة بزرار للتحكم في مكان الإبرة تحت أو فوق، وزرار فارماتورا، وزرار للتحكم في التطريز اليدوي في حالة ضبط السنون بالشكل الصحيح للشغل اليدوي.
• إمكانية تطريز الغرزة بأكتر من لون من خلال إبرة 2 لإضافة ألوان بشكل أجمل.
• الجزء الخاص بالمكوك مصنع بالحديد يعني بيستحمل التعامل الشاق خاصة مع كثرة عدد التعامل به.
• عراوي المكوك بيتم تحميلها من أعلى لسهولة الاستخدام.
• إمكانية اختيار عمل الغرزة لتشكيل وحدة واحدة فقط بالضغط على زر A وفي الحالة دي بتخلص شكل الغرزة مرة واحدة وتتوقف أتوماتيك.
• بيتم تطريز الغرز بشكل راقي جدا من الأمام والخلف بنفس الكفاءة علشان تضمن أعلى مستوى من الاتقان.
• صوتها أهدى من المكن العادي.
• تقدر تستخدمها في المنزل لتزيين وتطريز الملابس والمفروشات وتقدر تستخدمها بشكل تجاري في عملك لو بتشتغل في التفصيل وتكون مميز جدا ومختلف بإنتاجك.
• دواسات مصممة بشكل يسهل حركتها على الأقمشة سواء في العراوي أو التطريز والخياطة العادية.
• ليها مقاسات غرز متعددة ضيقة وواسعة بتستخدمها حسب نوع القماش وسمكه ودقة الغرزة فيه.
• سهلة جدا في استخدامها وأي حد يقدر يشتغل بها حتى المبتدأين.
• سريعة في أدائها وتقدر تخيط بها كمية كبيرة في وقت بسيط.
• بتنفع مع كل أنواع الأقمشة سواء التقيلة أو الخفيفة بمجرد تظبيط حجم الغرزة اللي كل خامة بتحتاجها.
• مزودة بغطاء احتياطي لحفظ الماكينة من الأتربة.

العيوب

• قطع غيارها مش بتتوفر بسهولة.
• وزنها تقيل نوعا ما 7 كيلو لكن مش بتحتاج تنقلها كتير.

خدمة العملاء

• مالهاش مراكز صيانة وبتتعامل مع أي حد متخصص في مكن الخياطة.
• قطع غيارها مش بتتوفر بسهولة.

تجربة المستخدم

• المكنة رائعة وبتقدم شغل نضيف جدا، أنا بستعملها في البيت وبعمل حاجات وابيعها زي المفارش ولبس أطفال وخداديات وأفكار كتير، صوتها هادي وسلسة وسهلة في شغلها جدا.

شوف ماكينة الخياطة كرييتف- 24 غرزة 990 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.