كتب: محمد عبد الرحمن

تقنية الجيروسكوب من التقنيات الأحدث في الموبايلات الجديدة، ودي معناها باختصار قدرة الموبايل على عرض وتشغيل أفلام ثلاثية الأبعاد عن طريق نضارة خاصة بيتركّب فيها الموبايل وممكن كمان عن طريق الخاصية دي تعرض أفلام وتشوفها بزاوية ٣٦٠ درجة.

فلو كنت واحد من المهتمين بالتقنية دي أو نفسك تجرّبها ومحتار أو قلقان تشتري موبايل ما يكونش فيه الخاصية دي، إحنا في ياقوطة هنساعدك ونعرض عليك مجموعة متميزة من الموبايلات اللي بتدعم تقنية الجيروسكوب. مش كده وبس، ده عن طريق ياقوطة تقدر تعرف أكتر عن مميزات وعيوب الموبايلات دي وهتعرف كمان أفضل الأسعار ليها وممكن تطلبها وتكون عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*ممكن تشوف مواصفات الموبايلات بالتفصيل على mobihub من هنا.

موقع mobihub هو موقع مصري بيعرض عليك تشكيلة كبيرة من الموبايلات لأكبر وأشهر الشركات في مصر والعالم، وتقدر تعرف من خلاله مختلف أنواع الموبايلات وإمكانياتها ومميزاتها وعيوبها وكمان أسعارها وتقدر تقارن بين أسعار الموبايلات من عليه.

موبايل LG G6

المميزات

• شاشة بحجم مناسب لهواة القراءة وحجم بكسلات ١٤٤٠×٢٨٨٠ بيكسل، وكثافة بكسلات ٥٦٤ بكسل، ومزودة بطبقة حماية إضافية ضد الكسر.
• رامات بحجم ٤ جيجا وميموري داخلي ٦٤ جيجابايت، وممكن تضيف ميموري لغاية ٢٥٦ جيجابايت.
• كاميرا الموبايل مزدوجة بدقة ١٣ ميجابيكسل وفتحة عدسة F 1.8 واحدة منهم مزود بتقنية الـ OIS والتانية لأ ومزودة بفلاش مزودج وتقنية الليزر.
• الموبايل فيه ميكرفون إضافي مانع للضجيج، وراديو FM وبيدعم تقنية الـ NFC والجيروسكوب.
• الموبايل مزود ببصمة الإصبع، وفيه كاميرا مزدوجة لصور مميزة جدًا.
• بطارية الموبايل بتدعم تقنية الشحن السريع.
• الموبايل مقاوم للمياه والأتربة.

العيوب

• بطارية الموبايل مش بتدعم تقنية الشحن اللاسلكي.
• ما تقدرش تشغل خطين اتصال وميموري خارجي في نفس الوقت ولازم تستغنى عن واحد منهم.
• معالج الموبايل مش الأقوى ولا الأحدث في السوق، ونفس الكلام بخصوص طبقة الحماية خصوصًا إنها من الجيل الرابع مش الخامس.
• وزن الموبايل تقيل شوية (١٦٣ جرام).
• كاميرا سيلفي بدقة قليلة جدًا (٥ ميجابكسل).

تجربة المستخدم

• دقة وضوح وحجم شاشة الموبايل مناسبين للقراءة عليها لأوقات طويلة ومش هتلاقي صعوبة في التعامل مع الشاشة في ظروف الإضاءة المختلفة.
• مستخدم الموبايل مش هيقدر يتعامل ولا يوصل لكل أجزاء الشاشة بإيد واحدة وهيحتاج يستعمل إيديه الاتنين وخصوصًا عند الوصول لإشعارات الموبايل.
• واجهة إل جي بتسمح للمستخدم بإضافة فلتر بيحمي العين من القراءة لساعات طويلة.
• أداء الموبايل مميز في الاستخدام اليومي من تصفح إنترنت وتصوير وفتح أكثر من برنامج في نفس الوقت، ولو كنت من عشاق الألعاب فالموبايل اختيار مقبول ليك، لكن لو حبيت تحمل عليه ألعاب بحجم كبير هتلاحظ تسقيط فريمات من اللعبة، وهتلاحظ كمان سخونة بسيطة للموبايل.
• كاميرا الموبايل بتقدم أداء مميز جدًا في ظروف الإضاءة العادية وحتى في الإضاءة الضعيفة وفيها أكتر من وضع تصوير مميزين وسهل التعامل والوصول ليهم، وتقدر عن طريق برنامج التصوير إنك تلقط صورك الخاصة وتعرضها على الشاشة وقت التقاط صور تانية، وكمان بتصور فيديو بتقنية الـ 4K.
• سيلفي الموبايل بيقدم تجربة مش مرضية للمستخدم وده بسبب قلة بكسلات الكاميرا الأمامية (٥ ميجابكسل) وصورك مش هتكون ممتعة وهتلاحظ إنها عادية.
• رغم إن الموبايل مقاوم للمياه لكن المستخدم هيلاحظ إن صوته عالي وأعلى من موديلات منافسة ليه مقاومة للمياه.
• بسبب حجم الشاشة الكبير شوية وطريقة عرض الصور عليها واللي بتكون ٩:١٨ فهتلاحظ إن فيه مجموعة كبيرة من البرامج مش بتتعرض على الموبايل بشكل واضح كفاية وهتلاقي حدود سودا في جوانب الشاشة وقت تشغيل البرامج أو الألعاب.
• مع إن سيلفي الموبايل مش الأقوى في السوق لكنه بيسمحلك بتصوير سيلفي مهما كان العدد كبير بفضل عدسة الكاميرا الواسعة واللي هتسهل عليك التصوير لكن ما تقدرش تاخد بيها صور كويسة في الإضاءة الضعيفة بسبب غياب الفلاش.
• بطارية الموبايل بتدي للمستخدم شحن الموبايل شحنة كاملة في أقل من ١٠٠ دقيقة بس.

شوف موبايل LG G6 من هنا.

موبايل HTC U11

المميزات

• تصميم وشكل أكتر من رائع.
• رام الموبايل بسعة ٦ جيجابايت وبروسيسور ثماني النواة وميموري داخلي بسعة ١٢٨ جيجابايت وممكن تضيف له ميموري خارجي لغاية ٢٥٦ جيجابايت.
• الموبايل مقاوم للمياه والأتربة وفيه مستشعر بصمة، وجسم الموبايل كله مزود بطبقة حماية إضافية ضد الكسر.
• الموبايل بيدعم تقنية الـ NFC والجيروسكوب.
• كاميرا أمامية بدقة ١٢ ميجابكسل بمثبت بصري OIS وفتحة عدسة 1.7، وسيلفي بدقة ١٦ ميجابكسل بفتحة عدسة F 2.0.
• بطارية الموبايل بتدعم تقنية الشحن السريع.

العيوب

• الموبايل مش مزود بتقنية راديو FM، ولا الـ HDMI.
• الموبايل مش مزود بمدخل خاص للسماعات ٥ مللي.
• ما تقدرش تشغل خطين اتصال وميموري خارجي في نفس الوقت على الموبايل.
• بطارية الموبايل ما تقدرش تغيرها بنفسك.

تجربة المستخدم

• شاشة الموبايل بتقدم زوايا رؤية ووضوح ممتازة في ظروف الإضاءة العالية لكن في أشعة الشمس هتلاحظ عن الألوان والصور مش بنفس الوضوح في الإضاءة الداخلية.
• حجم الموبايل بيدي صعوبة للمستخدم في التعامل معاه بإيد واحدة أو حتى إنه يكون في جيبه بسهولة وده بسبب كبر حجم حواف الموبايل، وهتلاحظ كمان إن جسم الموبايل بيشيل بصمات وده بيقلل كتير من شكله الجمالي.
• للأسف الموبايل من السهل جدًا إنه يقع من إيد المستخدم بسبب نعومة ملسمه الخارجي ولو استعملت له جراب هيفقد كتير من جماله.
• الموبايل بيدي للمستخدم خاصية جديدة وهي الضغط على جوانب الموبايل فتقدر تفتح برنامج معين بتقوم بتحديده.
• أداء الموبايل مميز في التعامل مع البرامج والتطبيقات والألعاب المختلفة ومش هتحس بأي بطء أو سخونة من الاستعمال المطول ليه.
• ما تقدرش كمستخدم للموبايل تشحن الموبايل وتستعمل سماعات الهاند فري بسبب غياب المنفذ الخاص بيها وده بيقلل من استمتاعك بالأغاني في كل وقت.
• كاميرا الموبايل بتقدم أداء مميز في ظروف التصوير المختلفة وده بفضل الفلاش المزدوج وتقنية الـ OIS، ولو كنت من عشاق السيلفي فالموبايل بيقدم تجربة مرضية جدًا ليك.
• الموبايل بيقدم للمستخدم تصوير فيديو بجودة صوت كبيرة وده بسبب تزويد الموبايل بأربعة مكبرات صوت فمش هتقلق من ضعف صوت أفلام الفيديو.
• واجهة الموبايل خفيفة وده بسبب تقليل HTC لجزء كبير من برامجها المختلفة واللي جوجل بلاي بيحل محلها.
• بطارية الموبايل بتشحن الموبايل شحنة كاملة في ساعة واحدة تقريبًا وكأداء عام هتكمل معاك يوم كامل من الاستعمال الشاق.

شوف موبايل HTC U11 من هنا.

موبايل Samsung A3 2017

المميزات

• الموبايل مقاوم للمياه والأتربة، ومزود بطبقة حماية إضافية ضد الكسر.
• كاميرا خلفية بدقة ١٣ ميجابكسل وفتحة عدسة 1.9 وفلاش مزدوج، وسيلفي بدقة ٨ ميجابكسل وفتحة عدسة F 1.9.
• الموبايل يدعم بصمة الإصبع، تقنية الراديو FM، الـ NFC، الجيروسكوب ومزود بميكرفون إضافي مانع للضجيج.
• الموبايل بيدعم الاتصال بتقنية الجيل الرابع الـ 4G.

العيوب

• بطارية الموبايل ضعيفة، ومش بتدعم تقنية الشحن السريع.
• مش بيشغل شريحتين اتصال وميموري خارجي في نفس الوقت.
• رام الموبايل قليلة (٢ جيجا رام)، والميموري الداخلي ١٦ جيجابايت واللي تعتبر سعة قليلة.

تجربة المستخدم

• حجم شاشة الموبايل مش مميز في مشاهدة الفيديوهات ولا عرض الصور والقراءة.
• دقة ووضوح الألوان مميزين في أشعة الشمس المباشرة.
• المتاح للمستخدم من الميموري الدخالي ١٠ جيجابايت بس ودي سعة قليلة خصوصًا إن فيه برامج كتير مش بتسمح بنقلها للميموري الخارجي وده هيأثر على أداء الموبايل مع الاستعمال والوقت.
• بروسيسور الموبايل أداءه مقبول وبيسمح بتشغيل أكتر من برنامج والتنقل بينهم بشكل كويس، لكنه مش مناسب للألعاب التقيلة وكمان بيأثر على أداء البطارية بشكل ملحوظ.
• كاميرا الموبايل أداءها كويس في الإضاءة النهارية والإضاءة الضعيفة هنلاحظ Noise بسيط، ولإنها مش بتيجي Auto Focus فلازم تاخد بالك وانت بتصور من أي اهتزار لإنه بيأثر على جمال الصورة.
• سيلفي الموبايل بيؤدي المطلوب منه لكن للأسف تصويره الليلي مش كويس لغياب الفلاش.
• صوت سماعات الموبايل مش الأفضل وده بسبب دعمه للمياه والأتربة.
• أداء البصمة ومكان تواجدهم معتاد من سامسونج وأداءها جيد مش الأسرع لكنه بيؤدي الغرض منه والبصمة موجودة لتأمين الموبايل بس وما تقدرش تحمي من خلالها برامج وصور خاصة بيك.
• بطارية الموبايل أداءها مش قوي على الرغم من إن سامسونج زودتها بأكتر من وضع للحفاظ على الطاقة لكنها عمومًا مش بتكمل غير يوم واحد بالكتير.

شوف موبايل Samsung A3 2017 من هنا.

موبايل Huawei P10 Plus

المميزات

• شاشة الموبايل بحجم ٥٫٥ بوصة ومزودة بطبقة حماية Corning Gorilla Glass 5.
• الموبايل مزود بكاميرتين خلفيتين واحدة بدقة ٢٠ ميجابكسل والتانية بدقة ١٢ ميجابكسل، وسيلفي بقوة ٨ ميجابكسل والكاميرات التلاتة من تصميم وابتكار شركة لايكا.
• الموبايل بييجي برامات بسعة ٦ جيجا رام وبروسيسور ثماني النواة HiSilicon Kirin 960 ومعالج رسومي Mali-G71 MP8 وميموري داخلي ١٢٨ جيجابايت.
• الموبايل بيدعم تشغيل بصمة والـ NFC والجيروسكوب والـ OTG ومزود بميكرفون إضافي مانع للضجيج.
• الموبايل بيدعم تشغيل شريحتين اتصال.
• بطارية الموبايل بتدعم الشحن السريع.

العيوب

• الموبايل مش مقاوم للمياه ولا الأتربة.
• الموبايل مش بيدعم تشغيل راديو FM.
• ما تقدرش تشغل على الموبايل شريحتين اتصال وميموري خارجي في نفس الوقت.
• بطارية الموبايل مش بتدعم الشحن اللاسلكي.

تجربة المستخدم

• تصميم وشكل الموبايل شيك وقريب من الأيفون.
• شاشة الموبايل بتقدم زوايا رؤية ووضوح كويسين جدًا في ظروف الإضاءة المختلفة حتى في أشعة الشمس المباشرة.
• زرار البصمة موجود مع زرار الـ Home في واجهة الموبايل واللي تقدر من خلال الضغط عليه بقوة معينة تفتح برامج معينة وعن طريق اللمس تفتح الموبايل ودي ميزة هتسهل لمستخدم إنه يدي أكتر من أمر للموبايل من مكان واحد.
• بييجي مع الموبايل كوفر خلفي لحماية الموبايل من الخبطات والوقعات المختلفة.
• أداء الموبايل في المهام البسيطة والشاقة مميز ومش هتحس بأي سخونة مع الاستعمال المطول ليه، ولو كنت من عشاق الألعاب فالموبايل ده اختيار مميز ليك.
• صوت سماعات الموبايل عالي ويعتبر من أفضل السماعات لموجودة في معظم موديلات هواوي وده بسبب وجود سماعتين اسبيكر.
• كاميرا الموبايل بتقدم صور حلوة وبتدي للمستخدم خاصية الدمج بين الصورة الواحدة عن طريق الكاميرتين والنتيجة صور نقية وواضحة وألوانها واقعية جدًا، ولو كنت من هواة تصوير الصور البعيدة واستعمال الزووم فالموبايل بيديلك قدرة تقريبة لغاية ٣ مرات من غير ما تفقد الصور تفاصيلها أو «تبكسل».
• سيلفي الموبايل بيقدم صور حلوة وإن كان الأفضل أن هواوي تزود من قوة الكاميرا السيلفي بتاعتها خصوصًا إن الموبايل سعره مرتفع شوية.
• هواوي زودت إضافة جديدة في الموبايل وهي إنك تقدر تنسخ برامج التواصل الاجتماعي بتاعتك وتفتحها بأكتر من حساب واحد ودي ميزة ما كانتش موجودة في أكتر من موديل لهواوي قبل كده، وكمان زودت استجابة الموبايل للأوامر الصوتية، وتقدر كمان تشوف وتقرأ إشعارات البرامج زي الواتساب من غير ما تفتح البرنامج.
• زودت هواوي الواجهة بتاعتها بميزة كويسة للمستخدم وهي إنه يقدر يقرا إشعارات برامج معينة زي واتساب من غير ما يضطر يفتح البرنامج.
• بطارية الموبايل بتدي ليك شحنة كاملة في ساعتين بس وده وقت مناسب مقارنة بسعة البطارية وأداء البطارية مميز وهتكفي معاك لغاية يوم ونص من الاستعمال المتوسط أو الشاق.

شوف موبايل Huawei P10 Plus من هنا.

موبايل Sony Xperia XZ

المميزات

• شاشة بحجم مناسب مناسب ٥٫٢ بوصة بكثافة بكسلات ٤٢٤ بكسل، ومزودة بطبقة حماية إضافية ضد الكسر Corning Gorilla Glass.
• الموبايل بييجي برامات ٣ جيجابايت وبروسيسور سداسي النواة Qualcomm Snapdragon 820 ومعالج رسومي Adreno 530، وذاكرة داخلية ٦٤/٣٢ جيجابايت وممكن تزود ليه ميموري خارجي لغاية ٢٥٦ جيجابايت.
• كاميرا الموبايل الخلفية بدقة ٢٣ ميجابكسل بفلاش مزدوج وبتدعم تصوير فيديو بجودة 4K، وسيلفي الموبايل بدقة ١٣ ميجابكسل من غير فلاش.
• الموبايل مزود بميكرفون إضافي مانع للضجيج وفيه تقنية بصمة الإصبع والـ NFC، والجيروسكوب.
• بطارية الموبايل بتدعم الشحن السريع.
• الموبايل بيدعم تشغيل شريحتين اتصال.

العيوب

• سعة البطارية أقل من باقي المنافسين في الفئة السعرية.
• شاشة الموبايل رغم سعره بتيجي بدقة وضوح وعرض عادية ١٩٢٠×١٠٨٠ بكسل.
• الموبايل مش بيدعم تشغيل شريحتين اتصال وميموري خارجي في نفيس الوقت، ومش بيدعم تشغيل راديو FM.

تجربة المستخدم

• حجم الموبايل وأبعاده مناسبة للاستعمال المطول بإيد واحدة، وتقدر كمستخدم توصل لكل الشاشة بإيد واحدة.
• مكان زرار البصمة موجود مع زرار الـ Home على جانب الموبايل واستجابته سريعة، لكن ما تقدرش تحمي من خلاله برامج ولا صور خاصة بيك ووجوده لتأمين الموبايل بس، ومش دي طريقة الحماية الوحيدة للموبايل لإنه بيتيح ليك تصوير الوجه كرمز لفتح الموبايل.
• تقدر عن طريق واجهة سامسونج تقفل الشاشة عن طريق النقر عليها مرتين، والموبايل بيوفر كمان خاصية Smart Cleaner واللي بتشيل أي ملف مش مرغوب فيه وبيشغل مساحة للموبايل أو بيتقل من استجابته لأوامرك على المدى الطويل.
• كاميرا الموبايل هتخلي المستخدم ياخد صور في أي وقت بفضل سرعة التقاط الكاميرا للصور وكمان الموبايل فيه زرار مخصوص للكاميرا بيشغلها بمجرد الضغط عليه حتى لو كان مشغل برامج تانية.
• سماعات الموبايل موجودة في الشاشة وده كويس لإن الصوت هيكون طالع بشكل واضح ومش هيكون مكتوم لو الموبايل كان على أي سطح.
• أداء الموبايل مميز في الاستعمال المعتاد والشاق وحتى عند ممارسة الألعاب هتلاقي نتيجة مرضية ليك، لكن مش هتكون الأفضل بسبب وجود رام ٣ جيجا ودي نقطة مش في صالحك خصوصًا مع تطور الألعاب يوم ورا يوم.
• بطارية الموبايل بتتشحن شحنة كاملة في ساعة ونص تقريبًا، وأداءها كويس وبتكمل معاك لغاية يوم كامل من الاستعمال المتوسط وفيها أكتر من وضع للحفاظ على البطارية.

شوف موبايل Sony Xperia XZ من هنا.

موبايل Xiaomi Redmi 4A

المميزات

• شاشة بحجم مناسب (٥ بوصة) وحجم بكسلات ١٢٨٠×٧٢٠ بكسل.
• وزن الموبايل خفيف جدًا (١٣١ جرام).
• كاميرا خلفية بقوة ١٣ ميجابكسل مزودة بفلاش، وكاميرا أمامية بقوة ٥ ميجابكسل.
• الموبايل مزود بتقنية الـ IR والـ OTG والجيروسكوب وراديو FM ولمبة إشعارات LED، وميكروفون إضافي مانع للضجيج.
• بروسيسور رباعي النواة مع رام بسعة ٢ جيجابايت، وممكن تضيفله ميموري خارجي بسعة لغاية ٢٥٦ جيجابايت.
• الموبايل بيدعم تشغيل شريحتين اتصال وميموري خارجي، وبيدعم الاتصال بتقنية الجيل الرابع 4G.
• بطارية كبيرة بسعة ٣١٢٠ مللي أمبير.

العيوب

• ما تقدرش تشغل شريحتين اتصال وكارت ميموري مع بعض وهتحتاج تستغنى عن واحد فيهم.
• الميموري الداخلي ١٦ جيجابايت بس.
• شاشة الموبايل مش موجود عليها طبقة حماية إضافية وهتحتاج تشتري طبقة حماية إضافية.
• الموبايل مش مزود بتقنية بصمة الإصبع

تجربة المستخدم

• زوايا رؤية الشاشة كويسة في ظروف الإضاءة المختلفة، وألوان الموبايل مقبولة، وهنلاحظ كمان إن زراير التنقل للموبايل موجودة على شاشة الموبايل ومش مضيئة ودي ممكن تضايق خصوصًا لو كنت في مكان إضاءته ضعيفة.
• اقتبست شاومي تصميم وطريقة عرض برامجها من الأيفون فهنلاحظ إن كل البرامج والتطبيقات والألعاب موجودة على شاشة الموبايل والتنقل بينها بيكون سلس ومش هنلاقي زرار خاص بالقايمة.
• أداء الموبايل كويس بشكل كبير في المهام اليومية البسيطة والصعبة لكن لو حبيت عليه ألعاب بجرافيك عالي هتلاحظ غياب بعض الفريمات منها ومش هتستمتع قوي بالألعاب دي ولكن في الألعاب البسيطة والمتوسطة أداء الموبايل كويس جدًا.
• كاميرا الموبايل بتقدم صور عادية وتباين الألوان كويس. لكن هتلاحظ غياب تفاصيل بسيطة من الصور دي خصوصًا لو كانت في خلفية الجسم اللي انت صورته، والصور في الإضاءة الضعيفة مقبولة ولكن فيها Noise واضح.
• أما بخصوص سيلفي الموبايل فهو مقبول مش الأفضل وسط المنافسين لكنه مش ضعيف وأكيد هتلاقي صوره مرضية لكن في الإضاءة الضعيفة والليلية فالصور مش هتكون كويسة.
• مكان سماعات الموبايل من السهل جدًا إنه يكون مكتوم أو ضعيف وده لإنها موجودة في ضهر الموبايل.
• الموبايل فيه خاصية Seconed Space واللي بتسمح للمستخدم إنه يقسم الموبايل لقسمين مختلفين تمامًا، كل قسم بيكون له أشكاله وبرامجه وألعابه وحتى خلفيته المختلفة عن التاني.
• تقدر عن طريق واجهة شاومي إنك تنسخ أكتر من برنامج تواصل اجتماعي ليك وبأكتر من حساب.
• ولو انت غاوي تصوير وبتركز في التفاصيل الصغيرة ممكن تلاقي تفاصيل بسيطة مش واضحة قوي من الكاميرا الخلفية والأمامية وده بيرجع لسعر الموبايل فتعتبر التفاصيل دي مش مؤثرة قوي على قوة وكفاءة الكاميرا.
• الكاميرا الأمامية صورها مقبولة لو هنقارنها بالفئة السعرية للموبايل، لكن لو هتصور سيلفي في إضاءة ضعيفة هتلاقي الصور مش بتظهر تفاصيلها بشكل كويس.
• رغم إن بطارية الموبايل مش بتدعم تقنية الشحن السريع لكنها بتتشحن شحنة كاملة في أقل من ساعتين ونص وده وقت كويس.

شوف موبايل Xiaomi Redmi 4A من هنا.

موبايل Infinix S2

المميزات

• شاشة بدقة وضوح مميزة بحجم بكسلات ١٢٨٠×٧٢٠ بكسل، ومزودة بطبقة حماية إضافية ضد الكسر، ووزنه مقبول جدًا (١٤٧ جرام).
• الموبايل مزود بتقنية بصمة الإصبع، والـ OTG والجيروسكوب.
• بطارية الموبايل بتدعم الشحن السريع.
• الموبايل بيدعم الاتصال بتقنينة الجيل الرابع 4G، وكمان بيشغل راديو FM.
• الموبايل بيدعم التحديث لنسخة الأندرويد الأحدث نوجا.

العيوب

• طبقة الحماية ضد الكسر مش Corning Gorilla Glass.
• ما تقدرش تشغل شريحتين اتصال وميموري خارجي في نفس الوقت.
• كثافة بكسلات الموبايل ضعيفة (٢٨٢ بكسل).

تجربة المستخدم

• شاشة بحجم مميز ودقة الألوان مقبولة.
• سماعة الموبايل صوتها معقول ومش الأفضل خالص، وهتعاني من ضعف الصوت كمان لإن السماعة من السهل جدًا إن إيدك تيجي عليها وانت ماسك الموبايل فهتحتاج برضه تلف الموبايل (١٨٠ درجة).
• بمجرد ما تشغل الموبايل لأول مرة هيوصلك تحديث أندرويد نوجا واللي حجمه بيكون ٢ جيجا تقريبًا.
• أداء الموبايل مقبول في الاستعمال المتوسط لكن لإن البروسيسور قديم في السوق ومش الأحدث ولا الأقوى فممكن تلاحظ تهنيج عند استعمال برامج تقيلة زي «فيسبوك» وممكن تلاقي تقل واضح عند استعمال ألعاب تقيلة زي Asphalt وفريمات منها مش نقية.
• أزرار التحكم في الموبايل موجودة بره الشاشة ومش مضيئة وده هيسبب مشكلة للمستخدم لغاية ما يتعود عليها.
• تقدر تاخد Screen Shot للموبايل عن طريق سحبك بـ ٣ صوابع على شاشة الموبايل أو من مكان الإشعارات واللي بتديلك خاصية التصوير للشاشة بحجم أطول من الشاشة.
• واجهة انفينكس تدي للمستخدم فتح تطبيقات عن طريق رسم اول حرف منها زي الكاميرا، وتقدر كمان تقفل الشاشة وتفتحها عن طريق النقر مرتين على الشاشة.
• رام الموبايل بيتبقى منها بعد تحميل البرامج المعتادة ٤٠٠ ميجا والمتبقي ليك في الميموري الداخلي ١٠ جيجا، ودي سعة مقبولة شوية لكن لو كنت من هواة الاحتفاظ بالصور على الموبايل فهتكون سعة قليلة ليك.
• مع إن الموبايل بيدعم تشغيل فلاشة خارجية فلازم تفعلها من الموبايل من جوه.
• كاميرا السيلفي ممتعة في التصوير وده لإنها مزدوجة (واحدة بقوة ١٣ ميجابكسل والتانية بقوة ٨ ميجابكسل وفتحتها واسعة) فصورها هتكون ممتعة وجميلة ليك انت واصحابك، لكن في الإضاءة الضعيفة الصور مش مميزة، وده نفس الكلام في الكاميرا الخلفية وإن كان أداءها في التصوير الليلي أفضل.
• تصوير الفيديو بالموبايل مش ممتع وصوره وألوانه مش حلوة.
• مكان وأداء البصمة كويسين وتقدر تحمي أكتر من برنامج وكمان تقدر تسجل مكالماتك عن طريق لمسة البصمة وقت المكالمة وبلمسة كمان توقف التسجيل.
• بطارية الموبايل تكفي معاك لغاية يوم كامل وكمان بتدعم الشحن السريع.
• قدمت انفينكس خاصية نسخ برامج التواصل الاجتماعي وفتح أكتر من برنماج بحسابين مختلفين.

شوف موبايل Infinix S2 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.