كتب: محمد عبد الرحمن

الموبايل الشخصي بقى من الأساسيات اللي ما يقدرش أي حد مننا يستغنى عنه، بيعتمد عليه في شغله وحياته، ولو حب يسلّي نفسه بيتفرج على أي فيلم عليه، ولو افتكر خروجة حلوة بيقلّب في صورها عشان يسترجع ذكرياتها الجميلة.

كل الحاجات اللي فاتت دي بتتعرض على شاشة الموبايل، واللي كتير مننا كمُستخدمين بيهتموا بدقة ووضوح الشاشة بتاعة موبايلهم، وبيكونوا حريصين إن ألوان الشاشة ودقتها تعرض الصور والأفلام بكفاءة كبيرة جدًا.

ولإننا في ياقوطة يهمنا راحتك، جمعنالك في المقال ده مجموعة من الموبايلات اللي بتيجي شاشتها بدقة عرض QHD، تقدر تعرف مميزات وعيوب الموبايلات دي، ولو عجبك موبايل منهم تقدر تعرف أحسن سعر ليه من خلالنا وتقدر تطلبه كمان ويكون عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*ممكن تشوف مواصفات الموبايلات بالتفصيل من mobihub من هنا.

موقع mobihub هو موقع مصري بيعرض عليك تشكيلة كبيرة من الموبايلات لأكبر وأشهر الشركات في مصر والعالم وتقدر تعرف من خلاله مختلف أنواع الموبايلات وإمكانياتها ومميزاتها وعيوبها وكمان أسعارها وتقدر تقارن بين أسعار الموبايلات من عليه.

١- موبايل Moto Z

المميزات

• شاشة الموبايل بتيجي بحجم ٥٫٥ بوصة، ودقة وضوح QHD بكثافة بكسلات ١٤٤٠×٢٥٦٠ بكسل بتقنية Amoled، وكثافة بكسلات ٥٣٥ بكسل، واللي بتيجي كمان بطبقة حماية إضافية ضد الكسر والشرخ Corning Gorilla Glass 4.
• الموبايل بييجي ببروسيسور رباعي النواة من نوع Snapdragon 820 ورام بقوة ٤ جيجابايت مع ذاكرة داخلية بسعة ٣٢ جيجابايت وممكن تزوّد ميموري خارجي لغاية ٢٥٦ جيجابايت، ومعالج رسومي Adreno 530.
• كاميرا الموبايل الخلفية بدقة ١٣ ميجابكسل، وفتحة العدسة ١٫٨، ومزودة بفلاش مزدوج وكمان بتيجي بخاصية الـ IOS، وتقنية الـ Laser autofocus.
• سيلفي الموبايل مزود بفلاش.
• الموبايل بييجي ببصمة إصبع، وبيدعم تشغيل راديو FM، وبيدعم تقنية الجيروسكوب والـ NFC.
• بطارية الموبايل بتدعم تقنية الشحن السريع.
• الموبايل بيقبل تركيب وتشغيل إكسسوارات ليه مميزة زي كاميرا إضافية وسماعات.

العيوب

• الموبايل مالوش مخرج خاص لسماعات الأذن وبتشترك مع مخرج شحن الموبايل.
• الموبايل مش مضاد للمياه.
• ما تقدرش تشغل على الموبايل خطين اتصال وميموري خارجي ولازم تستغنى عن واحد منهم.
• سيلفي الموبايل دقة تصويره ٥ ميجابكسل واللي تُعتبر ضعيفة مقارنةً بإمكانيات الموبايل والموبايلات المنافسة ليه.
• بطارية بسعة قليلة شوية ٢٧٠٠ مللي أمبير.

تجربة المُستخدم

• شاشة الموبايل من عوامل قوته وتميزه وهتعرض عليها صورك المميزة وأفلامك المفضلة وهتستمتع بيها بشكل ممتاز.
• حجم الموبايل خفيف وتصميمه نحيف جدًا ودي ميزة كويسة، لكنها برضه نقطة ضعف لإن الموبايل ممكن يقع من إيدك وانت بتستخدمه بسبب نحافته وتصميمه الأملس.
• للأسف بصمة الموبايل مش بتحمي غير الموبايل بس وما تقدرش تحمي من خلالها صورك الخاصة أو برامج التواصل الاجتماعي.
• كاميرا الموبايل أداءها مرضي تمامًا في التصوير النهاري وهتلاقي صورك أفضل من الكاميرات المنافسة واللي بتكون بنفس الدقة ١٣ ميجابكسل، لكن في التصوير الليلي هتلاحظ Noice في معظم اللقطات.
• برنامج كاميرا الموبايل مش سهل التعامل معاه وهتاخد وقت لغاية ما تتعود عليه.
• أسوأ ما في الكاميرا هو البروز الواضح واللي من السهل إنه يخدش الكاميرا لو ما أخدتش بالك وانت بتشيل الموبايل على أي سطح مش مستوي، وموتو وفرت جراب خلفي لحماية كاميرا الموبايل الخلفية.
• سيلفي الموبايل أفضل ما فيه الفلاش الأمامي ومش هتواجه صعوبة في التصوير حتى في ظروف الإضاءة الضعيفة ووجوده هيعلي شوية من جودة الصور لكن مش بالوجه المُرضي.
• أداء الموبايل متميز في فتح أكتر من برنامج في نفس الوقت، ولو كنت من هواة الألعاب فالموبايل اختيار مناسب ليك.
• زوّدت موتو واجهتها بخيارات جميلة وجديدة شوية للمُستخدم، فمثلًا تقدر عن طريق هز الموبايل مرتين تشغل الفلاش، وعن طريق قلب الموبايل مرتين تفتح الكاميرا الأساسية.
• عن طريق وحدة البروجيكتور الخاصة بالموبايل تقدر تحوّل موبايلك لجهاز عرض ممكن يعرض أي فيلم أو صور على موبايلك بمساحة كبيرة بتوصل لـ ٧٠ بوصة، وبتتميز كمان بصغر حجمها فممكن جدًا تخليها معاك في جيبك ومش هتاخد حجم كبير.
• بطارية الموبايل أداءها مش بالقوة المطلوبة وللأسف مش هتسعفك مع الاستخدام المكثف وهتكمل معاك لغاية واحد واحد مع الاستعمال المتوسط، لكنها بتتميز بقدرتها على الشحن السريع واللي بيوصل لـ ٣٠٪ في ربع ساعة تقريبًا وده وقت كويس.

شوف موبايل Moto Z من هنا.

٢- موبايل Samsung Galaxy S6

المميزات

• شاشة الموبايل بتيجي بحجم ٥٫١ بوصة، ودقة وضوح QHD بكثافة بكسلات ١٤٤٠×٢٥٦٠ بكسل بتقنية Amoled، وكثافة بكسلات ٥٧٧ بكسل، واللي بتيجي كمان بطبقة حماية إضافية ضد الكسر والشرخ Corning Gorilla Glass 4، والطبقة دي بتحمي كمان ضهر الموبايل.
• الموبايل بييجي ببروسيسور ثماني النواة من نوع Exynos 7420 Octa ورام بقوة ٣ جيجابايت، وميموري داخلي بسعات ١٢٨/٦٤/٣٢ جيجابايت ومعالج رسومي Mali-T760MP8.
• كاميرا الموبايل الخلفية بقوة ١٦ ميجابكسل بفتحة عدسة ١٫٩.
• بطارية بتدعم الشحن السريع واللاسلكي، وبيتميز كمان بوجود قارئ بصمة، ودعمه للجيروسكوب، وفيه ميكروفون إضافي مانع للضجيج.

العيوب

• الموبايل مش بيدعم غير تشغيل شريحة واحدة بس.
• سيلفي الموبايل دقته قليلة واللي بتكون بدقة ٥ ميجابكسل، ومش بتوازي لسعر الموبايل ولا الموبايلات المنافسة ليه.
• الموبايل مش مقاوم للمياه.
• ما تقدرش تضيف للموبايل ميموري خارجي، ومش بيدعم تشغيل راديو FM.
• لو كفاءة البطارية قلت ما تقدرش تغيرها بنفسك ولازم تروح بيها مركز صيانة سامسونج.

تجربة المُستخدم

• شاشة الموبايل من عوامل قوته وتميزه وهتعرض عليها صورك المميزة وأفلامك المفضلة وهتستمتع بيها بشكل ممتاز.
• زجاج الموبايل بيلتقط بصمات الأصابع بسرعة كبيرة وده بيقلل من شكله الجمالي مع الاستعمال المطول.
• لازم تخلي بالك وانت بتشيل الموبايل على أي جسم معدني لإن الكاميرا ممكن جدًا تتخدش لإنها بارزة عن الجسم الخلفي للموبايل.
• أداء الموبايل مريح في فتح أكتر من برنامج في نفس الوقت، ومش هتحس بأي تقل مع تحميل وفتح أكتر من برنامج في نفس الوقت.
• للأسف الموبايل بيسخن بشكل واضح مع الاستخدام المطول ليه، ومع تشغيل ألعاب بجرافيك عالي.
• أداء كاميرا الموبايل مميز حتى في الإضاءة الضعيفة، لكن الكاميرا السيلفي أداءها مش بالشكل المطلوب ودقة صورها مش مقبولة في الإضاءة الضعيفة خالص.
• أداء البطارية ضعيف وللأسف هتخلص منك بسرعة ولو انت من أصحاب الشغل المطوّل ممكن تكفي معاك ليوم كامل بالعافية، لكن تقنية الشحن السريع ليها بتوفر ليك أربع ساعات شغل بعد شحنها عشر دقايق بس.

شوف موبايل Samsung S6 من هنا.

٣- موبايل LG G6

المميزات

• شاشة الموبايل بتيجي بحجم ٥٫٧ بوصة، ودقة وضوح QHD بكثافة بكسلات ١٤٤٠×٢٥٦٠ بكسل بتقنية Amoled، وكثافة بكسلات ٥٦٤ بكسل، واللي بتيجي كمان بطبقة حماية إضافية ضد الكسر والشرخ Corning Gorilla Glass 3.
• رامات بحجم ٤ جيجابايت وميموري داخلي ٦٤ جيجابايت وممكن تضيف ميموري لغاية ٢٥٦ جيجابايت.
• كاميرا الموبايل مزدوجة بدقة ١٣ ميجابكسل وفتحة عدسة F 1.8 واحدة منهم مزودة بتقنية الـ OIS والتانية لأ ومزودة بفلاش مزودج وتقنية الليزر.
• الموبايل فيه ميكروفون إضافي مانع للضجيج، وراديو FM وبيدعم تقنية الـ NFC والجيروسكوب.
• الموبايل مزود ببصمة الإصبع، وفيه كاميرا مزدوجة لصور مميزة جدًا.
• بطارية الموبايل بتدعم تقنية الشحن السريع.
• الموبايل مقاوم للمياه والأتربة.

العيوب

• بطارية الموبايل مش بتدعم تقنية الشحن اللاسلكي.
• ما تقدرش تشغل خطين اتصال وميموري خارجي في نفس الوقت ولازم تستغنى عن واحد منهم.
• معالج الموبايل مش الأقوى ولا الأحدث في السوق، ونفس الكلام بخصوص طبقة الحماية خصوصًا إنها من الجيل الثالث مش الخامس.
• وزن الموبايل تقيل شوية (١٦٣ جرام).
• كاميرا سيلفي بدقة قليلة جدًا (٥ ميجابكسل).

تجربة المُستخدم

• شاشة الموبايل من عوامل قوته وتميزه وهتعرض عليها صورك المميزة وأفلامك المفضلة وهتستمتع بيها بشكل ممتاز.
• مُستخدم الموبايل مش هيقدر يتعامل ولا يوصل لكل أجزاء الشاشة بإيد واحدة وهيحتاج يستعمل إيديه الاتنين وخصوصًا عند الوصول لإشعارات الموبايل.
• واجهة إل جي بتسمح للمُستخدم بإضافة فلتر بيحمي العين من القراءة لساعات طويلة.
• أداء الموبايل مميز في الاستخدام اليومي من تصفح إنترنت وتصوير وفتح أكتر من برنامج في نفس الوقت، ولو كنت من عشاق الألعاب فالموبايل اختيار مقبول ليك، لكن لو حبيت تحمل عليه ألعاب بحجم كبير هتلاحظ تسقيط بعض فريمات من اللعبة لكن مش دايمًا، وهتلاحظ كمان سخونة بسيطة للموبايل.
• كاميرا الموبايل بتقدم أداء كويس قوي في ظروف الإضاءة العادية وحتى في الإضاءة الضعيفة وفيها أكتر من وضع تصوير مميزين وسهل التعامل والوصول ليهم، وتقدر عن طريق برنامج التصوير إنك تلقط صورك الخاصة وتعرضها على الشاشة وقت التقاط صور تانية، وكمان بتصور فيديو بتقنية الـ 4K.
• سيلفي الموبايل بيقدم تجربة مش مرضية للمُستخدم وده بسبب قلة بكسلات الكاميرا الأمامية (٥ ميجابكسل) وصورك مش هتكون ممتعة وهتلاحظ إنها عادية.
• رغم إن الموبايل مقاوم للمياه لكن المُستخدم هيلاحظ إن صوته عالي وأعلى من موديلات منافسة ليه مقاومة للمياه.
• بسبب حجم الشاشة الكبير شوية وطريقة عرض الصور عليها واللي بتكون ٩:١٨ فهتلاحظ إن فيه مجموعة كبيرة من البرامج مش بتتعرض على الموبايل بشكل واضح كفاية وهتلاقي حدود سودا في جوانب الشاشة وقت تشغيل البرامج أو الألعاب.
• مع إن سيلفي الموبايل مش الأقوى في السوق لكنه بيسمح ليك بتصوير سيلفي مهما كان العدد كبير بفضل عدسة الكاميرا الواسعة واللي هتسهل عليك التصوير لكن ما تقدرش تاخد بيها صور كويسة في الإضاءة الضعيفة بسبب غياب الفلاش.
• بطارية الموبايل بتدي للمُستخدم شحن الموبايل شحنة كاملة في أقل من ١٠٠ دقيقة بس.

شوف موبايل LG G6 من هنا.

٤- موبايل HTC 10

المميزات

• شاشة الموبايل بتيجي بحجم ٥٫٢ بوصة، ودقة وضوح QHD بكثافة بكسلات ١٤٤٠×٢٥٦٠ بكسل بتقنية Amoled، وكثافة بكسلات ٥٦٥ بكسل، واللي بتيجي كمان بطبقة حماية إضافية ضد الكسر والشرخ Corning Gorilla Glass 3.
• الموبايل بييجي برام بقوة ٤ جيجابايت مع بروسيسور رباعي النواة Qualcomm Snapdragon 820 ومعالج رسومي Adreno 530، وبييجي بميموري داخلي بسعتين ٣٢ و٦٤ جيجابايت وممكن تضيف ليه ميموري خارجي لغاية ٢٥٦ جيجا بايت.
• الموبايل بييجي بميموري داخلي بسعة ٣٢ و٦٤ جيجابايت وممكن تضيف ليه ميموري خارجي لغاية ٢٥٦ جيجابايت.
• كاميرا الموبايل بتيجي بدقة ١٢ ميجابكسل، وفتحة عدسة F 1.8.
• الموبايل بيدعم تشغيل شبكات الاتصال للجيل الرابع 4G، وتقنية الجيروسكوب والـ NFC، وكمان مزود ببصمة إصبع.
• بطارية الموبايل بتدعم تقنية الشحن السريع.

العيوب

• الموبايل مش مقاوم للمياه.
• الموبايل مش مزود براديو FM، ولا الـ IR وما تقدرش تشغل عليه شريحتين اتصال وميموري خارجي في نفس الوقت ولازم تستغنى عن واحد منهم.

تجربة المُستخدم

• شاشة الموبايل من عوامل قوته وتميزه وهتعرض عليها صورك المميزة وأفلامك المفضلة وهتستمتع بيها بشكل ممتاز.
• أداء الموبايل مريح في التعامل البرامج المختلفة، لكن مع الاستخدام المطول هتلاحظ وجود سخونة بسيطة.
• للأسف واجهة الموبايل مش بتدعم تشغيل وعرض أكتر من برنامج على الشاشة والانتقال بينهم بشكل سلس.
• رغم إن الشركة زودت واجهة الموبايل بمميزات جميلة زي قفل الشاشة بنقرتين، وسحب الشاشة مرتين علشان تفتح لكن أحيانًا بيكون فيه تهنيج ومش بيستجيب.
• كاميرا الموبايل بتكون بارزة شوية ودي ممكن تسبب مشكلة للمُستخدم بسبب خدش الكاميرا لو ما أخدش باله منها.
• أداء الكاميرا مميز وصور الموبايل منورة، لكن في الإضاءة الضعيفة بيظهر Noice بسيط.
• سيلفي الموبايل مميز، ولو كنت من الناس اللي مش بتعرف تظبك السيلفي بسبب هزة إيدك فالموبايل هيظهر صورك بشكل جميل بسبب وجود تقنية الـ IOS.
• صوت سماعات الموبايل عالي وواضح ومن الصعب كتمه رغم إنها أسفل شاشة الموبايل.
• أداء بصمة الموبايل سلس وسريع، وممكن تستخدمها في حماية وتأمين أكتر من برنامج عندك.
• أداء بطارية الموبايل مرضي بنسبة كبيرة وبتدعم تقنية الشحن السريع واللي بتشحن موبايلك خلال نص ساعة لـ ٥٠٪ تقريبًا.

شوف موبايل HTC 10  من هنا.

٥- موبايل Huawei P10 PLUS

المميزات

• شاشة الموبايل بتيجي بحجم ٥٫٥ بوصة، ودقة وضوح QHD بكثافة بكسلات ١٤٤٠×٢٥٦٠ بكسل بتقنية Amoled، وكثافة بكسلات ٥٤٠ بكسل، واللي بتيجي كمان بطبقة حماية إضافية ضد الكسر والشرخ Corning Gorilla Glass 5.
• الموبايل كله مزوّد بنفس طبقة حماية الشاشة من الكسر Corning Gorilla Glass 5.
• الموبايل بييجي برام بقوة ٦/٤ جيجا بايت مع بروسيسور ثماني النواة HiSilicon Kirin 960 ومعالج رسومي Mali-G71 MP8، وبييجي بميموري داخلي بسعتين ٦٤ و١٢٨ جيجابايت وممكن تضيف ليه ميموري خارجي لغاية ٢٥٦ جيجا بايت.
• الموبايل مزود بكاميرتين خلفيتين واحدة منهم بقوة ٢٠ ميجابكسل والتانية بقوة ١٢ ميجابكسل، وفلاش LED، وفتحة عدسة ٨، وسيلفي بقوة ٨ ميجابكسل بفتحة عدسة F1.9.
• بطارية الموبايل بتدعم تقنية الشحن السريع، بفضل مدخل الشحن Type-C.
• الموبايل مزود ببصمة إصبع، وبيدعم توصيل الجيروسكوب، الـ IR، الـ OTG وكمان ميكروفون إضافي مانع للضجيج.

العيوب

• ما تقدرش تشغل على الموبايل شريحيتن اتصال وميموري خارجي في نفس الوقت.
• الموبايل مش بيدعم تشغيل راديو FM.
• للأسف الموبايل مش مضاد للمياه.
• بطارية الموبايل مش بتدعم تقنية الشحن اللاسلكي.

تجربة المُستخدم

• شاشة الموبايل من عوامل قوته وتميزه وهتعرض عليها صورك المميزة وأفلامك المفضلة وهتستمتع بيها بشكل ممتاز.
• أطراف الموبايل وحوافه عريضة شوية وده مدي الموبايل شكل أكبر وضخم شوية، لكن ده مش بيقلل من جماله.
• زرار الباور ملون باللون الأحمر لسهولة التفرقة والتمييز بينه وبين زراير التحكم في الصوت.
• رغم إن شاشة الموبايل مزودة بطبقة حماية إضافية لكن هواوي زودت الشاشة بطبقة حماية إضافية ضد الكسر يعني حماية قصوى.
• كاميرا الموبايل بتاخد صور أبيض واسود، والتانية ١٢ ميجا بتاخد الصور بالألوان وتعملهم دمج فتطلع الصورة بقوة ٢٠ ميجابكسل مشبعة بالتفاصيل، والإضاءة المنخفضة صور الموبايل فيها واضحة.
• كاميرا الموبايل بتديلك قدرة تقريبة لغاية ٣ مرات من غير ما تفقد الصور تفاصيلها أو تبكسل.
• بصمة الموبايل مكانها جديد المرة دي وموجود تحت شاشة الموبايل، وتقدر من خلاله تشغل الهوم وتتنقل جوه الموبايل براحتك، وكمان تقدر تتحكم في فتح التطبيقات الموجودة بخلفية الموبايل وكمان تفتح مشغل جوجل، وميزة حلوة للمُستخدم وهي إن التاتش بتاعه 3D وعن طريق إحساسه بقوة اللمسة بيحدد إنت عاوز منه إيه.
• أداء الموبايل في البرامج والتطبيقات خفيف، ولو كنت من عشاق الألعاب فالموبايل اختيار ممتاز ومش هتحس بأي تقل في اللعبة ولا أي سخونة.
• تقدر تنسخ أكتر من برنامج تواصل اجتماعي على الموايل وتشغلهم مع بعض.
• بطارية الموبايل مش الأفضل ومش بتوازي مزيا وإمكانيات الموبايل خالص.

شوف موبايل Huawei P10 PLUS من هنا.

٦- موبايل Sony Xperia Z5 Premium

المميزات

• شاشة الموبايل بتيجي بحجم ٥٫٥ بوصة، ودقة وضوح QHD بكثافة بكسلات ١٤٤٠×٢٥٦٠ بكسل بتقنية Amoled، وكثافة بكسلات ٨٠٦ بكسل، وبتيجي بطبقة حماية إضافية ضد الشروخ.
• الموبايل ده دقته أعلى من الـ QHD وتعتبر 4k.
• الموبايل بييجي برام بقوة ٣ جيجابايت مع بروسيسور ثماني النواة Qualcomm MSM8994 Snapdragon 810 ومعالج رسومي Mali-G71 MP8، وبييجي بميموري داخلي بسعة ٣٢ جيجابايت وممكن تضيف ليه ميموري خارجي لغاية ٢٥٦ جيجا بايت.
• الموبايل مقاوم للمياه والأتربة وبييجي ببصمة إصبع وبيدعم تشغيل راديو FM، وبيدعم كمان تقنية الجيروسكوب، والـ OTG.
• كاميرا الموبايل الخلفية دقتها قوية ٢٣ ميجابكسل ومعاها فلاش LED.
• الموبايل مزود بميكروفون إضافي مانع للضجيج.

العيوب

• شاشة الموبايل مش مزودة بطبقة حماية مميزة ضد الكسر.
• سيلفي الموبايل دقته ضعيفة مقارنة بالموبايلات المنافسة.
• الموبايل مش بيدعم تقنية الـ IR.

تجربة المُستخدم

• شاشة الموبايل من عوامل قوته وتميزه وهتعرض عليها صورك المميزة وأفلامك المفضلة وهتستمتع بيها بشكل ممتاز.
• رغم كده فهنلاحظ إن سطوع الشاشة في أشعة الشمس المباشرة ضعيفة شوية، وهتحتاج تعلي ألوان الشاشة علشان تشوف محتويات الشاشة بشكل مش متعب ليك.
• مكان بصمة الموبايل مع زرار الباور، لكن للأسف البصمة مش بتتيح غير حماية الموبايل بس، وما تقدرش تحمي من خلالها صورك الخاصة.
• أداء الموبايل في المجمل مرضي لغالبية المُستخدمين، فمن فتح أكتر من تطبيق وممارسة الألعاب لغاية التقيلة الموبايل بيصمد معاك، ورغم إن سوني حاولت تخفف من سخونة الموبايل لكنها ما نجحتش قوي في الموضوع ده وتفضل سخونة الموبايل نقطة ضعف ليه خصوصًا إنه بتأثر على عمر البطارية.
• كاميرا الموبايل ممتازة في ظروف الإضاءة النهارية، ووضع البانورما فيها مميز، لكن في الإضاءة الخافة فشلت سوني في التغلب على مشكلة الـ Noise.
• سيلفي الموبايل نقطة سلبية كبيرة للمُستخدم ومش هيستمتع بصوره السيلفي بدرجة كبيرة وده كمان بسبب حجم عدسة الكاميرا f 2.4، وأداءها يؤدي الغرض مش أكتر.
• بطارية الموبايل عمرها طويل وبتكفي لغاية يوم كامل من الاستعمال الشاق، وبتدعم تقنية الشحن السريع واللي بيشحن ٦٠٪ من البطارية في نص ساعة تقريبًا.

شوف موبايل Sony Xperia Z5 Premium من هنا.

٧- موبايل Samsung S7 Edge

المميزات

• شاشة الموبايل بتيجي بحجم ٥٫٥ بوصة، ودقة وضوح QHD بكثافة بكسلات ١٤٤٠×٢٥٦٠ بكسل بتقنية Amoled، وكثافة بكسلات ٥٣٤ بكسل، واللي بتيجي كمان بطبقة حماية إضافية ضد الكسر والشرخ Corning Gorilla Glass 4.
• الموبايل بييجي ببروسيسور ثماني النواة Samsung Exynos 8890 مع رام بحجم ٤ جيجابايت ومعالج رسومي T880 Mali، وبييجي بميموري داخلي بحجم ٣٢ جيجابايت وممكن تضيف له ميموري خارجي بسعة توصل لـ ٢٥٦ جيجابايت.
• الموبايل بيدعم تقنية الـ OTG، الجيروسكوب، الـ NFC وكمان مقاوم للمياه والأتربة.
• كاميرا بدقة وضوح ١٢ ميجابكسل بفتحة عدسة ٧ بحجم بكسل ١٫٤ ميكرون، ومزودة بفلاش خلفي LED.
• بطارية بسعة كبيرة ٣٦٠٠ مللي أمبير، وبتدعم تقنية الشحن السريع.

العيوب

• سيلفي الموبايل دقته ضعيفة ٥ ميجابكسل، ومش مزود بفلاش.
• الموبايل مش بيدعم تشغيل راديو FM.
• بطارية الموبايل مدمجة.

تجربة المُستخدم

• شاشة الموبايل من عوامل قوته وتميزه وهتعرض عليها صورك المميزة وأفلامك المفضلة وهتستمتع بيها بشكل ممتاز.
• شكل الموبايل وتصميمه أنيق، وبيدي مظهر جمالي وانتب تستخدمه بإيدك ولإن حجمه مناسب فتقدر تستعمله لوقت طويل بإيد واحدة ومش هتحس بأي تعب.
• لإن الموبايل مقاوم للمياه فهنلاحظ إن جودة الصوت اللي خارج منه نقي لكنه مش عالي كفاية.
• أداء الموبايل مريح جدًا في تحميل وتشغيل البرامج والتطبيقات المختلفة، ولو كنت من هواة الألعاب فالموبايل بيدي أداء سلس وسريع وهتستمتع بممارسة ألعابك المفضلة وبجرافيك عالي لكن هتلاحظ بطء بسيط في بعض الفريمات واللي مش هتأثر على استمتاعك باللعبة.
• الموبايل فيه خاصية دايمًا نشط ودي بتوفر الطاقة لإنها بتظهر الوقت والتاريخ على الشاشة طول الوقت، لكن للأسف الخاصية دي ما تقدرش من خلالها تعرف إشعارات تانية زي الفيسبوك والميل بتاعك.
• كاميرا الموبايل من أهم نقاط قوته واللي هتخلي المُستخدم يستمتع بالتصوير من خلالها وفي ظروف الإضاءة المختلفة وبتوفر وضع التصوير Select Focus واللي بيوفر للمصور إنه يركز في صورته على جسم معين ويعزل الخلفية اللي وراه.
• سيلفي الموبايل كان من الأفضل يكون بدقة أعلى من ٥ ميجابكسل، ورغم كده فصوره مرضية وإن كانت مش الأفضل وسط المنافسين.
• الموبايل مش بيصدر منه سخونة تقريبًا إلا وقت تشغيل نضارة الجيروسكوب عليه.
• أداء مميز من البطارية واللي بتكفيك لغاية يوم كامل من الاستعمال الشاق، وتقدر تشحنها في ساعة ونص بس شحنة كاملة.
• البطارية بتوفر أكتر من وضع للحفاظ على الطاقة، منها العادي والشاق وده بيحوّلك الشاشة للونين الأبيض والإسود وبيسمح بإجراء وظايف محدودة زي الاتصال والرسايل القصيرة بس.

شوف موبايل Samsung S7 Edge من هنا.

دي مش كل الموبايلات اللي شاشاتها مميزة، فيه كمان موبايل LG G5، وموبايل Samsung S8 Edge واللي ممكن تعرف عنهم أكتر من خلال ياقوطة.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.