كتب: محمد عبد الرحمن

كتير مننا قبل ما بيشتري موبايل بيدوّر ويشوف مين اشتراه ورأيه إيه فيه، وكل ما يلاقي ناس كتير دوّرت على الموبايل واشترته بيطمّن أكتر إنه هيدفع فلوسه في موبايل إمكانياته ومميزاته كتيرة.

النهارده في ياقوطة جبنالكم مجموعة من أكتر الموبايلات شعبية وشهرة، واللي الناس دوّرت عليها أكتر من غيرها، وهنعرض عليكم في المقال ده مميزات وعيوب كل موبايل. تقدروا كمان تعرفوا أفضل سعر ليه ولو عجبكم موبايل منهم تقدروا تطلبوه من خلالنا وهيكون عندكم في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*ممكن تشوف مواصفات الموبايلات بالتفصيل على mobihub من هنا.

موقع mobihub هو موقع مصري بيعرض عليك تشكيلة كبيرة من الموبايلات لأكبر وأشهر الشركات في مصر والعالم وتقدر تعرف من خلاله مختلف أنواع الموبايلات وإمكانياتها ومميزاتها وعيوبها وكمان أسعارها وتقدر تقارن بين أسعار الموبايلات من عليه.

موبايل Lenovo k6 Note

المزايا

• شاشة بحجم ٥٫٥ بوصة بكثافة بكسلات ٤٠١ بكسل.
• رام الموبايل ٤ جيجا، وذاكرة داخلية بسعة ٣٢ جيجا بايت، مع بروسيسور ثماني النواة Snapdragon 430.
• كاميرا الموبايل الخلفية بتيجي بقوة ١٦ ميجابكسل وبتصور بدقة وضوح للصورة ٢١٦٠ بكسل، والأمامية بدقة ٨ ميجابكسل.
• الموبايل مزود ببصمة الإصبع.
• سعة بطارية ضخمة ٤٠٠٠ مللي أمبير.
• الموبايل بيدعم تشغيل راديو FM، ومزود بميكروفون إضافي مانع للضجيج.
• الموبايل بيدعم تشغيل خطين اتصال وكارت ميموري.

العيوب

• شاشة الموبايل مش مزودة بطبقة حماية إضافية ضد الكسر.
• ما تقدرش تستعمل شريحتين الاتصال وكارت الميموري في نفس الوقت ولازم تستغنى عن واحد منهم.
• الموبايل مش بيدعم تقنية الشحن السريع، ولا الـ NFC.
• بطارية الموبايل غير قابلة للإزالة.

تجربة المستخدم

• تصميم الموبايل من المعدن وده بيديله شكل جميل جدًا خصوصًا في أشعة الشمس.
• حجم الشاشة مميز في التصفح على الإنترنت ومريح لو كنت من هواة القراءة وتحميل الكتب بصيغة PDF، خصوصًا إن زوايا الرؤية والوضوح مميزة تحت أشعة الشمس.
• فيه مشكلة ملحوظة لشاشة الموبايل عند تشغيل فيديوهات من على موقع اليوتيوب بتلاحظ إن الشاشة فيها خطوط سودة بسيطة بتظهر وتختفي، هي مش بتأثر على متعة المشاهدة لكن ده عيب ظهر في مجموعة كبيرة من الموبايلات.
• بسبب سُمك الموبايل (٨٫٥ ملم) هتقابل صعوبة في مسك الموبايل والوصول لكل أجزاءه بإيد واحدة وأحيانًا هتحتاح تستعمل إيديك الاتنين.
• الموبايل أداءه مميز في المهمات المعتادة زي الرسايل والمكالمات وتقدر تتنقل بين أكتر من تطبيق في نفس الوقت، وأداءه كويس مع الألعاب المتوسطة لكن مشكلته هي السخونة الزيادة واللي مش بتظهر إلا بعد استعماله بفترة.
• صوت السماعات الخارجية للموبايل مش عالي وسماعه هيحتاج تركيز لو كنت في مكان زحمة، لكن سماعة إجراء المكالمات صوتها نقي وواضح جدًا.
• الكاميرا بتقدم مجموعة مختلفة من أوضاع التصوير وصورها بالفلاش واضحة ومليانة تفاصيل ولكن فيها Noise بشكل بسيط.
• كاميرا الموبايل السيلفي أداءها مقبول في الإضاءة الخارجية والقوية لكن لو الإضاءة قلت صورها هتكون مش مميزة قوي وهتلاحظ بهتان في الألوان وخصوصًا إن الكاميرا السيلفي مش مزودة بفلاش.
• الموبايل بييجي بنسخة أندرويد مارشميلو بواجهة من لينوفو واللي زودت للمستخدم زرار صغير على الشاشة تقدر منه توصل للبرامج والتطبيقات اللي بتحتاجها دايمًا ودي ميزة مهمة كان كتير من المستخدمين بيضطروا ينزلوا ليها برامج مختلفة من البلاي ستور.
• بصمة الموبايل أداءها مميز وتقدر من خلالها تأمن صورك الخاصة ورسايلك المهمة.
• أداء البطارية مش موازي لسعتها الداخلية خالص وبتقعد يوم ونص من الاستعمال المتوسط.

شوف موبايل Lenovo k6 Note من هنا.

موبايل Huawei p9 lite

المزايا

• شاشة بدقة وضوح FHD بحجم بكسلات ١٩٢٠×١٠٨٠.
• رام الموبايل ٣ جيجا وميموري داخلي بسعة ١٦ جيجابايت وممكن تزود ميموري لغاية ٢٥٦ جيجابايت.
• كاميرا خلفية بدقة ١٣ ميجابكسل وفلاش أحادي LED، وكاميرا سيلفي ٨ ميجابكسل.
• الموبايل فيه تقنية البصمة، وتقنية الـ NFC، وميكروفون إضافي مانع للضجيج.
• الموبايل بيدعم تشغيل شريحتين اتصال منهم واحدة 4G.
• بطارية قوية بسعة ٣٠٠٠ مللي أمبير.

العيوب

• شاشة الموبايل مش موجود عليها طبقة حماية إضافية ضد الكسر.
• الموبايل مش بيدعم تقنية الجيروسكوب ولا الـ OTG.
• ما تقدرش تشغل خطين اتصال وكارت ميموري في نفس الوقت.
• الموبايل مش بيدعم تقنية الشحن السريع، وما تقدرش تغير البطارية بنفسك.

تجربة المستخدم

• تصميم الموبايل من البلاستيك وده بيخلي وزنه خفيف، ومع ذلك هنلاحظ إن جوانب الموبايل من المعدن علشان تحميه من أي صدمات.
• هواوي زودت الموبايل بطبقة حماية إضافية لحمايته لكنها من البلاستيك مش الزجاج، وهنلاقي كمان معاه كوفر خلفي يحمي الموبايل من الوقوع الغير مقصود.
• كاميرا الموبايل مش قوية في التصوير، واللي تعتبر أقل كاميرا موبايل من هواوي بـ ١٣ ميجابكسل، هنلاقي صورها في الإضاءة القوية عادية ومش مبهرة لكن في الإضاءة الضعيفة الصور هيكون فيها تفاصيل كتير مش واضحة.
• سيلفي الموبايل مميز وصوره حلوة والألوان قريبة من الألوان الطبيعية لكن مش مزود بفلاش فمش هتقدر تصور بالليل.
• أداء الموبايل مقبول برامات ٣ جيجا وبروسيسور ثماني النواة، مع المهام اليومية وتشغيل وفتح أكتر من برنامج في نفس الوقت وكمان مع الألعاب الضعيفة لكن لو حبيت تنزل عليه ألعاب تقيلة أو متوسطة لكن الجرافيك بتاعها عالي أداء الموبايل هيكون بطيء شوية وده بسبب ضعف معالج الرسوميات، لكنه في المجمل مش بيسخن سخونة ملحوظة.
• الشيء اللي مش هيكون مريح للمستخدم هو المساحة المتبقية من الميموري الداخلي رغم إنها ١٦ جيجابايت، لكن المتاح منها للمستخدم ٦ جيجابايت تقريبًا ودي سعة قليلة ومش هتستحمل برامج وألعاب كتير، ومع إن فيه إمكانية إضافة ميموري خارجي لكن فيه برامج مش بتتنقل عليها.
• أداء البصمة حلو قوي من هواوي وسريع في الاستجابة وتقدر تحمي من خلاله صورك الخاصة وتقدر تتحكم منه في الانتقال بين الصور وترد من خلاله على المكالمات.
• دقة ووضح الشاشة حلوة تحت أشعة الشمس المباشرة.
• البطارية بتتشحن في ٣ ساعات وده معدل طويل شوية وبياخد وقت.

شوف موبايل Huawei p9 lite من هنا.

موبايل Infinix Hot 4 Pro

المزايا

• شاشة بحجم ٥٫٥ بوصة بحجم بكسلات ١٢٨٠×٧٢٠.
• الموبايل بيدعم تقنية بصمة الإصبع، وراديو FM وميكرفون إضافي مانع للضجيج.
• رام الموبايل ٢ جيجا و١٦ جيجابايت ميموري داخلي وممكن تضيف له ميموري خارجي لغاية ٣٢ جيجابايت.
• الموبايل بيدعم تقنية الجيروسكوب والـ OTG.
• بطارية بسعة كبيرة ٤٠٠٠ مللي أمبير.

العيوب

• شاشة الموبايل مش مزودة بطبقة حماية إضافية ضد الكسر.
• الموبايل مش يدعم تقنية الجيل الرابع للاتصال 4G.
• دقة الكاميرا الخلفية ٨ ميجابكسل والكاميرا الأمامية ٥ ميجابكسل بس واللي تُعتبر ضعيفة.
• الموبايل مفيهوش لمبة إشعارات LED.
• ممكن تضيف ميموري خارجي بسعة ٣٢ جيجابايت بس ودي سعة ضعيفة جدًا.
• بروسيسور الموبايل رباعي النواة.

تجربة المستخدم

• وزن الموبايل تقيل شوية لكن هنلاحظ وجود نقشات وخربشات بسيطة في الجسم الخلفي للموبايل علشان التحكم فيه يكون سهل وما يقعش منك.
• شاشة الموبايل وزوايا الرؤية والوضح معقولة تحت أشعة الشمس ومش مميزة وكمان هتحس إن الألوان باهتة شوية.
• صوت سماعات الموبايل مش هيكون مسوع بشكل واضح وده بسبب مكان السماعات اللي موجودة في أسفل الجزء الخلفي للموبايل ومن السهل كتمها.
• أداء كاميرا الموبايل مش مميز وصورها عادية جدًا ومش هتكون ممتعة ليك لو كنت غاوي تصوير كتير، أما صورها في الإضاءة الضعيفة فللأسف مش هتكون حلوة حتى مع وجود الفلاش.
• سيلفي الموبايل حلو ومش هتقابل معاه مشاكل حتى لو الإضاءة كانت ضعيفة بسبب وجود فلاش ليد.
• أداء البصمة سريع ومميز وتقدر من خلالها تحمي صورك الخاصة.
• واجهة إنفينكس فيها مزايا حلوة للمستخدم زي رسم حرف C فتقدر تفتح الكاميرا أو تنقر مرتين على الشاشة فتفتح أو تقفل.
• أداء الموبايل مش قوي ومش مميز نقدر نقول إنه بيقضي الغرض منه لمستخدم عادي ومش بيحب ينزل برامج كتير ولا ألعاب بجرافيك عالي.
• هيتبقى للمستخدم من الميموري الداخلية للموبايل ١١ جيجابايت و١ جيجا رام يتعامل معاهم في البرامج المختلفة، ودول مش هيكونوا ميزة لمستخدم غاوي برامج وألعاب كبيرة.
• أداء بطارية ممتاز وبتقعد مع المستخدم يومين من الاستعمال المتوسط والتقيل نسبيًا، وبتتشحن في ٣ ساعات وهو معدل معقول مقارنة بحجمها ٤٠٠٠ مللي أمبير.

شوف موبايل Infinix Hot 4 Pro من هنا.

موبايل Samsung J7

المزايا

• شاشة بحجم ٥٫٥ بوصة بحجم بكسلات ١٢٨٠×٧٢٠.
• معالج ثماني النواة مع ذاكرة داخلية ١٦ جيجابايت وممكن تضيفله ذاكرة خارجية لغاية ١٢٨ جيجابايت.
• الموبايل بيدعم تشغيل شريحتين اتصال وكارت ميموري في نفس الوقت.
• كاميرا خلفية بقوة ١٣ ميجابكسل وفلاش LED، وكاميرا سيلفي بقوة ٥ ميجابكسل مع فلاش.
• الموبايل بيدعم تشغيل راديو FM، تقنية الـ NFC والـ OTG.
• بطارية بسعة ٣٠٠٠ مللي أمبير، وتقدر تغيرها بنفسك لو كفاءتها قلت.

العيوب

• رام الموبايل ١٫٥ جيجا رام بس.
• شاشة الموبايل مش مزودة بطبقة حماية إضافية ضد الكسر ومفيهاش لمبة إشعارات LED.
• الموبايل مش بيدعم تقنية الاتصال للجيل الربع 4G.

تجربة المستخدم

• شاشة الموبايل بتقدم زوايا رؤية ووضح كويسة حتى في ظروف الإضاءة العالية بسبب سنسور خاص بيها بيتحكم في درجة الوضوح.
• تصميم وشكل الموبايل وأبعاده مش هتسمح ليك بالوصول لك أجزاء الشاشة بإيد واحدة وهتحتاح تستعمل إيديك الاتنين خصوصًا عند الوصول للإشعارات.
• صوت المكالمات واضح جدًا، لكن صوت السماعات الخارجية مش هيكون واضح قوي لو الموبايل كان في جيبك أو على سطح مكتب بسبب مكان السماعات الموجودة بضهر الموبايل.
• كاميرا الموبايل مميزة جدًا ودقة ووضح ألوان قريبة جدًا من الواقعية، وفي الإضاءة الضعيفة والليلية فالصور مقبولة بنسة كبيرة، بيكون فيها Noise لكنها مش بتأثر على جودة الصور.
• سيلفي الموبايل حلو وخصوصًا في الصور الليلية بسبب وجود الفلاش واللي بيظهر الأشخاص وتفاصيل الصور بشكل كويس جدًا.
• برنامج التعامل مع الكاميرا سهل جدًا والتنقل بين أوضاع التصوير المختلفة واضح لكن وضع البانوراما في الكاميرا مش مميز قوي.
• أداء الموبايل قوي حتى مع الاستعمال المطول، والتنقل بين أكتر من برنامج وممارسة الألعاب المختلفة هيكون سلس جدًا. لكن ما تقدرش تزود كم البرامج المحملة على الموبايل بسبب حجم الرام الـ ١٫٥ فمش هيتيح ليك تحميل برامج كتير مع الحفاظ على سرعة الموبايل.
• أحيانًا المستخدم هيلاحظ عدم قراية الموبايل للميموري الخارجية وبمجرد ما تقفل الموبايل وتشغله تاني المشكلة هتتحل.
• أداء بطارية مميز جدًا وهتكمل معاك لغاية يومين من الاستعمال المطول.

شوف موبايل Samsung J7 من هنا.

موبايل Nokia Lumia 540

المزايا

• شاشة بحجم مقبول ٥ بحجم بكسلات ١٢٨٠×٧٢٠، وبتدعم اللمس المتعدد.
• معالج رباعي النواة لأداء المهمات الوظيفية بسهولة وده لإن نظام التشغيل ويندوز فون مش أندرويد.
• الموبايل صوته واضح بسبب دعمه لميكروفون إضافي مانع للضجيج.
• كاميرا سيلفي بدقة ٥ ميجابكسل، وكاميرا خلفية بدقة ٨ ميجابكسل.
• بطارية الموبايل ممكن تغيرها بنفسك، وبتدعم تقنية الشحن السريع.
• ممكن تضيف للموبايل ميموري خارجي، وبيدعم تشغيل راديو FM.

العيوب

• شاشة الموبايل مش مزودة بطبقة حماية إضافية ضد الكسر.
• الموبايل مش بيصور فيديو بدقة 4k.
• مش بيدعم تقنية الاتصال للجيل الربع 4G.
• الميموري الداخلي للموبايل ٨ جيجابايت.
• الموبايل مش بيدعم تقنية بصمة الإصبع.

تجربة المستخدم

• تصميم أنيق للموبايل والتحكم والوصول للشاشة سهل بإيد واحدة، لكن مشكلة الجزء الخلفي للموبايل إنه بيجمع بصمات الأصابع بسهولة.
• زوايا الرؤية والوضوح والتعامل مع الشاشة مقبول لكن في الإضاءة المباشرة وتحت أشعة الشمس فرؤية الشاشة مش هتكون مريحة.
• الموبايل بيشغل فيديوهات بدقة ٧٢٠ بكسل بس لكن لو عندك فيديو بدقة FHD مش هيشتغل على الموبايل.
• أداء الموبايل سلس ومريح في التعامل مع البرامج اليومية المعتادة وحتى ممارسة الألعاب بيكون جميل على الموبايل لكن لو كنت من مدمني لعبة Asphalt فللأسف الموبايل مش هيقدملك تجربة ممتعة.
• الموبايل بيسخن وانت بتتكلم فيه مكالمة طويلة شوية.
• صوت أفلام ومقاطع الفيديو اللي بتسجلها بالموبايل ده صوتها مش بيكون عالي خالص.
• دقة الكاميرا السيلفي للموبايل مش حلوة وكتير بتلاقي الصور مش نقية خصوصًا لو كان فيها أكتر من واحد.
• كاميرا الموبايل الخلفية بتطلع صور معقولة ولكنها مش الأفضل وسط المنافسين.
• المستخدمين عشاق الأندرويد مش هيرتاحوا مع الموبايل ده بسبب قلة البرامج المتاحة على متجر ميكروسوفت.
• أداء بطارية مقبول وبتقدم أداء كويس لغاية يوم واحد بس.

شوف موبايل Nokia Lumia 540 من هنا.

موبايل Huawei Mate 8

المزايا

• حجم شاشة كبير ٦ بوصة وحجم بكسلات ١٩٢٠×١٠٨٠ بكسل، وكمان مزودة بطبقة حماية إضافية ضد الكسر.
• رام قوية بسعة ٤ جيجابايت مع معالج ثماني النواة وممكن تضيف له ميموري خارجي لغاية ٢٥٦ جيجابايت.
• الموبايل بيدعم تقنية بصمة الإصبع، وفيه ميكروفون إضافي مانع للضجيج وكمان بيعلي من الصوت في التصوير الفيديو.
• كاميرا بقوة ١٦ ميجابكسل وفلاش LED، وسيلفي بقوة ٨ ميجابكسل.
• بطارية قوية بسعة ٤٠٠٠ مللي أمبير وبتدعم الشحن السريع.

العيوب

• ما تقدرش تستعمل شريحتين اتصال وميموري خارجي في نفس الوقت ولازم تستغنى عن واحدة منهم.
• بطارية الموبايل ما تقدرش تغيرها بنفسك وكمان مش بتدعم الشحن اللاسلكي.
• الموبايل مش مقاوم للمياه.

تجربة المستخدم

• شكل وتصميم أنيق للموبايل مع الألومنيوم المصنوع منه، لكن حجمه بيصعب عليك التعامل معاه بإيد واحدة خصوصًا إنه من السهل وقوعه من إيدك.
• جسم الموبايل الخارجي سهل إنه يتقشر منك لو وقع وده هيقلل كتير من جماله الخارجي.
• زوايا الرؤية والوضوح مميزين في ظروف الإضاءة الداخلية لكن الخارجية وفي أشعة الشمس المباشرة الألوان بتكون مش واضحة شوية.
• أداء البصمة سريع وقوي ومكانها تحت الكاميرا الخلفية علشان سهولة الوصول ليها وممكن التحكم من خلالها في الرد على المكالمات وقفل المنبه والتحكم في تحريك والتنقل بين الصور.
• أداء الموبايل حلو في المهمات اليومية المعتادة وفتح والتنقل بين أكتر من برنامج في نفس الوقت ولو كنت غاوي ألعاب تقيلة فالموبايل هيكون اختيار ملائم ليك ومش هتحس بسخونة مع الاستعمال المطول.
• الكاميرا الخلفية أداءها مقبول جدًا لكن صورها مش واضحة في تفاصيلها وخصوصًا في الإضاءة الليلية وهتلاقي فيها تفاصيل مش واضحة خصوصًا التفاصيل اللي الفلاش مش بيكون مركز عليها، والكاميرا السيلفي في الموبايل صورها جميلة وألوانها واضحة.
• واجهة هواوي بتضيف مميزات لتسهيل التعامل مع الموبايل للمستخدم زي إنك عن طريق نقرتين تفتح الشاشة وتسجل الدخول لبرنامج معين عن طريق رسم أول حرف منه.
• تصوير الفيديو للموبايل أقصى قدرة ليه ١٠٨٠ بكسل بس ولو كنت حابب تعلي الدقة فللأسف دقة الـ 4K مش متاحة ليك.
• أداء البطارية مميز وبتكفيك لغاية يومين من الاستعمال وبتشحن شحنة كاملة في أقل من ساعتين.

شوف موبايل Huawei Mate 8  من هنا.

موبايل Huawei Gr 5 2017

المزايا

• شاشة بحجم مميز ودقة وضوح IPS وكثافة بكسلات ١٩٢٠×١٠٨٠.
• بطارية بسعة مميزة ٣٣٤٠ مللي أمبير.
• قارئ بصمة مميز وسريع.
• معالج ثماني النواة من نوع HiSilicon Kirin 655، مع رام ٣ جيجا وذاكرة داخلية بحجم ٣٢ جيجابايت.
• وجود ٢ كاميرا خلفية واحدة بقوة ١٢ ميجابكسل والتانية بقوة ٢ ميجابكسل.
• كاميرا سيلفي بقوة ٨ ميجابكسل.
• الموبايل فيه تقنية عزل الضوضاء.
• الموبايل بيدعم وبيشغل نضارات الواقع الافتراضي.

العيوب

• رغم تميز أداء البطارية لكن للأسف مش بتدعم تقنية الشحن السريع.
• الموبايل مع إنه سعره غالي لكن مفيهوش تقنية NFC.
• ما تقدرش تستعمل شريحتين اتصال وكارت ميموري ولازم تستغنى عن واحد فيهم.
• فلاش الكاميرتين الخلفيتين مش مزدوج.
• للأسف الموبايل مش بيدعم تقنية OTG.
• الموبايل مش بيدعم تقنية الشحن السريع.

تجربة المستخدم

• سطوع الشاشة مميز حتى في الإضاءة القوية.
• تصميم الموبايل جديد ومختلف وله ملمس مميز هتحس بيه وانت ماسك الموبايل، وده بفضل المنحنى البسيط على ضهر الموبايل.
• كاميرا الموبايل مميزة جدًا حتى في ظروف الإضاءة الضعيفة، وفيه أوضاع كتيرة ومميزة للكاميرا هتغنيك عن برامج الفلاتر المشهورة.
• بصمة هواوي بتقدم مزايا تانية زي تأمين صورك وملفاتك المهمة وتقدر منها تتحكم في مجموعة برامج وتطبيقات مختلفة فمثلًا لو سحبت البصمة لتحت تفتح مركز الإشعارات وممكن تقفل منها المنبه يعني مش بصمة لتامين شاشة الموبايل وبس.
• أداء كاميرا الموبايل مميز جدًا وده بسبب مزاياها الكتيرة واللي منها درجة العزل الممتازة اللي بتقدمها الكاميرا فتقدر تركز على جسم معين وتعزل الخلفية اللي وراه وتطلع صور مختلفة وجميلة.
• كاميرا الموبايل بتقدم مجموعة مختلفة وكتيرة من الفلاتر واللي بتساعد على خروج صور قريبة من تصوير المحترفين.
• الموبايل بيسملحلك باستخدام ٢٥ جيجابايت من الميموري الداخلية.
• بييجي مع الموبايل «اسكرينة» بلاستيك وضهر حماية للموبايل.
• لو كنت من مدمني القراءة على الموبايلات فيه تقنية تحويل الشاشة للون الأصفر علشان يحمي عينك من النظر للشاشة لمدة طويلة.
• أداء الجهاز مميز ومش هتلاحظ بطء أو سخونة مع الاستعمال المطول ليه.

شوف موبايل Huawei Gr 5 2017 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا فى تعليق أو من خلال صفحة Yaoota.com على فيسبوك.