كتب: خالد عاصم

بعد فترة مش قليلة من التعنت في سياساتها والاستسلام لسيطرة الشركات الصينية على الفئة الاقتصادية والمتوسطة، انتبهت Samsung لأهمية الفئة دي ولقدرتها على رفع مبيعات أي شركة تهتم بيها، وعلى الرغم من إن Samsung كانت بتنزل موبايلات في الفئتين إلا أن الموبايلات دي ماقدرتش تقف وتصمد أدام الطوفان القوي اللي قادته الموبايلات الصينية من شركات زي Xiaomi وOppo وHonor خصوصًا وإن موبايلات الشركات دي كانت بتقدر تقدم للمستهلك لمحات من الموبايلات المنتمية للفئات الأعلى وبسعر مناسب جدًا على عكس موبايلات Samsung اللي فضلت ملتزمة بتصميمات قديمة شوية بالاعتماد على مواصفات أقل من المنافسين.

بس أخيرًا انتبهت Samsung وبدأت تتحرك وبقوة من خلال تحديث فئة A اللي بقت بتمثل العنصر الأساسي في خطتها لإعادة السيطرة على الفئتين الاقتصادية والمتوسطة، ومن بين موبايلات Samsung Galaxy A الموجهة للفئة الاقتصادية، موبايل Samsung Galaxy A20 اللي بيعتبر نموذج صريح على عودة Samsung القوية لعالم الموبايلات الاقتصادية.

من خلال المقال ده هنتكلم عن موبايل Samsung Galaxy A20 وهنتعرف على مواصفاته ومن خلالها هنقدر نحدد نقاط قوته وضعفه ومميزاته وعيوبه وكمان متوسط أسعاره في المتاجر المصرية، وطبعًا لو عجبكم الموبايل هتقدروا تطلبوه من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Samsung Galaxy A20

المواصفات

• أبعاد الموبايل: ٧.٨ × ٧٤.٧ × ١٥٨.٤ مم.
• وزن الموبايل: ١٦٩ جرام.
• البناء والصناعة: جسم من البلاستيك بزجاج أمامي.
• شرائح الاتصال:  إصدار أحادي الشريحة وإصدار ثنائي الشريحة.
• شاشة الموبايل: شاشة موبايل Samsung Galaxy A20 كاملة بشق قطرة المياه قطرها ٦.٤ بوصة بمعدل ١٩:٥:٩ بتشغل حوالي ٨٥.٠ % من مساحة الموبايل الأمامية. والشاشة بتقدم دقة عرض ١٥٦٠ × ٧٢٠ بيكسل بكثافة ٢٦٨ بيكسل لكل بوصة والشاشة مصنوعة من شرائح Super AMOLED.
• أداء الموبايل: معالج Exynos 7884 ثماني النواة وسرعته ١.٦ جيجا هيرتز لشريحتين وبسرعة ١٫٣٥ لست شرايح. والموبايل بيصدر بإصدار واحد بذاكرة عشوائية سعتها ٣ جيجابايت رام وبذاكرة داخلية سعتها ٣٢ جيجابايت وممكن زيادة مساحة الموبايل التخزينية بكروت الذاكرة الخارجية لحد ٥١٢ جيجابايت.
• نظام التشغيل: الموبايل بيشتغل بنظام تشغيل أندرويد ٩ باي بواجهة مستخدم ONE UI
• الكاميرا: الموبايل الكاميرا الخلفية بتاعته ثنائية بقوة ١٣ ميجا بيكسل وفتحة مستشعر f/1.9 للعدسة الأولى العريضة وبقوة 5 ميجا بيكسل وبفتحة مستشعر f/2.2 للعجسة التانية فائقة العرض والكاميرا مدعومة بتقنية التركيز التلقائي وتقنية HDR ومدعومة بإضاءة فلاش ليد فردية وبتقدر تصور الفيديو بجودة 1080p بمعدل ٣٠ إطار في الثانية، أما الكاميرا الأمامية فعدستها بقوة ٨ ميجا بيكسل وفتحة مستشعر f/2.0.
• منفذ توصيل السماعات السلكية ٣٫٥ مم: متوفر.
• منفذ الشحن ونقل البيانات: USB Type-C.
• ماسح البصمة: خلفي.
• المستشعرات: التسارع – التقارب – الدوران – البوصلة
• البطارية: بطارية الموبايل غير قابلة للإزالة سعتها ٤٠٠٠ مللي أمبير في الساعة تدعم الشحن السريع بقوة ١٥ وات.
• ألوان الموبايل: الأسود – الأزرق – الأحمر – البرتقالي.

مميزات وعيوب Samsung Galaxy A20

مميزات Samsung Galaxy A20

• موبايل Samsung Galaxy A20 بيتميز بتصميم رائع جدًا سواء من المقدمة أو الظهر فالموبايل مايختلفش فعليًا كتير عن أي موبايل تاني من الفئات الأعلى.
• الموبايل بيعتمد على تصميم شق قطرة المياه وكما الحواف المحيطة بالشاشة قليلة جدًا وعشان كده قدر يوصل بالشاشة لاحتلال نسبة ٨٥٫٠ في الميه من مساحة الموبايل الأمامية.
• شاشة الموبايل من شرايح Super AMOLED اللي بتتميز بجودة أعلى كتير من شاشات LCD خصوصًا على مستوى الوضوح والحدة في ضوء الشمس المباشر.
• شاشة الموبايل كبيرة وبتدي مساحة رؤية ممتازة جدًا وبتخليه مثالي في الفرجة على الأفلام.
• الموبايل بيعتمد على معالج ثماني النواة ودي حاجة قليل إننا نشوفها في الفئة السعرية دي.
• الذاكرة العشوائية للموبايل مقبولة جدًا بالنسبة لسعره.
• الموبايل بيقبل كروت الميموري لحد ٥١٢ جيجابايت، كمان ليها منفذ مخصص يعني مش بتأثر على شريحة الاتصال التانية في حالة شرا الموبايل بالإصدار ثنائي الشريحة.
• الموبايل بيشتغل بنظام تشغيل اندرويد ٩ باي.
• بيعتمد الموبايل على واجهة المستخدم الأحدث من سامسونج.
• الموبايل بيتميز بكاميرا خلفية ممتازة جدًا بالنسبة لسعره سواء على مستوى اعتمادها على عدستين عريضة وبالغة العرض أو باعتماده على عدسة رئيسية بقوة ١٣ ميجا بيكسل.
• العدسة الأمامية للموبايل مقبولة جدًا.
• الموبايل فيه منفذ ٣٫٥ مم لتوصيل السماعات السلكية وسماعات الرأس.
• الموبايل فيه راديو إف إم.
• بيعتمد Samsung Galaxy A20 على منفذ USB Type-C في الشحن ونقل البيانات وده منفذ قليل جدًا توفره في الفئة الاقتصادية.
• الموبايل فيه ماسح بصمة خلفي.
• بيتضمن الموبايل مستشعر الدوران الخاص بدعم تطبيقات وألعاب وفيديوهات الواقع الافتراضي ودي كمان حاجة قليل لما نشوفها في الفئة دي.
• بطارية الموبايل ضخمة سعتها ٤٠٠٠ ميللي أمبير في الساعة.
• الموبايل بيدعم تقنية الشحن السريع بقوة ١٥ وات.

عيوب موبايل Samsung Galaxy A20

• الموبايل معمول من البلاستيك ومش محمي بأي نوع من أنواع الزجاج المقوى سواء كورنينج جوريلا جلاس أو غيره.
• شاشة الموبايل مش محمية بأي إصدار من إصدارات زجاج كورنينج جوريلا جلاس.
• شاشة الموبايل دقتها وكثافتها ضعيفة شوية.
• الموبايل بيعتمد على بروسيسور ثماني بس سرعته محدودة وكمان مش معروف معالج الرسوميات الخاص بيه فمنقدرش نحكم على أداءه.
• الذاكرة الداخلية للموبايل محدودة وغالبًا هتحتاج تجيب كارت ميموري.
• الكاميرا الخلفية مش مدعومة بتقنية التركيز التلقائي PDAF اللي بقت موجودة دلوقتي في كل الموبايلات حتى في الفئات الاقتصادية
• الكاميرا الأمامية مش مدعومة بتقنية HDR
• الموبايل مفيهوش أي تقنيات صوتية مميزة.

شوف موبايل Samsung Galaxy A20 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.