مميزات وعيوب موبايل infinix Note 4 Pro
كتب: محمد عبد الرحمن
واحدة من أهم مميزات شركة إنفينكس إنها بتحاول تواكب الشركات الكبيرة في تصميم موبايلاتها والمميزات اللي بتقدمها لمستخدميها، وفي خطوة كبيرة من الشركة أنتجت أول موبايل من الفئة المتوسطة infinix Note 4 Pro واللي بييجي بقلم Pen قريب من تصميمه ووظايفه بقلم شركة سامسونج والمستخدم في موبايلها الجديد Note 8
من خلال ياقوطة هنتعرف على أهم مواصفات ومميزات وعيوب الموبايل وهنتعرف كمان على مميزات القلم، ولو عجبك تقدر تعرف أحسن الأسعار ليه وتطلبه وهيكون عندك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
مواصفات موبايل Infinix Note 4 Pro
| الشاشة | البروسيسور | الرام | الكاميرا | الميموري | البطارية | الأندرويد |
| 5.7 | ثماني النواة | ٣ جيجا | ١٣ ميجا | ٣٢ جيجا | ٤٥٠٠ مللي أمبير | نوجا |
وممكن تشوف مواصفات الموبايلات بالتفصيل من mobihub من هنا.
موقع mobihub هو موقع مصري بيعرض عليك تشكيلة كبيرة من الموبايلات لأكبر وأشهر الشركات في مصر والعالم وتقدر تعرف من خلاله مختلف أنواع الموبايلات وإمكانياتها ومميزاتها وعيوبها وكمان أسعارها وتقدر تقارن بين أسعار الموبايلات من عليه.
وصف الموبايل
- الجهة اليمنى للموبايل هنلاقي زراير الصوت، وزرار الباور.
- الجهة الشمال للموبايل موجود فيها منفذ لشريحتين الاتصال، ومكان منفصل للميموري الخارجي.
- الجهة العليا للموبايل هنلاقي منفذ لسماعات الأذن.
- الجهة السفلية للموبايل هنلاقي ميكرفون المكالمات، ومنفذ الشحن، وسماعة الموبايل الخارجية.
- شاشة الموبايل فيها كاميرا سيلفي، وفيه زرار مدمج لبصمة الإصبع.
الشاشة
المزايا
- الموبايل بيقدم شاشة IPS بحجم ٥٫٧ بوصة، ودقة وضوح ١٢٨٠ × ١٩٢٠ بكسل، وكثافة بكسلات ٣٨٦ بكسل.
- الشاشة بتدعم اللمس المتعدد.
العيوب
- شاشة الموبايل مش مزودة بطبقة حماية إضافية ضد الكسر.
تجربة المستخدم
- دقة ألوان ووضح الشاشة وحجمها مناسبين جدًا للمستخدم وتعتبر أفضل شاشة موبايل إنفينكس لغاية النهارده.
- حجم شاشة الموبايل مش بيسهلوا على المستخدم الوصول لكل أجزاء الشاشة بإيد واحدة.
- أزرار التحكم بالموبايل على شكل نقط بسيطة وبتدي شكل جمالي للموبايل، وبتزود من مساحة الشاشة.
- رغم إن الشاشة مش مزودة بطبقة حماية لكن بتيجي مع الموبايل اسكرينة لحماية الشاشة من الشرخ.
- بييجي مع الموبايل جراب خارجي لحماية الموبايل من الصدمات واللي له دور مهم لقلم الموبايل واللي بيتشال فيه وتقدر من خلاله تشحن القلم ده عن طريق منافذ صغيرة بتسمح بشحن القلم واللي مش بتاخد من طاقة البطارية، وكمان القلم بيكمل معاك استعمال من غير شحن لمدة ٣ أيام كاملة.
الأداء
- الموبايل بييجي ببروسيسور ثماني النواة MediaTeck 6753، ورام داخلي بسعة ٣ جيجابايت، وميموري داخلي بسعة ٣٢ جيجابايت، وتقدر تشغل على الموبايل شريحتين اتصال وميموري خارجي في نفس الوقت.
- الموبايل بييجي بنسخة أندرويد نوجا وبيدعم تشغيل راديو FM وجيروسكوب، ومستشعر بصمة الإصبع، وكمان بيدعم تشغيل شبكات الجيل الرابع 4G.
- بييجي مع الموبايل قلم S Pen واللي هنتكلم بالتفصيل عن مميزاته.
العيوب
- معالج رسومي الموبايل مش الأفضل MALI-T720.
تجربة المستخدم
- أداء الموبايل مريح في التنقل والتعامل مع أكتر من برنامج والتصفح ومشاهدة الفيديوهات على اليوتيوب.
- للأسف الموبايل مش بيقدم أداء كويس مع الاستعمال الشاق لكتير من المستخدمين.
- الموبايل ورغم إنه مش خيار كويس قوي لعشاق الألعاب المختلفة لكنه بيقدم تجربة مقبولة مع معظم الألعاب الخفيفة والمتوسطة ولو حبيت تشغل عليه لعبة بجرافيك عالي فمش هتستمتع بيها بدرجة كبيرة.
- أداء بصمة الموبايل سريعة والمستخدم يقدر من خلالها يحمي برامجه المختلفة.
- سماعة الموبايل الخارجية أداءها مقبول، لكنها موجودة جهة الشمال من أسفل الموبايل فمن السهل كتمها وعدم الاستمتاع بصوت الأفلام والألعاب عند مسك الموبايل.
القلم X Pen
- قلم الموبايل أداءه مع الموبايل سريع وقوي وله مكان منفصل في الجراب المرفق، وإن كان الأفضل إنه يكون ليه مكان منفصل مع الموبايل.
- القلم تقدر تشحنه وهو في الجراب المرفق مع الموبايل عن طريق فتحات صغيرة موجودة جنب مستشعرات في الموبايل وبتتشحن من غير ما تستهلك طاقة كبيرة من البطارية.
- القلم بيكفي معاك لغاية ٣ أيام متصلة استخدام من غير إعادة شحنه.
- القلم بيقدم خيارات متعددة زي إنك تقدر تاخد Screen On حتى لو بشكل عشوائي، وتقدر ترسم على الشاشة من خلاله، والجديد اللي بتقدمه كمان إن المستخدم وبمجرد ما يخرج القلم من الجراب يقدر يكتب على شاشة الموبايل هي مقفولة بلون أبيض لسهولة الرؤية.
- الموبايل بيستشعر قرب القلم منه وتقدر تتعامل مع الموبايل عن طريق تقريب القلم من الشاشة وتتحكم من خلاله بالموبايل بشكل سهل.
- زراير التنقل (الموجودة بره شاشة الموبايل) تقدر تتحكم فيها من خلال القلم.
- تقدر عن طريق القلم تضيف أي اختصارات لقائمة وظائف القلم المختلفة وتبقى تحت إيدك دايمًا.
الكاميرا
المزايا
- كاميرا الموبايل بقوة ١٣ ميجابكسل بفلاش مزدوج.
- سيلفي الموبايل بقوة ٨ ميجابكسل بفلاش أحادي.
العيوب
- كفاءة كاميرا الموبايل الخلفية مش مميزة قوي، وفيه أكتر من موبايل منافس بيقدم صور بشكل أفضل.
تجربة المستخدم
- أداء الكاميرا في الإضاءة المرتفعة والعادية مميز، وبتقل جودة الصور في الإضاءة الضعيفة لكنها بتفضل مقبولة.
- سيلفي الموبايل بيقدم صور مناسبة حتى في الإضاءة الضعيفة بفضل وجود فلاش.
البطارية
المزايا
- بطارية الموبايل قوية بسعة ٤٥٠٠ مللي أمبير.
- البطارية بتدعم تقنية الشحن السريع.
العيوب
- ما تقدرش تغير بطارية الموبايل بنفسك.
تجربة المستخدم
- البطارية بتقدم أداء مميز يكفي معاك أكتر من يوم ونص من الاستعمال المتوسط والشاق.
- البطارية بتكفي معاك وضع Screen On أكتر من ٨ ساعات.
- البطارية بتتشحن شحنة كاملة في ساعتين تقريبًا ودي مدة كويسة مقارنة بسة البطارية.
شوف موبايل infinix Note 4 Pro من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.