كتب: أحمد نامق ويارا الحميلي

فاكرين Resident Evil اللعبة الجميلة اللي كانت بترعبنا كلنا؟ اللعبة دي رجعت! خلينا نبص على Resident Evil 7: Biohazard واحدة من أحسن إصدارات Resident Evil لحد النهارده.

اقرا بسرعة كده الخط الزمني لكل ألعاب Resident Evil، وبعدين استمتع بقراءة التقييم المميز لـ Resident Evil 7 واللي بتُعتبر أحدثهم. لو حابب أو تعرف حد حابب يطلبها ممكن تعمل ده عن طريق ياقوطة وهي هتوصل لحد بابك في أقل وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

نبدأ برحلة قصيرة في حارة الذكريات!

أنا اتربيت وكبرت وكان  البلاي ستيشن 1 صديقي الأساسي، وواحدة من الألعاب اللي استلفتها من أصحابي في الوقت ده كانت Resident Evil: Director’s Cut. اتعلقت بيها قوي لدرجة إني اشتريت Resident Evil 2 أول ما طلعت وبعدها على طول جبت Resident Evil 3: Nemesis.

أول ما إيدي لمست البلاي ستيشن 2، جبت لعبة Resident Evil 4، كانت مختلفة شوية واتصدمت شوية في إن اللعبة بقت لعبة ضرب نار أكتر من أي حاجة تانية، بس بعد ما لعبتها شوية، الموضوع ما بقاش مضايقني بصراحة عشان اتعودت عليها. وبعدين نزلت Resident Evil 5، وبعدها Resident Evil 6، واللي هي واحدة من ألعابي المفضلة في العموم.

كنت بفكر زيي زي محبي Resident Evil، إذا كنا عمرنا هنحس تاني بالجانب المرعب من اللعبة ولا خلاص كده؟

إيه هي Resident Evil؟

تمام، طيب أنا عارف إن كتير منكم أصغر مني بس أكيد إنتم عارفين برضه Resident Evil، اللي هي واحدة من أشهر لعب البقاء المرعبة اللي قلبت الدنيا هي و Silent Hill.

اللعبة دخلت وطلعت من إطار الرعب لأكتر من إصدار، وكانت بتنصف إنها لعبة بقاء غريبة، ولعبة شخص واحد مطلق للنار وبعدين تلات أشخاص ورجعت لشخص واحد (من غير موضوع ضرب النار ده).

واضح إن المطورين سمعوا من محبي اللعبة وسمعوا ردود أفعال كتيرة، وعملوا شغلهم كويس في حتة إن اللعبة تبقى لعبة رعب، من الفرق الكبير ممكن تعرف إن الإصدار ده بدأ بعد الإصدار اللي ما كانش ليه شعبية قوي اللي هو Resident Evil 6.

العنوان لوحده ساعد في إنه يبدأ خط الرعب في الألعاب، والشعور بالوحدة والخوف، والحاجة للشفاء بس في نفس الوقت عدم الرغبة في تضييع الأعشاب لاحتمالية إنك تحتاجها بعد كده، دي كل الحاجات اللي كانت في Resident Evil، وآديها رجعت تاني.

إيه الجديد؟

أول حاجة هتلاحظها هو عرض الشخص الأول للعبة، واللي بيفكرني أو بيفكر كتير غيري بالنسخة التجريبية اللي طلعت قبل ما PS4 يتشال، النوع ده من المناظر بيديك رعب بطريقة أكتر كفاءة وبيأهلك للمشاكل أحسن، بص مثلاً على Outlast المناظر بس بتخليها مرعبة أكتر.

تاني حاجة هتلاحظها إن اللعبة مش عبارة عن مجموعة من العائدين من الموت بيتتخانقوا ويصطادوا الرصاص في جماجمهم، الأعداء المرة دي أقوى، وأسرع وعندهم شخصيات وجود شخصية للأشرار دايمًا بتعتبر ميزة كويسة، وبصراحة، دي واحدة من أهم النقاط الرئيسية اللي هتكلم عليها بعد كده.

تالت حاجة هي مش لعبة قتال خالص، هي لعبة رعب وبقاء، وفيها ألغاز وحاجات تانية كتير مش مجرد جري ومسدسات واللي بتعتبر ميزة كبيرة.

اللعبة دي مختلفة برضه، عشان هي عبارة عن إزاي أقدر أهرب من المكان البشع ده، الشاب اللي بتلعب بيه بيحاول ينقذ مراته، بس لازم يعمل ده بسرعة كبيرة جدًا في اللعبة.

أنا ذكرت قبل كدة إن الشخصيات مثيرة للإهتمام جدًا، وده صحيح: خصوم اللعبة فريدين من نوعهم، كل واحد منهم بيخدم دور محدد في اللعبة عشان يديك إحساس معين، بتبدأ تبني في سيناريو أول ما تشوف أي واحد منهم.

ليه Resident Evil 7: Biohazard؟

اللعبة بتعمل حاجات كتير من الحاجات اللي بنحتاجها في ألعاب الرعب والبقاء على قيد الحياة اليومين دول، وبتعمل الحاجات دي بشكل كويس.

الشخصيات اللي أنا ذكرتها مرتين واتكلمت على قد إيه هما مصممين بشكل يناسب اللعبة، الشخصيات دي تعتبر عامل أساسي بالنسبة لي. الأب جاك، هو قاتل من نوعية أنا هقتلك دلوقتي في وشك.

الإبن لوكاس، على العكس بيحطلك أفخاخ ومناشير في كل حتة من غير ما تاخد بالك وهيخليك تبص في كل أوضة كذا مرة قبل ما تدخل أو قبل ما تفتح أي دولاب.  الأم مارجريت، بتقوم بدور المحفز في اللعبة دي، إنت محتاج تتسلل وماتروحلهاش مباشرةً يا ممكن تموت.

الشخصيات دي عندها من الأفكار اللي يخليها تحطك في موقف ضغط فظيع كل مرة تشوف حد فيهم.

شرايط الVhs اللي انت بتجمعها طريقة مثالية للتعامل مع العرض، كل شريط هتلاقيه هيوريك فلاش باك من حياة كل شخصية في اللعبة، وده بيخلي القصة مفهومة أكتر. اللعبة دي فيها تفضيل للبيئة والموسيقى عن الأكشن، مع إن فيها حتت أكشن موزعة في كل جزء.

بالرغم من إن مجموعة الأسلحة المتاحة ليك كبيرة، مش بتحس إنك عندك قوة زيادة عن اللزوم، دايمًا بتحس إنك في ورطة!

لما اللعبة بتتلعب بنظام الVR بتكون حلوة جدًا، لو عايز جربها بنفسك أو ادخل أونلاين وشوف الناس وهي بتلعب، واتفرج عليهم وهم بيطنتطوا و بيصرخوا. اللعبة كويسة جدًا في الVR، بس برضه كويسة وممكن تتلعب من غيره.

الجرافيكس كويس جدًا، اللعبة شكلها ضلمة، ومخيفة، ووحيدة، جو مثالي جدًا للألعاب اللي زي دي.

تمام كل حاجة شكلها كويس، فين بقى المشكلة؟

أنا شايف إن اللعبة عظيمة، ولكنها مش مثالية.

حاجة لاحظتها إن الأعداء العاديين شكلهم طبيعي جدًا بالنسبة لكل اللي شفته في ألعاب الرعب.

المعاركين الزعماء بالنسبة لي وسط، في واحد منهم كان كويس جدًا، ومرعب ومثالي وواحد تاني كان أي كلام، أنا جبت سلاح قبل ما أشوفه على طول، واللعبة قالتلي: دي الطريقة اللي مفروض تهجم بيها على فكرة، وده خلى سهل جدًا إني أتعامل مع الزعيم ده.

وبنهاية اللعبة، بعض الرحلات اللي عملتها عشان أجيب حاجات أحل بيها الألغاز (اللي هي مش صعبة خالص بصراحة) كانت مملة، وفي آخر اللعبة زهقت شوية.

مفيش نظام أكتر من لاعب، على عكس Resident Evil 5  وResident Evil 6، بس بصراحة دي مش حاجة وحشة قوي.

دي أول مرة ألعب Resident Evil، أعمل إيه؟

• إوعى وشك، اللعبة هترعبك جدًا وهتحس بالضغظ طول الوقت.
• إهدا وفكر في الألغاز ووصف الأشياء، اللعبة بتكافئ مهارات المراقبة، وبتحتاج إلى درجة معينة من ردود الفعل.
• حاول ما تحرقش اللعبة بإنك تتفرج على فيديو أو تقرا دليل ليها، اللعبة دي مبنية على إنها تخوفك، لو إنت عارف إنهم جايين مش هتبقى فعالة بالنسبة لك.
• اللعبة دي متسامحة جدًا في موضوع الموت، ممكن تعيش تاني عن طريق معظم أدوات الشفاء، فماتترددش إنك تجرب.

أقل متطلبات لResident Evil 7

المتطلبات الموصى بها لResident Evil 7

شوف Resident Evil 7: Biohazard من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا فى تعليق أو من خلال صفحة Yaoota.com على فيسبوك.